وفد عسكري أوغندي قرب جوبا    تقارير تكشف خسائر مشغلّي خدمات الاتصالات في السودان    والي الخرطوم يشيد بمواقف شرفاء السودان بالخارج في شرح طبيعة الحرب وفضح ممارسات المليشيا المتمردة    مجاعة تهدد آلاف السودانيين في الفاشر    تجدّد إصابة إندريك "أحبط" إعارته لريال سوسيداد    توجيه الاتهام إلى 16 من قادة المليشيا المتمردة في قضية مقتل والي غرب دارفور السابق خميس ابكر    لدى مخاطبته حفل تكريم رجل الاعمال شكينيبة بادي يشيد بجامعة النيل الازرق في دعم الاستقرار    شغل مؤسس    عثمان ميرغني يكتب: لا وقت للدموع..    السودان..وزير يرحب بمبادرة لحزب شهير    الهلال السوداني يلاحق مقلدي شعاره قانونيًا في مصر: تحذير رسمي للمصانع ونقاط البيع    محمد خير مستشاراً لرئيس الوزراء كامل إدريس    "ناسا" تخطط لبناء مفاعل نووي على سطح القمر    ريال مدريد الجديد.. من الغالاكتيكوس إلى أصغر قائمة في القرن ال 21    تيك توك يحذف 16.5 مليون فيديو في 5 دول عربية خلال 3 أشهر    وفد المعابر يقف على مواعين النقل النهري والميناء الجاف والجمارك بكوستي    الناطق الرسمي باسم قوات الشرطة يكشف عن إحصائيات بلاغات المواطنين على منصة البلاغ الالكتروني والمدونة باقسام الشرطةالجنائية    الشان لا ترحم الأخطاء    صقور الجديان في الشان مشوار صعب وأمل كبير    الإسبان يستعينون ب"الأقزام السبعة" للانتقام من يامال    السودان.."الشبكة المتخصّصة" في قبضة السلطات    مقتل 68 مهاجرا أفريقيا وفقدان العشرات إثر غرق قارب    ريال مدريد لفينيسيوس: سنتخلى عنك مثل راموس.. والبرازيلي يرضخ    مسؤول سوداني يردّ على"شائعة" بشأن اتّفاقية سعودية    غنوا للصحافة… وانصتوا لندائها    توضيح من نادي المريخ    حرام شرعًا.. حملة ضد جبّادات الكهرباء في كسلا    شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس)    امرأة على رأس قيادة بنك الخرطوم..!!    وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم    الخرطوم تحت رحمة السلاح.. فوضى أمنية تهدد حياة المدنيين    "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي    المصرف المركزي في الإمارات يلغي ترخيص "النهدي للصرافة"    أنقذ المئات.. تفاصيل "الوفاة البطولية" لضحية حفل محمد رمضان    لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها    انتظام النوم أهم من عدد ساعاته.. دراسة تكشف المخاطر    خبر صادم في أمدرمان    اقتسام السلطة واحتساب الشعب    شاهد بالصورة والفيديو.. ماذا قالت السلطانة هدى عربي عن "الدولة"؟    شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة)    شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم    إلى بُرمة المهدية ودقلو التيجانية وابراهيم الختمية    رحيل "رجل الظلّ" في الدراما المصرية... لطفي لبيب يودّع مسرح الحياة    زيادة راس المال الاسمي لبنك امدرمان الوطني الي 50 مليار جنيه سوداني    وفاة 18 مهاجرًا وفقدان 50 بعد غرق قارب شرق ليبيا    احتجاجات لمرضى الكٌلى ببورتسودان    السيسي لترامب: ضع كل جهدك لإنهاء حرب غزة    تقرير يسلّط الضوء على تفاصيل جديدة بشأن حظر واتساب في السودان    استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة    مقتل شاب ب 4 رصاصات على يد فرد من الجيش بالدويم    دقة ضوابط استخراج أو تجديد رخصة القيادة مفخرة لكل سوداني    أفريقيا ومحلها في خارطة الأمن السيبراني العالمي    السودان.. مجمّع الفقه الإسلامي ينعي"العلامة"    ترامب: "كوكاكولا" وافقت .. منذ اليوم سيصنعون مشروبهم حسب "وصفتي" !    بتوجيه من وزير الدفاع.. فريق طبي سعودي يجري عملية دقيقة لطفلة سودانية    نمط حياة يقلل من خطر الوفاة المبكرة بنسبة 40%    عَودة شريف    لماذا نستغفر 3 مرات بعد التسليم من الصلاة .. احرص عليه باستمرار    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



نادر منصور:يعاني ظروفه ومرض ابنته
قوون نشر في قوون يوم 12 - 07 - 2014

تسافر للعلاج كل (6)شهور وتحتاج مبلغ (7)آلاف دولار للعملية بالقاهرة
مافي أي زول من النجوم البعانو ظروفو زيي
الناجي معتمد بحري الوحيد الوقف معاي
‫اعداد:عصام طمل
من منا لايعرف نجم النجوم نادر منصور الذي صال وجال مع الهلال والمنتخب الوطني في فترة التسعينيات، وقاد الهلال للمباراة النهائية في بطولة الأندية الأفريقية أبطال الدوري عام (92)أمام الوداد البيضاوي المغربي وهو الذي أبدع في خط الوسط أسدًا يدافع عن ألوان الهلال،
كان نجماً بارزًا في سماء الكرة السودانية قبل أن ينتقل للهلال عندما تفتحت موهبته الفذة مع التحرير البحراوي في نهاية الثمانينات وأجبر كافة المدربين على اختياره للمنتحب الوطني وكان يافعاً ويعتبر أصغر لاعب يتم اختياره للمنتخب الأول وهو في سن منتخب الشباب،
من غير ميعاد ذهبت إلى منزل الأسرة بحي الشعبية شمال بالخرطوم بحري عقب الإفطار وقابلني الشاب منصور ابن شقيقه، وكانت المفاجأة أنه تعرف على شخصي مما سهل من المهمة.
