المقاومة الشعبية تدفع ب(4) ألف مقاتل لمسارح العمليات    حقيقة تصنيف مواليد الثمانينيات ضمن كبار السن في منظمة الصحة العالمية    وفاة الفنان السوداني الكبير عبد القادر سالم    هل يمكن أن يؤدي الحرمان من النوم إلى الوفاة؟    جمعية عمومية تاريخية لاتحاد مدني تُشعِل الحراك الرياضي بحضور تجاوز 180 عضواً    بنك السودان يتأهب لإطلاق المقاصة الإلكترونية    إطلاق نار على سوداني..السعودية تعلن إعدام مواطن وتكشف تفاصيل    أحداث مؤسفة في نهائي دورة شهداء معركة الكرامة بمدينة رفاعة    العشوائية والفوضى التكتيكية تقودان الهلال لأول خسارة    اجتماع بين البرهان ومستشار ترامب..تقارير تكشف التطوّرات    تفاصيل بشأن زيارة البرهان للسعودية    الأردن يفوز على السعودية برأس رشدان ويتأهل لنهائي كأس العرب    سودانيون عالقون بين أنياب الجوع ونيران المدافع في كردفان    المغرب يحسم بطاقة نهائي كأس العرب الأولى على حساب الإمارات    والي الخرطوم يوجه بالالتزام بأسعار الغاز حسب التخفيض الجديد    شاهد بالصورة والفيديو.. شارع "البراحة" بمدينة بحري يلبس حلة زاهية بعد أعمال الصيانة وإعادة سفلتة الطريق    شاهد بالصورة والفيديو.. الفنانة إيلاف عبد العزيز تُقلد السلطانة هدى عربي أثناء تقديمها وصلة غنائية والأخيرة تنفجر بالضحكات    ضبط أخطر تجار الحشيش وبحوزته كمية كبيرة من البنقو    شاهد بالفديو.. تكلفة إيجار الأستوديو وحده بلغت 2 مليون مصري.. صحفية سودانية شهيرة تهاجم برنامج "أغاني وأغاني" وتناشد الرئيس البرهان: (أوقف هذا السفه لأجل الشهداء الذين قدموا أنفسهم فداء لك)    البرهان يصل الرياض    إجلاء جثامين وجرحى عناصر«يونيسفا» إلى أبيي بعد الهجوم المسيّر    تعرف على جوائز كأس العرب 2025    النوم أقل من 7 ساعات ثاني أكبر قاتل بعد التدخين    ريال مدريد ينجو من فخ ألافيس ويلاحق برشلونة    شاهد بالصور.. "جرجس روحي" يهاجم "زول سغيل" بسبب دارمته الجديدة: (كنت بتتريق علي الاحداث الانت حاليا بتحاول تمثلها ومجالك انت معروف شوف البنات الساقطات اخلاقيا والماعندهم اهل)    بعد غياب طويل.. أول ظهور للفنانة المصرية عبلة كامل بعد قرار السيسي    منع نقل البضائع يرفع أسعار السلع في دارفور    فريق عسكري سعودي إماراتي يصل عدن    ترامب يعلن: الجيش الأمريكي سيبدأ بشن غارات على الأراضي الفنزويلية    كارثة إنسانية قبالة اليونان وغالبية الضحايا من مصر والسودان    ترامب يلغي وضع الحماية المؤقتة للإثيوبيين    الإعلامية والشاعرة داليا الياس ترد على إتهام الجمهور لها بالتسبب في فصل المذيع الراحل محمد محمود حسكا من قناة النيل الأزرق    رئيس الوزراء يشهد تدشين الربط الشبكي بين الجمارك والمواصفات والمقاييس    إليك 7 أطعمة تساعدك في تقليل دهون الكرش طبيعياً    الإعلامية سماح الصادق زوجة المذيع الراحل محمد حسكا: (حسبي الله ونعم الوكيل في كل زول بتاجر بي موت زوجي.. دا حبيبي حتة من قلبي وروحي انا الفقدته وفقدت حسه وصوته وحبه)    حَسْكَا.. نجمٌ عَلى طَريقته    قوات الجمارك بكسلا تحبط تهريب (10) آلاف حبة كبتاجون    وفاة إعلامي سوداني    مسيّرتان انتحاريتان للميليشيا في الخرطوم والقبض على المتّهمين    هيئة مياه الخرطوم تعلن عودة محطة كبيرة للعمل    إسحق أحمد فضل الله يكتب: (حديث نفس...)    