سودارس : لما جيت الهلال قالوا (ده جابو لينا من وين) ولن اسجل للمريخ !!

مدير جهاز الأمن والمخابرات: يدعو لتصنيف مليشيا الدعم السريع "جماعة إرهابية " كندا وأستراليا وبريطانيا تعترف بدولة فلسطين.. وإسرائيل تستنفر الزمالة يبدأ مشواره الأفريقي بخسارة أمام ديكيداها الصومالي تدشين أجهزة مركز عمليات الطوارئ بالمركز وعدد من الولايات ترمب .. منعت نشوب حرب بين مصر و إثيوبيا بسبب سد النهضة الإثيوبي الارصاد تحذر من هطول أمطار غزيرة بعدد من الولايات استشهاد أمين عام حكومة ولاية شمال دارفور وزوجته إثر استهداف منزلهما بمسيرة استراتيجية من المليشيا المفوض العام للعون الإنساني وواليا شمال وغرب كردفان يتفقدون معسكرات النزوح بالأبيض وزارة الطاقة تدعم تأهيل المنشآت الشبابية والرياضية بمحلية الخرطوم "رسوم التأشيرة" تربك السوق الأميركي.. والبيت الأبيض يوضح دعوات لإنهاء أزمة التأشيرات للطلاب السودانيين في مصر د. معاوية البخاري يكتب: ماذا فعل مرتزقة الدعم السريع في السودان؟ مياه الخرطوم تطلق حملة"الفاتورة" إدانة إفريقية لحادثة الفاشر الاجتماع التقليدي الفني: الهلال باللون باللون الأزرق، و جاموس باللون الأحمر الكامل يا ريجي جر الخمسين وأسعد هلال الملايين ليفربول يعبر إيفرتون ويتصدر الدوري الإنجليزي بالعلامة الكاملة الأهلي مدني يبدأ مشواره بالكونفدرالية بانتصار على النجم الساحلي التونسي شاهد بالصور.. المودل السودانية الحسناء هديل إسماعيل تعود لإثارة الجدل وتستعرض جمالها بإطلالة مثيرة وملفتة وساخرون: (عاوزة تورينا الشعر ولا حاجة تانية) شاهد.. ماذا قال الناشط الشهير "الإنصرافي" عن إيقاف الصحفية لينا يعقوب وسحب التصريح الصحفي الممنوح لها 10 طرق لكسب المال عبر الإنترنت من المنزل بورتسودان.. حملات وقائية ومنعية لمكافحة الجريمة وإزالة الظواهر السالبة وضبط المركبات غير المقننة شاهد بالفيديو.. طفلة سودانية تخطف الأضواء خلال مخاطبتها جمع من الحضور في حفل تخرجها من إحدى رياض الأطفال جرعات حمض الفوليك الزائدة ترتبط بسكري الحمل لينا يعقوب والإمعان في تقويض السردية الوطنية! الأمين العام للأمم المتحدة: على العالم ألا يخاف من إسرائيل الطاهر ساتي يكتب: بنك العجائب ..!! صحة الخرطوم تطمئن على صحة الفنان الكوميدي عبدالله عبدالسلام (فضيل) وزير الزراعة والري في ختام زيارته للجزيرة: تعافي الجزيرة دحض لدعاوى المجاعة بالسودان بدء حملة إعادة تهيئة قصر الشباب والأطفال بأم درمان لجنة أمن ولاية الخرطوم: ضبطيات تتعلق بالسرقات وتوقيف أعداد كبيرة من المتعاونين هجوم الدوحة والعقيدة الإسرائيلية الجديدة.. «رب ضارة نافعة» هل سيؤدي إغلاق المدارس إلى التخفيف من حدة الوباء؟! تعاون مصري سوداني في مجال الكهرباء شاهد بالفيديو.. شيخ الأمين: (في دعامي بدلعو؟ لهذا السبب استقبلت الدعامة.. أملك منزل في لندن ورغم ذلك فضلت البقاء في أصعب أوقات الحرب.. كنت تحت حراسة الاستخبارات وخرجت من السودان بطائرة عسكرية) "نهاية مأساوية" لطفل خسر أموال والده في لعبة على الإنترنت المالية تؤكد دعم توطين العلاج داخل البلاد شاهد بالفيديو.. نجم السوشيال ميديا ود القضارف يسخر من الشاب السوداني الذي زعم أنه المهدي المنتظر: (اسمك يدل على أنك بتاع مرور والمهدي ما نازح في مصر وما عامل "آي لاينر" زيك) الجزيرة: ضبط أدوية مهربة وغير مسجلة بالمناقل ماذا تريد حكومة الأمل من السعودية؟ إنت ليه بتشرب سجاير؟! والله يا عمو بدخن مجاملة لأصحابي ديل! في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى جنازة الخوف حكاية من جامع الحارة حسين خوجلي يكتب: حكاية من جامع الحارة مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

لما جيت الهلال قالوا (ده جابو لينا من وين) ولن اسجل للمريخ !!

