كامل ادريس يلتقي نائب الأمين العام للأمم المتحدة بنيويورك    شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين    محرز يسجل أسرع هدف في كأس أفريقيا    شاهد بالفيديو.. جنود بالدعم السريع قاموا بقتل زوجة قائد ميداني يتبع لهم و"شفشفوا" أثاث منزله الذي قام بسرقته قبل أن يهلك    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي)    السودان يردّ على جامعة الدول العربية    وزير الداخلية التركي يكشف تفاصيل اختفاء طائرة رئيس أركان الجيش الليبي    البرهان يزور تركيا بدعوة من أردوغان    المريخ يحقق الرمونتادا أمام موسانزي ويتقدم في الترتيب    سر عن حياته كشفه لامين يامال.. لماذا يستيقظ ليلاً؟    "سر صحي" في حبات التمر لا يظهر سريعا.. تعرف عليه    تقارير: الميليشيا تحشد مقاتلين في تخوم بلدتين    جنوب إفريقيا ومصر يحققان الفوز    مجلس التسيير يجتمع أمس ويصدر عددا من القرارات    شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة    شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية)    سيدة الأعمال رانيا الخضر تجبر بخاطر المعلم الذي تعرض للإهانة من طالبه وتقدم له "عُمرة" هدية شاملة التكاليف (امتناناً لدورك المشهود واعتذارا نيابة عنا جميعا)    شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية)    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    في افتتاح منافسات كأس الأمم الإفريقية.. المغرب يدشّن مشواره بهدفي جزر القمر    استقالة مدير بنك شهير في السودان بعد أيام من تعيينه    مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    ريال مدريد يزيد الضغط على برشلونة.. ومبابي يعادل رقم رونالدو    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    انخفاض أسعار السلع الغذائية بسوق أبو حمامة للبيع المخفض    تونس.. سعيد يصدر عفوا رئاسيا عن 2014 سجينا    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    حريق سوق شهير يسفر عن خسائر كبيرة للتجار السودانيين    مياه الخرطوم تكشف تفاصيل بشأن محطة سوبا وتنويه للمواطنين    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



لجنة تسييركم دي مثل (الطلاب الجدد) اعملوا ليهم حفل تعارف
قوون نشر في قوون يوم 04 - 05 - 2013

امس كان هناك خلل في الارسال ادى الي بتر العمود لينشر مبتورا...عليه فاننا نعود من حيث وقفنا امس.

وقد كنا تحدثنا عن الوزير الذي كان بحل لجنة (تسيير) ..بقوم يعيّن ليه لجنة (تصريف)...يعني بتلاعب بالاسماء – او بتلاعب باللجان.

يعيّن (لجنة التصريف) ...يقوم يحلها عشان شنو؟.

عشان يجيب (لجنة التسيير) تاني.

دا كلو عارفين ليه؟.

عشان يتخلص من عصام الحاج ومتوكل احمد علي ...(اصلو ديل ما بتحلوا منهم بالساهل).

اللجنة ييسييره هم فيها – يصرفوها هم فيها.

زي حافلة ام بدة ..قدر ما تركب فيها تلقى (جاركم) قاعد فيها.

إلا الوزير بعد اللفة الطويلة دي...قدر يتخلص من عصام ومجموعة عصام.

زمان كان معانا (ولد) لعبو كعب...بشتغل (كسار) في التمرين.

نحن عشان نتخلص من (الضرب البعمل فيه دا والكسيّر) بنقوم في التقسيمة بنقول ليه : (انت احكمها لينا).

ما في احسن منك.

ونقعد نشكر ليه في (تحكيمه)...يا زول ما في زول بقدر يضبطها غيرك...يا زول انت عندك شخصية ..وصفارتك مسموعة.

زولكم بصدق يقوم يحكم لينا التمرين...نكون بالطريقة الظريفة دي اتخلصنا منو؟.

هسع جمال الوالي والوزير ..طبّقوا نفس النظرية في عصام الحاج – قالوا ليه مصلحة المريخ ..والتضحيات ..والمرحلة القادمة...ومن اجل الزعيم.

صاحبكم قام صدق...سمع الكلام الكبار دا ..ما قدر يثبت.

اصلو عصام الحاج دا مع تصريحاته الكتيرة دي ...زول (عاطفي) ساي ..كلمة تجيبو ..وكلمة تودي.

