ذات البيئة الرديئة زي الكوش وشوارع الظلط ام حفر مليانة بي في موية المطر ...انشالله الفيفا ما ترجعها الا بعد سقوط الحكومة ...... #وسبب عجبي انه الكورة في السودان ياما المتني وبكتني ...بانصراف الناس ليها دونا عن القضايا والكوارث الأهم في البلد دي ....وبرداءتها وسوء إدارييها وصرفهم مليارات الدولارات على اللاعبين وفشلها وانحطاطها رغم ذلك .... #مرة راكبة في الحافلة أيام أحداث معسكر كلمة قبل سنوات ...وكنت في غاية الحزن والكآبة على الحاصل في دارفور سيد الحافلة مشغل قناة رياضية محتفلة بفوز واحدة من أندية القمة الهباب والمشجعين بتصلوا ووحدين ببكوا من الفرح ....وانا قعدت ابكي في الحافلة من الحزن على الحالة دي .... ومرة تانية قعدت ابكي لما شفت مظاهرات ناس الكورة واحد من المشجعين ببكي ومنهار أيام هيثم مصطفى حول من الهلال والمريخ ...الايام ديك الاوضاع في قمة الاحتقان والمظاهرات فشلت في إسقاط النظام لانه الشعب ما فاضي يعمل تغيير ...... ومرة راكبة أمجاد في شارع المطار كان عندنا وقفة في الشارع في لا لقهر النساء (وقفة حلة الملاح ) ... لقيت شارع المطار مقفول بجماهير المريخ قالوا اشتروا لاعب ولا مستقبلين لاعب ما عارفة وكان في زيادات في الأسعار وبرضو حالة احتقان شديد ... وقفت الأمجاد ونزلت كوركت فيهم وقلت ليهم مش احسن تطلعوا عشان زيادة البنزين والعيش بدل الفراغ والهيافة دي .... واحد من الشباب قال لي ياخالة انتي مجنونة .... هسا كده مافي زول بسألنا... لو عملناها مظاهرة طوالي بضربونا رصاص ... ويبدو أنها الحكمة التي اتبعها أهل الكورة ..... #انشاء الله يستثنوا فريق التحدي النسائي ...وهلال التبلدي والأمل عطبرة ...لانهم غيروا شوية في مفاهيم الكورة .... أمل هباني فيسبوك