سودارس : حكاية وارغو

البرهان بين الطيب صالح (ولا تصالح)..!! دار العوضة والكفاح يتعادلان سلبيا في دوري الاولي بارقو مان سيتي يجتاز ليفربول التحرير الشنداوي يواصل إعداده المكثف للموسم الجديد كلهم حلا و أبولولو..!! السودان لا يركع .. والعدالة قادمة وزير الخارجية يستقبل مدير عام المنظمة الدولية للهجرة التابعة للأمم المتحدة منع قناة تلفزيونية شهيرة في السودان البرهان يطلع على أداء ديوان المراجع العام ويعد بتنفيذ توصياته مساعد البرهان يتحدث عن زخم لعمليات عسكرية لقاء بين البرهان والمراجع العام والكشف عن مراجعة 18 بنكا السودان الافتراضي ... كلنا بيادق .. وعبد الوهاب وردي د.ابراهيم الصديق على يكتب:اللقاء: انتقالات جديدة.. شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

حكاية وارغو

قوون نشر في قوون يوم 23 - 12 - 2013

في البدء وضعت عنوان هذا العمود للكتابة عن فكرة (محورية) في قصة اللاعب وارغو..وصلتني معلومات من مصدر موثوق فيه، وطرف أصيل في الهلال وتسجيلاته ..لخبطت لي خطة العمود وغيرت الفكرة في عضمها.

الكويس أن المعلومات كانت عن اللاعب نفسه الذي أريد أن أكتب عنه..لذا فإنني قبل الكتابة عن الفكرة الأولى أتحدث أولاً عن الفكرة الثانية ..والمعلومات المؤكدة التى تحصلنا عليها ..وتؤكد وتثبت تدخل أطراف عديدة من أجل افشال صفقة وارغو.

وأظن من هنا تأتي (حلاوة) انضمام وارغو للهلال.

عملتوها (حلاوة).

ما قلتوا ماسورة.

غايتو يا الهلالاب ..الحاجة البتكونو عاوزين تصلحوها ما بتتلفتوا.

قبل الخوض في تلك المعلومات ..(تلقاكم كلكم صنقرتوا زي البنابر عاوزين تعرفوا المعلومات دي شنو؟).

أول (البنابر) بتنصقر.

والله في البلد دي ..أي حاجة بقت بتصنقر زي كرت القبول.

أرجع وأقول قبل الخوض في هذه المعلومات ...كان أهل القرار والجلد والرأس في المريخ يؤكدون عدم قدرة الهلال على تسجيل وارغو حتى بعد وصوله فجرًا.

هذا التأكيد الصادر من المريخ سوف تجدون له تفسيرًا بعد أن تعرفوا المعلومات التى تحصلنا عليها.

التأكيد لم يكن طالع من فراغ.

قبل ما نقول المعلومات ..نطلع فاصل ونعود.

وعشان ما عندنا إعلانات الفاصل دا سوف يكون عن كابتن الهلال عمر بخيت ..والذي كان أسعد الناس بتسجيل وارغو في الهلال..وكان الأكثر حرصاً على ذلك ...وهذه شهادة في صالح وارغو...وقد أوصى عمر بخيت بقيده واعتبره مسكب حقيقي للهلال.

دا كلام عمر ما كلامي.

في نفس الإطار قدمت قناة النيل الأزرق قبل أيام قليلة حلقة رياضية فنية عن قله أخوان ..عبدالعظيم وأبوزعبل ومرتضى قله.

مرتضى قله صاحب المهارات العالية عندما سئل عن لاعب يشببه في المريخ ويمتلك مهاراته ..قال مرتضى قله إنه (وارغو) رغم عدم نجاحه.

دا كلام مرتضى قله...الهسع قاعد ..ونحن قاعدين.

دا ما كلامي يا جماعة.

كذلك فيصل العجب في أكثر من لقاء أكد لنا موهبة وارغو ..وقد شهد بذلك حتى في الحوار الذي أجريناه معه مؤخرًا.

دا كلام فيصل العجب..تتلفتوا زي صواني الخبيز.

أول صواني الخبيز بتتلفت.

كذلك كانت شهادة عمر بخيت ممتازة في وارغو.

وبرضو دا كلام عمر بخيت ما كلامي..ما تقعدوا تستغربوا لي كدا زي الفرقة الموسيقية وقت تكون بتظبط في الآلات.

أول الفرقة الموسيقية بتستغرب.

