من مطباته التي مر بها في حياته ، يحكي المخرج المميز (شكر الله خلف الهي )هذا الموقف. كنا في المكتب أنا والأستاذ بدر الدين حسني والأستاذ صالح مطر..وجاء ضيف سال عن بدر الدين حسني قالوا ليهو تلقاهو في المكتب داك وفي المكتب لقانا قاعدين سلم علينا واتجه نحوي انأ وبقي يتكلم معاي في موضوع أتكلم وأتكلم (بدر الدين ) طلع من المكتب وهو بتكلم و أنا اسمع وصالح مطر يعاين ..ساعة في الحالة دي والموضوع البيتكلم فيهو عندو علاقة بأم درمان .. وفي نهاية كلامو قال لي تعرف يا أستاذ( بدر الدين ) وطبعا بالنسبة( للحجم ) ما في أي مقارنة بيني وبين صديقي الجميل (بدر الدين حسني ) والراجل حسب اسمي الكبير ده افتكر (بدر الدين شكر الله خلف الله وانأ بدر الدين ) فقلت ليهو (ياخ انأ ما بدر الدين انا شكر الله ) قال لي (الطلع قبيل داك بدر الدين ) قلت ليهو : (نعم) ..قال لي: دا ما بدر الدين دا( بدر الدينات) .. فلقي نفسو أتكلم معاي في موضوع ما عندي بيهو علاقة ضحك كده . .وقال لي : (ام درمان دي كبيرة بتشيلك انت وبدر الدين) يعني زول بسمع ليهو في حاجة يكون مفروض يسمعها زول غيرو.. وفي النهاية بقينا نضحك يعني نعمل شنو...