قوون نشر في قوون يوم 10 - 07 - 2014

بعد الإستفتاء أنا واتير إنفصلنا عن اللاعبين داخل المعسكر !!
بتكلم ب(15) إسكراتش في اليوم وما عندي عربيه وبركب الركشات !!
المصور المصرى قال لي (عب) واديتو بونية وهذا ما اطلبه من رئيس الجمهورية !!
ما بحب (الحب) وما عندي صبر للغنا السودانى وتمنيت اسماعيل صديق في الهلال !!
حاوره : محمد الطيب الأمين
إضاءة
الجلوس على كنبة الإحتياطى احيانا يوازى الجلوس على (الجمر) خاصة في الاندية الجماهيريه الكبيرة مثل الهلال ، وجمعة جينارو واحد من اللاعبين الذين امضوا سنوات في الكنبة دون كلل او ملل حتى اتيحت له الفرصة فاستغلها على النحو الامثل وقاد الهلال في النصف الاول في الموسم وساهم بشكل كبير في ترقى الفريق لمجموعات الابطال ، جمعة شاب شديد الثقافة والادب فهو كما يقول زملاؤه (نيتو بيضاء) وزول في حاله ، (قوون) وعبر باب (60) دقيقة ونسه على الريق إلتقت جمعة في حوار جرئ يوم الجمعة تحدث من خلاله اللاعب عن كثير من الجوانب الخفية والخفيفة في حياته فكانت هذه المحصلة .
إتولدت في شندى وكنت بلعب مع الأكبر مني !!
*كابتن جمعة جينارو أموك (جنوبي) ترخيص (الشمال) ؟؟
نعم أنا جنوبي ولكن هذا التميز لم يكن حاضرا قبل الإنفصال بل كنت اقول انا سودانى وهذا يكفي .
*انت إتولدت في الخرطوم ولا في جوبا ؟؟
لا أنا إتولدت في مدينة شندى وكل اسرتي تقيم في شندى ومازالت .
*لماذا إختيار شندى بالتحديد ؟؟
والدي عليه الرحمة كان عسكرى جيش في شندى واشتغل في القيادة فترة طويلة جدا فخرجت انا للدنيا في شندى ومعى اخوتى .
*هل مازالت اسرتك تقيم في مدينة شندى ؟؟
أنا ابوي متزوج (مرتين) الآن أمى في جوبا ولكن عمتي تقيم في شندى ومعها عدد من اخواني .
*تحت تحت بيقولوا جمعة إتعلم الكرة كبير أو إتعلم حراسة المرمى وهو كبير ؟؟
بالعكس أنا بديت الكورة من صغير وكل ناس بيتنا بيلعبوا كورة بداية من الوالد ومرورا بأخواني وانا لقيت الكرة في البيت وقمت عليها .
*أبوك وأخوانك هل لعبوا الكرة بشكل منظم في الاندية ؟؟
لا لم يلعبوا في أندية ولكنهم كانوا مميزين حسب ما سمعت .