بعدين حقيقة كدا ..فترة عصام الحاج التى لم تتجاوز (4) شهور فى المريخ كانت كلها تصريحات واهداف عكسية وحرجل.

والله الحرجل في الحتة دي ما عندو اي منطق ..ولا بركب.

الحرجل الدخلو هنا شنو؟.

صاحبكم دا خلى شغلو وبقى قاعد في الفضائيات..يوم في قناة الشروق ويوم في قناة النيل الازرق.

يوم في قناة النيل الازرق ويوم في الشروق.

زي حملة التطعيم...تمشي اي حتة..بتلقاها.

غايتو يا عصام الحاج انت طلعت (مسكين) زي (مسكين) ..ما عندك اي شدايد...عاوز تدير المريخ بي عقلية (الخبت).

تقول نحن في دلالة.

خبت شنو يا زول ادفع ساكت؟.

عصام الحاج (اتخلع)...ادارة المريخ وتحمل المسؤولية كانت اكبر منو.

الوزير ذاتو كان يتعامل مع عصام الحاج – حبة – حبة...قدر قروشو.

يعني ما كان في داعي يفكوا ليه المريخ كدا من اول مرة.

زي حكاية (الشفعتري).

الشفعتري دا شنو الدخلتو لينا هنا فجأة كدا؟.

الشفعتري دا – زول صعب...زول شفت.

سنونو برة ..زي سلك الغسيل في الشقق.

المهم ما عاوز اصعبها ليكم.

الشفعتري دا دخل ليك فيه (قطر)...خلاهو ليك زي (طفاية) السجائر – معفص من كل الجهات.

الشفعتري دا ما فيه (رباط صليبي) سالم.

اربطو الصليبية كلها طلعت برة.

اتفرتك رباط – رباط.

شلناه وجري على الدكتور.

الدكتور عاين ليه كدا ..قال لينا (علبة الحلاقة) دي عاوزني اعمل ليها شنو؟.

دا جبتو من وين دا – دا وارد ام روابة.

قلنا ليه يا دكتور ...صلّح كلامك ..ام روابة دي هسع ما تجيب لينا سيرتها..لا هي لا ام دوم ..ولا ابوكرشولا.

عشان تكون عارف بس.

الدكتور تاني عاين للشفعتري ..وقال لينا (صحن الكوكتيل) دا لميتوا من وين؟.

الدكتور سكت ..قال لينا انا هسع جبت سيرة شمال كردفان وإلا حتى جنوبها.

قلنا ليه عداك العيب ..انت ما جبت سيرتها ..لكن بتلمح...ونحن (التلميح) دا بنطاعن فيه عديل كدا.

بنكتل.

الدكتور رجع يكشف على الشفعتري .....قال لينا طيارة وإلا قطر؟.

قلنا ليه قطر..ما شايف اثر عجل القطر في الكراع دي.

الدكتور قال لينا زولكم دا لو فاق بعد (43) يوم ..وقال الحاصل شنو ما تقولوا ليه دخل فيك قطر ...قولوا ليه دخلت فيك (ركشة) ، عشان ما يقوم يتخلع لينا ساكت.

الشفعتري سمع الكلام فتح عيونو ...وقال للدكتور : كمان الركشة بتصفر.

هسع يا عصام الحاج نحن بنقول ليك بي نفس الطريقة – ونفس المنطق ...والمنهج بتاع سنة رابعة ...كمان اللجنة بتصفر.

نرجع للوزير ..عصام الحاج دا خلي ..بعد كدا ما في (شروق)...ما في (قناة النيل الازرق).

نهايتو – نهايتو ..تاني يا عصام الحاج اف ام 104 ساكت ما في.

يلا ...ارتحنا من تصريحاتك الكتيرة ...قال الموسم دا موسم الخبت.

اول زول اتخبت في الموسم (عصام الحاج)...وعباس الترزي.

عباس الترزي دا الدخلو هنا شنو؟..مالكم عاوزين تلخبطوني.

والله ما عارف (عباس الترزي) دا جانا من وين؟.

يمكن يكون بتاع اللجنة الشعبية.

او احتمال يكون بتاع الستائر.

اتذكرت ليكم قصة بمناسبة (عباس الترزي) دا.

عشان تعرفوا بس نحن ما عندنا حاجة ساكت.

نحن اي حاجة عندنا بي نظام.

عندنا صاحبنا ...وقت يقعد يفتش في الاسماء المحفوظة في تلفونو ..بجيك صداع.

اي زول في الدنيا دي مسجلو في التلفون.

