يا العطا جيت معاك أبكي فضيل جبل البركل الثابت نهارو وليل اللاريح تهزو ولا بشيلو السيل مكتوب مجدو غرة على نواصي الخيل صاحب الليل وتوماً للنخيل ترجمان النيل زول الله السمح الما بطفف كيل وين ما مال عوض الحق معاهو يميل القال الله فيهم من عبادي قليل حليل حيل القوافي حليلا ماتلها حيل يا العطا يا حليلو كان لي تراثنا دليل يا العطا يا حليلو وين تاني ليهو مثيل جا الغرب والشرق الفاتحة فيهو يشيل الدمع انهمر الوادي منو يسيل ربنا يرحمو والجنة فال وعديل