سودارس : رأسو حفيف

شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

رأسو حفيف

قوون نشر في قوون يوم 23 - 02 - 2014

ود السعيرب (حكومات تجي وحكومات تفوت) من غير اي مناسبة كدا (للناس البلافحو ساكت) ...حبوبتو أمنة بنت المفرمة ، خالة عثمان الشغال افندي في (الخرتوم)..(اصولها تركية)..تقعد ليك في المسلسلات التركية دي من صباح الرحمن.
لونها فتح من المسلسلات التركية.
تناقشك في اي شيء.
الدعايات ما بترحمك فيها...تشبكك (نقة) ما تخلى ليها (افتتاحية عدد).
تبدأ ليك من مفاوضات اديس ابابا (تنق ليك في الموضوع لمن تقول التمساح يا ريتو لو اكلني).
قصة الزول الفاهم اي حاجة ..وعارف اي حاجة ..وعندو رأي في اي حاجة.
ناس كتار كدا..انتوا ونحن ..كلنا شركاء في هذا الفهم.
زول (كتير) كدا .. تلاقي في الدكان ..وتلاقي في الكورة ..وتلاقي في العرس ..وتلاقي عند ناس أحمد.
وتلاقي في الصالون بشحن في موبايلو.
(محل قبلت القاهو معاي ..معاي زي ضلي).
وان مشيت الساعة 4 صباحا تجيب ليك (بندول)..تلقاه حايم في الشارع بي تلفونو.
شغال قصاص بالتلفون زي (ود ابرق).
محل ما تقبل تلقى قاعد ..محل ما تمشي تلقاه.
في المطعم ..في القهوة ..في المكتبة ...في (الواتس آب) ذاتو بكون قاعد.
مشترك ليه في (150) مجموعة.
شغال (موستب) كدا.
ما عندو حاجة اسمها (اخر ظهور) عشان على طول الخط ظاهر ..(ما بختفي).
بالمناسبة دي ...ارفعوا ايديكم.
عبدالرحمن بلاص فنان (تراثي) جميل ..قدم الاغنية كما تنتجها حقول البرتقال على رأي حسين خوجلي.
اغنياته برتقالية النكهة ..فيها ذلك (التشادق) الغريب.
عبدالرحمن بلاص هذا ..عنده اغنية بقول فيها (بلالي متين يجي بلالي متين يجي).
اظن ان صديق احمد ايضا يغنيها بحاله (الطنبورية).
الاغنية هنا ما عندها مناسبة.
لكن كنت عاوز اقول ليكم (بلالي) هذا الذي غني له بلاص كان غايب من اي بيت ..وكان البحث عنه جار في كل مساء.
عبدالرحمن بلاص اروع من قدم اغاني (السيرة)..واجمل الذين (سيروا) العريس الي بيت العدل.
من باب (التقدير) نذكره.
نعود.
حبوبة (السعيرب) بتواصل كلامها زي ما قلت ليكم من مفاوضات اديس الي (اصابة) وليد علاءالدين...ما بتخلي ليها حاجة.
ما بتخلي ليها (وثبة) حايمة.
زي جركانة الروب (المدلوقة).
انتوا تعالوا هنا ..ولاد علاءالدين ديل الاداهم عين منو؟.
ماجد علاءالدين الشقيق الاكبر اصيب في مباراة الهلال وهلال كادوقلي.
ووليد علاءالدين (نيمار) اصيب في مباراة الهلال والميرغني كسلا الودية.
اقنعوني (الاصابات) دي ما عين.
اقنعوني انها صدفة.
القصة البحكوها هنا ..(او الما بحكوها)...قالوا ليك في (وزير) مشى زار ليه ولاية.
ناس الولاية طلعوا كلهم في استقباله.
الوزير شاف الجماهير انفعل...قال ليهم ح نعمل ليكم (ظلط).
ردمية ما عملوها.
الناس قعدوا يصفقوا.
الوزير قال ليهم ح نعمل ليكم (كوبري).
كلام.
الصفقة زادت.
الوزير قال ليهم ...وح نعمل ليكم (سوق شعبي).
طبعا الجماعة ديل جنهم (اسواق شعبية)...اي حتة مشوا ليها عملوا فيها (سوق شعبي).
تقول الناس ناقصة اسواق.
هي وين القروش ؟..عشان تعملوا (الاسواق).
