وفدٌ سعودي رفيع المستوى يصل إلى بورتسودان ويلتقي بالبرهان لبحث تطورات الأوضاع في المنطقة ومناقشة الأزمة السودانية    كيف منع والد نيمار "النهاية المبكرة" لمسيرة ابنه؟    الكاميرون تتفوق على جنوب أفريقيا لتتأهل إلى ربع النهائي    ترامب: فنزويلا ستمنح الولايات المتحدة ما يصل إلى 50 مليون برميل من النفط    شرطة الخرطوم تعلن عن حملة أمنية ناجحة    والي الخرطوم يبحث مع الاتحاد العام السوداني لكرة القدم مطلوبات عودة النشاط الرياضي    وزير الشئون الدينية والأوقاف: ترتيبات لعقد مؤتمر للتعايش السلمي خلال الفترة المقبلة    رياض محرز: مباراة نيجيريا ستكون مفتوحة ونحن جاهزون    لجنة الانضباط برئاسة البحر توقف مسئول القطاع الرياضي ومدير الكرة بالصوفي القضارف    شاهد بالصورة والفيديو.. الفنانة فهيمة عبد الله ترفض أموال "النقطة" عبر تطبيق "بنكك" وتتمسك ب"الكاش"    شاهد.. حرب إسفيرية تشتعل بين رئيس تحرير صحيفة الدار وداليا الياس.. البلال ينشر صورة للشاعرة بدون "مكياج" ويقول: (بلغني من اعزاء أنها تحدثت عني بسوء) وداليا ترد عليه وتستنجد بشقيقه عاصم    شاهد.. مقطع فيديو يوثق معاناة لاعب الهلال السابق بعد تعرضه لإعتداء من أفراد مليشيا الدعم السريع سبب له "الشلل" والجمهور يناشد الإدارة واللاعبين للوقوف معه    استقالة تهزّ جامعة الخرطوم    8 بدائل ذكية لتقليل استخدام الملح.. دون التنازل عن النكهة    السودان..حصيلة صادمة بمرض شهير في ولايتين    وزير الصحة ووالي الشمالية يدشنان بدنقلا مشروعات صحية باكثر من خمسة مليون دولار    الغد المشرق    احذرها في الطقس البارد.. 4 أطعمة ومشروبات تضعف مقاومتك لنزلات البرد    الطاهر ساتي يكتب: أرقام صادمة ..!!    اتفاق بين الاتحاد الأفريقي وإثيوبيا والإمارات حول خطوة بشأن السودان    إلغاء تصاديق 10 مدارس في السودان    لاءات القائد البرهان الأربعة    الوعي الطبقي في أمريكا وسر محبة الأبجيقات للبليونير ترمب    بنك السودان يسمح بتمويل التشييد العقارى وشراء سيارات النقل    ما سبب تواجد "FBI" في مباراة الجزائر والكونغو الديمقراطية؟    حملة أمنية كبرى بشرق النيل تضبط منتحلي صفة القوات النظامية وتغلق 18 مكتباً غير قانوني    حملة أمنية كبرى بشرق النيل تضبط منتحلي صفة القوات النظامية وتغلق 18 مكتباً غير قانوني    المركزي يعلن إعادة تشغيل نظام المقاصة الإلكترونية    علماء يلتقطون الآثار الأوضح لكائنات فضائية.. ماذا شاهدوا؟    مواعيد مباريات اليوم الثلاثاء في كأس أمم أفريقيا والقنوات الناقلة    بنك السودان المركزي يقرّر بشأن سقف التحويل    تجار سوق الصاغة في كسلا يعلنون إضراباً شاملاً ويغلقون متاجرهم    التاريخ السري للتدخل الأمريكي في تغيير أنظمة الحكم حول العالم    مدير الإدارة العامة لمكافحة المخدرات يستقبل مأمورية الإسناد لجهود المكافحة بولايتي نهر النيل والشمالية    كيف نصنع وعيا في زمن الترند؟    ترامب يوجه "رسالة حادة" لإيران    رزان المغربي تخطف الأنظار في أحدث ظهور.. شاهد    سر نجاح إنقاص الوزن في العام الجديد    من 4 ألف.. استلام 400 محوّل كهرباء في الخرطوم    ترامب يعلنها: ضربنا فنزويلا واعتقلنا مادورو مع زوجته    عبده فايد يكتب: السعودية تقوم حاليًا بعملية تكسير عظام للإمارات في اليمن..لكن القصة أكبر بكثير جدًا من ذلك..    التحالف: نفذنا ضربة جوية استهدفت دعما عسكريا خارجيا بميناء المكلا    الفنّانُ الحق هو القادر على التعبيرِ عن ذاتِه بما لا يخرج عن حدود خالقه    السودان..مسيرات في الشمالية والسلطات تكشف تفاصيل المداهمة    الحقيقة.. كرة القدم تجرّنا جرّاً    الوطن بين احداثيات عركي (بخاف) و(اضحكي)    منى أبو زيد يكتب: جرائم الظل في السودان والسلاح الحاسم في المعركة    «صقر» يقود رجلين إلى المحكمة    شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة    كيف واجه القطاع المصرفي في السودان تحديات الحرب خلال 2025    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    شرطة ولاية نهر النيل تضبط كمية من المخدرات في عمليتين نوعيتين    إسحق أحمد فضل الله يكتب: (حديث نفس...)    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



السخرية تتواصل..تفاصيل أخطر اجتماع لعائلة مبارك بعد التنحي
العرب نشر في الراكوبة يوم 21 - 02 - 2011

بعد استيعاب صدمة الزلزال الذي حدث، دعا الرئيس المصري المخلوع -وفي قول آخر المتنحي وثالث المتخلي- حسني مبارك، كبار أفراد الأسرة إلى اجتماع عاجل في حديقة القصر المنيف الذي يتواجد فيه بمنتجع شرم الشيخ، وذلك لدراسة «الوضع الراهن والدقيق» للعائلة. وتحت أشعة الشمس الساطعة التي بثت دفئها في أوصال الجالسين، توسط مبارك الجلسة وعلى يمينه السيدة الأولى سابقا سوزان مبارك، وعلى يساره نجله جمال، وفي الأمام علاء.
