مع السلامه كامل عبدالماجد مع السلامه لا شكيه ولاملامه الا في الاخر ندامه للجنوب باكر ندامه وللشمال باكر ندامه الا قالوا الباقي باقي ورغبه يجبرنا احترامه ما المصايب فينا تتري وكلو يوم يكتر زحامه كلما نصرف مصيبه واحدة تانيه يقيد ضرامه والمحن سوتنا مأوي وفي البلد نصبت خيامه الوفود في بلدنا تتري ساعيه قالت لي سلامه وهل سلامه خلاص تحقق في انشطاره وانقسامه ولا اطماع سافره واضحه باينه الا لمن تعامي كانت الاشجار بتزحف ومانا زرقاء اليمامه كنا في غفله وبنحلم في وطن واحد موحد نبقي لي يوم القيامه خلو بيناتنا المحنه والمحبه المستدامه وخلو بيناتنا النسايم الهابه والنيل والغمامه والطيور الما بتعرف ليها خرطه ولا في ايده كروت اقامة والفراشات في رحيله والقبايل في انسجامه كفوا عننا احترابكم وخلوا بيناتنا السلامه نبني دولتكم معاكم ونسعي دوماً لي تمامه الحدود ماتبقي فتنه تمنع الناس من وئامه مع السلامه مع السلامه [email protected]