الدكتور عمر الفاتح عمر مهدي خريج من كلية الطب من احدى الجامعات المرموقة قام بالتخرج باغنية ، وقام بالرقص بصورة شدت انتباه كل من شاهد الفيديو بلغ عدد المشاهدات لهذا الفيديو على اليوتيوب 470,026 كما بلغ عدد التعليقات لهذا الفيديو 571 تعليق وبلغ الاعجاب بهذا الفيديو 500 وعدم الاعجاب 104 انقسم المعلقين لهذا الفيديو الى مؤيدين و معارضين فكانت ابرز تعليقات المؤيدين: - والله حاجه لذيذه وي شباب عليكم الله م تتفاصحوا ساي انتو م شفتوا الطب ده حااار كيف. - الف الف مبروك ليهو والله ومن حقو يفرح بي اي طريقه يشوفها مناسبه معاهو لأنو كل انسان فينا يختار اللي بعجبو. - والله مبسوووطة منك وأي زووول ما قرا طب وما عرف الناس بتعاني فيهو كييف ما يعلق هو اي زوول بدخل طب ولا أي زووول ببقى طبيب ؟؟!! الحاقدين البعلقو دييل كلهم إكونو درسو فنون ولا درسو دراما خلونا علييك الله ما يااها الاغااني البتشتغل في الحفلات العاادي حقت الحنة والاعراااس. - ظريف والله والموضوع ايزي جدا. - انا الحركه عجبتني شكلي حسويها ههههههههههه وكانت ابرز تعليقات المعارضين : - دا حال التعليم فى السودان وبعدين ديل الدكاتره البعالجونا وماعايزين نظلم ناس كتار لكن الاخ بعكس حال التعليم المايل ومش التعليم فقط لكن بعكس حال الدوله عامه وما وصل له حا السودان وبعد كدا عادى ينسي لينا موبايل فى بطن زول يااااااااااااخ خلونا بالله بلاااااااااااااا دكتور بلااااا كلام فاااااااااااارغ. - معليش الطب حااااااااار واي حاجة لكن ما ترقص كدا قدام ابوك و امك والدكاترة بتاعينكم. - لو قرايه الطب حااره وبرقص كدا ... طيب الطيب عبد الله المفروض يرقص هيب هووب. - يا دكتور ياخ خرشتها عديييل كدا شنو تيييت واغاني الزنق دي اللحظه دي لحظه جميله بعد ما تحمد ربنا انو حلاك بالسلامه واتخرجتا بعد كدا شوف الزنق والكلام الفاضي دا عموما الف مبروك ويا ريت المره الجايه تخت حاجه تليق بالطب وبالسودان احسن من الاغاني الهابطه وشكرا. - والله انت لو ولدى اكتلك قال خريج قال العلم ادب واخلاق قبل اى شيئ تاني ياهابط لكن يا حليل التربية اللى الرجال بقو يتفنسو فيها. إضغط على الصورة لمشاهدة الحجم الكامل لمشاهدة الفيديو إضغط هنا