والله البلد دي أي حاجة بقت تستغرب زي (الطواقي).

بمناسبة عمر بخيت ...المريخاب أمس في صحفهم تحدثوا عن اشكالية في كابتنية الهلال.

والله حاجة عجيبة.

دا زي الزول البقول ليك في أزمة خبز في سدني...(بلد الخبز ذاتها).

أو يقول ليك في أزمة مواصلات في لندن (بلد المترو).

أو في أزمة وقود طائرات في قطر.

المريخاب قالوا شنو؟.

قالوا في اشكالية في كابتنية الهلال.

الفيك بدر بيه.

الهلال دا عمرو ما كان فيه خلاف أو صراع حول الكابتنية ودائماً كابتن الهلال شخصية مالية مكانها، ومتفق عليها ..وغالباً ما يعمّر كباتن الهلال كثيرًا في الميادين.

أضف إلى ذلك أن من كرامات الكابتنية في الهلال أن كابتن الهلال ما بقعد كنبة.

هيثم مصطفى نفسه عندما كان كابتناً للهلال حتى بعد المشاكل والخلافات التى حدثت بينه وغارزيتو ورئيس الهلال وقتها لم يكن يجلس كنبة.

كان هيثم مصطفى يا جوه الملعب ..يا بره التشكيلة كلها.

في المريخ الكاتبنية بشيلوها بالصف ..يعني بالكنبة..أي واحد لبس شارة الكابتنية في المريخ ..قعد كنبة.

كابتن المريخ أكرم الهادي سليم كان كنبة للحضري وهو كابتناً للمريخ.

سعيد السعودي أقدم لاعبي المريخ ..وكابتناً للفريق عندما يشارك ..سعيد السعودي أغلب مباريات الموسم كان قاعد كنبة.

بله جابر وموسى الزومة وأحمد الباشا ..تبادلوا في مباريات مختلفة الكابتنية ..وثلاثتهم بقعدوا الموسم كله كنبة.

فيصل العجب نفسه كان كابتناً من (كنبتهم) على طريقة من منازلهم.

عبدالحميد السعودي كان كابتناً للمريخ بدخل في آخر عشر دقائق في المباراة (مع ناس الملح).

الحاجات دي في الهلال مافي ..ويمكن أن نضع نموذج حيّ لكباتن الهلال عبر التاريخ ..من صديق منزول وحتى عمر بخيت ..مرورًا بطارق أحمد آدم وجمال الثعلب وهيثم مصطفى.

كباتن كباتن بمعنى الكلمة.

لذا فإن المؤكد هو أنه ليس هناك أي خلاف حول كابتنية الهلال ..لأن عمر بخيت متفق عليه..وهو اللاعب الوحيد الذي يثني عليه الجميع..وهو لم يدخل منافسة مع لاعب في الهلال على الكابتنية حتى يكون هناك اختلاف.

المريخاب عليهم أن يحسموا مشاكل كابتنيتهم براهم ..(بعيدًا عن الهلال)...طبعاً المريخاب خجلانين يعطوا الكابتنية هيثم مصطفى.

في نفس الوقت شايفين الكابتنية تقيلة على أكرم الهادي سليم.

أكرم الهادي سليم في آخر يوم من التسجيلات تقول فنان ..أي لاعب سجلوه مشى غيّر ملابسه وجاء معه.

مع أحمد الباشا جاء أكرم الهادي سليم لابس البلدي...(زي محمد النصري).

مع محمد عبدالمنعم عنكبة، أكرم الهادي سليم جاء بالنبطلون والقميص (زي طه سليمان).

أها يا جماعة أنا خلوني بعيد.

هسع الشغل دا ما شغل فنانين.

بعدين يا أكرم نحن هلالاب (شفوت)..آخر يوم في التسجيلات قاعدين حارسين (السيستم).

الشيء الذي يحاول المريخاب دسه ...هو عدم ظهور هيثم مصطفى في الساحة المريخية.

هيثم مصطفى واضح أن علاقته مع المريخ علاقة كورة فقط ..(90) دقيقة ويمشي البيت.

محترف بحق وحقيقة ..من الملعب للميدان...ما عندو أي قضية أو علاقة بالمريخ.

هيثم مصطفى لم اقرأ له تصريحاً واحدًا بعد فوز المريخ بالدوري والكأس (موش انتوا بتقولوا كدا).

هيثم مصطفى لم يظهر في تسجيلات المريخ ..حتى في اعادة قيد الباشا ما ظهر ..(الزول دا ما عندو أي علاقة بيكم).

