سودارس : اذا باسكال وجمال الوالي ما صبروا على المريخ البصبر هيثم مصطفى شنو؟

كاكا في باريس: عقدة (المسرة) شاهد بالصورة.. المشجعة ونجمة السوشيال ميديا السودانية الحسناء "منية" تحتفل بتعيين والدها مديراً عاماً لنبك السودان المركزي (تتويجٌ مستحق لمسيرة وطنية حافلة) والي الخرطوم يقف على أعمال تركيب محولات الكهرباء وتأهيل المحطات وشد الاسلاك تحذير مهم لبنك السودان المركزي شاهد بالصورة والفيديو.. في السودان.. إصطياد سمكة ضخمة من فصيلة "القرش" وعرضها في أحد الأسواق لبيعها بالكيلو ترامب يحذر إيران: الوقت ينفد والهجوم القادم سيكون أشد بيان هام من المطربين أحمد الصادق وحسين الصادق لكل السودانيين المقيمين بمصر شاهد بالفيديو.. من وسط السوق العربي.. وزير الإعلام "الإعيسر" يخاطب المواطنين ويطالب المصور الذي رافقه بالوقوف في زاوية التصوير الصحيحة: (بعد الثورة دي عاوزين أي زول يكون بروفيشنال) شاهد بالفيديو.. بعد تعرضه لأزمة صحية.. الصحفي الشهير بابكر سلك يوجه رسالة لشعب المريخ ويمازح "الهلالاب" من داخل المستشفى: (جاي أقفل ليكم جان كلود ونأخد كرت أحمر أنا وهو) الخرطوم تستعيد نبضها: أول جولة دبلوماسية في قلب الخرطوم لدبلوماسي أجنبي برفقة وزير الثقافة والإعلام والسياحة والآثار شاهد بالصور والفيديو.. في حفل زواج أسطوري.. شاب "سوداني" يتزوج من حسناء "كرواتية" بحضور أسرتها وأصدقائه والجمهور: (رفعت رأس كل الجنقو وبقينا نسابة الأسطورة مودريتش) شاهد بالفيديو.. "بدران" الدعم السريع يعلق على ظهور "فيل" ضخم بمناطق سيطرتهم بدارفور: (دلالة على أنه وجد الأمان بيننا ولو ظهر في أرض الكيزان لقتلوه وأكلوه) خبيرة تغذية تحذر من 7 أطعمة مُصنّعة ترفع خطر ارتفاع ضغط الدم الصحة تبدأ انطلاقة مسار الدورة الثامنة لمنحة الصندوق العالمي للدورة الثامنة (GC8) البروفيسور ايهاب السر محمدالياس يكتب: مكافحة القوارض .. النظر خارج الصندوق مفاجأة سارة.. فليك يعلن قائمة برشلونة لموقعة كوبنهاجن مباحث الخرطوم تعلن توجيه ضربة موجعة لمافيا السيارات..إليكم التفاصيل جبريل إبراهيم يصدر قرارًا بتعيين مستشار عسكري شرطة مكافحة المخدرات بتندلتي تضبط شخصاً بحوزته 250 قندول حشيش رئيس جمهورية جيبوتي يستقبل رئيس الوزراء وزير الطاقة : نتطلع إلى شراكة أعمق مع الهند لإعادة إعمار قطاع الطاقة بعد الحرب جمارك كسلا تحبط محاولة تهريب ذخيرة عبر نهر عطبرة النفط يواصل الصعود والذهب فوق 5300 دولار العودة للبيت الكبير... القناص حذيفة عوض يعود إلى الأهلي الكنوز.. ما زالت خيوط الهلال على شاطئ البحر الأحمر شاحبة بالملوحة السودان.. وزير سابق يطلق تحذيرًا للمواطنين الى اين تسيير !! والي الخرطوم يثبت رسوم الأنشطة التجارية للعام 2026 تخفيفاً للأعباء على المواطنين إندريك يجهز قرارا صادما لريال مدريد إسحق أحمد فضل الله يكتب: (عن المستقبل) بالأرقام.. بنزيما ورونالدو الأكثر إهداراً للفرص في