* شكراً نبيلاً لفريق المغرب التطواني الذي - لا رصيد له من البطولات ولا الإحتكاكات - ويشارك لأول مرة في دور المجموعات للأندية أبطال إفريقيا فقد قدم أمس الاول أمام الهلال أداء متواضع أكد بيان (بالكفر) ما قلناه عن (تواضع مجموعة الوصايفة) بفشل التطواني في الحفاظ على هدف تقدمه ليعلم الجميع حقيقة أنه فريق بلا هدف .. ! * قلنا أن مشكلة جمهور الهلال ليست في (صفره) الدولي المقيم، ولكن مشكلته الحقيقية في إعلامه الذي يزعم أنه يلعب في مجموعة الأندية الأقوياء الذين يشار إليهم ببنان الإحترام مع أنه موجود مع (شوية حمام) ..! * نتمنى تأهل الوصايفة على حساب مجموعة الحمام فالتقيل قدام ..! * يمتلك إعلام الهلال (قوة عين) لا مثيل لها فرغم ضعف فريقه الذي شاهدناه أمس الاول يتحدث عن الأندية الجزائرية التي هرب من مقابلتها و(حقيقة الإختشوا "زاغوا") ..! * الفرار ليس غريباً على الهلال ..! * الهلال الذي هرب من الجزائريين هو نفسه الهلال الذي فر من نهائي كأس السودان بالدمازين ..! * البسمع طولة اللسان ما يشوف الزوغان ..! * الهلال الذي هرب من وفاق سطيف فريق معروف و(زائغ) الصيت ..! * سيبكم من (الحمام المغربي) وركزوا مع وفاق (تشطيف) .. ! * عقب ملحمة الزعيم مع وفاق سطيف حامل لقب بطولة الأندية الأبطال تحدثنا في مقال الأمس عن (نقطة التحول) التي أحدثتها المباراة ووضعنا أكثر من (نقطة) فوق الحروف ليبقى بعض (النقاط) الذي يجب أن نقف عندها . * (نقطة) ما تفوت عليكم : مباراتنا أما وفاق سطيفبالجزائر لم تلعب بعد فما قدمناه من (عرض سوداني جنن العالم) كان إنابة عنكم بعد حادثة الهروب الشهير و(البشيل فوق "الصفر" ما بميل) ..! * (نقطة) غائبة على الكثيرين : طلبنا مباراة مع السطايفة غداً (عشان تفهموا حاجة وتاني ما تجروا .. لكن للأسف أولاد فخر الدين قالوا ما دايرين) ..! * (نقطة) أرجعوا ليها في الوقت المناسب : (لا بد من إيجاد حل لفضيحة الهروب لأنو شردتكم دي السطايفة ما دايرين ينسوها، وبسألوا اي سوداني الاقوهو في الجزائر الهلال جاي لكورة الرد متين .. ؟ عشان كدا يا وصايفة من المغرب مشوار الجزائر فركة كعب أمشوا العبوا كورتكم معاهم واقفلوا الملف دا بالسفر من هناك عشان سمعة البلد و"السفرة" والفضيحة متباريات) ..! * (نقطة) ما مفروض نقولها ليكم : السطايفة قالوا "الهلال لو جا للحول ما بنخليهو " قلنا ليهم يا جماعة (حول) شنو كورتكم دي ليها سبعة سنة .. والزول لو طقتو كهرباء وقام جاري معناها مفعول الصعقة انتهى .. قالوا لو انتهت الكهرباء بنضربهم في العقربة و(تاني جاب سيرة المدينة وزاد على الناس الغبينة) ..! * (نقطة) ينبغي أن يقف عندها الطاهر محمد عثمان : هل عبور معكوسة كوفي التي حولها سلمون رأسية في الشباك معلناً بها هدف التعادل تعتبر في (قوانين التحكيم) نقطة مفصلية ودرون يحفظ كل الحقوق المهضومة بما فيها (قون شيبون) ...؟ * (نقطة) دقيقة جداً : الكورة دي من زاوية المدرجات طلعت بخمسة مليمترات ..(كدي أرجع شوية .. المخرج سامعنا .. تاني كمان شوية .. ايوه لي قدام .. بس بس بس .. لا لا لا أرجع تاني كمان وإنتظر التحليل في أم درمان) ..! * لو لم يأت وفاق سطيف لإداء مباراة الرد بالخرطوم فأننا لا نستطيع لومه، و(كلو من هلال الفضائح اتدفن في المقبرة وعمل رايح) ..! * إتروحي ..! نقش أخير *الجري دا ما حقي حقكم (الشردة) والمدفع (اب فللي) ..!