قامت الوالدة يا حليله أدنُ قريب وأسمعني ظلمني الشوف طعني بدور أسعد معاك يا الخير أتاري يمه دي الشوره ------ مني يا ربي ست الحظ نشيل ونخت ونتشاور قالت لي بنية أختي قلت ليها يا يمه بنية هدرت أمي غضبانه ------ وقالت ليّ دين الله عاقلة ورايقة مي طفيفه وما بتمرق تجيب القول قلت ليها يا يمه حاشا دشنه وليها درشات ------ جزمت أمي للواسطه غير بت أختي ما ياخد عاد لا حول لا قوه فجو النار وهبوها ------ قلت أصبر وأعيش واقعي كمان المنيه مي بالليد بسملا ومعاها بديت أول كلمه لاحتني وتراح أظنها ما بتعرف الناس تضاير الناس فِرِد جيهه ------ تعال يا يابا شوف حالي أكان قعدت معاي تاكل والصينيه جاها بلا تقول تخلي صحونا تتجاوط جبت كل ما فيها وقامت ومن عصراً كبير للنوم ------ وعاد شوف ليك جنس إهز الحيطة تتلولح تكر كره وتجر جره وتتقلّب تجيبو كُتُر مره صرير ومره كرير وأقيف محتار في نص أبدأ أغني يا ربي أنا الممكون مساهر قالت لي عشاي تعال ما تخالفني يا البلال الشيب فراقك تاني ليّ محال كمان أفرح معاك بعيال ساعل ربي حست القال ------ كِدِي يا يمه سميها أكان إقع النصيب فيها شوف كان تلقى قول فيها أختك دي خليها ناصيه انفخ أتاريها ------ سمعةً وفي السماح صوره وكمان ليحالا مستوره وبين أخواتا مشكوره وكلا ما بدورا وشينه وليها فاخوره ------ مدانيه الله وإمين البت أكان إنقص شرايتو تحت عليَّ إراده وإنكتبت فيها دخلت وإتحكرت ------ أصلو الدنيا خرّابا وبرضو القسمه غلابا بقيب مستني جوابا شترتني دُرّابا وجات هسع من الغابه وتسك الحله بيكلابا ------ تب ما بقدر أتكلم بتاكل كارسه ما بتنضم كلباً عليها هجم تقره ربيبه بتلملم يا الله كب تنخم وقعت دايخه تتدمدم ------ شخري إجيب الرايح الضهبان إصحى النايم الفرقان التقول داخل علي نيسان وتعزف أقبح الألحان ومره طنين أبو الدنان واتلفت أقول إمكن أنا الفنان ولا أنط على الجيران الليل أنا التعبان أنا الحيران