لا ظهر مع مالك لا مع باسيرو ولا مع تراوري.

بل الانكى من هذا للمريخاب أو قل الأجمل بالنسبة لينا أن هيثم مصطفى حتى جائزة سوداني وفوزه بجائزة أفضل لاعب وسط في الموسم ما جاء شالها.

شالها أكرم الهادي سليم.

هسع عليك الله يا أكرم علاقتك بالوسط شنو؟...(أنت قايل نفسك في الأردن).

حركات الأردن دي ما تعملها لينا هنا.

يا جماعة انتوا ما لاحظتوا (الفاصل) دا طول شوية.

عاوزين (المعلومات) طبعاً.

معلوماتي دي ح أعملها ليكم زي المسلسل التركي ..أول حاجة أعذبكم بالفواصل الإعلانية ...من ثم أدخل ليكم في (المعلومات).

الاتراك في مسلسلاتهم البطل يرقدوا ليك مستشفى (21) حلقة بين الحياة والموت.

حنك قديم.

ندخل على المعلومة (بعد طلاع الروح دا).

المعلومة التى تحصلت عليها والتى تؤكد تدخل المريخ من أجل افشال تسجيل وارغو في الهلال هي كالآتي.

نقولها ليكم بصورة خبرية..عشان أي معلومة لا تحتمل الكنايات والتشبيهات حتى نصيب الدقة نفسها.

لاعب الهلال المحترف النيجيري وارغو وصل للخرطوم يوم 17 ديسمبر الماضي الساعة الثانية (فجرًا).

الواطة صبحت والجرايد الرياضية جابت الخبر بالصورة في صبيحة اليوم نفسه الذي وصل فيه وارغو (فجرًا).

حلو كدا.

المريخاب اتهجموا ..وبطنهم طمت ..وكل الذي قدروا عليه ..قالوا لينا ما قلتوا (ماسورة).

في ماسورة بتجي بالمطار.

المواسير بتجي بالميناء البري أو البحري.

الساعة اتنين و 31 دقيقة بعد الظهر في نفس اليوم الذي وصل فيه وارغو أي يوم (17 ديسمبر) تم تحويل (كرت) وارغو من مكاتب الاتحاد العام لكرة القدم السوداني إلى نيجيريا ..إلى النادي الذي قالوا إن وارغو بيلعب فيه.

عشان الهلال ما يقدر يسجل وارغو باعتماد كرته الذي لم يطلب.

نظام الفيفا الجديد (السيستم) ..طبعاً بكشف ليك المكاتبات والمراسلات بالدقيقة ..لذا قلت إن الكرت حوّل إلى نيجيريا الساعة اتنين وواحد وتلاتين دقيقة.

التوقيت دا مكتوب في الكرت.

الاتحاد العام قال إن الكرت حوّل إلى النادي النيجيري يوم 2 نوفمبر ..وهذا ما لم يثبته التحويل ..لأن كرت وارغو وضح فيه أنه أرسل يوم 17 ديسمبر الساعة اتنين وواحد وتلاتين دقيقة.

نحن لا ننكر أن وارغو كان يلعب في ذلك النادي الذي يشبه الاكاديمية ..لكن نقول إن كرت وارغو كان في الخرطوم ..مثلما كان كرت (شيكوزي) هنا في الخرطوم بعد أن عاد إلى نيجيريا وتفاجأ الهلال به وهو يلعب مباراة ضد أحد الأندية النيجيرية في البطولة الافريقية ..واستغراب الهلال في كيف يلعب شيكوزى في هذا الفريق وكرته مازال في الخرطوم.

الهلال تقدم بشكوى وكان يمكن أن يكسبها لو اتبع الهلال الطريقة السليمة في الشكوى.

الزمن داك طبعاً ما كان في (سيستم).

السيستم ظهر هسع مع (البيرقر) وأسامة عطا المنان!!.

المريخ الان عبر أيادٍ خفية تدخل في الأمر ..وحرَض النادي النيجيري على (كرت وارغو)..وهو سوف يستفيد من الكرت مادياً عندما يطلبه الهلال.

رغم أن النوايا هنا كانت من أجل (العرقلة) وعدم تكملة قيد وارغو في الهلال ..وليس من أجل استفادة الفريق النيجيري مادياً.