يمشي يجيب ليه (غاز)..يلقى الانبوبة نضيفة ..يقوم يشيل تلفون بتاع الغاز ..ويسجل (عبده غاز).

يقولوا ليه عاوزين (ستائر)...يمشي يتعرف ليه على بتاع ستائر ..يقوم يسجل طوالي في التلفون (حماد الستائر).

المهم في خلال شهر ذاكرة التلفون قفلت ..بقت تقول ليه (الذاكرة ممتلئة).

تلفونو كلو – حسن طماطم – خالد كهرباء سيارات – عثمان امجاد – عادل ركشة – خليل فحم – عزاالدين ركشة – ماهر ملايات بين قوسين (مصري) - الفاتح جوازات – علي الخدمة الالزامية – حنان حنة.

حنان حنة دي منو كمان؟.

والله يا جماعة ما عارف ..انا بس بديكم نماذج من الارقام المسجلها صاحبنا دا في التلفون.

صاحبنا دا يوم عندهم ماسورة حلجت ..قعد يفتش في تلفونو دا عن اي زول اي اسم عندو علاقة بالماسورة ...عيسي ماسورة ...او الطيب ماسورة.

ما لقى.

عمل بحث في التلفون كتب (ماسورة).

عارفين الطلع ليه منو؟.

طلع ليه (وارغو)..ينطط براهو - شوية كدا ..ينزل يربط الكدارة تحت ..حركة وارغو (الماسورية) ديك تذكروها.

مرة تانية ...(وانتوا ما طالبني حليفة).

صاحبنا دا مرة قاعد كدا ...لقى في الاسماء (اسم) مفرد ..اسم براهو كدا ما معاه تعريف او اضافة.

الزول دا قدر ما قعد يحك في رأسو ...ما عرف الزول دا بتاع شنو؟.

دا السايفون...ما اظن السايفون مسجل بي اسم تاني ...الريسفير ..ابدا...غسال العربية ...لا.

عارفين (الاسم) طلع منو؟.

ما عاوز اقول ليكم الاسم...لكن اقول ليكم الصفة.

زولكم طلع في (لجنة تسيير) المريخ.

اصلو (لجنة المريخ) الاخيرة دي لامه ..ما خلت ليها زول في البلد.

لجنة فيها (17) عضو.

يعني مسطبة شعبية إلا شوية.

اللجنة دي اكتر من جمهور المريخ.

17 عضو.

هايس بس.

غايتو تاني ما في (مشجع) بلقى ليه حتة في المقصورة.

المقصورة كلها بتكون محجوزة للجنة دي.

ناسكم الكتار ديل يا جمال الوالي اعملوا ليهم حفل تعارف - حفل استقبال ..زي حفل استقبال الطلاب الجدد.

الناس ديل كلهم (جديدين) على الشغلة.

كلهم براملة.

اعملوا ليهم حفل تعارف ..وجيبوا ليهم فنان.

انا قلت عاصم البنا.

قلت مصطفى مضوي.

خليتها ساكت كدا ..مفتوحة ان شاءالله تجيبوا ليهم (عقد الجلاد).

مالنا نحن ..لجنتنا وإلا لجنتنا.

نرجع للوزير ..عليكم الله ما تنصرفوا منو بي قصص جانبية ..وحكاوي هامشية زي (العندليب).

هسع العندليب الدخلو شنو في الكلام دا؟ ..ما تركب لينا جُمل انصرافية ساكت.

يلا على الوزير.

المشكلة انه كما اشرنا امس ان الوزير بحل اللجنة وبكوّن لجنة اعضاءها من نفس اللجنة الاتحلت.

اللجنة الجديدة زي اللجنة القديمة ..(الاختلاف في الاسماء).

يعني بشيل طاقية اللجنة دي ..وبركبها في اللجنة دي.

والناس تشيل وتصدق.

الوزير ..(بي بدلة وكرفتة) شغال في (التحنيس) دا (15) يوم ..وام روابة بضربوا فيها بي هناك.

وام دوم مسخنة.

والوزير ...قاعد يحنس في ناس جمال الوالي...وعصام الحاج.

جمال الوالي عشان يدخل اللجنة ..وعصام الحاج عشان يطلع من اللجنة.

انتوا قايلين عصام الحاج دا برضو ما عاوز (تحنيس).

عليكم الله هسع (التحنيس) دا عاوز ليه (بدلة وكرفتة) يا سيادة الوزير.