*كنت بتعلب مع اولاد الحلة ؟؟
نعم ومن المفارقات أنا كنت بلعب مع الاولاد الاكبر مني في الحلة ومنذ الصغر بلعب في حراسة المرمى عدا مرات قليلة كنت اشارك جوة الملعب وللامانة في الفترة ديك كنت يوميا برجع البيت وأنا مصاب والحاجة دى عملت لي مشاكل مع ناس البيت والوالد منعني اكثر من مرة وهددني إذا لم اترك الكرة .
*وهل توقفت بعد تهديدات الوالد ؟؟
لا لم اتوقف ولكن سجلت مع البراعم وبقيت اتمرن معاهم واذكر في مرة تعرضت (لفكك) وتم علاجى عن طريق البصير ومن يومها والدتي ووالدى وقفا (ألف أحمر) ضد رغبتي في ممارسة الكرة حتى تدخلت خالتي وطلبت منهم ان يتركوني وقالت ليهم : (الأولاد ديل كلهم بتعوقوا خلوا الولد يلعب) ، والحمدلله بعد داك واصلت ولعبت وتدرجت حتى وصلت اهلى شندى ولعبت له نصف عام وجيت الهلال .
*طيب بعد جيت الهلال وقبضت القروش أبوك وأمك ما ندموا على تهديدهم ليك بترك الكرة ؟؟
أبوى ما حضر فقد توفى عام 2002 ولكن مرة قلت لأمي رأيك شنو اخلى الكرة ؟؟ قالت لي لا واصل لكن بس ما تتعوق .
لما الجنوب إنفصل فرحت !!
*جمعة لما الجنوب إتفصل انت كنت وين وسمعت الخبر عن طريق منو ؟؟
كنت في معسكر الهلال (2011) في القاهرة وقبل اعلان الانفصال كنت اتابع التلفزيون ونشرات الاخبار ويوم اعلان الانفصال علمت الخبر من التلفزيون .
*احساسك كان كيف لحظة اعلان الانفصال ؟؟
والله ما بكضب عليك فرحت وحزنت ولكن فرحى كان اكبر لانو خلاص الجنوب بقى دولة قائمة بذاتها ولكن حزنت لانفصال البلد.
*انت كنت مع الوحدة ولا الإنفصال ؟؟
السؤال ده اعفيني منو .
*طيب هل ذهبت لمراكز التصويت وادليت بصوتك في تحديد المصير ؟؟
لا لا لم اذهب رغم ان القاهرة كان فيها مراكز للجنوبيين بالخارج ولكن انا اصلا لا احب السياسة وحتى اذكر في الانتخابات الرئاسية والتعداد السكاني لم يكن لي صوت او دور .
*بعد الإنفصال هل حسيت بأن الحياة حولك في الخرطوم تغيرت ؟؟
لا طبعا الإنفصال ده حاجة سياسية ونحن البينا اكبر من سياسة وجغرافيا .
بطلب من رئيس الجمهورية يعفينا من الاحتراف !!
*قبل شهور قدم لكم رئيس الجمهورية دعوة لاجراء تدريب بالقيادة ومن ثم تناول وجبة العشاء معه ، ماذا كنت ستقول له لو منحوك فرصة الحديث ؟؟
أنا اولا بشكر رئيس الجمهورية على الدعوة وهذا يدل على روحه الرياضية العالية واهتمامه بالهلال وكل الاندية التى تلعب باسم الوطن ، وحقيقة انا اجتهد في سبيل إنو اتحدث في تلك الليلة ولو اتاحوا لي فرصة كنت سأقول للرئيس : في الرياضة مافي انفصال ونحن ما دايرين اللاعب البيجي من الجنوب يتعامل في الشمال كمحترف اجنبي ولو ذهب لاعب من الشمال إلى الجنوب برضو لا تتم معاملته كمحترف اجنبي ، كنت سأقول هذا لانو في النهاية نحن شعب واحد .
لما جيت الهلال سخروا مني وقالوا ده جابو من وين !!
*جمعة انت لما جيت الهلال لم يحس بك احد وجلست في الكنبة لسنوات طويلة ؟؟
صاح انا في اهلى شندى لعبت ستة شهور فقط بعدها جيت الهلال والوقت داك الناس ما كانت مركزه مع اهلى شندى كثير عشان كده سجلت للهلال بدون اى زخم وضجة وفعلا إنتظرت في الكنبة فترة طويلة جدا بس الحاجة دى افادتني فائدة كبيرة لاني اتعلمت الكثير من الكنبة .
