معروف عن " عابدين درمة " أشهر حفاري القبور بالسودان سرعة البديهة والنكتة والمرح رغم دفنه للموتى صباحاً ومساء ، وعلى صفحته بموقع التواصل الإجتماعي طرح " درمة " عدد خمسة قبور للبيع وصفها بأنها " ناصيّة " ومميزة قائلاً : يا اخوانا عندنا خمسة قبور مميزه ناصية جنب محطة الكهرباء يعني نور علي نور عاوزين نعمل ليهم مزاد خير والقروش البتجي منها ندعم بيها المقابر يعني نحفر بيها قبور ونجهز بيها الطوب . المطلوب منكم تحددو لينا سعر القبر بالدولار يطلع كم . تقدم المقترحات في ظرف مغلق بالشمع الأحمر بأستراحة مقابر أحمد شرفي امدرمان شارع الوادي. الوسطاء يمتنعون. وتنوعت التعليقات مابين طريفة وساخرة و منتقدة للعرض فقال أحدهم " أهم حاجة تكون مجربة يا حاج درمة " بينما تساءل آخر " يادرمة ماعندك واحد للبيع بجوار نميري لانو زواره كتار " . وقد بدأ "عابدين خضر محمود"، الملقب ب(عابدين درمة)، هذا العمل منذ العام 1981م وحتى يومنا هذا، فهو يقوم ليلاً ونهاراً بستر الأموات دون كلل أو ملل ، ومن طرائفه مع الرئيس البشير يحكي قائلاً : قلت له عندما كنا ننتظر جثمان "فتحي شيلا": (يا ريس الموت الأيام دي بقى كتير، بقينا ندفن (40) جثماناً). فرد عليّ الرئيس: (البلد ذاتها عدد سكانها كتر وبقوا ثمانية ملايين نسمة في العاصمة، ونحن زمان في أم درمان كنا نشيل الجثمان من ود درو لحدي مقابر البكري من دون تعب، ولمن أجيك للدفن نزلوني نور على نور). ورديت عليه: (إن شاء الله، نحن ما عندنا زول جانا رجعناه).