دوري روشن السعودي فرنسا تقر حظر استخدام وسائل التواصل لمن هم دون 15 عاماً بنك التنمية الأفريقي يرصد 379.6 مليون دولار للسودان واشنطن مستعدة للتعاون مع طهران إذا "رغبت إيران في التواصل" تلفزيون السودان يستأنف البث المباشر من مقرّه الرئيسي الشرطة في الخرطوم تداهم منزل أحد قادة الميليشيا اتحاد الكرة يصدر عقوبات صارمة حبس البلوجر هدير عبدالرازق وأوتاكا 3 سنوات وغرامة 100 ألف جنيه في نشر فيديوهات خادشة توضيح هام من الفنان مأمون سوار الدهب بعد اتهامه بالتلميح لطيقته بعد زواجها: هذا السبب هو الذي دفعني لكتابة "الحمدلله الذي اذهب عني الاذى" وهذه هي قصة أغنية "اللهم لا شماتة" التي رددتها تمارين الرياضية سر لطول العمر وتعزيز الصحة المُبدع الذي جَعلَ الرؤيَة بالأُذن مُمكِنة طفرة تقنية ونقلة نوعية بإتحاد القضارف الشرطة في الخرطوم تداهم منزل أحد قادة الميليشيا شرطة الأزهري غرب تضع يدها على مقتنيات منهوبة وزير الصحة: التبغ عدو الحاضر والمستقبل و فاتورته الصحية تفوق عائداته الضريبية رشوة ب 12 ملياراً..إحباط محاولة كبرى في السودان هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى إحباط تهريب أسلحة وذخائر في ولاية نهر النيل شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم «تحشير بالحبر».. وادعاء بالتلاعب في سند صرف ب 2.2 مليون درهم مستقبل اللغات في عالم متغير.. هل ستبقى العربية؟! السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اذا باسكال وجمال الوالي ما صبروا على المريخ البصبر هيثم مصطفى شنو؟

قوون نشر في قوون يوم 05 - 06 - 2014

(زعلة) هيثم مصطفى واستعصامه بداره (5) شهوركفارة له للعب في المريخ
“””””””””””””””””””””””””””””””””””””
جمال الوالي قعد (6) شهور زعلان في بيته (مستقيل) دون ان يهاجمه احد من المريخ – لماذا يهاجمون هيثم مصطفى الان وهو باورنيك طبي؟
“””””””””””””””””””””””
يوغندي وكيني في المريخ في يوم واحد – مع (الصبر) شوفوا ليكم (بندول)
“”””””””””””””””””””””
قبل ايام نشرت صحيفة (الصيحة) المتوقفة الان خبر عن نية جمال الوالي للهجرة الي لندن.
هجرة جمال ام هجرة الصيحة.
جمال الوالي (زهج) من المريخ...(قنع).
ونفسو مرقت من الفريق.
عرف ليك حكاية الزعلة والقعاد في (الطايف) ما بتحلو من المريخ.
وعرف كذلك انه لو استعصم في داره في (فداسي) فان ذلك لن يعفيه من ان يدعم المريخ.
ديل في الدمازين ممكن يلحقوه.
لذلك قرر جمال الوالي الهجرة الي (لندن).
عاوز يطلع من البلد – عشان يرتاح من ناس عصام الحاج ديل.
عصام الحاج بقى زي (سيحة) مع الهلال.
عصام الحاج بقى قاعد حارس المريخ ..كل ما المريخ يخسر او يطلع من بطولة عصام الحاج يتصدر لجمال الوالي.
ما خلى ليه حاجة.
عصام الحاج مخلى ليه (كشافة) حايمة.
كشافة شنو يا جماعة (معليش الجملة دي قفزت ساكت في السطر الفوق).
عشان عصام الحاج جمال الوالي قرر يطلع من البلد ..ويمشي (لندن).