*بعض جماهير الهلال سخرت من تسجيلك للهلال خاصة وانت حارس قصير القامة ؟؟
ما الجماهير براها الاعلام برضو سخر من تسجيلي وكانوا بيقولوا : جمعة وبوى ديل جابوهم لينا من وين ولكن مع الايام الحمدلله كسبنا الرهان والآن الجميع يحترمنا .
*جمعة بعد الصبر الطويل بقيت اساسى وساهمت بشكل كبير في بلوغ الهلال لدور المجموعات ؟؟
ده والله بجهد كل اللاعبين والاجهزة الفنية والجمهور ، الحمدلله شاركت بشكل متواصل في الفترة السابقة ووجدت دعما كبيرا من كل الزملاء .
لو ما المعز ماكنت استمريت اساسيا في التشكيلة !!
*انت تعلم ان الدعيع جاء للهلال واتشطب في وجود المعز وهذا ربما يجعل المعز غير راضى على مشاركتك اساسيا في وجوده ؟؟
اجاب ضاحكا : المعز ده اخوى والزول القاعد بره ما زي الزول القاعد جوة ، الحاجة الما عارفنها الناس إنو انا لو ما المعز محجوب ما كنت بقدر ألعب كل هذه الفترة اساسيا ، المعز وقف معي وقفات رجال لن انساها له وهو زول بيحب الهلال ودائما يبحث عن الانتصارات وبالنسبة لي هو معلم ودائما ينصحنى ويوجهنى حتى اثناء المباراة بيننا اشارات وكلمة سر تتعلق بتكتيك المباريات ، المعز افضل حارس في السودان وسبق ان قاد الفريق الى المربع الذهبى اطمئن الناس واقول ليهم انا والمعز سمن على عسل .
بعد تحديد المصير أنا واتير إنفصلنا من اللاعبين داخل المعسكر !!
*لكن يا جمعة دائما حراس المرمى في المعسكرات بيكونو في غرفة واحدة وحسب ما اعلم انت لا تقيم مع معز في غرفة واحدة ؟؟
نعم لكن ده ما بيعني حاجة ولا علاقة له بالملعب وما كل فريق الحراس بيكون مع اللاعب في غرفة واحدة .
*انت بتحب منو يشاركك في الغرفة ؟؟
دائما انا واتير توماس بنكون في غرفة واحدة .
*يعنى انت واتير إنفصلتو مثلما إنفصل الجنوب ؟؟
الزملاء في المعسكرات بيقولوا نحن ماشين غرفة الجنوبيين ويقصدوا غرفتي انا واتير ونحن نقول لهم هذا إنفصال بيننا وبينكم ، حقيقة انا داير اقول حاجة الهلال ده فيهو سحر ومحنة عجيبة مثلا في المعسكرات ما بتحس انت في معسكر الجو جو اسرى فيهو كتير من الحب والتقدير والقفشات .
على ذكر القفشات من هو اللاعب الذى يصلح ان يكون (كومديان) ؟؟
صلاح الجزولى ، صلاح ده زول نكته وكل الناس بتحبو رغم إنو هو حديث في الهلال ولكن بخفة دمه اصبح اهم زول في المعسكرات وصلاح محبوب جدا من قبل كل المحترفين الاجانب .
لن ألعب لاى فريق في السودان الشمالي خلاف الهلال ؟؟
*نهاية هذا العام ينتهى عقد جمعة مع الهلال والجماهير تخشى مفاوضات المريخ ؟؟
نهاية عقدى لا تعنى ذهابي لفريق آخر ، الهلال عندو جمايل كبيرة علي وانا مابنساها ولا ببيع الهلال والكلام ده ما كلام سوق لكن حقيقة ، ممكن اخلى الهلال في حالة يجيني فريق من اوروبا لانو بصراحة انا داير اخوض تجربه احترافية وبالعدم لن ألعب لأى فريق في السودان الشمالي بخلاف الهلال .
ما عندي عربيه وبركب ركشات !!
