رداً ليهو بقول : أصلنا ناس كرم وأخلاق نضم بعضاً بحن وأشواق نكرم ضيفنا وإن كنا في إملاق أصلنا إن زرعنا نزرع شجر فياض نهواهو مي نسقي نرويهو لا نرمي نفتح جداول ليٍ يروي الجميع ألمي عسل يدفق فيَ نضاري من الحر من يدنو شان يأذي نهريهو حنظل مِر الزارعنا غير الله ما بنزرع وضيع الناس من كان لينا نحنا مداس ولا من يمشي وطأطي الراس يرجف من نقرة طبول ونحاس يفز لمن يشتد دوي الرصاص بل نزرع من يمقن فينا حب الأرضِ بي إخلاص يناضل عشان باكرنا يبقي خلاص "2" الزارعنا غير الله مابنزرع متنكرين حسبا ولا لمة لصوص كسبا أفعالهم نكرة وجميعهم فجرة "3" الزارعنا غير الله يعرف كل العالم إنا نزرع شجراً يلقي للأطفال ثمارا يمطر للضعفاء حجارا ترجم من يظلمهم جهرا نزرع زهراً يفوح للأيتام حنانا ينثر في الطرقات ورودٍ للفقراء ينشر في الأفاق سلاماً يطفي شعلة حرب دامت حينا "4" الزارعنا غير الله الله الكريم يتبرا من أمثالك حبيبو الرسول ما قال متل أقوالك صحابتو الكرام يندهشو من أفعالك دعواتم تصلنا فال الله خير من فالك والله الكريم ما قال في فرع أو أصل أوعد باللسان وأخلف بالفعل أحلف باليمين ولا تصدق عمل بس أوصي الحبيب لا تخون الأمانة .. لا تخلف وعد رد الدين وسدو جاهر بالحقيقة لا ترضي الظلم لو قادر تردو وإن عاجز تحدو لا تجبن تحاول تلقي ودو الله الكريم بيَن كتير في ردو الباب البيجيب الريح لو ماقادر تسدو غور قبال يزيد في قدو "5" الزارعنا غير الله إنت الجابتك دبابة لما غفلنا في سهرة التقابة جيتنا ومعاك سفلة يا قاتل الرقبة بس إنتو يا كذبة يوم فجرنا يطل حنقلكم تتري ونختكم ذكري تكونوا للجايين عظة وعِبرة لا تبين لكم نَبِرة لا تستجدي بي عَبَرة يا حاكم المدينة وخيسا نفوسنا أبية ماها رخيسا من يسرق أرضنا يموت بي الله موتة فطيسا والبهدر حقوقنا نسوي هريسا والجانا بي جهالتو نعصرو مريسا "2" ياحاكم المدينة الجانا عارفنك تدور الهينة والوسخانا تهرب من ملاقاتنا زي بقر سلخانا وعداً تكون في يوم نزيل زنزانا تشرب من نقاط معاناتنا وعداً حملنا أمانا "3" يا رئيس الجماعة التيس طالباك العدالة كويس حالفين باليمين نسوقك ليها رخيس يا تيس الجماعة أبو عيناً طايرة "1" حنقيد يديك مع وزير دفاعك أب ريالة سايلة الطباز دوام ركاب سروج المايلة يرقد من صباحو تكنو قال القايلة خلي الديش مشلهت زي الكلاب العايرة وقت الهجمة يلهث يفتش طايرة أرجي في يوم نجيك لمن تدور الدايرة تهرب من أمامنا تسبق تسارع الطايرة نلفاك من أمامك وأحكامنا جد ما جايرة [email protected]