الانجليز ح يكونوا ارحم من عصام الحاج.
صحيح كما يقول (معتصم محمود) جمال الوالي في اليوم التالي نفى نيته للهجرة الى (لندن) وأكد انه اخر من يهاجر من السودان.
لكن الناس البهاجروا كلهم بقولوا كدا.
اي واحد هاجر – قال ليك انا اخر من يطلع من البلد دي.
مع ذلك فان الارهاصات اكدت ان هجرة جمال الوالي للخارج مسألة وقت.
بتعجبني ليك حكاية (مسألة وقت إلّا) البقولوه الناس في المواقف الزي دي.
الواحد يكون لابس ليه بدلة وكرفتة ويطلع المنصة ..ويقول ليك : (مسألة وقت ليس إلّا).
والناس تصفق ليه على الكلام دا.
في ناس بصفقوا ساكت.
يفهموا شيء او ما يفهموا بقعدوا يصفقوا.
هو عليكم الله العطلنا شنو غير (التصفيق).
الشاعر يصفقوا ليه.
الصحفي يصفقوا ليه.
الوزير يصفقوا ليه.
استاذ اللغة العربية يصفقوا ليه.
البصرف المرتب يصفقوا ليه.
لمن بقى عندنا غدد دراقية بسبب (التصفيق).
ديل مرة صفقوا لي (بلة جابر) عشان جاب ليه قون في النسور.
تصفقوا ساي لمن يوم يقولوا ليكم عملنا ليكم فاتورة (هوا) مع فاتورة الكهربة والموية.
ديل فاتورة الكهربة ممكن يضيفوا ليه فاتورة الكلام.
وفاتورة التفكير.
وفاتورة الاحلام.
يعني تاني لمن تمشي تجيب ليك (كهربة)..بتشيل دهب (المدام) معاك عشان يمكن الحكاية تجرد.
في ظل هذه الظروف تبقى (هجرة) جمال الوالي منطقية ..ناس (ضفر) ديل يطفشوا بلد.
البقعد ليهم منو؟.
عليه نحن نقول ان لم يهاجر جمال الوالي الي (لندن) سوف يهجر المريخ.
الزول (المهاجر) واضح.
الهجرة بقت ظاهرة في وش جمال الوالي.
بس ان شاءالله يا عصام الحاج تنستر – وما تقفل تلفونك وقت يقطعوا الكهربة من نادي المريخ.
ومعلوم ايضا في اخبار الايام الماضية ان مجلس المريخ بقيادة جمال الوالي اعلنوا عن استقالة المجلس كله في اكتوبر القادم.
يعني لو ما هاجر بستقيل.
وقيل ان استقالات المجلس اخطر بها وزير الشباب والرياضة بولاية الخرطوم لتكون نافذة اعتبارا من اغسطس القادم.
مجلس المريخ بقيادة جمال الوالي كان قد اكدوا في تصريحات صحفية ان الاجواء في المريخ غير مساعدة وان هناك (حفر) ومؤامرات تدار بليل ضد المريخ ومجلسه.
بالله.
نحن ذاتو قلنا كدا.
هذا جمال الوالي الذي عمل في المريخ اكثر من (11) سنة ..يتعرض كما قال لمؤامرات ويقول ان الاجواء في المريخ غير ملائمة.
واضح.
لكن يا جمال الوالي انت عاوزة كيف تكون ملائمة وانتوا بتطيروا من دور ال (64).
كيف ما تكون في (مؤامرات) وانتوا من سيكافا بتطيروا.
عاوزين يعملوا ليكم شنو؟..مع الطيران دا ..يكرموكم في الساحة الخضراء.
كدا قول – نحن غلبنا نوصفها.
ما لقينا ليها حل.
جمال الوالي بكل اعلامه ورجالاته وامواله التى سخّرت له المريخ كله بدلا من ان يسخرها هو للمريخ يحدث له هذا.
ويفشل في الصبر على المريخ بل تشير الانباء الى هجرته الى لندن.