*جمعة بيحب القروش وبيكدسها بعيد ؟؟
ياريت والله ، ما عندى قروش لا بعيدة ولا قريبة لما ألقى قروش بصرفها على اهلى ناس البيت هنا وفي شندى وفي جوبا .
*مافكرت في العرس ؟؟
لسه مافكرت لكن ان شاء الله يكون قريب عندي مسوؤليات كبيرة واولويات قبل العرس .
*جمعة كل يومين بتمشي شندى قالوا عندك (حب) هناك ؟؟
لا لا ما صاح لم افكر في الحب حاليا ، شندى بمشى لكن ما طوالى وهل تصدق انا لحدى الان ما عندى عربيه .
*لماذا ؟؟
ربنا ما هون وغير ده العربية بتعلم (الحوامه) .
*وكيف بتقضى مشاويرك ؟؟
بعربات الزملاء ومرات امجاد ومرات ركشه .
بتكلم برصيد (150) ألف في اليوم !!
*جمعة اكثر لاعب في الهلال يتحدث بالتلفون ؟؟
ما للدرجة دى صاح طوالى بكون مركب السماعات بس مرات بكون بسمع اغانى ما بتكلم .
*بتسمع لمنو من الفنانين ؟؟
بسمع أغنيات غربية وما عندى صبر على الاغنيات السودانية .
*طيب في اليوم الواحد بتستهلك رصيد بكم تقريبا ؟؟
انا بتصل على اهلى في شندى وفي جوبا وحتى بره السودان ومرات بشترى إسكراتشات ب(150) ألف في اليوم .
المصور المصرى قال لي (عب) وضربتو بونية !!
*جمعة في مصر تسترت على اساءات المصور المصرى اثناء مباراة الزمالك حتى نهاية اللقاء فضاعت على الهلال شكوى مضمونة ؟؟
فعلا سكاتي كان غلط بس والله انا زعلت زعل شديد من الاساءات ومع ذلك تمالكت اعصابي حتى نهاية اللقاء .
*المصور المصرى ماذا قال لك بالضبط ؟؟
هو ما مصور واحد هم تلاتة منذ بداية المباراة كانوا يتحدثون حديثا فارغا ويقولون (عب) وغيرها من المفردات الجارحه التى لا تقال في ميادين كرة القدم .
*طيب اثناء المباراة هل تحدثت معهم ؟؟
ايوه قلت ليهو إنتظرني بعد المباراة وقال لي انا قاعد وبعد المباراة مشيت ليهو أديتو بونية والكانوا معاهو مشوا .
*هل إتصل بك بعد ذلك واعتذر ؟؟
هو لم يتصل ولكن اتصل على طارق ابوزيد ومن قبل زارنا رئيس نادى الزمالك في المعسكر وانا كنت مصمم ان لا اقبل الاعتذار إلا بحضور هذا المصور ولكن بعد مكالمة طارق ابو زيد تجازوت الامر رغم مرارته وحقيقة انا كنت ما مصدق لانو مصر والشعب المصرى علاقته بالسودان مميزة وما حصل مشينا مصر إلا واحترمونا .
*مباراة الزمالك تحدى خاص لكم وقبلها مباراتا الكنغو ؟
نعم الهلال لم يخرج من المنافسه وامامنا فرصة كبيرة نحن ذاهبون إلى الكنغو من اجل تحصيل النقاط ومن بعد ذلك ستكون مباراة الزمالك تحصيل آخر النقاط .
*تميز جمعة بصد ركلات الجزاء والترجيح ما سر ذلك ؟؟
لا يوجد سر ضربات الجزاء توفيق في المقام الاول واعتقد انو انا موفق في صدها .
*بتحب السفر ؟؟
نعم لكن ما بحب تعب السفر .
*بتتزود بشنو في السفر ؟؟
البلح
*لاعب تمنيته في الهلال ؟؟
اسماعيل صديق .
*مهاجم بتخاف منو ؟؟
حاليا لا يوجد .
*مدافع تطمئن عند وجوده ؟؟
كل مدافعى الهلال .

انقر هنا لقراءة الخبر من مصدره.