سودارس : كلام فارغ مع شوية (فلسفة) وعجور

شاهد بالفيديو.. مواطنة سودانية تنهار بالبكاء فرحاً بعد رؤيتها "المصباح أبو زيد" وتدعوه لمقابلة والدها والجمهور: (جوه ليك يا سلك) (لوبوبو وإن طال السفر) بعد العودة إلى التدريبات.. هل ينتهي تمرد رونالدو أمام أركاداغ؟ شاهد بالفيديو.. الجوهرة السودانية يشعل المدرجات ويفتتح مشواره الإحترافي بالخليج بصناعة هدف بطريقة عالمية شاهد بالفيديو.. افتتاح مستشفى بمواصفات عالمية بمنطقة شرق النيل بالخرطوم والجمهور يشببها بأكبر المستشفيات بالخليج شاهد بالصور.. مواطن سوداني محتجز بأحد إقسام الشرطة بمصر يرسل رسالة لأقاربه على قطعة "كرتون" (أحضروا لي ملابس) مدير عام قوات الجمارك: لن نتهاون في حماية الوطن من سموم المخدرات والسلاح شاهد بالفيديو.. قائد ميداني بالدعم السريع يعلن انشقاقه عن المليشيا ويعترف: (نحن من أطلقنا الرصاصة الأولى بالمدينة الرياضية) مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز الجمارك في السودان تحسم جدل رسوم بشأن الأثاثات والأجهزة الكهربائية للعائدين السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان بعد غياب 8 سنوات.. عبلة كامل تعود وتثير ضجة ب"إعلان" "سامسونغ" تُحبط الآمال بشأن الشحن اللاسلكي في سلسلة "Galaxy S26" هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين توضيح من سوداتل حول مشروع ممر Bypass الإقليمي لحركة الترافيك العالمية عبر السودان حساسية الجلد أثناء الحمل.. متى تستدعى القلق واستشارة الطبيب؟ تحديث ذكي جديد ل"واتساب" في آيفون نائب البرهان يفجّرها بشأن حل مجلس السيادة واتّهام قادة كبار في جوبا تشابه دماغ البشر والذكاء الاصطناعي يدهش العلماء القانون يلزم الشركات السياحية بسداد تأمين مؤقت عن رحلات العمرة لو ليك فى الرومانسى.. لا تفوت هذه المسلسلات فى دراما رمضان 2026 كاكا قال لدوائر فرنسية إنه يتوقع إنهياراً وشيكاً لقوات التمرد السريع اكتشاف وجود علاقة بين الاكتئاب وهشاشة العظام دراسات: إوميجا 3 تحسن الإدراك وتعزز المزاج عقوبة مالية على الإتحاد وإيقاف عضو الجهاز الفني لنادي المريخ قرارًا جديدًا لوزير التعليم العالي في السودان والي النيل الأبيض يشيد بالليلة الثقافية الأولى لهلال كوستي الجيش يفشل هجومًا عنيفًا لميليشيا الدعم السريع أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة الهلال يتلقى أول خسارة بدوري المجموعات أمام مولودية الجزائري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كلام فارغ مع شوية (فلسفة) وعجور

قوون نشر في قوون يوم 14 - 04 - 2014

زمان نحن عندنا اهلنا الكبار ..بقولوا ليك عن (الفلسفة) ..كلام فارغ.
الفلسفة عندهم (كلام فارغ).
لو شافوا ليك زول (بتفلسف) بقولوا ليك الزول دا ما عندو (شغلة) ..مطلوق بلا غرض.
وهم لو عارفين حاجة...مطلوق بلا غرض دي ذاتها (فلسفة).
لو شافوا ليك زول (مبرم) شعرو ..بقولوا ليك الولد (فكت) منو؟.
يعني بقى (مجنون) عديل كدا.
لو بتنقطها ..تاني ما بشتغلوا بيك...(خلاص انت عندهم زول زحلق).
وزحلق يعني فوّت.
وفوت يعني بلبس فانلة السقط في السخانة دي.
ويقول ليك : هي وينها السخانة؟.
الفلسفة في البلد دي ذاتها غريبة.
زي (العناقريب).
نحن بنخلط الفرح بالحزن بصورة عجيبة.
العنقريب دا ..بجرتقوك فيه.
والعنقريب ذاتو ..بحنطوك فيه.
العنقريب بشيلوك فيه على بيت العديل.
وبشيلوك فيه على ود اللحد.
حاجة غريبة.
ناسنا ديل بحبوا الجمع بين النقيضين.
عملوا ليهم اختراع براهم..سموه (الحلو مر).
عليكم الله في حلو ومر بتلموا في مشروب واحد...(الناس ديل عباقرة وما ساهلين).
وعارفين اي حاجة.
ساكت كاتلين ضلهم.
هسع مشروب (الحلو مر) دا ما فلسفة.
العناقريب دي ما عناقريب (فلسفة).
ما تهملوا (فلسفتكم) دي ساكت.
انتوا فلاسفة ..لكن براكم ما جايبين خبر.
