سودارس : تفليسة

والي الخرطوم يدشن أعمال إعادة تأهيل مقار واجهزة الإدارة العامة للدفاع المدني الإسبان يستعينون ب"الأقزام السبعة" للانتقام من يامال مصطفى بركات: 3 ساعات على تيك توك تعادل مرتب أستاذ جامعي في 6 سنوات تكية الفاشر تواصل تقديم خدماتها الإنسانية للنازحين بمراكز الايواء مصالح الشعب السوداني.. يا لشقاء المصطلحات! تايسون يصنف أعظم 5 ملاكمين في التاريخ السودان.."الشبكة المتخصّصة" في قبضة السلطات مقتل 68 مهاجرا أفريقيا وفقدان العشرات إثر غرق قارب ريال مدريد لفينيسيوس: سنتخلى عنك مثل راموس.. والبرازيلي يرضخ نقل طلاب الشهادة السودانية إلى ولاية الجزيرة يثير استنكار الأهالي مسؤول سوداني يردّ على"شائعة" بشأن اتّفاقية سعودية السودان..إحباط محاولة خطيرة والقبض على 3 متهمين توّترات في إثيوبيا..ماذا يحدث؟ اللواء الركن (م(أسامة محمد أحمد عبد السلام يكتب: موته وحياته سواء فلا تنشغلوا (بالتوافه) دبابيس ودالشريف منتخبنا المدرسي في مواجهة نظيره اليوغندي من أجل البرونزية بعثة منتخبنا تشيد بالأشقاء الجزائرين دقلو أبو بريص هل محمد خير جدل التعين واحقاد الطامعين!! اتحاد جدة يحسم قضية التعاقد مع فينيسيوس حملة في السودان على تجار العملة إعلان خارطة الموسم الرياضي في السودان غنوا للصحافة… وانصتوا لندائها توضيح من نادي المريخ حرام شرعًا.. حملة ضد جبّادات الكهرباء في كسلا تحديث جديد من أبل لهواتف iPhone يتضمن 29 إصلاحاً أمنياً شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم الخرطوم تحت رحمة السلاح.. فوضى أمنية تهدد حياة المدنيين المصرف المركزي في الإمارات يلغي ترخيص "النهدي للصرافة" "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي أنقذ المئات.. تفاصيل "الوفاة البطولية" لضحية حفل محمد رمضان لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تفليسة

محمد عبد المجيد أمين نشر في الراكوبة يوم 15 - 09 - 2010

بسم الله الرحمن الرحيم
تفليسة
( نص مسرحي للقراءة فقط)
محمد عبد المجيد أمين
[email protected]
المشهد الأول:
الزمان : علي حسب ساعتك
المكان : مكتب رئيس مجلس الادارة
الشخصيات : رئيس مجلس الإدارة، النائب الأول ، النائب الثاني، وآخرين
( يفتح الستار علي قاعة مكتب فخمة يبدو أنها لرئيس مجلس الإدارة .علي جانبي المكتب نري مقعدين وثيرين لنائبي الرئيس وطاولة اجتماعات طويلة للغاية ملتصقة بمكتب الرئيس وتمتد حتى وسط الخشبة علي جانبيها مقاعد أعضاء مجلس الإدارة . فوق رأس المكتب الفخم نري لافتة كبيرة كتب عليها بحروف عربية منمقة تحتها ترجمة باللغة الإنجليزية: الشركة العربية الأفريقية لما وراء البحار . رئيس مجلس الإدارة جالسا ملقي بظهره علي مقعده الوثير وهو يبحلق في السقف ، نائبه الأول يلعب بقبعته ويلفها كالصحن ، النائب الثاني يعطي ظهره للرئيس ويلعب بمسبحة صغيرة ).
الرئيس : (لنفسه بصوت عال) يا تري حال الأسد يبقي كيف لمن يشعر أنو متورط... أكيد الفيران حتضحك عليهو ويلعبو معاهو \" توم وجيري\"!!.
النائب الثاني : ( بعصبية للرئيس دون أن يدير ظهره ) ياريس ... ما قلت ليك م الأول... نبيع قبال \" الهوجة\" ونكسح بره وانت اللي ركبت راسك وعملت فيها أسد.
