يا زول مستف بالوفا ماسح الدموع ومكفكفا و بلادنا ديمة مشرفا من الغبش شايل الحنين خاتي البخل خاتي الجفا وطني وأصيل طبعك نبيل نخجل نعدد لي طباعك نوصفا يا نيل ممدد في الديار دعواتنا ليك ليلنا ونهار ترجع تفرهد للحروف وتلاطفا تتشابا ليك كل الخواطر والنغيمات والمشاعر والحواس المترفا تقدل تسالمك بي مرح حاضن الولف أطنان فرح فارده الجناح ومرفرفا حتى النجيمات والشهب ولا الحروف الفي الكتب البي كلامك ناصعه ديمه مستفه يالبيك صباحنا اطل في عتمة زمان ياضي عتاميرنا الببق في كل مكان ما إنت للأرواح شفا رفيق دروبها وموالفا إن شاء الله عائد للوطن مشفي و معافى في البدن ومن كل سقم يشفي العلل وينضفا أسماء الجنيد سوما،،،،، الأمنيات والدعوات الطيبة لرمزنا الوطني وشاعرنا القامة الثوري وضل بلادنا وضلالتها الأستاذ المناضل محمد طه القدال ربنا يردك سالم معافى لأسرتك ووطنك ومحبيك . سوما،،،،،