في شندي (السوق الشعبي) يحولوا فيه من معتمد لي معتمد.
كل معتمد يجيبوه يقول اعملوا (سوق شعبي) هنا.
يعملوه.
يجي المعتمد الجديد ..يقول دا منو العمل السوق الشعبي دا هنا ..(دا غلط)..نحن ح نكسر السوق دا ..ونعملو هناك.
شغالين كدا...زي شريط حمد الريح (الرحيل)..كل ما تسمع (صفحة) تقلبو عشان تسمع (الصفحة) التانية.
الوزير قال ليهم ح نعمل ليكم (مستشفى).
عنبر ما عملوه.
الولاية دي كلها وقفت تصفق ..إلا حميدان ود كهرمان.
حميدان ود كهرمان ..خلى ليك الناس وقفوا من (الصفقة) وقام (ينف) ليك في الوزير.
قال ليه الظلط ما كعب (لو عملتوه) ..والكوبري حاجة ما بتخلص (لو عملتوه) ..والسوق الشعبي محتاجين ليه والله (لو عملتوه) ..والمستشفى اصلو ما عندنا فيه كلام (لو عملتوه) ..لكن يا سيادة الوزير (امتحان الرياضيات) النازلنو بكرة عملت لينا فيه شنو؟.
الوزير هو عمل (الكوبري) عشان يعمل ليك حاجة للامتحان.
هسع دا ما موضوعنا...(كلامك بقى كتير من الجماعة ديل طاروا من التمهيدي).
ود السعيرب كان رأسو (خفيف).
يعني اقل حاجة بطلعو ليك برة الشبكة... (برة التشكيلة يعني ) يقعد (يهضرب) متل عطسة (الشطة).
لو شرب ليه (شاي) تقيل ..يقعد يتكلم (كتر).
لو اكل ليه ملاح روب (مر) يقعد يتكلم برة رأسو.
يومو البشرب ليه (بيبسي) ..بتلقوه منبطح في (الرملة) ما قادر يصل البيت.
مجدوع في الشارع ..وما عارف يعمل شنو؟.
السعيرب دا ...حصلت ليه مواقف غريبة ...مع قناة (النيلين).
سمع ليك الناس بقولوا حولوا (الطبق) 26 درجة نحو الشرق ..قام حول (الطبق).
قال يمكن الموضوع يكون فيه (فراخ).
يمكن يوزعوا لينا فراخ الجمعية.
حول الطبق ..وقعد.
اليوم داك قناة النيلين كانت ناقلة مباراة المريخ والاهلي عطبرة.
السعيرب قاعد في امان الله بحضر في المباراة.
الشوط الاول انتهى.
الشوط التاني طبعا انتوا كلكم عارفين متوكل احمد علي (نتف) ليك السلك.
الكورة طشت.
السعيرب طلع في رأس البيت يلف في (الطبق).
يحول فيه من حتة لي حتة.
السعيرب حسب رأسو الخفيف ..افتكر المباراة طشت بسبب (الطبق).
المكسين ما عارف متوكل أحمد علي (نتف) ليك السلك.
نتفة السلك دي ..ذكرني ليها (سنس)...قال لي زمان كان الحفلة تكون شغالة زي الحلاوة.
يقوم واحد كدا (شفت) يجي ويفصل الكهربة.
الحفلة تقيف.
والشفع يقعدوا يكوركوا.
والناس تقعد تحنس في الزول (الشفت) دا ..عشان يرجع الكهربة والحفلة تستمر.
الزول الشفت يقتنع ..والنور يرجع ..والحفلة تاني تدور.
تقوم تسخن من اول جديد ..يقوم يظهر زول شفت تاني ..يقوم يعمل شنو؟.
يقوم يفصل الكهربة.
يعمل نفس العملية.
هسع متوكل احمد علي عمل نفس الحاجة ..(نتف) ليك السلك من عربة التلفزة.
السعيرب طلع رأس البيت.
قدر الزول دا ما حاولوا يقنعوه انو الموضوع دا من (المصدر) السعيرب ما اقتنع.
افتكر الحكاية من (الطبق).
المباراة انتهت ..السعيرب نزل من رأس البيت ..وهو يطنطن ويقول : والله يا ناس النيلين عندكم (طبق) المباراة ينقلها كورنر ..كورنر.
الموضوع دا انتهى بي خيرو وبي شرو.
ما في مشكلة.
السعيرب تاني ..في يوم اخر طلع تلفزيونو بعد ما سمع ان مباراة المريخ وكمبالا سيتي منقولة في (النيلين).
