سودارس : باسكال من (نقة) الحضري بقى زي الزول الما دافع اجرة البيت

ميليشيا الدعم السريع ترتكب جريمة جديدة بعثة الرابطة تودع ابوحمد في طريقها الى السليم ياسر محجوب الحسين يكتب: الإعلام الأميركي وحماية الدعم السريع الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق كامل ادريس يلتقي نائب الأمين العام للأمم المتحدة بنيويورك شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين السعودية..فتح مركز لامتحانات الشهادة السودانية للعام 2025م محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) وزير الداخلية التركي يكشف تفاصيل اختفاء طائرة رئيس أركان الجيش الليبي سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه تقارير: الميليشيا تحشد مقاتلين في تخوم بلدتين شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) سيدة الأعمال رانيا الخضر تجبر بخاطر المعلم الذي تعرض للإهانة من طالبه وتقدم له "عُمرة" هدية شاملة التكاليف (امتناناً لدورك المشهود واعتذارا نيابة عنا جميعا) شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض تونس.. سعيد يصدر عفوا رئاسيا عن 2014 سجينا ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

باسكال من (نقة) الحضري بقى زي الزول الما دافع اجرة البيت

قوون نشر في قوون يوم 21 - 09 - 2013

في الدفاع (خرّبط) في الوسط (عِفش) ولم يتبق لهم إلا تحويله للهجوم

والله انا في الدنيا دي ...ما شايل هم إلا على (باسكال).

باسكال في المريخ بقى زي الطالب ...شايل شنطتو في ضهرو وحايم.

ما فاهم اي حاجة.

الود يا عيني في اسبوع ...نزل للنص ..واصبح من (نقة) عصام الحضري زي (عباس ود الفاضل).

الحضري اكل لحمو.

وعباس ود الفاضل مالو؟.

عباس ود الفاضل (5) شهور ما دفع اجرة البيت الساكن فيه ..سيد البيت كل صباح بجي يسمعو كلام فارغ ويمشي يخليه.

انا اجيب ليكم من وين؟...المحروقات ذاتها عاوزين يرفعو منها الدعم ..وانا غير اجار البيت دا ما عندي حاجة اتصرف منها.

اعيش كيف؟.

(5) شهور ما دافع اجرة البيت ...وكمان الصباح بتطلع زيك وزي اي زول ماشي على الشغل...هسع عمليتك دي (باك) بعملها.

انت شغال على شنو؟..وقت حق الايجار ما قادر تدفعو.

العيد باقى ليه (23) يوم ..يعني انا فاضي ليكم كل يوم اجيك وتقول لي بكرة.

انت لو زارع ليك (سمسم)...كنت حصدتو ..وخزنتو ..وبعتو...واديتني حقي.

ما بتدفع الاجرة ...وكمان (ماسورة) الموية مكسورة في الحمام ما عاوز تصلحها.

شكلك كدا ..فاتورة الموية ما قاعد تدفعها.

انا قالوا ليكم القروش دي بغرف فيها من البحر...(5) شهور ما تدفع.

الزمن دا الحرف لو كان (ساكن) الزول السكنو عاوز حقو ..والسمسار عاوز حقو...ما في حاجة ساكت الزمن دا.

نسوان الحلة كلهن يتلمن الصباح وقت يسمعن (النقة) دي ..واحدة بتعمل فيها بدفق في الموية ...والتانية بتعمل بتصلح في شنطة ولدها في الباب ..والثالثة بتكنس في خشم الباب.

النسوان كلهن يقيفن في الباب.

الحلة كلها تسمع في نقة سيد البيت في عباس ود الفاضل.

هسع (باسكال) بقى نفس الشيء.

الاملاب ..المورداب ...النسوراب ..كلهم بشاهدوا في (شكلة) الحضري لي باسكال.

ودا كلو كوم ...ومشاهدة الهلالاب ..للفيلم العربي دا شيء تاني.

احرجتونا مع الضيوف.

هسع الهلالاب يقولوا عليكم شنو يا مريخاب...المباراة منقولة في التلفزيون ..احترموا المشاهد شوية.

بالله باسكال والحضري تقول في برنامج (للود قضية)...نقتهم للسما.

الحضري دا بذّل في (باسكال) كدا ليه؟.

هو ليه بشاكل فيه كدا؟...عاوز منو قروش ...عاوز منو اجرة البيت.

الحضري يكون فاكر باسكال دا (عصام الحاج).

الكلام القالو الحضري في (باسكال) في عصام الحاج ما قالو.

