سودارس : صديق الرميلة من المدرعات الي (مساعد شرطة بالمعاش)

تفاصيل بشأن محاولة تزوير في جامعة الخرطوم التعادل الإيجابي يحسم مباراة الأهلي المصري والشباب التنزاني الان يمكنك الحجز في اول رحلة الى مطار الخرطوم حسين خوجلي يكتب:كنتُ خائفًا أن يفعلها حميدتي، لكنه لم يخذلني!! شاهد بالصور والفيديو.. رئيس مجلس السيادة "البرهان" يكسر "البروتوكول" ويشرب "كوب" من "العرديب" أهداه له مواطن خلال موكب حاشد بالخرطوم شاهد بالصورة والفيديو.. فتاة سودانية تقتحم المسرح وتدخل في وصلة رقص مثيرة وهستيرية مع الفنانة هدى عربي على أنغام "لولا" شاهد بالصورة والفيديو.. نائب رئيس نادي الهلال يثير الجدل برقصات مثيرة مع محترف الفريق داخل أرضية الملعب احتفالاً بالفوز على صن داونز وساخرون: (هذا المنصب جلس عليه عظماء) السفير السوداني بالقاهرة: أعداد المرحّلين أقل مما يُشاع الإعيسر يدعو المواطنين للعودة إلى ديارهم معززين مكرمين صحفية مصرية تنتقد سفير السودان بالقاهرة بسبب تجاهله دعوة الإعلام المصري: (القصة الخاصة بأوضاع السودانيين في مصر لا تخص السودانيين وحدهم سعاده السفير) بالصور.. أيقونة الثورة السودانية آلاء صلاح تضرب في كل الإتجاهات: أنا ضد قحت وصمود وتأسيس (تجار الشعارات، اللاهثين وراء بريق السلطة والمشترين بالثمن البخس) سعر الدولار اليوم السبت 31-1-2026.. تغيرات محدودة الهلال يهزم صن داونز وينفرد بالصدارة ويضع قدما في دور الثمانية رغم نزيف باحثي الذكاء الاصطناعي.. "أبل" تحضر نسختين جديدتين ل"سيري" وزير الخارجية يقدم محاضرة في مركز الدراسات الدفاعية الهندي حول مبادرة الحكومة للسلام وتطورات الأوضاع خلال أحياء ذكرى الاستقلال، سفير السودان بلندن يتناول جهود القوات المسلحة في إعادة الأمان لعدد من الولايات جهاز ثوري يراقب الإجهاد والتوتر المزمن بدقة من القمة إلى الهبوط.. هل سقط اتحاد جدة في بئر ريال مدريد المظلم؟ إنستغرام تطور خيار مغادرة "الأصدقاء المقربين" (المريخ …. يتعافى) استقرار سعر الذهب في مصر اليوم السبت 31 يناير 2026 *كش ملك .. هلال اماهور هلال الفرحة والسرور لم تزدهم الحرب إلّا غالباً المقال الأخير ... السودان شجرة "البامبو" مصر.. القبض على أصحاب تريند "صلي على النبي" الذهب يهوي من قمته التاريخية بنفيكا البرتغالي وريال مدريد الإسباني.. نتيجة قرعة الملحق لدوري أبطال أوروبا نشر صور نادرة للعروس مع والدها الراحل.. شقيق الفنان محمود عبد العزيز يهنئ "حنين" بزواجها من المطرب مأمون سوار الدهب بتدوينة مؤثرة (يا محمود اليوم ده كان حقك تكون واقف تدمع وتضحك في نفس اللحظة) تحويلات المغتربين الأفارقة.. شريان اقتصادي لحاضر الدولة ومستقبلها ارتفاع اسعار الذرة والسمسم بسوق القضارف المالية تعلن ضوابط وترتيبات إنفاذ موازنة العام 2026م وزير الطاقة يعلن التوجه نحو توطين الطاقة النظيفة وتعزيز الشراكات الدولية خلال أسبوع الطاقة الهندي 2026 مصطفى شعبان يعود إلى الدراما الشعبية بعد الصعيدية فى مسلسل درش مركز عمليات الطوارئ بالجزيرة يؤكد استقرار الأوضاع الصحية اكتشاف علمي قد يُغني عن الرياضة.. بروتين يحمي العظام حتى دون حركة ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل البروفيسور ايهاب السر محمدالياس يكتب: مكافحة القوارض .. النظر خارج الصندوق شرطة مكافحة المخدرات بتندلتي تضبط شخصاً بحوزته 250 قندول حشيش إحباط محاولة تهريب ذخيرة في السودان تلفزيون السودان يستأنف البث المباشر من مقرّه الرئيسي الشرطة في الخرطوم تداهم منزل أحد قادة الميليشيا المُبدع الذي جَعلَ الرؤيَة بالأُذن مُمكِنة الشرطة في الخرطوم تداهم منزل أحد قادة الميليشيا شرطة الأزهري غرب تضع يدها على مقتنيات منهوبة وزير الصحة: التبغ عدو الحاضر والمستقبل و فاتورته الصحية تفوق عائداته الضريبية رشوة ب 12 ملياراً..إحباط محاولة كبرى في السودان هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم «تحشير بالحبر».. وادعاء بالتلاعب في سند صرف ب 2.2 مليون درهم مستقبل اللغات في عالم متغير.. هل ستبقى العربية؟! السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

صديق الرميلة من المدرعات الي (مساعد شرطة بالمعاش)

قوون نشر في قوون يوم 05 - 07 - 2014

هسع شغال مجاسفات هامشية والعيال كبرت والبت في الجامعة
عندي وصية لهيثم مصطفي بقول ليهو.. اعتزل وارتاح وريحنا معاك
‫
اعداد عصام طمل
فارس الهلال صديقالرميلة،،اسمتردد على كل لسان علي مر السنوات التي قضاها بالهلال ايام عباقرة كرة القدم في ذلك الوقت حيث كان الهلال يعج بالافذاذ من نجوم الزمن الجميل، ورغم ذلك كان ثابتا في مستواه طيلة فترته بالهلال اسدا يخافه المهاجمون،
كان نجما عاش زمانا ترك فيه بصمة لن ينساها الجمهور مهما باعدت بين زمانه الايام والسنوات الطوال،
صفقت له الجماهير طويلا، احبته لفدائيته واخلاصه للون الازرق في ثمانينات القرن الماضي ، مازال يحتفظ بنجوميته،
تسأل عنه الناس كلما تذكرت جيله في الهلال.
ذهبت اليه من غير ميعاد في حي الرميلة بالخرطوم الذي عاش فيه ايام الصبا ولم يفارقه حتي الآن،
عبرت قضيب السكة حديد قاصدا منزل الاسرة الكبير،
اول شخص التقيته بالشارع دلني على المنزل وهو معروف لكل الناس، قابلني والده وهو رجل مازال يحتفظ بكامل لياقته، سألته عن صديق، ارشدني الى انه بمنزله الذي يقع بالقرب من المنزل الكبير.
،، ذهبت اليه بمنزله استقبلني بحفاوة بالغة و شمس رمضان ترسل اشعتها الحارة وهو يرتدي زيا هلاليا ازرق بالكامل تحمل الفانيلة الرقم (2)والزييمثلشعارالهلالالقديمحتيشكلكتابةالرقم،
كسا الشيب الرأس واللحية والشارب وعلى وجهه يرتسم جور الايام وشقاوة الحياة حتى يبدو ان والده اصغر منه سنا ،
دعاني الي داخل منزله البسيط الذي يحمل معه هموم الحياة وظروفها القاسية وسط اسرته الصغيرة التي تملأ البيتالصغيرسعادة،لهمنالابناءبنتانوثلاثة اولاد، الكبرى بالجامعة وآخر العنقود طفل لم يتجاوز الثلاث سنوات يحمله بحنان الابوة اين ماحل،
‫*……..
قلت له:حتي الآن ترتدي شعار الهلال الازرق الكامل.
قال:اول حاجة انا بهنئ الامة الاسلامية جميعا والرياضيين خاصة بمناسبة حلول شهر رمضان المعظم، الشعار الازرق دا بقي اي حاجة في حياة الزول والواحد لايستطيع التخلي عنو وقضينا معاهو ايام لاتنسي ابدا،
‫*……..
مازلت تحتفظ بذكرياتك مع الهلال.