نظر مبارك إلى مياه البحر الأحمر التي تحولت بفعل أشعة الشمس إلى حبات من اللؤلؤ، وقال: «ياه البحر النهارده حلو قوى، والهوا يرد الروح، مقعدتش في المنظر ده من يوم ما قابلت هنا نتنياهو.. الله يخرب بيته كان وشه وحش عليّا.. من ساعة المقابلة وحصل اللي حصل.. ثم استدار إلى الأسرة وبدأ النقاش..
مبارك في سخرية ومرارة: إزيك يا جمال.. إزيك يا جهبذ.. إزيك يا بتاع الفكر الجديد.. مبسوط دلوقت.. انت السبب في كل اللي حصل..
جمال مقاطعا: ما تزلعش نفسك يا بابا.. أنا كنت بس عاوز أخدم.. وبعدين قدّر ولطف..
مبارك ثائرا: قدّر ولطف!! كنت عاوز يحصل إيه أكتر من كده.. من يوم ما فكرت إنك تورث «الكرسي» والمصايب نزلت علينا.. أشوف فيك يوم..
سوزان تتدخل: بسّ بقى يا ريّس.. ما تزّعلش «جيمي».. مش كفاية يا حبيبي مش هيبقى رئيس.. هوّ يعني كان عارف إن ده كله هيحصل.. وبعدين الشعب هو اللي غلطان لأنه مش عارف يقدر مواهب «جيمي».. والله خسارة فيهم..
علاء: أهو دلعك فيه ده يا ماما هو اللي خسّره وخلاه مغرور.. وعشان كده الناس كرهته وكرهتنا معاه.. وبعدين مش حرام إنكم تميزوه عني في موضوع «التوريث»مع إن أنا الكبير..
جمال ينظر شزرا إلى علاء، وقبل أن يهم بالرد عليه تدخلت سوزان: خلاص يا «لولو».. ما تقولش على أخوك كده.. وبعدين مش انت اللي قلت أنا ما ليش في السياسة.. واتفقنا إن جمال هو اللي «يورث» السياسة والحكم.. وانت «تورث» البزنس والاقتصاد.. وأنا فوق الجميع.. قصدي مصر فوق الجميع..
علاء: ده صحيح.. لكن «جيمي» يا ماما طمع في كل حاجة.. سيطر على السلطة والبزنس وكل شيء في البلد.. ده حتى الكورة اتدخل فيها وكان بيحضر الماتشات عشان يكسب شعبية..
مبارك: وطيّّ صوتك انت وهوّ وهيّ.. انتو نسيتوا وجودي.. بمناسبة الكورة يا «لولو» إيه أخبار عصام الحضري.. عقوبته من «الفيفا» خلصت ولا لسه.. بصراحة الولد ده له فضل كبير علينا كلنا.. فاكرين يوم ما صد ضربة الجزاء من «دروجبا» في ماتش كوت ديفوار وخدنا كأس أفريقيا.. يومها كلنا كنا هناك في الإستاد وظهرنا في الصورة وسط الجماهير الفرحانة وكأننا أصحاب الانتصار.. وحتى سوزان مسكت علم مصر وشجعت المنتخب وده طبعا عمل وطني عظيم..
علاء متمتما في سره: يعني كنت عاوزها تمسك علم كوت ديفوار..
مبارك: لأ صحيح إيه أخبار الحضري.. وكمان أبوتريكة لأنه بفضل تعليماتي طبعا جاب إجوان كتير نفعتنا وتغفر له الحركة «النص كم» يوم ما كتب على ال «تي شيرت» شعار «تضامنا مع غزة»..
