فجريات وقود الثورة الفكر ... وأعواد المشانق تمر علينا الْيَوْمَ الذكرى الثانية والثلاثين لإستشهاد الاستاذ محمود محمد طه. وإحتفاءا بهذه المناسبة أهدي هذه الخواطر الى روحه الطاهرة وكذلك الى تلاميذه النجباء المنتشرين فى مختلف بقاع الأرض جراء السياسات الظالمة والجائرة لنظام الاخوان المسلمين الذين قال فى حقهم شهيد الفكر، " من الأفضل للشعب السوداني أن يمر بتجربة حكم جماعة الهوس الديني. وسوف تكون تجربة مفيدة للغاية. إذ أنها بلا شك ستبين لأبناء هذا الشعب مدى زيف شعارات هذه الجماعة. وسوف تسيطر هذه الجماعة على السودان سياسيا واقتصاديا حتى ولو بالوسائل العسكرية. وسوف يذيقون الشعب الأمرين. وسوف يدخلون البلاد فى فتنة تحيل نهارها الى ليل. وسوف تنتهي فيما بينهم. " وقد صدقت فى حقهم جميع نبوءات شهيد الفكر ولازلنا فى انتظار ان تتحقق نبوءته الأخيرة فى أن،" يقتلعون من أرض السودان إقتلاعا." والتى لا أشك لحظة واحدة فى أنها حتما ستتحقق كسابقاتها، وقريبا بإذن الله تعالى. ابراهيم الكرسني الفكر... وأعواد المشانق!؟ وقف مبتسم!! كيف راضي بالسواهو كان شايف الهوس الجايي ما شفناهو وكان عايش العذاب الدابنا عايشناهو محمود التقي... كان عالمو عايشو براهو الآن فى رحاب.... الكل بيتمناهو!؟ ....... فارسنا الهميم عايش القنوت جواهو وحافظ للكتاب ما زحا من تالاهو بيقول الدرر... ما قل وندر .... تلقى الخلق فاهماهو ويكشف للغمم... درب اليقين سواهو قلة أذكياء... والله بس تابعاهو!!؟؟ ...... كل ما جاهو زول قام بالعلم رباهو ودرب السالكين بى نورو قام ضواهو وكل زولن نجيض فى دربو يمشي براهو وياخد للعلم.... من ربو ما فى سواهو!! ...... فارسنا الهميم لما الدرب لاقاهو ده الدرب الصعب الناس دوام خاتاهو يمشيهو الزويل لى ربو قاصد جاهو فى التلت الأخير قايم صلاتو براهو!؟ .... ما بعرف الكضب كره النفاق ونهاهو ما طبع البشر.... أصلو النفاق كارهاهو وحذر للخلق.... دين النفاق تختاهو بيجيب الفتن... ويقسم البلاد ... ويغرس للفساد ... جوا القلوب تلقاهو وأب نفسن ضعيفة أداهو حتى جناهو!! ..... يومو الإبتسم... وكتين رفعتو غتاهو زلزل للمشانق... حتى الثبات هزاهو رافع راسو فوق... من اليقين مو براهو زولن ما بيلين... والله عاد حاشاهو ورانا الفرق...،، بين الفحل وأشباهو!!؟؟ ...... ابراهيم الكرسني فجر الأربعاء الثامن عشر من يناير 2017 م الذكرى 32 لشهيد الفكر. [email protected]