طبعا ودي ايام مابتتنسي والشعار دا بمثل الشعار القديم المعروف للهلال وهي تلاته محتفظ بيهم من الزمن داك لحدي هسع والاتنين التانيات واحد ابيض مخطط بالازرق والتاني ابيض كامل ودي بس الحاجات الفضلت لي ودائما ارتديهم بالمنزل،وانا فقدت ذكريات كتيرة وكانت عندي صور نادرة فقدتها كلها لان الناس بتجيني والواحد فيهم يشيل الصورة يقول ليك اطبعا واجيبا ليك وتاني ما بتلم في الصورة
‫*…….
اختفيت عن الانظار تماما وكثير من الناس يسألون عنك،
انا قاعد في الرميلة بعد تركت العمل في الشرطة،
‫*…….
اشتغلت في الشرطة من متين،
معظم اللاعبين ليهم علاقات بالوحدات العسكرية سواء الشرطة او الجيش ومعروف اي وحدة عندها فريق تشارك به في الدروات العسكرية وتضم هذه الفرق لاعبي الاندية المختلفة وفي جزء من اللاعبين بواصلو بصورة رسمية وفي ناس العلاقة بتنتهي مع نهاية اعتزاله الكورة وانا اصلا لامن كنت في الهلال تابع لفريق المدرعات ومدربنا نقد وبعد خليت الكورة انهيت علاقتي بالمدرعات، جوني ناس المباحث عشان ادرب ليهم الفريق ووافقت وتسلمت الفريق وبعد فترة وجيزة طلبوا مني اكون لاعبا بدل مدرب وتحولت الي لاعب بالمباحث ومنها عممت بصورة رسمية ووصلت حتي رتبة المساعد وتقاعدت عن العمل في الشرطة عام 2006،
‫*…….
منو من اللاعبين الكانو معاك في المباحث،
كان معاي جمال ابوعنجة وعطيتو والكجم وعصام بلاتيني
‫*……..
هسع شغال وين ولابتعتمد علي معاش البوليس.
والله هسع ماعندي شغل ثابت ياهو معاش الشرطة وبعض المجاسفات في بعض الاشغال الهامشية غير الرسمية للايفاء بالتزامات العيال وهم خلاص كبرو والحمد لله الامور ماشا والواحد راضي بقسمتو ووضعو،
‫*……..
متي طرقت باب التدريب ؟
بعد خليت الكورة اتجهت مباشرة لمجال التدريب بداية بالشرطة ثم فريق الحاج يوسف وهلال الدويم ونجحت في تصعيدو للدرجة الاولي،
‫*……..
وليه خليت التدريب،
بصراحة مافي لاعب هسع يدربو لان اللاعب لايعرف ابجديات الكورة ومافي موهبة وانا اعتقد انو آخر جيل من اللاعبين الموهبين توقف سنة 90 لذلك قررت ترك التدريب من عام 92،
‫*…….
متابع الهلال ومبارايتو،
نعم متابع لكل اخبارو لكن من وجهة نظري يفتقد للاعبين الحماسيين ورغم تأهل الهلال للمجموعات مافي تطور في المستوى ومعلوم انو الهلال لسنوات بيصل دوري المجموعات ويودع واذا كان في تطور مفروض يفوز بالكاس ودا ماحصل معناها مافي تطور في الفريق،
‫*…….
ظاهر انك بتحب الهلال من كنت صغير،
طبعا من وانا كنت صغير بلعب في فريق النجوم بالرميلة ولسع الوقت داك الفريق مااسجل في رابطة ناشئي الرميلة والكلام دا في 77/78 وقبال تسجيلنا في الرابطة سجلوني ناس فريق الرميلة سنة 79 لعبت فيها موسمين وفي سنة 81 سجلت في الهلال وظللت العب له اساسيا لحدي ماشطبوني في اواخر 86
‫*……..
قصة تسجيلك للهلال كانت كيف،
جاني ملاح في البيت يوم الاتنين وقال لي دايرنك في الهلال ويوم الثلاثاء سجلت وكانت المسألة في غاية البساطة ، ادارة الرميلة ما اتوقفت ابدا وكان رئيس النادي في الوقت داك العم المرحوم حاج عباس وهو رجل هلالابي لم يتوقف مطلقا والساعد في الموضوع انو كان معظم ناس الرميلة هلالاب وذهبت مع ملاح ووقعت للهلال،
‫*…….