بعدين الحضري دا زعلان كدا ليه؟.

الزول دا ما عارف انو المدرب الالماني (كروجر) قدم باسكال الي (الوسط) وشالو من (الدفاع).

موضوع (الدفاع) دا باسكال ما عندو بيه قضية.

معقولة الحضري ما عارف المعلومة (الخطيرة) دي.

بعدين هي ذاتها المعلومة ما (خطيرة) شديد كدا..عشان الجهاز الفني للمريخ يدس هذه المعلومة من عصام الحضري.

البلد كلها عارفة انو باسكال اتقدم للوسط ..وبقى ما عندو اي مسؤولية بالدفاع.

اما اذا كان الحضري عارف انو (باسكال) اتقدم للوسط واصبح ما بيلعب في الدفاع..فيبقى كواريك الحضري في باسكال نوع من الحقارة.

يعني الحضري عاوز باسكال وهو لاعب وسط يعمل شنو لكورة معكوسة مرت من الدفاع.

انت يا الحضري بالذات مفروض ما تتكلم في الموضوع دا.

انت يا الحضري في كورة شايتها بويا من (همشكوريب) دخلت في مرماك..في زول سألك.

في زول قال ليك حاجة.

باسكال وقت يكون لاعب في الدفاع ..ما عندو قضية بالكور المعكوسة.

دي ما شغلتو...(نحن الحقيقة دي بنقولها).

عاوزو هسع وقت ارتاح في دمو يا حضري ..واصبح يلعب في (الوسط) يشتغل بالكور العرضية.

باسكال لو بعرف يطلع كور زي دي يا حضري ...كان لعب في (الخرطوم الوطني).

ما كان لعب ليكم في مريخكم التعبان دا.

بعدين انت يا الحضري جايبنك لي شنو؟..بصرفو ليك مرتب بالعملة الصعبة ..وعندك عربية وفيلا ...وحوض سباحة ، وبتسافر كل (48) ساعة للقاهرة..وعاوز بعد دا باسكال يطلع ليك الكورة المعكوسة.

انت شغال شنو؟.

مهمتك شنو؟...لمن باسكال يطلع ليه كورة من خط (6) على هذا النحو.

انت يا الحضري جابك (الدهب)..وإلا جيت تلعب كورة.

جابوك تحلل لينا المباراة مع (ايمن اليماني) في استديو النيلين..دا استلم كم كورة ...ودا طلع كم؟..ونسبة الاستحواذ كم؟.

الحضري يغلط ..ويدخل في شبكتو هدف من الحدود الحبشية ...وزول بسألو مافي.

ما في زول بقول ليه تلت التلاتة كم؟.

اللوردات (شخصيا) ما قدرو يقولوا ليه حاجة.

(17) لورد ...ما في واحد فيهم (اتلوردن).

والله يا حليل (موسى الزومة)...نحن ساكت كنا بنقوم عليه.

موسى الزومة لو قاعد ..فوضي زي دي ما بتنفع معاه.

موسى الزومة كان حددها مع الحضري ..زول بصرف ليه (20) الف دولار مرتب ..وبجي فيه هدف من (قندهار).

هسع انت يا الحضري بعد هدف بويا الذي سجّل في مرماك فرقك شنو من (يس)؟.

على الاقل يس ما بصرف بالعملة الصعبة.

انتوا يا جماعة بعد (ثلاثية) الهلال في المريخ ...ما لاحظتو ان هناك تعديلات كثيرة حصلت في المريخ.

ثورة بويا ...عملت (غيار) شامل في المريخ.

اول حاجة (باسكال)..شالوه من (الدفاع)..وقدموه للوسط.

قالوا ليه بي (صبغتك) دي ما بتنفع تلعب دفاع.

صبغتك دي صبغت لاعب وسط.

تصوروا نحن (3) سنوات ..بنقول ليهم في الكلام دا ..بنقول ليهم باسكال دا لا مدافع ولا حاجة.

وهم يشيلوا ويغالطوا فينا.

اخيرا بعد هدف (بشه) تم تحويل باسكال من الدفاع الي الوسط.

لكن الواضح كدا من خلال مباراة الامل والمريخ ان باسكال في (الوسط) ما نافع.

الكلام دا بنقولوا ليكم بامانة يا مريخاب ..وما فيه اي تريقة.

في مباراة عطبرة ..كان واضح ان الامل مستحوذ تماما على منطقة الوسط.