اذا كان جمال الوالي عجز وفشل في (الصبر) على المريخ وقرر الهجرة – البقعد هيثم مصطفى شنو؟.
الجابر هيثم شنو؟.
صبر لي صبر – هيثم مصطفى اخير ليه يصبر في (اهلي شندي).
يصبر ليكم ليه؟.
انتوا قايلنو سعيد السعودي – صابر (7) سنوات في المريخ.
رئيس المريخ اعلن عن استقالة مجلسه ...الجابر هيثم مصطفى على البقاء في المريخ شنو؟.
اهل المريخ ما صبروا عليه.
مريخكم دا لا في زول بستحملو ولا حاجة – ما تغشوا نفسكم.
هذا هو رئيسكم يقرر الرحيل ...ما في زول قال ليه حاجة ..او هاجمه على ترك الباب مواربا هكذا يمشي ويجي على كيفو؟.
اهل المريخ ما استحملوه – البخلي هيثم مصطفى يستحمل المريخ شنو؟...يقولوا ليكم الكلام الف مرة.
زولكم دا قال مهاجر (لندن) عديل ..ما سألتوه.
افضل لجمال الوالي من ان يشجع (الارسنال) في لندن من ان يكون رئيسا للمريخ في ام درمان.
يا جماعة (المريخ) دا ما بنقعد ..ولا في زول بستحمل البقاء فيه.
القعاد في المريخ ..زي الزول البكون قاعد حارس المواصلات.
اعصابك تبوظ.
اغرب من هذا ان اعلام المريخ الان يهاجم في هيثم مصطفى (العيان) والذي يخلد للراحة بامر الطبيب ..معتبرون ان ابتعاد هيثم مصطفى (زعلة)..واستعصاء على المريخ...وان كان ذلك فان (زعلة) هيثم مصطفى الان (5) شهور كفارة له للعبه في المريخ.
زول يلعب في المريخ.
ليه؟.
وعشان شنو؟.
الجابرو على كدا شنو؟.
غلطة هيثم مصطفى باللعب في المريخ كانت غلطة كبيرة وهي تستحق ان يعمل في المريخ كل هذا ..(تلفون ما بردو ليهم).
المهم يا جماعة انتوا (الزعل) ما غريب عليكم ...وليس لكم الاعتراض عليه ..فقد (زعل) جمال الوالي (6) شهور في بيتو..ما في زول قال ليه حاجة.
اشمعنا هيثم مصطفى.
جمال الوالي ذاتو بزعل ..وبعمل فيها مستقيل.
بل بقول ان الاجواء في المريخ غير صالحة للعمل.
وبقولوا ان جمال الوالي سوف يهاجر الي لندن.
جمال الوالي بعمل كدا...هيثم مصطفى ليه ما يزعل.
قالوا ليك موسى الزومة وقت شطبوه (ضبح) وقسم الحلاوة.
سعيد السعودي موهبتو ظهرت في الاهلي شندي.
والطاهر سادومبا اعاروه للرابطة كوستي بقى يضحك من الاضان للاضان.
اول مرة اشوف لي لاعب يعيروه يكون فرحان كدا.
كأنو طلع من ازمة عريضة.
يا جماعة انتوا (كباتنكم) فيصل العجب – موسى الزومة – سعيد السعودي ..فاتوا خلوكم ...البقعد هيثم مصطفى شنو؟.
يقولوا ليكم الكلام الف مرة.
الحكاية ما وقفت على جمال الوالي.
احمد الباشا ذاتو (زعلان).
الزعل في احمد الباشا ظهر ليك في (قلق).
قلق برضو الوضع في المريخ ما عجبو.
انتوا ماشيين بعيد ليه.
باسكال قال ما بلعب في المريخ.
باسكال عنده طموح قال ما بلعب في المريخ ..عاوز يطور نفسو وناس المريخ ديل سيكافا بطيروا منها.
