قاعد مطرف حالتك تقرف لا مجنون لا مخرف وضعك ما مشرف الثوره بترفرف وأنسامها بتكرف قوم يلا خفف للظلم جفف ما تنسى الأمانه ----------------- الوطن البلمك كيف ما بهمك فيهو أبوك وأمك قوم على همك فى الناس التزمك لو قبراً بيضمك ما تقبل مهانه -------------- عامل شريف قاعد فى الرصيف منك يا لطيف ما داير تقيف لا عيش لا رغيف والنهب النضيف الليهو بتضيف بالعجز المخيف والزول الحريف مابرضى الأعانه بيخوض السخانه الطلقه والجبخانه و بلدو يعلى شانه يعيش ويموت عشانه [email protected]