وا فجعتنا يا حميد د عبدالرحيم عبدالحليم محمد كاليفورنيا-مونترى [email protected] وافجعتنا يا حميد وافجعة روابينا ...وجناينا وكل البيد وافجعة جنى الوزين. .. وريحة الطين وجدى الصيد وافجعة ترابلتنا وقمحنا الكان قبيل ورّيد وافجعة قوسيبنا وطنابيرنا ومحاياتنا وسواقينا وغناوينا وتاريخنا القديم وتليد وافجعة مزاميرنا وهمها في زمن رعديد وافجعة بنياتنا ونوحن فوق بطل صنديد. وافجعة غناوي بلدنا فيك يا البلبل الغريد وافجعة خدار فجراوي كان تسقيهو ود وقصيد ويشرب من محايات الجدود الكانو فوق قلمك علوم وبنود. وافجعة بنيات نوري فيك يا العيد شالِن لوري أحزانن توالت في زمن تنكيد ودقن فوق خديداتن وشم تسويد وقال حى وقالن وى علي الداخرنو لى التسديد وكبن فوق رقيباتن رمال تسهيد بعد قام في قليباتن جريحن نى يا مقنع عشاهن يا دخر حوبة جبل بركلنا والتاريخ عليهو شهيد قال بركلنا: يا الكاسيني لا كرعى يا الخلدت تاريخي شان كونك تعرف البى وافجعة صدى التاريخ لو كان الزمن مضمون كان دام لىْ البركل يكب أحزانو في رمل التواريخ البلاك لا شى ويتنهد نخيل الحلّي يصبح تمرو دايما نى وبان حزن الجروف اللأ مرق عيش ريفا لا بتقدر تعيش في خوف يا دخرينا شوف النيل دميعات حزنو كبت رى يا شايل الغلابة غناوي تهزم ليل أسانا الكاوي للناس كى. كيفن تمشي يا الصنديد قبل يوم عيد بلدنا الصوبت مركب دروبا مع الكلام النى وكيف بعدك غلابة الناس يبتق فيها قرسيسيق الأمل والرى وكيف حبر القصيد ينساب بعد صبحت دروبو سراب كان مستني زولن غاب زول كتاب وزول حبوب وزول حباب خلاني ابكي مني ولىْ وخلا الدار يبابن صىْ. اختارك إله يعرف صفاك نعم الإله الحى وتتلقاكا حورن لا خطر لى زولن جمالن لا جلالن شافو زولن غير زويلن حى شوفن كيفن عيوناتن وكيف جايات يسوقنك عريسن جرتقنو الحور وساقنك بحور في بحور وسور لى سور وود غامر وقال نسى. - - - - - - - - - - - - - - - - - تم إضافة المرفق التالي : وافجعتنا يا حميد.doc