يعني شنو؟...تفتح (الشباك) عشان تنظر للقمر وهو في طوره (البدري) يحاول الاكتمال ..وانت بتشرب في (شاي)..وبتكتب ليك في قصيدة.
وناس اللجنة الشعبية ..كل مرة يدقوا ليك الباب ..يقولوا ليك الخميس القادم عندنا اجتماع.
ما تجتمعوا ..ان اجتمعتوا.
انا مالي.
افتح الشباك ..واقعد افكر في (القمر)..اعمل فيها (شاعر).
ان شاءالله شاعر راحل.
زي كأنك موية باردة
في هجير ..صيف القوافي..
او كأنك زول تلاقي
زول يكافح في العوافي
فجأة تتدور حواسك
ترتعش فيك المشاعر..
فجأة تتلخبط يمينك
فيك تتكبكب عيونك
هل تسلم ..وإلّا لا لا؟
هو شايفك ..وإلّا بستهبل عليك؟
هو عارفك ..وإلّا بتاقل يعاندك؟
انت ماشي؟.
وإلّا جاي؟.
وإلّا ساكت
فينا بتخيل مجيك
عندنا زول كبير في السن ..ما قرأ...ما بعرف يكتب ...لكن لو سألتو من (عطارد) يكب ليك الكوكب دا زي (الحلة).
ما بخلي ليك فيه فريق.
يطرشو ليك طراش ..لمن يندمك على السؤال.
يخيط ليك كلامو ..ويقعد ليك الحروف زي ستات الشاي في شارع النيل.
اول حاجة يجيبوا ليك (الموية).
تاني حاجة ..بعد ربع ساعة كدا ..يقولوا ليك تشرب شنو؟.
الحكاية دي فيها نظام...ما ساي.
فيها (فلسفة).
انتوا فاكرين (الفلسفة) دي في الكتب بس.
مرة الزول دا سألناه (الزول الكلمتكم عنو في السطور الفوق)..قلنا ليه (الفلسفة) يعني شنو؟.
كنا بنتريق عليه.
ولاد المدن ..وقت الواحد يقرأ ليه كتاب ، بقوموا يتريقوا على الناس.
برفعوا (نخرتهم) زي (الكورنر).
زولكم دا قال لينا انا الفلسفة ما بعرفها ...لكن (بنت المني بنت خليفة) ..زمان قالت ليها كلام سمح.
اظنو في زمنكم دا بتعتبروه (فلسفة).
قلنا ليه : قالت شنو؟...(قاعدين تطيروا في عيونكم زي الصيوان في الهوا).
قال لينا (بنت المني بنت خليفة) قالت لينا ..الديك (العوعاى) شوربتو ما تكتروا ليها (البصل).
قلنا ليه : ليه يا حاج؟.
قال لينا دي ما (الفلسفة) البتسألوا منها ذاتها.
انتوا قريتو شنو في (البندر).
قلنا ليه ان بقى كدا ..اخير لينا (السميع ود الكرنك).
قال لينا (السميع ود الكرنك) ..خبرو شنو كمان؟...(عندي لبن في النار عاوز ألحقو).
قلنا ليه (السميع ود الكرنك) دا زمان وقت كانت في ازمة رغيف في البلد ..كان بشيل (سنارتو) ويطلع.
نقول ليه يا السميع ود الكرنك ..شايل (الجبادة) ، وطالع في انصاص الليالي ماشي وين؟.
السميع ود الكرنك كان زول (حكيم) كان بقول لينا : ماشي (الطابونة).
بنقول ليه الطابونة ماشي تجيب ليك سمك وإلا رغيف ..شايل قفتك وسنارتك وطالع.
السميع بقول لينا : يا اولادي البلد دي رغيفها زي (السمك) ..الواحد لو ما (شرك) ليه ما بلم فيه.
اها نوع الكلام دا ..نحن بنسميه (فلسفة).
الناس ديل ما اتعلموا ..لكن كمان ..كانوا ناس (عميقين)..كلامهم كلو حكم.
قاعات الجامعات دي بقى ما فيها اي حاجة ..غير (الواتس آب).
الطلبة (واتسوبو).
اها بعد (الواتس آب) دا راجيين ليكم عمار.
انتوا عارفين بدون مناسبة كدا ..نحن بقى عندنا ازمة (خجل).
الناس ديل بقوا ما بخجلوا.
ولمن يغيب (الخجل) بتغيب حاجات كتيرة.
يعني هسع حكم مباراة الهلال والاهلي شندي لو بعرف حاجة اسمها (الخجل) كان احتسب اهداف الهلال.
لكن واضح انو عينو قوية..ما فارقة معاه.
ودي ما بعملها زول بخجل.
من الحاجات بتاعة الخجل دي قالوا ليك (اول رئيس لامريكا جورج واشنطن كان خجولا لا يستطيع ان يخطب في العامة).
هسع تعال شوفوا ديل ..من عدم (الخجل) ممكن يغالطوك في حبة عينك.
لو في (خجل) عليكم الله (المواقف) دي بحولوها.
