فساد ومجاملات وتطاول تصل لحد قلة الأدب في أوساط العمل العام السوداني بمصر - ميزان العمل العام مايل - يا ناس .يالمسؤلين ارحمونا يرحمكم الله . - ياسفيرنا البلدوزر ....خليك دايما مع الحق ولاتجامل شخص على حساب شخص - ياسفيرنا الهمام الشجاع ...الإنصاف والعدل ثم الإنصاف والعدل - الشوشره بدأ ت في أوساط العمل العام في مصر وسببها لسانين تلاتة طوال محتاجين قص . - المرأة السودانية هنا ...أرجوك ماتلفحي توبك وتتصدري الهيافات .وماتكتسبي حقوق ماحقتك بطرق ملتوية . - يا بشر ايه الفائدة من الكيان المنظمات المجتمع المدنية .والمجلس الأعلى للجالية الا التناحر والتشتت والكسب الفردي والوجاهة والمطحون هو انسان الجالية - ياخوانا الظلم زاد .والعفن زاد .والحكاية ماشه وآخرتها تناحر عشان تتعينو في لجان تخدم حجاج بيت الله شوفو يالمسؤلين في السودان عن الحج - المسؤولين هنا فشلو في إدارة الأزمة وشكلها ماشي لي قدام - عشان كدا ياريت تتدخلو وتحلوها - ياتعينو ناس تشتغل بذمه وتبطلو تختارو الصوتهم عالي عشان تخرسوهم وهم لايصلحو اصلا ولاعندهم خبرة بس مجاملة مجاملة مجاملة مجاملة - ياتحلو أصلا حكاية الحج من مصر . بلا بهدلة معاكم اتقو الله .واعرفو ان العدل اساس الملك عمر محمد أحمد ابن الجالية السودانية بمصر