ومنطقة الوسط دي بيلعب فيها (باسكال)..ونسبة الاستحواذ ..والسيطرة في المباراة كانت واضحة انها لفريق الامل.

اذن باسكال لاعب الارتكاز مسؤول عن ذلك الفراغ الذي حدث في وسط المريخ.

والاكيد ان المريخ سوف يدفع الثمن غاليا في مقبل المباريات القادمة ان اصر على ان يلعب باسكال في الوسط.

بل استطيع من الان ان اقول ان المريخ سوف ينهزم امام الاهلي شندي ان لعب باسكال في الوسط.

ما يقدمه باسكال للفريق الخصم في الوسط اعظم من الذي كان يقدمه في الدفاع.

فشل باسكال في خط الوسط شيء اثبتته ايضا نرفزة الحضري فيه ..فقد سمع باسكال من الحضري كلام فارغ كتير.

وكمان مصبغ شعرو.

على شنو يا كابتن؟.

لو انت يا باسكال (بتصبغ) شعرك ...تراوري يعمل شنو؟.

غايتو كورتك تاميها (صبغة) ساكت.

بعد الفشل الذي كان من باسكال في الوسط ...كامتداد لفشله في الدفاع..اتوقع ان يحوله (كروجر) لاحقا ليلعب في خط (الهجوم).

جربوه في الهجوم.

على الاقل في الهجوم ...باسكال سوف يكون بعيد من عين عصام الحضري.

بالمناسبة باسكال دا باقي ليه (3) شهور و(10) ايام في المريخ.

الزول دا اتخارجوا منه من الان.

(3) شهور و(10) يوم دي إلا يقعدها في المقرن.

في المريخ ...ببوظ ليكم اي حاجة.

الغريب ان (اللوردات) باقى ليهم شهر ...والحضري وباسكال باقى ليه (3) شهور.

يعني المريخ بعد (3) شهور ...ما بكون فيه زول غير ابراهومة.

بتكونوا قاعدين في الصقيعة.

احسن يا مريخاب بعد هدف بويا ..تعملوا ليكم (نفرة) من الان.

اعملوا ليكم صندوق دعم المريخ.

عشان شهر ديسمبر ...ح ترجعوا الي (الضلمة).

ح يقطعوا منكم الكهربة والموية.

من التعديلات الجديدة التى حصلت في المريخ بعد مباراة القمة الي جانب تحويل باسكال من الدفاع الي الوسط ...هو (الاقصاء) الذي حدث بالنسبة لمدافع المريخ (ضفر).

اذا كان هدف بشه سببا في تحويل باسكال من الدفاع الي الوسط ..فان هدف عمر بخيت كان سببا في الاطاحة بمدافع المريخ (ضفر) واستبعاده نهائيا من التشكيلة الاساسية لفريق المريخ.

السيول والامطار والفيضانات الهلالية ..قفزت بالمدافع (ضفر) بعيدا عن تشكيلة المريخ.

ايضا ثبت فشل (احمد الباشا) في خانة الطرف اليمين ...وعاد الي وسطه غير سالم.

في الوسط ذاتو (الباشا) اصبح ما بكمل المباراة.

كلتشي خرج من التشكيلة ايضا ..واتضح ان مستواه لا يؤهله للمشاركة اساسيا ضمن تشكيلة الفريق...بل لم يعد يشارك حتى في اجزاء من عمر المباراة.

علاءالدين يوسف لاسباب نفسية بعد نظرية (مرقنبو قرنبو) التى طبقها فيه الصاقعة نزار حامد اصبح غير مستوفى شروط المشاركة.

علاءالدين قالوا تعبان شديد ..من نظرية نزار حامد ..لذلك في مباراة الامل والمريخ لم نشاهده حتى في كنبة الاحتياطي.

اذن ضحايا مباراة القمة في المريخ ...كانوا كتار ..ويمكن القول ان الاثار اصابت الجهاز الفني للمريخ بقيادة كروجر ...ولم يسلم من الامر لجنة تسيير المريخ ال (17) لورد.

الجماعة ديل انكمشوا ..وتصريحاتهم في الجرايد اختفت ...وبقوا مشغولين في رقبتهم.

اما اعلام المريخ ..فقد انكشفت مسرحياته ..واتضحت (اللعبة) كلها للناس ..بما في ذلك المريخاب انفسهم.

لم يعد مقنعا مهاجمة (حكام) المباراة ...او التشكيك في هدف صحيح ...او التشبث بحالة تسلل لا وجود لها.

لذلك اعلام المريخ في الفترة الاخيرة كله اتجه للحديث عن (الكراسي).