السؤال الذي يفرض نفسه هنا كيف أصبح الاتحاد العام لكرة القدم السوداني طوعاً لهذه الأيادي ..فتحويل كرت وارغو تم من مكاتب الاتحاد وليس من نادي المريخ.

وهذا يثبت أن الاتحاد العام قلعة مقفولة للمريخ ..يفعل فيه ما يشاء..فقد أرسل كرت وارغو الساعة اتنين وواحد وتلاتين دقيقة (نكرر).

إعلام المريخ أولاً كان يتحدث أن وارغو بدون فريق...وعندما تم تحويل (الكرت)..طلعوا بحكاية النادي النيجيري الذي عرقل وأبطل قيد وارغو في كشوفات الهلال.

لكن الأمور كلها تيسرت ..وكللت الخطوات بالنجاح.

علماً أن رئيس نادي الهلال الحاج عطا المنان كان أكثر الناس حماساً ورغبة في ضم وارغو للهلال ..كذلك اجتهد في الأمر أمين خزينة الهلال الفاضل التهامي ونشط فيه وهوّن صعابه حسن محمد صالح الذي كان اليد الذي ضرب بها الهلال في التسجيلات.

كنت أريد أن أتحدث عن الفكرة الأولى التى قصدتها في بداية العمود وجعلت لها عنواناً ...غير أن المساحة لم تعد تسمح لهذه الفكرة التي سوف أعود لأكتب عنها في الغد إن شاءالله وهى تدور عن وارغو (الماسورة).

غدًا أكتب عن تلك (الموسرة)...قبل ذلك أعود وأبدل عنوان العمود لأنه لم يعد يتوافق مع الفكرة الثانية.

أها يا جماعة لاعب محارب كدا ...ودكنوا (كرتو) بالصورة دي ما يستحق الناس تقيف معاه.

كان ماسورة ..كان نافورة.

بكرة تاني نكتب عن (وارغو).

ملحوظة : الاضايق يقوم يا جماعة.

هوامش

مؤتمر الهلال الصحفي أمس قالوا زي حفلة محمد الأمين في نادي الضباط.

الشيء شنو؟.

الشيء آخر نظام.

يا مريخاب اعقلوا.

يا مريخاب ما تتهوروا.

يا مريخاب انتوا جنيتوا ..ماشيين تقابلوا بارين ميونخ بي عنكبة.

عنكبة دا على الأقل كدا عاوز ليه سنة ونص عشان يستوعب انتقاله للمريخ.

المريخ ما استوعبو..عاوزنو يستوعب بايرن ميونخ.

دي كلتشي ما قدر عليها.

الشيء الغلط ...هو أن المريخ سوف يبدأ التجمع يوم 25 ديسمبر.

أما الأجانب فسوف يصلوا بعد رأس السنة ..يعني على الأقل يوم 3 يناير.

علماً أن المريخ كلو أجانب (7 أجانب).

من ثم قد يسافر المريخ إلى الدوحة يوم 5 يناير ..ليلعب أمام بايرن ميونخ يوم 9 يناير.

يا جماعة الله بداية إعداد ...هل يمكن أن تكون مع بايرين ميونخ.

تمارين المريخ لهذه المباراة لن تتجاوز ال (5) تمارين.

إعداد المريخ هذا العام سوف يلحقو الموردة وأهلي مدني.

نحن مالنا.

لكن هيثم مصطفى دا بي إعدادكم المهبب دا أوعى تصيبوا لينا.

كابتن المريخ أمام بايرن ميونخ طبعاً لازم يكون هيثم مصطفى.

هيثم مصطفى الوحيد البقدر يتفاهم مع الألمان ديل.

هيثم بعرف الماني.

يا أكرم ..أنت كابتنيتك دي حدها شارع الأربعين.

تاني ما عندك شيء.

لو ما هيثم مصطفى بارين ميونخ ذاتو ما كان واقف يلعب ضدكم.

دا لو لعب!!!!!.

انتوا يا مريخاب ح تلعبوا ضد بايرن ميونخ ولاّ لاعبين ضد أحمد بيتر.

.....

عاجل :
ضفر قالوا ليه أنت ح تمسك وارغو..قال ليهم أنا الزول دا في التمارين لمن كنت براقبو كنت بفقد (11) ضرس ...و(17) ضفر ، وبشعر بتشمّط في العصب وتكبّل في القصبة الهوائية ...عاوزني امسكو في الهلال...الزول دا في الهلال (الأمم المتحدة) ما بتقدر تمسكو.

انقر هنا لقراءة الخبر من مصدره.