النائب الأول : ( وهو يلعب بقبعته ) هيه يا مجلس الادارة...نحنا اتفقنا م الأول .... والاتفاق اتفاق .... أدوني قروشي وقطعة أرضي وطلعوني بره الشركة السجمانة دي.
الرئيس : ( بعصبية للنائب الأول) يازول قروشك حنديها ليك... وأرضك ذاتا ما ديرنها... وبعدين!!...كده تعال.. ميعاد فض الشراكة لسه ما جا... هسع انت داير شنو؟
النائب الأول : (للرئيس ) ....باقي البنود العقد!
النائب الثاني: مالها؟
النائب الأول: لازم تتنفذ....
الرئيس : بنفذها ليك.... كده روق
النائب الأول : ( ينهض بعصبية) من خمسين سنة وانتو قاعدين تقولو :روق...روق
....وهسع لينا أكتر من خمسة سنة وانتو قاعدين تقولو: روق...روق...حنخلي الشغل جذاب ( يغير لغته)...Time is over
الرئيس : (بعصبية)اوفر...أوفر
النائب الثاني :(للنائب الأول) قروشك وأرضك حتشيلها علي داير الملين ... وكمان معاهم \"قطة\" علي راسك وبعدين... نحنا ذاتنا الغلطانين من الأول أنو دخلناك معانا.... ود عمك كان زولا ضكران جد...
( يتحسر) آيه... دنيا فانيا
النائب الأول:( للنائب الثاني)...( يضع اصبعه في رأسه متذاكيا)... شفت ... من قبيل ونحنا عارفين أنو أنتو ناس خرخارين... عشان كدي ود عمي أصر لمن كتبنا عقد الشراكة أنو الشهود يكونو\" خواجات\" ...وأنو نحنا اللي نقرر :نفرتك واللا ما نفرتك.
( بعد قليل للرئيس ) ...شكلك كده داير تلعب بي \" ضنبك\"؟!
الرئيس : ( ينهض محتجا ويدق الطاولة) يا زول هوي.... انت نسيت بتكلم منو؟
النائب الثاني :(يفض النقاش متدخلا) لا \" ضنبو\" لا \" ضنبك\" الحكاية مرتبة .... ودايرة وقت ... قربنا
النائب الأول : ( لنفسه بصوت عال) حركات بتاع جل...
الرئيس : ( يقاطعه بعصبية) يا زول.... كان ما داير تواصل معانا الشراكة نديك حقك ع ال..
النائب الثاني : ( مقاطعا) ما نحنا برضو لسه شركة واحدة وقاعدين نلمع فيها عشان تزدهر وتكون جذابة وفعالة.
النائب الأول : ( يضحك ساخرا) ... جذابة.... very attractive
النائب الثاني : ( بمكر).... وهسع نصيبكم ده حتوزعو لناسك والا لكل الناس؟
النائب الأول : ( بخبث) وهسع نصيبكم ده كان وزعتوه لناسكم والا لكل الناس؟
الرئيس : ( للنائب الأول ) أنت شايف شنو؟
النائب الأول : شايف أنو القوي باكل حق الضعيف
النائب الثاني : ( مستحسنا) تعجبني.... يبقي اتفقنا
النائب الأول : اتفقنا علي شنو؟
الرئيس : اتفقنا علي الا نتفق
النائب الأول : ( مساوما) لكين برضو ... شراكتنا ممكن تستمر
النائب الثاني : ( بلهفة) كيفن ؟
النائب الأول : لازم نغير قواعد اللعبة
الرئيس : ( بلهفة) نعمل شنو يعني ؟
النائب الأول : تخلو تجارة السبح
الرئيس : ( بعصبية ) الكلام ده ما بنفع .... السبح هي المعيشانا!!.
النائب الثاني : تجارة السبح ما بنخليها تب
( محمول النائب الأول يرن ، يفتح الخط ويرد بينما الرئيس والنائب الثاني يتابعانه باهتمام)......