انتوا وقت (حناسيين) كدا ما تحنسوا (المعارضة).

المشكلة يكون الوزير دا بعد (تحانيسو) دي بصرفوا ليه فيها (مرتب) من قروش الدولة.

الوزير دا طوالي مفروض يصرفوا ليه من (دخل مباريات المريخ).

قرش ما يشليو من الدولة.

المهم يا جماعة ..الوزير بعد ما حل (لجنة التصريف) حقت ناس عبدالله حسن عيسي وعصام الحاج وخالد شرف الدين ...قام تاني رجع لي شنو؟.

لي (لجنة التسيير)...الحلاها في الاول.

رجع للاسم الاول.

اصبروا يا جماعة ما تلخبطونا.

الموضوع دا عاوز تركيز شديد.

لجنة التسيير (التانية) عارفين جاب فيها منو؟.

جاب فيها جمال الوالي ...(الاستقال) من المجلس الاول داك.

شفتوا جمال الوالي دا بلف اللفة الطويلة دي ليه؟.

دي كلو عشان يشيل (عصام الحاج) برة.

والله فترت عديل كدا ..وشعرت ليك انو رأسي ضرب من (اللجان) الكتيرة دي.

لكن بالجد كدا ..انا الموضوع دا ما بخلي يفوت ساكت.

انتوا يا ناس الحكومة عاوزين تعملوا ليكم (سد)..وإلا (مصنع سكر) ..عشان تجيبوا لينا ناس جمال الوالي وعبدالباسط حمزة في لجنة واحدة.

دا مريخ وإلا (عفراء).

بقى مول.

مول عديل كدا.

بالمناسبة دي وين (مدحت)؟.

مدحت دا قالوا بجك استعدادا للجنة القادمة.

مدحت طلع زي عصام الحاج.

اصبروا يا جماعة نحن الشغل عندنا لجنة – لجنة.

يعني شنو يا مامون ابوشيبة؟.

يعني اي حاجة نحن عندنا بي نظام.

اصبروا لينا ساكت ..وطولي بالكم ..وراكم والزمن طويل.

المحيرني في ناس المريخ ديل ..جمال الوالي يستقيل (6) شهور زعلان- برة المجلس.

قال ما برجع يعني ما برجع.

ناس المريخ منتظرنو ..(عارفنو برجع).

عارفنو بتكلم ساكت.

الكرسي حقو ..فاضي ..يزعل (6) شهور ما في زول بقعد في كرسييه – لمن يرجع.

اها بعد (6) شهور استقالة ..زولكم رجع ...الزول الاستقال رجع ..والجماعة الرفضوا الاستقالة شالوهم.

ديل ناس عصام الحاج.

تاني يا عصام الحاج مع اللجنة ام (17) دي ..ما عندك اي طريقة.

إلا مدير كورة.

اكتر من كدا ما بتنافس.

شابكنا السنة كلها – موسم الخبت – موسم الخبت – موسم الخبت ...(6) شهور ما بتنستروا.

ان شاءالله بس فاتورة الكهرباء الاخيرة تكونوا دفعتوها.

يعني ناس جمال الوالي ديل مفروض يجوا يلقوا فاتورة الكهرباء والموية نضيفة.

زي بيت الاجار الجديد ...الزول بشترط ما يكون عليه متأخرات في الكهرباء.

الحاجة البتغيظ بالجد كدا ..الوزير بتاع الرياضة دا لقط اي مدير شركة كدا وجابوا ليك في لجنة المريخ.

تصوروا الزول العندو (مزرعة دواجن) ساكت دخلوا ليك في اللجنة.

لو في زول عندو (ديك) وسبع (جدادات) ما بدخل لجنتكم دي.

ان شاءالله عضو ساكت.

طيب انتوا يا سيادة الوزير خليتوا شنو للموردة؟.

ناس الاهلي مدني ديل ..مدير قسم ساكت الوزير في الجزيرة ما دعمهم بيه.

جابوهم ليهم كلهم (محاميين).

والمحاميين ما عندهم قروش.

اشمعنا ناس تجيبوا ليه ناس الشركات ديل ..وناس تجيبوا ليهم (محاميين).

والله يا ناس الاهلي مفروض تشكروا الله ساكت...الحمدلله ما جابوا ليكم لجنة كلها (معلمين).

اصلوا مدراء الشركات كلهم اتلموا في (هايس) التسيير بتاع المريخ.

لجنة فيها (17) عضو ..دي لجنة شنو؟.