تنويه عاجل لهيئة مياه الخرطوم    تصريحات ترامب المسيئة للصومال تثير غضبا واسعا في مقديشو    حريق سوق شهير يسفر عن خسائر كبيرة للتجار السودانيين    مياه الخرطوم تكشف تفاصيل بشأن محطة سوبا وتنويه للمواطنين    إدارة التعدين بولاية كسلا تضبط (588) جرام و (8) حبات ذهب معدة للبيع خارج القنوات الرسمية    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    إحباط تهريب كميات كبيرة من المخدرات والمواد الخطرة بنهر النيل    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    إحباط تهريب أكثر من (18) كيلوجرامًا من الذهب في عملية نوعية    وصول 260 ألف جوال من الأسمدة لزراعة محاصيل العروة الشتوية بالجزيرة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



لو دا فريقكم..ابدأوا في الطابق الثالث
محمد عبد الماجد نشر في النيلين يوم 26 - 01 - 2014

دخلنا الامتحان...الواطة كانت سخنة زي (صاج الزلابية)...المراقب وزع لينا الورق ، وقف لينا في الباب متل (الباك).
وقعد يراقب ...(وهو تلاتة شهور ما صرف).
لو عاوز تتنفس ..تلقى واقف ليك في حلقك.
لو (اتشهقت) ساكت ..تلقى واقف في ضهرك...زي (ياسر رحمة) ما بديك اي فرصة.
في مراقبين ..(حقارين)..لو عاوز ليك (مسطرة)..يقولوا ليك عاوز بيها شنو؟.
انت مالك؟..يعني (المسطرة) بكون عاوز انزل فيها رصيد.
المسطرة بعملوا بيها شنو؟.
عايّنا في ورقة الاسئلة..عيونا (حلجت) من الشوف...دا شنو البتعمل فيه الوزارة دا؟.
هسع دي (اسئلة) يجبوها لي طلبة (حق الفطور ما عندهم).
اسئلتكم من صعوبتها (تشعبط) في الرقبة.
اسئلة متل (الكدايس).
كلنا فتحنا خشومنا (زي الشنط) من صعوبة الامتحان...في واحد فينا رفع ايدو.
المراقب قال ليه عاوز شنو؟.
قال ليه عاوز موية اشرب.
الفصل كلو رفع ايدو.
المراقب قال في شنو يا جماعة؟.
الفصل كلو قال عاوز يشرب موية.
قلت ليكم امتحان صعب شديد ...ما صدقتوا...من السؤال الاول (تعطش).
السؤال التاني تعطش وتجوع.
السؤال الثالث تعطش وتجوع وتصدع.
الغريبة انك بتشعر بي انك زول مفلس كمان في السؤال الرابع.
الكلام دا انتوا ما بتصدقوه ليّ.
انتوا اصلو ما بتصدقوا بالساهل ..تقول متعاقدين معاكم على عدم التصديق.
طالب قاعد في الركن ..زي (القميص) الفاضي ...المراقب قال ليه اها عاوز شنو انت كمان ، رافع ايدك؟.
الطالب قال ليه يا استاذ ...الامتحان دا امتحان شنو؟...(والله ما فهمت فيه اي حاجة).
الامتحان دا وضعتوه في (روسيا).
المراقب قال ليه كيف يعني امتحان شنو؟...في الورقة مكتوب ليكم امتحان شنو؟.
طالب ما عندو اي دخل بالحوار دا ...قال ليه : مكتوب امتحان كيمياء.
الطالب الكان رافع اصبعو اول ..قال والله دا لا امتحان كيمياء ولا حاجة ..كمان نحن ما بنعرف الكيمياء.
الظاهر كتبوا امتحان كيمياء في الورقة فوق..وعرجوا على (روسيا) في الاسئلة.
تكتبوا في الورقة امتحان كيمياء ..وتجيبوا لينا اسئلة في المحور الروسي للبناء الهبنوقي لمركز الشمس الانعكاسي للضوء.
