قالها جمال الوالي ولم اقلها انا كلما ازدات هضربتهم اجبتهم بكأس آخر جيمي الخطير حيهريكم يا داب ما شهيتو انفتحت كاس سيكافا ده افتتاحية ساكت الوالي يهدي الكاس لجماهير المريخ التي عادت بعد عشرين عاما لتحتفل بكاس سيكافا الثالث الذي حاول البعض تبخيسه وتقليل قيمته الا ان ابطالنا الاشاوس ظفروا به عنوة واقتدار واقتلعوا من قواقع المحيطات شكرا لمريخ السودان وهو يسعد الشعب السوداني ويهزم جيوش الحزن والاحباط وينثر الفرح في مواكب فرح تفرح كل بيت حقيقة لم أجد أجمل ما جادت به قريحة شاعرنا الزبير عوض الكريم لاهديها لشعب المريخ بهذه المناسبة التاريخية وهي أبيات غاية في الحلاوة والجمال وهو يناجي سيدة فرح ليطمئنها على حال المريخ. يا بت فرح الليلة لو شفتي الاسم كيف أضحى مصدر فرح.. كيف أضحى للعشاق حبيب يحلو الغزل فيه ويصح.. أصبح شعاراً في كل دار فوق للسحاب مختال سرح آه من صفارو العسجدي.. ماخد البريق من قوس قزح آه من كؤوسو المنزلة مين غيرو يقدر ينزلا ويهدي البلاد أجمل فرح.. سار المريخ على درب انتصاراته الباهرة والجميلة والتي تشهد لها جميع مشاركاته في بطولات سيكافا وظهر المريخ وتلألأ فوق سماوات كيجالي وبرهن أنه الزعيم الحقيقي للكرة السودانية والمنقب الحقيقي عن بطولاتها هذا هو المريخ مصدر إلهام الأدباء والشعراء والكتاب الذين أبدعوا في مدحه وتغنوا بأمجاده فجاءت رائعة روعة المريخ قوية قوة المارد الأحمر العملاق عذبة عذوبة عروضه الساحرة التي أذهلت جماهيره الاديب الاريب عمر محمود خالد تغزل كثيرا في مريخ السعد من غيرنا قد لوّن التاريخ بالذهب؟ من غيرنا قد وهب الأفراح وما وهب من غيرنا دوّخ الأبطال أينما ذهب فنحن منذ البدء كانت البطولة وكانت الشهامة الشماء والرجولة وكانت المبادئ السمحة والفضيلة من غيرنا قد طوع الظروف.. من غيرنا قد هزم التحكيم والتنجيم والألوف؟ رائد الأدب المريخي القبطان حاج حسن عثمان القبطان هو السجل الموثق والمؤرخ لانتصارات المريخ بنبض الجماهير التي بادلته الحب والوفاء إلى يومنا هذا أمد الله في أيامه ومتعه بالصحة والعافية ويكفيه مقولته : (من استنكحه الشك في عظمة المريخ فليتوضأ .) ان سايد لاعبو الزبون تسلموا حوافز دولارية لانهم هزموا الزمالك وخرجوا من البطولة الافريقية ولاعبو المريخ تسلموا حوافز دولارية لانهم هزموا الجيش الرواندي وفازوا بطولة قارية .. فرق يا ابراهيم اذا لقيت واحد صاري وشو وماشي بتكلم براه في الشارع اعرف طوالي ده وصيفابي محموق .. محموق المليجى قصة المريخ دي يمشي كل مره المطار يجيب ليه كاس جوي دخلت عليهم شديد امبارح الاخ الصديق ابراهيم محجوب جمع اهل الزبون كلهم في بيتو محور النقاش اشمعنى المريخ دا طوالي بجيب كاسات من بره عديلي احمد دولة اقترح قال نشترك في بطولة ونجرب خطة المريخ نقول ماشين اعداد اصلو ناس خليفة ديل ما مضمونين يا خابت يا صابت نمسك في ماشيين اعداد التشوف العمم والملافح الزرقاء امس تقول عايزين يجيبوا كاس العالم الفريق المدهش عبدالرحمن سرالختم قال عندو ثلاثة احباش طيارات بس هدية للهلال عسى ولعل الخليفة مختار مكي قال منو حولية كاربة دعاء للصباح عشان ربنا يهون على الهلال بكويس الدكتور الصيدلاني محمد ابراهيم قال انو عندو ادوية جديدة للياقة تخلي اللاعبين ذي الاسود رئيس الهلال الكردينال قال بيساهم بثلاثة مليون دولار دعما لكاس الزبون الجوي.. هو الكلام بقروش ومازالت اجتماعات الهلال من زمن فواري والطيب عبدالله وطه علي البشير مرورا بالارباب والكيماوي والكاردينال مستمره والنتيجة (التكتح)