امس في صحيفة قوون جاء فيها : (تلقي أحد اعضاء لجنة تسيير الهلال السابقة اتصالا من العاجي صوميل وكيل واوا باسكال مدافع المريخ ، عرض فيه باسكال على الهلال وطلب منه التعاقد مع موكله الذي لا يمانع في ارتداء شعار الازرق إلا ان العضو اوضح له انه الان خارج منظومة العمل في الهلال وان اللاعب مرتبط بعقد مع المريخ ولا يستطيع الهلال تسجيله إلا في ديسمبر المقبل).
باسكال ذاتو عاوز (يشتت).
باسكال البصرف في الشهر حزم دولارات قال عاوز يتخارج من المريخ.
اها بعد كدا ..البقعد هيثم مصطفى شنو؟.
يا جماعة المريخ دا فيه هجرة جماعية الايامات دي.
موسى الزومة طلع منو.
الطاهر سادومبا مشى الرابطة كوستي.
سعيد السعودي مشى اهلي شندي.
وباسكال بي صبغة شعرو قال ما بقعد.
وجمال الوالي عاوز يهاجر.
خلاص الفيلم انتهى.
وصلنا للنهاية.
ما تقعدوا تغالطوا ساكت.
ملحوظة : تراوري ذاتو قعد يتململ ..(لكن عجبنا ليك يا تراوري بقيت تطير من قولة تيت).
هوامش
المريخ سجل ليه حارس يوغندي.
ألحق.
دا سجلوه بي ياتو حرية.
دا يكون اتسجل بي كبري الحرية.
منتهى الفوضي.
وكمان بتكلموا عن تجاوزات الاتحاد ..وعن فتح باب التسجيلات عشان الهلال ممثل السودان.
واصابحكم ما خلوا ليهم حارس اجنبي ما سجلوه.
سجلوا نيجيري.
وسجلوا فلسطيني.
وسجلوا مصري.
وهذا يوغندي يتم تجسيله رغم لوائح الاتحاد التى تمنع تجنيس الحراس الاجانب.
اي حارس يلعب قدامهم ويمسك ليه كورنر يقوموا يجنسوه ليك.
جمال سالم دا ..خلوا لينا ..وزحوا بس بعيد.
بقوا يجيبوا ليك الحراس من يوغندا.
الي وقت قريب يوغندا دا كانوا بجيبوا منها سن الفيل.
هسع بقوا يجيبوا منها (الحراس).
جمال الوالي دا لو استمر سنة في المريخ ..امين الخزينة بجيبوا ليكم من اثيوبيا.
يا بشه استلم ملف جمال سالم.
وتعالوا بكرة نتم ليكم باقى الفيلم.
لكن نحن الايامات دي ما فاضيين.
ولا عندنا وقت.
عندنا مجموعات.
لكن كل هذه الحاجات بنرجع ليها.
بندكن فيها.
اصبروا بس.
جمال سالم سوف يتم اعارته في ديسمبر القادم الى فريق مريخ الفاشر.
الاهلي شندي سجل محمد كوكو.
وهذا يعني ان هجوم المريخ كلو سوف يبقى (اجنبي).
ابقوا عشرة على عنكبة.
عنكبة دا لو شافوا صلاح ادريس بسجلوا في النيل شندي.
جمال الوالي تاني إلّا يجيب من يوغندا وكينيا.
عطبرة ما بقدر يجيب منها حاجة.
الغريبة الهلال الى الان ما سجل لينا.
انتوا اكتفيتوا بي سيرجيو وإلا شنو؟.
المريخ في يوم واحد سجل يوغندي وكيني.
وفي انتظار اريتري وصومالي.
تسجيلاتكم دي انتوا من شارع الستين.
اظن الكروت سوف تصلكم من (جامعة افريقيا العالمية).
عاوزين ليكم صبر (كميات) مع كمية من البندول.
....
عاجل : جمال سالم دا لو عارف (بشه) ما كان اتجنس ليكم.

انقر هنا لقراءة الخبر من مصدره.