وناس النيلين قالوا حولوا الطبق 26 درجة.
طبق هو وإلّا (مسألة) رياضيات البحولو فيها بالدرجات كدا.
السعيرب قاعد في التلفزيون بعد ما حول الطبق ..ومنتظر المباراة.
(مباراة المريخ وكمبالا سيتي).
قاعد منتظر المباراة ...ما في حاجة.
شاف ليك الاستديو التحليلي..قلبو رقد.
شوية كدا ...سمع ان المباراة شغالة ..لكن في التلفزيون ما في.
دا شنو؟.
دا يقولوا عليه شنو البقطع كدا؟.
دا شنو؟.
انتوا دا موش (خالد الاعيسر).
المباراة دي مالها اتلخبطت كدا.
هسع دا الاعيسر وإلّا الزومة؟.
يا ربي دي المباراة ..وإلا كمان دي محكمة الاراضي.
السعيرب ..قلبو اكلو ..قال يمكن (الطبق) دا جاب ليه (لجة).
احسن اطلع اشوف الحاصل شنو؟.
السعيرب ابو رأس خفيف ما بتلفت ..طلع رأس البيت.
شمال في يمين.
شرق في غرب.
شوية كدا.
خالد الاعيسر قدم (استقالتو).
السعيرب بعاين في التلفزيون من فوق ..شاف ليك (الاستقالة).
السعيرب قال امك ..لفة واحدة للطبق الاعيسر قدم استقالتو طيب لو عملت لي (7) لفات زولكم دا ما بستقيل.
نحن خفنا...قلنا ليه زولنا منو؟...كمان عاوز تجيب لينا (الهوا).
السعيرب حريف ..قال انا قاصد (محمد حاتم) انتوا افتكرتوه منو؟.
تفكيركم ما يمشي بعيد.
السعيرب قاعد بلف في الطبق كدا ..حاج الشعدلاب جا فوقو قال ليه انزل ساكت يا السعيرب ...المريخ (طار).
طار من وين يا حاج الشعدلاب؟.
طار من (التمهيدي) يا السعيرب.
يا حاج الشعدلاب ..من التمهيدي ما بقولوا (طار)...في زول بطير من الواطة.
من التمهيدي بقولوا (سار).
ديل (الطيران) كتير عليهم.
ونزل ليك السعيرب على كدا.
ملحوظة : موضوع (الطبق) طبعا نحن ما بنفوتو ليكم.
هوامش
تشخيص وعلاج وليد علاءالدين يجب ان يكون بصورة صحيحة وبطريقة علمية.
هذه الموهبة ان كان علاجها يحتاج الي سفر خارجي ما تعالجوها لينا هنا.
مصر ما فيها اي علاج رياضي.
بدليل ان كل لاعبي الاهلي والزمالك في مصر بتعالجو في المانيا.
الهلال يلعب غدا ..نبحث عن (متعة) حقيقية في المباراة.
عسى ولعل تعود لنا (الثقة) قبل مباراة الملعب المالي.
المعز محجوب كان ضروريا في مباراة الذهاب.
لكن عدم اشراك المعز في المباريات السابقة يجعل امر مشاركته في مالي مستحيل.
الجميل في نصرالدين النابي ..انه شغال صباح ومساء ..وما شغال بي حاجة تانية.
مركز مع الفريق.
والجميل فيه انه يمنح الفرصة فقط للاعب الجاد ..والمسؤول ..اي استهتار يخرجك من التشكيلة.
بايرن ميونخ استفاد من تجربة المريخ بدليل انه فاز على مانشيستر سيتي في ملعبه 2 / صفر.
وهي نفس النتيجة التى خسر بها المريخ من كمبالا سيتي في الخرطوم.
يبقى في (استفادة) حايمة.
في فريق استفاد من التاني.
العجب سجل في المريخ.
قلق سوف يفعل نفس الشيء عندما يلاقى المريخ فريق الخرطوم الوطني.
قون (قلق) بجي ..بس انتوا قفلوا على كدا.
هلال الفاشر قدم مباراة اكثر من رائعة في عطبرة امام الاهلي العطبراوي.
اظن ان هلال الفاشر عائد بقوة في الاسابيع القادمة.
....
عاجل : مفروض الهلال في مباراة الاياب يلعب شوط في شندي وشوط في كريمة ..عشان ناس الملعب ديل يفهموا حاجة.

انقر هنا لقراءة الخبر من مصدره.