كلام ما مفهوم ..ولا عندو اي معنى..وما قاعد يلاقى ليه زول بعد ما يتخرج من الجامعة في الشغل.
انتوا بدرسونا حاجات ما قاعد تلاقينا في حياتنا العملية.
بتصدعوا بينا ساكت.
زي الدكتور ..البقول ليك ..عندك (ملاريا) ، لكن عشان نطمئن عليك اكتر اعمل لي (رسم قلب).
رسم قلب لي شنو يا دكتور؟.
رسم قلب ..للقلب ..يعني ح يكون رسم قلب للنخرة ..انت مالك عاوز تندمني على قراية الطب؟.
يا استاذ ..انت ليه بدرسونا حاجة ...وفي الامتحان بتجيبوا لينا حاجة تانية.
انتوا ليه بتعملوا في الطلبة المساكين ديل كدا.
زي ناس خميس ود العكول شم الزاد ...يدخّلوا في الفرن صينية (باسطة) ..ويطلعوها ليك من الفرن صينية (بطاطس).
ما في اي علاقة بين الباسطة والبطاطس.
لكن في البلد دي ...اي حاجة جائزة.
مرة مشينا نجيب لينا (انبوبة غاز)...لفيّنا البلد دي كلها ما لقينا انبوبة غاز.
اي واحد تسألو يوصف ليك شارع تاني في حلة تانية ...عشان الزول الوصوفوه ليك دا يقوم يوصف ليك تاني محل تاني.
البلد لمن يكون ما فيها (غاز)...بظهر في (ورق الكوتشينة).
الورق البوزعو ليك كلو بكون ما مجاوز.
محل غاز ..طول وعرض ..وقدامو (120) انبوبة غاز سألناه ..قلنا ليه فيّ غاز؟؟.
قال لينا : غاز مافي.
طيب يا ود الناس (غاز مافي) دي ...محتاجة لي (فلسفتك) دي كلها ..ما كان ممكن تقول الجملة دي بدون تعقيّد.
اي حاجة معقدنا.
الواحد فيهم يقولها ليك (ما فيّ غاز) بي طريقة ..(تعشمك) في انو فيّ غاز.
قلنا ليه طيب ما تحول محلك دا محل تحويل رصيد ...بدل ما تشر لينا (انبوباتك) كدا في الشارع زي (الكتاكيت).
وإلا اقلب المحل شركة مقاولات.
او جيب ليك ماكينة خياطة ...بدل ما تقعد لينا كدا ..بس عشان تقول : ( ما فيّ غاز).
انتوا وقت يكون ما فيّ غاز ..بتفتحوا ليه ؟...عشان تقولوا للناس (ما فيّ غاز).
اقعدوا في بيوتكم...قاطعين نفسكم في الفاضي.
هسع عليك الله في داعي ...فاتح من الساعة ستة صباحا ..عشان الساعة اربعة ونص عصر .. تقول لينا : (ما فيّ غاز).
في واحد ثبتني ليك ...قال لي انت تعال هنا ..الكلام البتقول فيه من الصباح دا ...الغاز ...والامتحان ، والكلام الكتير دا...عندو دخل بالكورة.
مالك عاوز تفترنا.
قلت ليه كيف ما عندو دخل بالكورة.
نحن ما قاعدين نتكلم ساكت.
اي حاجة عندنا بي نظام.
اذا كان لاعب كورة القدم من الساعة عشرة لافي ليه بي ركشة بفتش ليه في انبوبة غاز للساعة خمسة إلّا ربع...والساعة خمسة بمشي التمرين ...ببقى في علاقة بين الغاز والكورة ...ولاّ لا؟.
واحد تاني قال لي ما في مهاجم بفتش ليه عن انبوبة غاز ...الشغل دا شغل (باكات).
غايتوا (الباكات) ديل في اي حتة بدخلوهم ..بي ذنب ..وبدون ذنب.
مرة جابوا لينا (باك) قاطع.
الباك البحلق كل يوم ونص داك.
من الصالون للتمرين ...ومن التمرين للصالون.
ما عندو اي (شغلة) تانية.
باك صعب.