....Hello Mr. Sam... how are you today? fine...every thing is under control ... okay ..okay, see you ..goodbye
( النائب الأول ينهي المكالمة وقد بدا عليه الظفر بينما يرمقه الآخران بقلق )
الرئيس : ( بعصبية للنائب الأول )يعني حيعمل شنو يعني... كان جاب ديجانقو حتي ؟
النائب الثاني : ( للرئيس) الزول ده كان فرتك جد حيخش في شراكة مع ديجانقو ... وساعتها ... واطتنا أصبحت.
الرئيس : (يتهاوي علي مقعده متحسرا) الله يجازي الشيخ أستاذنا...اللي خلانا نتاجر في السبح.
النائب الثاني :(للرئيس) مقلبنا وراح يسوق في السلع الغربية.... لكين ياريس ....أنا براي فكرت في مشروع حيكسبنا دهب...ويرجع لينا الزباين ويمشي سوقنا من جديد
الرئيس : ( بغير اكتراث) يعني شنو يعني؟
النائب الثاني : نتاجر برضو في السبح...
الرئيس : ( ينتفض من مقعده) تاني حيقول لي سبح
النائب الثاني : ( مواصلا)...لكين... نعمل نصها لالوب ونصها سكسك...( للنائب الأول) ..والا رأيك شنو ياجنابو؟
النائب الأول : (للاثنين) والله تتاجرو في السبح ... تبيعو طرح ... ده ما شغلي.... خلوني في شغل البرانيط ( يتوعد)... كان ما لبست أهلي كلهم برانيط.... ( بزهق ) بس خلصوني من الشبكة دي
الرئيس : ( مفكرا للنائب الثاني) ... لكين .... الناس ما حيلاحظو يافهمو! ... سبح نصها سكسك ونصها التاني لالوب؟!
النائب الأول : ( للرئيس) الناس ديل ما طير ساكت ...كان ظبطنا ليهم برنامج مع خطة تسويق كاربة بمشو معانا....وكان لاحظو...ممكن نقول ليهم...( يفكر)... نقول ليهم.... أنو دي سبح \" وسطية\" آخر موضة... المهم نبيع ... ونبيع ونلقط في القروش وما نمرق م السوق تب.
الرئيس : ( للنائب الثاني ) والله شورتك دي اللي جابتنا ورا ( ينظر اليه بشك) ... وتراك داير تعمل فيها شيخ تجار... ( يتوعده) .... وقاعد تلملم في أهلك بجاي وبجاي... وتعينهم مندوبين ومدراء تسويق في المواقع الحساسة....أوعك تكون...
النائب الثاني : ( مقاطعا) حرم ياريس .... ما انت الريس برضو
الرئيس : ( مواصلا) أهه.... والسبح دي ممكن تتباع بالسهولة دي؟!... الناس ديل ما تشفهم كدي... ديل سهتانين وأكبر مستهبلين ...عارفين أي حاجة... وبمشوها بمزاجهم!
النائب الثاني : ما نحنا لما نقول ليهم أنو السبح دي بتعبر عن الوسطية هيفهمو طوالي
الرئيس: وكان ما فهمو؟
النائب الثاني : ( بحماس) طوالي نستعمل الطريقة \"ب\"
الرئيس : ( ينتفض غاضبا).... تاني الطريقة \" ب\".... عليك الله خلينا من أفكارك اللي تودي ورا الشمس دي...أنت نسيت واللا شنو؟ دي ما فتحت علينا أبواب جهنم الحمرا. وليوم الليلة ما قادرين نسدها.
النائب الثاني : ( ببرود).... خلاص ....نشتريهم
الرئيس : ( بامتعاض) تاني .... نشتري..... ما كفانا الخوازيق اللي اشتريناهم. عملو لينا شنو؟..... خلو شغل التسويق وراحو يشتغلو لحسابهم لمن غطسو حجرنا.... وياريت بعرفو الشغل...وقال شنو.. آخر المتنة..... يرفعو العكاكيز علي بعض.