يعني يتحدثوا ليكم عن شنو؟.

كورة مافي ..واللوردات بقوا ما بصرحوا ...فكان من الطبيعي بعد ذلك الاتجاه نحو التحدث والكتابة عن (الكراسي).

اعلام المريخ اتحدث عن كراسي طابق شاخور ..اكثر من حديث الاعلام السوداني بصورة عامة عن الخراب والدمار الذي اصاب الاف البيوت من جراء السيول والامطار والفيضانات.

المريخاب يتحدثون في ظل هذه الظروف عن (1500) كرسي.

طبعا (15) كرسي ...عادي جدا في المريخ يضيفوا ليها (صفرين).

اذا كان الجماعة ديل ..قدروا يقنعوا قواعدهم ان كأس الشارقة بطولة جوية ...وان المريخ عنده ضربة جزاء سنة 1996م ...الحكم لم يحتسبه له في مباراة القمة...ما بقدروا يقنعوهم ب (1500) كرسي.

ديل يقنعوا (الحجر).

ملحوظة : غايتو يا باسكال بعد كدا الشافك مع (الرديف) ما كضب.

هوامش

باسكال ...على طريقة الصعيدية ...في الدفاع بخربط ..وفي الوسط (عِفش).

وفي الهجوم ...(محمد موسى) احسن منو؟.

الهلال يلعب اليوم مباراة في الابيض ..رغم جماهير الابيض وكردفان عامة ..إلا اننا نخشى على الهلال من الارهاق ...والاصابات ...والكروت.

لكن لعروس الرمال حق ...على الهلال.

مباريات الدوري المؤهل للممتاز ...يجب ان تجد رعاية ...ويجب ان تتلفز.

خاصة في هذه المرحلة.

اما المرحلة الاخيرة ....فان النار سوف تكون ولعت عديل.

الحضري عاوز ليه سبب يسافر الي القاهرة.

لو اتفلق ساكت ..يسافر القاهرة.

لو مثل ..يسافر القاهرة.

شقة الحضري التى استأجرها له المريخ ..في القاهرة ام في الخرطوم.

الزول دا ما في داعي تأجروا ليه في الخرطوم.

الحضري واصل اساءاته ...ولم يسلم منه حتى الاهلي شندي.

قال انه اصيب من قبل بطوبة في مباراة للاهلي شندي.

عندي اعتقاد ان (الرعاف) الذي اصاب الحضري في مباراة الامل ..سببه هدف (بويا).

لكن اول مرة اعرف ان (الرعاف) ممكن يعملوا ليه (عملية).

يا جماعة (الرعاف) بعمل ثلاث تكسرات في الانف.

دا رعاف شنو؟.

دا رعاف (بويا).

على العموم الحضري معذور.

من الاخ عبدالمنعم ابوفارس ...وصلتني هذه المشاركة الجميلة:

اعلام الوصيف القال رئيسهم سالب

بنسج في الوهم كل يوم بسوي مقال

وينو الليلة تيمكم لا درون لا غالب

دا السبب البجيب الهارت ويقد الحالب

وين كبد الحقيقة وناس سلك ومعاوية

وين رأي ناس بدر الودى ناسو الهاويه

ما بتفيد حروف الكفة ما متساويه

السر في الهلال النصرو ليكم كاويه

اعلام الوصيف اليوم لسانو اتحش

بي اولادنا الصغار ناس بويا اخوان بشه

معتمدين على الحارس العجوز الشوفو ولى وطش

بي قولن يمين الوالي ذاتو اتغش

يا الحضري انستر القصة ماها رجاله

كورة وهندسة ما هردبيس وعتاله

بكري وليد صغير بالنسبة ليك حتاله

وان قبل عليك ما بتلحقك نقاله

ما بكاتل محرش في المثل معروف

وناس بشه ولطيف بالجد بسوا الخوف

الحضري انتهى يا حليلو فقد الشوف

جيبوا ليهو تورته دا ما بصد ملتوف

البقرأ الزعيم ويشوف سلك واخوانو

يتقطع حلف انو القصد ميلانو

يقولوا ليك كلتشي وسيدا اخير من كانو

ديل الزول يكتلو ويدفنو قبل اوانو

......

عاجل : ناس المريخ ديل يعوّضوهم في (الكراسي)..وإلا في (سنون) الحضري؟ ...الحضري قال انه فقد (47) سن في السودان..يعني جيت السودان دا بي (صومعة) سنون.

انقر هنا لقراءة الخبر من مصدره.