باك ..باك.
ما فيه اي كلمة.
الباك وقت شفناه كدا ..قبل ما ينزل الميدان ...قلنا خلاص جابوا لينا (باك) زي (الخزنة) نملة ما بتفوت منو.
تاني ح نوم قفا.
تاني ما عندنا اي مشكلة.
نحن في الحقيقة حكمنا على مستواه بالحلاقة.
قلنا اللاعب دا حلّاق.
نقصد لعاب.
السمسار الجاب لينا (الباك) دا ..قال لينا الزول دا بس عندو مشكلة واحدة ..(تاني ما عندو اي مشكلة).
قلنا ليه مشكلة غير (الحلاقة).
افتكرنا ..مشكلتو تكون ما بحب التمارين ...او يكون عندو طموح وعاوز يلعب قدام.
في باكات الواحد منيتو في الدنيا دي يلعب رأس حربة.
قلنا للسمسار ...مشكلتو شنو؟.
قال لينا (الباك) القدامكم دا ...مشكلتو لو اتقدم ما برجع ...لو رجع ما بتقدم.
وقال لينا كمان ..عشان اكون معاكم واضح ..الزول دا قاعد يبهلها عديل بعد (10) دقائق من عمر المباراة ..ما بصمد اكتر من (10) دقائق.
قلنا ليه طيب دي مشكلة ...دي كارثة عديل كدا.
السمار قال لينا ..يا جماعة دي ما مشكلة الباك دا براهو ..دي مشكلة البلد دي كلها.
قلنا للسمار ...البلد دي يا اخوي ما قاعد تتقدم في الاساس (اخير باكك).
البلد دي بترجع وما بتتقدم.
السمسار شاف كلامنا سخن ..قال لينا البلد خلوها هسع ..قولوا كلامكم في (الباك) دا.
قلنا ليه باكك دا كان من الاول تقول لينا (موسى الزومة).
كان اختصرت لينا الموضوع.
كان تكون واضح معانا من البداية.
شوفوا (الحلاقة)...عليكم الله دي حلاقة زول اذا اتقدم ما برجع ...واذا رجع ما بتقدم.
طيب انت يا اخوي (محترف) لينا على شنو؟.
والله (اورنيك) المحترفين خسارة فيك.
كورتك دي لو جبنا لينا زول من (الحواشة) بيلعبها لينا.
وعاوزين نقول ليك حاجة.
عاوزين نقول ليك (وصية).
لو ما قدرت تغيّر كورتك...غيّر (حلاقتك) دي.
عشان ما تبقى عليك ...لا كورة لا حلاقة.
صلّح (حلاقتك)...اصلها (كورتك) ميؤوس منها.
الف مرة قلت ليكم ...البلد دي فيها ازمة غاز ...وازمة باكات.
اها تاني رجعتوا لي كلامي.
قبيل قلت ليكم (الغاز) عندو علاقة بالكورة ...قعدتوا تغالطوا زي (العجور).
اول (العجور) بغالط.
ملحوظة : عليك الله ما تفتح لينا سيرة العجور دا.
هوامش
الوحدات ..مرة سبعات ..ومرة (وحدات).
شغل (علمي).
دا نظام جديد.
المرة دي الجرعة كانت (وحدة) واحدة.
قالوا ليك قون بي (7) اقوان.
هدف جاء من نفس الحتة التى جاء منها هدف الوحدات الاول في المريخ في عمان.
من نص الملعب.
(العالمي) دا طلع (كركدي) وإلّا شنو؟.
يكون عالمي في الكركدي.
ما شفنا لينا اي (عالمية) في الموضوع بتاع الكورة.
اصلو اعلام المريخ وقت يتقل في (الالقاب)...الموضوع بنعكس عليه بهذه الصورة.
قال عالمي قال.
اول مرة اشوف لي (عالمي) فيه ضفر.
عالمي فيه سعيد السعودي.
عالمي بي بلة جابر.
دا عالمي شنو دا؟.
الغريبة هجوم المريخ ..(الكلمناكم بيه)..وقلنا ليكم هجوم مسالم وهادي ...وما عندو اي قدرة.. في (4) مباريات تجريبية ...ما سجّلوا ليهم (هدف).