السنة دي موسم (القمح) ح يضرب.

عليك الله هسع (القمح) الدخلو هنا شنو؟.

مالك انت عاوز تجيب لينا (فلايت).

الفلايت ذاتها علاقتها شنو بالقمح؟.

ملحوظة : يمكن يكون علاقتها اللجنة دي.

هوامش

الاهلي شندي قدم مباراة كبيرة ..كان افضل من الاسماعيلي في القاهرة ...مع ذلك ابعدته (الضربات الترجيحية) من البطولة الكونفدرالية.

وهو من دون شك خروج مشرف ...افضل الف مرة من خروج الهلال والمريخ.

حقا كان الاهلي شندي يستحق التأهل للمرحلة المقبلة.

لكن نحن دائما الضربات التجريحية بطلعنا.

مالك وفارس كانوا الافضل ...واضاعوا ضرباتهم الترجيحية.

الدعيع الحارس الافضل على الاطلاق في الضربات الترجيحة ...لم ينجح في ان يسد ضربة.

وكذلك حارس الاسماعيلي محمد صبحي.

مع ذلك تأهل الاسماعيلي وخرج الاهلي شندي.

خلاص بعد كدا ....ما عندنا اي ممثل سوداني.

بقينا على الدورى الممتاز.

اتمنى ألا يهاجم الفاتح النقر (حكم المباراة) فقد اعتاد الفاتح النقر على ذلك.

واظن ان النقر سافر القاهرة وإلتحق ببعثة الاهلي شندي مخصوص عشان يهاجم ليهم (الحكم).

عماري ومدثر العلمين كان يمكن ان يكونا افضل في تنفيذ الضربات الترجيحية.

الفاتح النقر ظاهر في الكنبة هائج ومتعصب ...واعصابه حرقانة ..(يا اخوي هي عرفة من متين؟).

الفاتح النقر مفروض يشتغل (مدرب) بالمقاولات.

بالقطاعي.

كنت عاوز اكتب ليكم عن بلة جابر.

تاني بلة جابر.

لكن موضوع (لجنة التسيير) دا لقتيو ما بستحمل.

جمال الوالي ناس المريخ (6) شهور يحنسوا فيه عشان يرجع.

يا جمال عليك الله.

يا جمال عشان خاطرنا ترجع.

يا جمال يا الرئيس الاكتر شعبية.

المريخ دا ما فيه زول غير جمال الوالي.

ناس عصام الحاج (فاتورة) كشفتهم....وقفت ريقهم.

الوالي شحن رصيدو (تحنيس) ورجع.

مسكين عصام الحاج.

اها يا عصام الحاج بعد كدا بتبقى (معارضة) عديل ..وإلا معارضة (مظللة).

عارض لكن بعد ما تظلل (القزاز).

تاني ما فى شروق.

يا دوب انا عرفت هدف بلة جابر جا كيف؟.

خلاص تاني بلة جابر ما بجيب ليه (هدف عكسي).

الحضري قالوا راجع.

شفت يا عصام الحاج.

الزول دا مشكلتو يعني مع عصام الحاج.

هسع جمال الوالي برجع ليه (حوض السباحة) السحبو منو عصام الحاج.

وما بعيد ...جمال الوالي (مكسيم) ذاتو يعمل ليه (حوض سباحة).

ألحق ..يا هيثم مصطفى شيل قروشك ....قبل ما تستقيل هذه (اللجنة).

والله لجنتكم دي ناقصة (الدقير).

عارفين ليه؟.

عشان يعمل (السور).

غايتو يا موسى الزومة الله شافكم من (لجنة التصريف).

الله مرقكم.

لجنة تصريف يا موسى وبلة وضفر ..انتوا (موية).

ليه الناس ديل بعاملوكم كدا.

اقول ليك حاجة.

رسل العمود بعد كدا ...كفاية.

خلينا نشوف باقى (اللجان) بكرة.

يمين لجنتكم دي ...نحن وراها الي ان تلحق (وارغو).

دي لجنة (وارغواية).

كمان نحن ما بنعرف اللجان والشوربة.

هسع الشوربة الدخلها هنا شنو؟.

زي الزول البتقول ليه وجبتك المفضلة شنو؟..يقول ليك (الشهد والدموع).

عاجل : قالوا ليك الوالي قال الشهر الاول دا ما عاوز اشوف لا ضفر لا بلة لا موسى.

انقر هنا لقراءة الخبر من مصدره.