# الشيخ فرح ودتكتوك هذا الداعية الاسلامي عرف عنه بعد النظر واطلاق الحكم التى تسبق زمانها، فمن استقرائه للتقدم في المستقبل «في آخر الزمان سيكون السفر بالبيوت والكلام بالخيوت» في اشارة الى السفر بالقطارات او البصات المغلقة او الطائرات الضخمة والكلام بالخيوت «يقصد خيوط جمع خيط او السلك» والاشارة هنا الى التلفون. # أما نظرته الاقتصادية الفاحصة فتتمثل في قيمة العمل وبالذات في الزراعة ويظهر ذلك في رسالته للامة «قومي بدري وازرعى بدري واحصدي بدري شوفى كان تنقدري». # الآن مشكلة الغذاء في العالم تتلخص في الفجوة الغذائية يريدنا هذا الولى الصالح ان نهتم بالزراعة ونخلص في ذلك اذا تم ذلك لن يكون هناك اى تهديد لهذه الامة، السبب هذا ما اشار اليه البرنامج الاقتصادي الثلاثي وهو توطين غذائنا من قمح وذرة ودخن ونباتات زيتية مثل الفول والسمسم وبذرة القطن، والاهتمام بالصادرات «مواشي وقطن وذهب وصمغ وجلود وبترول ان امكن. هدايا الحلقة: 1/ معلمة سألت الطالب بتعرف شنو عن نيوتن؟ الطالب: ما بعرف عنه حاجة، المعلمة: خلي بالك من قرايتك. الطالب: ممكن سؤال؟ المعلمة: اتفضل، الطالب: بتعرفي شنو عن سوسن؟ المعلمة: ما بعرف عنها حاجة، الطالب: خلي بالك من راجلك!. 2/ واحد شين شديد قاعد مع مسطول قال ليه، انا عندي ولد صغير كلما اشيلو يقوم يبكي اعمل شنو؟ المسطول قال ليه: خلى ولدك انا لو شلتني ببكي!. 3/ مغترب عاطل في الغربة ود اخته رسل ليه رسالة قال ليه رسل لي شنطة العرس وقروش العزومة لأني قررت ان ادخل القفص الذهبي، المغترب رد ليه يعنى علشان انت حتدخل القفص الذهبي انا ادخل السجن؟!. 4/ عزابة في الغربة كلهم عطالة ما في حاجة شغالة غير الثلاجة والبوتجازات في البيت!. 5/ الداية جات تولد زوجة واحد وشايلة شنطتها بعد شوية قالت للراجل اديني منشار وبعد شوية طلبت مفك والزوج مقلق خارج الغرفة بعد شوية طلبت شاكوش الراجل قال ليها ان شاء الله خير؟ قالت ليه الشنطة معصلجة ودايرة افتحها!. 6/ بصلة وموزة اتشاكلن، الموزة قالت للبصلة: ابعدي عني ريحتك عفنة، ردت البصلة: اسكتب برضو احسن منك ما بقلعونى هدومى وانا ساكتة!. 7/ واحد عرسوا ليه بت عمه شينة شديد قرد بس، قات ليه نطلع نتفسح قال ليها بكرة حأوديك جنينة الحيوانات على الاقل تبقى ليك فسحة وصلة رحم!. 8/ مريخابي جا راجع البيت بعد مباراة الامل عطبرة زهجان وينق نيق ساي، مرته هلالابية قالت ليه اقعد باري لي ناس باسكال والسعودي ديل لحدي ما يودوك التوج ويجيبوا ليك ضغط وسكري، قال ليها طيب اباري منو؟ قالت ليه باري ديمبا!. 9/ احوص عايزين يعذبوه خلوه ينضم ابرة!. 10/ واحدة قالت لحبيبها: يا حبيبي لو انا وانت في نص البحر وراكبين مركب والمركب غرق وما فيش غير طوق نجاة واحد حتعمل شنو؟ قال ليها حتوحشيني!. 11/ الراجل نزل وفتح باب السيارة لزوجته، قالت ليه: ما اجملك وانت رومانسي، قال ليها انزلى بلا عوارة الباب ما بفتح من جوة!. 12/ مفلس لقى في الجزارة لحوم حمراء سعر الكيلو 24 جنيها ولحوم بيضاء 16 جنيها قال للجزار ما عندكم ألوان تانية؟!. 13/ باعوضة كوركت لى بتها ما ردت عليها قالت ليها بف باف يطرشك؟. 14/ بتاع خيال قالوا ليه سمعهت بنجاة المتعافي؟ قال ليهم لا انا بعرف نجاة غرزة بس!. خاتمة: # لله درك شيخنا وحكيمنا ود تكتوك، فانعم في جنان الخلد بما قدمته من حكم مر عليها قرن من الزمان ولا تزال تحتفظ بألقها وحيويتها. مع تحياتي،،، احمد دوله