قون واحد ما جابوه.
لعبوا مع بايرن ميونخ ..اتغلبوا اتنين.
قلنا ليهم ما جبتوا قون ليه ..قالوا لينا انتوا جنيتوا نجيب لينا قون في المان.
انتوا قايلين الالمان ديل ..(تقليد).
قلنا ليهم ما مشكلة.
لعبوا مع زينت...اتغلبوا تلاتة..وبرضو ما جابوا ليهم قون.
قلنا ليهم دا شنو البتعملوا فيه دا؟ ...(قون) ما تجيبوه ..انتوا (تراوري) دا سجلتوه من الهلال عشان تصوّروا معاه.
قالوا لينا انتوا جنيتوا ..نجيب لينا قون في روس.
انتوا قايلين الروس ديل (هنود).
الغريبة الهلال لعب مع الروس ديل ..جاب فيه هدفين.
قلنا ليهم برضو ما مشكلة.
قمنا عملنا ليهم شنو؟.
عملنا ليهم مباراة استعراضية ساكت مع الهلال.
لخبطنا ديل مع ديل.
دا كلو عشان شنو؟.
عشان هجوم المريخ (الكحيان) دا ..يجيب ليه قون.
برضو في مباراة استعراضية ما جابوا ليهم قون.
ديل يعملوا ليهم شنو؟.
قلنا نجيب ليهم (الوحدات) دافع التار ...ورد الاعتبار بكون عند المريخ كبير ..ويمكن يقدروا يجيبوا ليهم قون.
برضو ما جابوا ليهم قون.
اها ديل بعد كدا نعمل ليهم شنو؟.
4 مباريات ..ما سجلوا فيها.
لعبوا ثلاث مباريات تجريبية ..اتهزموا فيها (ست).
والله بعد كدا إلا نرسل ليكم (نيل الحصاحيصا)..تلعبوا معاه في الدوحة ..عشان تغلبوه ..وترجعوا من هناك معنوياتكم شوية مرفوعة.
ناس عنكبة ديل يكونوا عاوزين النيل الحصاحيصا.
ديل ناس نيل ساكت.
دا معسكر شنو الكلو خسائر دا؟.
والله لو دا فريقكم ..الما قادر يجيب ليه قون دا ..انصحكم من هسع تبدأوا في (الطابق الثالث).
يا جمال الوالي ..ناس (عنكبة) ديل ما فيهم امل.
احسن استفيد من وقتك ..وابدأ في الطابق الثالث.
خلي ناس (سلك)..يلقوا ليهم حاجة يكتبوا عنها.
ناس (قون).
قون.
قون ما قادرين يجبوه.
انت يا مامون ابوشيبة ..ناسكم ديل افتقدوا (التحكيم السوداني) وإلا شنو؟.
مع ناس (عنكبة) ديل ..إلّا تربطوا كويس مع الحكام.
الاتحاد العام (حقنا) دا ...عارفنو ما بقصر معاكم.
ان شاءالله مع هزائمكم دي ..ومعسكر الهلال المثالي في قطر ...هلال مريخ تقع في الاسبوع الاول للممتاز.
المسكين (تراوري) ما كان متعود على حاجات زي دا.
هيثم مصطفى اتعود على الحاجات دي من الموسم الماضي.
الغريب في الامر ..صانع الالعاب ..ودينا ليهم.
المهاجم ..من الهلال شالوه.
وبعد دا ...ولا قون.
قون شنو؟.
جماعتنا ديل مع بارين ميونخ ..(كورنر ) ما طلعوا بيه.
اها هجوم زي دا ..بقدر يأكل عيش مع ناس هلال الفاشر.
خلوه هلال السودان.
اصلكم انتوا ما عندكم ليه بصيص امل.
الشيء المحيرني..عبدالصمد الي الان (صامد) على كروجر.
قالوا ليك (كروجر) بيلعب دفاع...عشان كدا ما بسجل.
طيب وقت بلعب دفاع ..شباكو استقبلت (6) اهداف في تلات مباريات ليه؟.
دفاعو دا دفاع جزيرة الفيل.
....
عاجل : طابق ثالث مضمون ...ولا كورة مجهجهة.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.