النائب الثاني : ( للرئيس) الكلام مش في المناديب ياريس.... الكلام في مدراء التسويق ديل( يشير الي صف الكراسي الخاوية حول طاولة الاجتماع)
الرئيس: ( ينتفض) يا لطيف .... أنتو الناس ديل ما لهم كتار كده ..جيبتوهم من وين وعزلتوهم كيفن.... ديل ضيعو سمعتنا ورجعونا ميت سنة لورا؟!
النائب الثاني : ما في زولا غريب.... كلهم أهلنا( مستدركا)..غيرنا بعض الوجوه ...قلنا أمكن تستعدل شوية.
النائب الأول : ( يضحك بخبث) ... ما تخاف ياريس .... ما نحنا برضو عندنا مناديبنا بره... لكين شنو ( يرفع أصبعه الكبير) شغالين....كده.
النائب الثاني : شغالين لمنو ... ما شغالين بره الشركة؟
الرئيس : ( للنائب الأول) ... واللا مندوب نيويورك..... ( يرفع يده داعيا)الله يفضحك زي ما فضحتنا.... ( للنائب الثاني).... الزول ده جيبتوه راجع؟.
النائب الثاني : رجعناه سعادتك
( بعد قليل يدخل من يمين الخشبة السكرتير ليعلن بدء اجتماع مجلس الإدارة . أعضاء مجلس الإدارة يعودون إلي مقاعدهم وقد بدا عليهم الزهق الواضح)
ستار
المشهد الثاني :
نفس المشهد الأول
مجلس الرئاسة يستعد للاجتماع بمدراء التسويق . محمول الرئيس يرن فينتحي جانبا ويرد علي المكالمة. بعد هنيهة يسمع رنين محمول النائب الأول فينتحي جانبا ويرد ، في اللحظة التالية يخرج النائب الثاني محموله ويطلب مكالمة. الثلاثة يشرعون في مكالمات مطولة تتغير فيها السحن وترتفع خلالها الأصوات وتنخفض. الثلاثة يواصلون مكالماتهم وهم يتقدمون نحو الستار الرئيس ويغلقونه بأنفسهم.
( يسمع صوت تعليق من الخارج )
التعليق : صار واضحا الآن أن هذا الاجتماع ربما سيستغرق بعض الوقت فكل طرف يعمل علي نيل أكبر قدر من المكاسب بعدما أصبح موضوع فض الشراكة أو استمرارها رهينة بيد أطراف خارجية أخري. ومهما كانت النتائج فمستقبل أربعين مليونا من الأغلبية المستهدفة يقفون حياري في انتظار مصيرهم المجهول. هل ستستمر الشركة العربية الأفريقية شركة موحدة ومزدهرة ... أم ستنفصل ؟ وهل ستسوق السبح الجديدة أم ستبقي علي القديمة. وهل تجارة السبح مجدية أصلا طالما أن الناس تعرف جيدا كيف تسبح بأصابعها؟
وكما أن النوايا داخل الاجتماع تختلف فإنها أكثر اختلافا خارجه..فمن المستهدفين من يريد الوحدة ومنهم من يريد الانفصال، ومنهم من تشابه عليه البقر، ومهما كان الاختيار، سيبقي المعيار الصحيح هو، هو، لا يتغير إلا بحسن أو سوء الاختيار. قال تعالي : \" مَن كَانَ يُرِيدُ حَرْثَ الْآخِرَةِ نَزِدْ لَهُ فِي حَرْثِهِ وَمَن كَانَ يُرِيدُ حَرْثَ الدُّنْيَا نُؤتِهِ مِنْهَا وَمَا لَهُ فِي الْآخِرَةِ مِن نَّصِيبٍ \"الشورى20.
آثر كاتب هذا النص أن يتوقف عند هذا الحد ويترك النهاية لعلم الغيب ، آملا أن تأتلف القلوب وتجتمع علي محبة الله بإتباع سنة رسوله صلي الله عليه وسلم ، فهذا هو المخرج والمنجي والمرتجي، سائلين المولي عز وجل أن يجعل وطننا هذا قويا وموحدا ومعافي.
الدمازين في : 15-09-2010 م.
محمد عبد المجيد أمين(عمر براق )
[email protected]

انقر هنا لقراءة الخبر من مصدره.