خلوها المواقف ...عشان ما (نتفلسف) في الفاضي ساكت.
توماس اديسون كان عندو رأي واضح في (الخردة).
انتوا ما تفتكروا (الخردة) دي ما عندها قيمة ..وهي شوية (كرور) ساكت.
توماس اديسون كان بقول : (لكي تخترع تحتاج الي خيال خصب وكومة من الخردة).
لكن بي صراحة.
بي امانة.
والكلام دا ما يزعل زول.
نحن (الخردة) عندنا.
لكن عندنا مشكلة في (الخيال الخصب).
المهاجم السوداني ..يجبد ليك الميدان كلو ..يمر ليك من اي زول يلاقيه.
يفوت من الجميع.
لمن يصل المرمي ..بيضع ليك الكورة في (الكشافات).
عارفين بعمل كدا ليه؟.
عشان بكون وهو في اللحظة دي اتذكر انو سيد اللبن عاوز منو حق (17) رطل.
اها دي ما (فلسفة).
انتوا ساكت بتكوركوا في المهاجمين.
المهاجم لو مرتاح ..ما بضيّع ليه فرصة.
من الفلسفات العميقة جدا.
سيد اللبن بجيك كل يوم.
ما بقول ليك اي حاجة.
كل يوم ..بكون صامت.
يوم واحد سيد اللبن بيجيك ...اول ما يقيف قدام الباب وانت تطلع ليه بقوم يطلع تلفونو ..ويقول ليك : (والله حق المسكول ما عندي).
المعني عاوز حقو.
عاوز قروشو ..ما تعملوا فيها ما فاهمين.
اها نوع الفلسفة دي ..الزول دا اتعلمها وين؟.
حكمة الله ...سبحانه وتعالي اي زول بعيطيه (فلسفة) تتوافق مع شغلتو.
يعني انا ما حصل قابلت لي صحفي ..ما لقيتو بنزل ليه في (رصيد) في تلفونو.
دي فلسفة برضو.
يا جماعة الله ..يا ناس.
انتوا شفتوا ناس الارصاد الجوي الايامات دي بعملوا في شنو؟.
ناس الارصاد الجوي الايامات دي بتوقعوا.
ترفع ليك اي جريدة ..تقرأ فيها ناس الارصاد الجوي بتوقعوا ارتفاع في درجات الحرارة.
انتوا يا جماعة طيب ما تتوقعوا لينا حاجة كويسة.
نحن ما عندنا (ربيع).
لكن عليكم الله اتوقعوا لينا (ربيع).
خلونا نتهبب شوية بالتوقعات.
اها (التوقعات) دي ...عليكم الله ...ما فيها (فلسفة).
فلسفة شنو يا زول؟.
شبكتنا (سقط).
سقط شنو كمان؟.
ملحوظة : هسع وينو العجور هنا؟.
هوامش
نصرالدين النابي في الفترة الاخيرة دخل في اشكاليات كثيرة مع بعض لاعبي الهلال.
وانعكست صراعات المدرب وخلافاته على اداء الهلال في الفترة الاخيرة.
على مجلس ادارة نادي الهلال الانتباه لذلك.
الملاحظ ان مستوى الهلال في تراجع واضح في المباريات الاخيرة.
المرحلة القادمة ...مرحلة المجموعات ..وهي ما بتقبل اي تلاعب اي تراخي.
مطلوب من نصرالدين النابي ان يكون اكثر مرونة.
لا يعقل ان تخرج اراء النابي وتصريحاته عن بعض اللاعبين الى الصحف.
دائرة الكورة في الهلال والقطاع الرياضي كله ..بل مجلس الادارة عليه ان يحسم هذا الامر.
تقارير النابي يجب ان تظل سرية.
مالك الذي ابعده النابي كان الافضل في المباراة السابقة.
ويمكن ان يكون صلاح الجزولي افضل مهاجم في الهلال لو وجد الفرصة.
لا نريد ان يحكم المدرب على اللاعب من منطلق شخصي.
كفاية المشاكل والخلافات التى تسبب فيها غارزيتو.
لا نريد من النابي ان يكرر اخطاء غارزيتو.
قلناها للمرة الالف ..المرحلة القادمة ..لا تقبل اي تراخى ..او مشاكل او صراعات.
كفاية علينا الظلم الذي يتعرض له الهلال من الحكام.
كفاية علينا مجدي شمس الدين.
مباراة الهلال امام مريخ الفاشر في الفاشر تأتي في وقت صعب.
والهلال شكلو مخيف.
واي تعثر في هذه المباراة يعني فقدان الدوري كله.
لذلك وجب الاهتمام بهذه المباراة.
الانتصار في تلك المباراة يعني ان الهلال تجاوز 80% من حسم اللقب.
مهم جدا انتصار الهلال في الفاشر.
الانتصار سوف يعيد الهلال الي وضعه الطبيعي.
انتصروا ..تتصلح اي حاجة.
جميل ان استاد الفاشر ذو ارضية ممتازة.
....
عاجل : ما في عوجة ..كلو في السليم.

انقر هنا لقراءة الخبر من مصدره.