منوالكان معاك في الغرفة.
في الوقت داك مافي حاجة اسمها غرفة تسجيلات اللاعب بسوقو من بيتم وعلي الاتحاد مباشرة، لكن سجلنا نحن اربعة معاي الثلاثي طارق احمد ادم وعادل العوني وشريف لاعب وسط الديم،
‫*…….
لقيتو منو من اللاعبين قدامكم.
وجدنا عباقرة ونجوم كبار بقيادة احمد ادم مصطفي سيماوي مصطفي النقر المرحوم شيخ ادريس عصام عبدالخير متوكل الفاتح الريشة، نجوم كانو على مستوى استفدنا منهم كتير،
‫*…….
جيت الهلال خانتك شنو.
سجلت للهلال سيرباك (ليبرو) ولقيتفيهاشيخ ادريس وطه وسيماوي وكان مدرب الهلال خواجة يوغسلافي طلب مني العب شمال وانا اصلا بلعب يمين وشمال ولم ارفض طلبه ومرات بكون في جناح خطير بحولوني الجهة اليمني وانا في الهلال لعبت في جميع الخانات حتي راس حربة،
‫*……..
اول مباراة ليك مع الهلال،
كانت ضد ود نوباوي وكان وقتها فريق عنيد وصعب شديد وفزنا 2/1 ودي كان اول مباراة لي انا والعوني مع الهلال،
‫*……..
اول مباراة هلال مريخ تخوضها.
في نفس موسم 81 الذي تسجلت فيهو للهلال وتاني ما اتوقفت من خوض اي مباراة لحدي ما شطبت من الهلال،
‫*………
مباراة في ذاكرتك.
ضد فريق جيت الجزائري في بطولة الاندية الافريقية بالخرطوم وفزنا فيها بهدف وهي اول مباراة دولية لي مع الهلال وهذه المباراة بتمثل لي نقطة الانطلاقة وبرضو في مباراة محلية في ذاكرتي وكانت الهلال ضد الزهرة،
‫*……..
مهاجم كنت تعمل له الف حساب.
كنت اعمل حساب لاي مهاجم لان الاندية كان فيها مهاجمين خطيرين، في المريخ عطا ابوالقاسم والموردة بريش وفي الزهرة سيكا ،
‫*………
اقرب اللاعبين ليك من المريخ.
كمال عبدالغني وعادل امين وجمال ابوعنجة وفي الموردة بريش وكنا نحب بعض خارج الملعب،
‫*………
نصيحة للاعبين الحاليين.
نحن ماكان عندنا القروش الهسع متوفرة عند اللاعبين الهسع ديل والكان بدونا ليه ما حاجة بقولو عليها ورغم دا ماكان عندنا مشكلة مادية نطالب بها وكنا نحرص على التدريبات والواحد فينا كان بمشي التمرين قبال اي زول بتعمل الحاجة الانت حاسي انها ناقصاك لحدي يجي المدرب وكنا بنتناقش مع بعض في الاداء ونقاط الضعف بشفافية كاملة واخوة صادقة وكل زميل بوريك ملاحظتو ويوجهك ودا كلو عشان نساعد في تطوير بعض وبقول للاعبي اليوم مافي كورة لان الحاجات القلتها دي ما موجودة الآن واللاعب الما بحترم التدريبات والمدرب مابطور نفسو،
‫*……….
مسيرتك مع المتخب الوطني.
بدأت منذ انضمامي للهلال واستمرت حتى اعتزالي وشاركت معه في عدد من بطولات سيكافا وتصفيات الامم الافريقية وكاس العالم واجمل مبارياتي كانت امام الكاميرون بقيادة روجي ميلا في تصفيات كاس العالم،
‫*…….
بعد الوداع
بعد ان ودعته استوقفني وقال لي:ياخ عندي رسالة دايرك توصلا لهيثم مصطفي ، تقول ليهو ياخ صديق الرميلة بقول ليك اعتزل الكورة وارتاح وريحنا معاك لعبت للهلال سنوات وتحولت للمريخ ومازال الكلام كتير عنك خلاص بعد دا كفاية،
،،،،،،،،،،،،،،،،،،،،،،،،

انقر هنا لقراءة الخبر من مصدره.