جمال: بصراحة يا بابا الحضري جدع.. هو كان في السودان وقت الأحداث لأنه زي ما سيادتك عارف مش لاقي نادي يلعب فيه بمصر فراح الخرطوم يلعب في «المريخ».. ولو كان في القاهرة أكيد كان خرج في مظاهرات تأييدك مع كل الشرفاء زى حسن شحاته وحسام وإبراهيم حسن وزينة وسماح أنور اللي طالبت بحرق المتظاهرين بجاز.. لكن أبوتريكة طلع من «القلة المندسة» وراح ميدان التحرير مع «عملاء إيران وقطر والجزيرة وحزب الله وحماس وتركيا» وساند اللي بيقولوا عليها ثورة..
مبارك: الولد ده طول عمري مش مستريحله وباين عليه من «الإخوان»..
علاء: بصراحة يا بابا جمال السبب في كل البلاوي دي هوّ وصاحبه الفاسد أحمد عز.. ده حتى يوم ما الناس اتعاطفت شوية معانا بعد خطاب الاستعطاف وإن سيادتك مش هترشح نفسك.. قام جمال وعزّ وكل أصحابهم وبوّظوا الدنيا يوم ما نظموا مظاهرات تأييدك ولموّا ناس ما بتعرفش تقرا ولا تكتب ورفعوا لافتات مكتوب فيها كلام غلط زي «نؤيد موبارك» و «سوذان موبارك وقانون الأسرة» و «لا للبراعدي» يقصدوا البرادعي.. شفتوا الفضايح واللي انتهت بمهزلة غزو ميدان التحرير بالخيول والجمال والبغال..
جمال: يعني أنا كنت كفرت.. زي ما قلت أنا كنت عاوز أخدم بابا..
علاء: انت لسه لك وش تتكلم.. وبصراحة يا بابا، ماما كمان غلطت كتير..
سوزان: نعم يا «لولو»..غلطت في إيه بقى..
علاء: طبعا يا ماما غلطتي.. كفاية إنك كنتي بتتدخلي في تشكيل الحكومات وبتفرضي أسماء معينة زي أنس الفقي اللي خلّى سمعة الإعلام المصري في الأرض.. وبعدين إيه حكاية مجالس المرأة و «كوتة» المرأة في مجلس الشعب اللي صممتي عليها؟
سوزان: كنت بس عاوزة أزود عدد اللي يصقفوا ل «جيمي».. غلطانة يعني.. وبعدين يا حسني لازم توقف «لولو» عند حده..
مبارك: حسني كده من غير ريّس.. باين عليكي من الجماعة بتوع المعارضة.. وفيه حد قالي إنهم شافوكي في ميدان التحرير مع المتظاهرين..
سوزان: لأ لحد كده وكفاية.. ومقبلش حد يشكك في وطنيتي.. أنا صحيح رحت الميدان بس عشان أعرف إيه اللي بيجري..
مبارك:وإيه اللي جرى..
سوزان:كانوا بيقولوا الشعب يريد إسقاط النظام..
مبارك:الحمد لله مش اسمي النظام..
سوزان: وكانوا بيقولوا كمان «ارحل»..
مبارك: برضه مش اسمي «إرحل»..
سوزان: طيب إيه رأيك إنهم قالوا «يسقط يسقط حسني مبارك»..
مبارك: معقوله تشابه الأسماء!!.. وبعدين سيبكم من الكلام الفارغ ده.. قولي يا جمال إيه أخبار الشعارات اللي كنت رافعها على الحزب الوطني زي «مصر بتتقدم بينا».. و «من أجلك أنت».. و «عشان خاطر أولادك»..
جمال: ليه بس يا بابا فكّرتني بالذي مضى.. بصراحة كانت شعارات حلوة.. لكن ولاد الحرام حرقوها في المظاهرات..
مبارك: المهم يا فالح هنعمل إيه دلوقتي عشان مستقبلنا..
جمال: أنا رأيي يا بابا ال70 مليار دولار اللي سيادتك خرجت بيهم من البلد.. نعمل منهم مشروعات.. يعني مثلا نشترى جزيرة مهجورة ونعلن فيها دولة مستقلة ب «آل مبارك» ونوّرث فيها الحكم ونطبق الفكر الجديد براحتنا..وفوق كده كام صفقة بزنس والأمور هتبقى زي الفل..
مبارك: انت صدقت إنهم 70 مليار.. هما 69 بس يا جاهل..
سوزان للرئيس السابق: لكن يا لئيم فين الكنز؟
مبارك: كنز إيه؟!
سوزان: مش تل أبيب قالت إنك «كنز استراتيجي» لها..
مبارك يمصمص شفتيه.. ولا ينطق..
سوزان: أنا رأيي بلاش حكاية الجزيرة المهجورة دي لأنك ممكن ترجع للرئاسة في القاهرة لأن المصريين إذا كانوا ناكرين للجميل.. وكل دول العالم فرحت باللي حصل.. ففيه شعب عاوزك بجد؟
مبارك وعلاء وجمال فرحين: مين هوّ؟
سوزان: الشعب الإسرائيلي (!!)
شريف عبدالغني

انقر هنا لقراءة الخبر من مصدره.