سألته عن عمه نادر وقال لي إنه يسكن بحي الميرغنية واتصل عليه وتحدثت معه عبر الهاتف وطلب مني أن أقابله جوار سعد قشرة.
وجدته في انتظاري ، نحيل الجسم وبادي على وجهه الارهاق الشديد والمعاناة من ظروف الحياة وقساوة الأيام.
لاحظت أنه يعاني من آلام حادة بيده اليمنى التي يمسك بها حيث أخبرني أنه لحظة الاتصال به كان في طريقه للعيادة لأن له أسبوعان لم يزق طعم النوم من شدة الألم وحكى لي أنه وقبل أسبوعين شعر بآلام في الظهر وذهب لشخص يقوم بعملية العلاج (البلدي) وعرضه(لدلك) فييدهممافاقم من الألم وذهب وقابل الطبيب الذي طلب منه إجراء صورة أشعة للرأس واليد المصابة لذلك كان هو في طريقه للعيادة.
رجل صبور رغم معاناته من آلام يده وآلام مرض ابنته التي تعاني من سنوات،
دعاني لتناول الشاي بإحدى المقاهي الليلية جوار الإذاعة الرياضية(fm 104) وقاللي:يا أستاذ تاعب نفسك وجاي لحدي بحري ليه بس كان تضرب لي وأنا أجيك في الجريدة.
*‫…….
قلت له:مالك كملت كدا؟.
ابتسم وقال لي: الجريالشديد وبدون معسكر ورا المعايشوزمانكنابنجريونحرقطاقةلكنكنا بنعوضا في المعسكرات مع الهلال أو المنتخب لكن هسع وين، وأنا برضو لي فترة كنت عيان، بعاني مرات من ارتفاع ضغط الدم ومرات هبوط وحاجات كتيرة وهسع متحسن شوية.
*‫…….
مختفي والناس بسألوا منك؟.
أنا موجود ومدرب لفريق الصبابي ورغم الجري ورا العيشة برضو الكورة مابننساها لأنها جارية في دمنا.
‫*…….
شغال شنو؟.
شغال أعمال حرة وما عندي شغلانة ثابتة.
بعد اعتزلت الكورة عملت شنو؟.
اشتغلت في الإعلانات بجريدة الرأي الآخر وبعد وقفت عن الصدور مشيت اشتغلت في مكتب إعلانات أتعامل من خلاله مع كل الصحف وهسع لو لقيت إعلانات بشتغل.
‫*……..
اللاعب السوداني لامن يخلي الكورة يعاني؟.
‫*……
خليك من الناس اللعبو الكورة حتى الناس العاديين بعانو، بمرو بالظروف الصعبة دي وهي حالة عامة..
‫*……
حال نجوم كبار يغني عن السؤال؟.
أنا تابعت زياراتك للاعبين في رمضان وقرأت حوار برشم وحمد الجريف ومنصور سبت وشئ مؤسف والله وتأثرت جدًا، لكن رغم ذلك أنا ما أقل منهم وظروفي أصعب من أي زول لأنو في جزء منهم عندو شغل رغم قساوتو بلقو منو قروش، لكن أنا مالاقي حتى الشغل الهامشي دا، وبعاني حتى اللحظة.
‫*…….
السبب شنو؟.
السبب أنو الأندية بتهمل اللاعب لامن يعتزل عكس البلدان التانية عندها برنامج لأي لاعب سابق بالنادي، لأنو اللاعب لامن يلعب الكورة يضحي ويخلي الدراسة عشان يتفرغ للفريق وبعد يعتزل تاني مافي زول يسأل عنك، والصحيح مفروض يكون في اختصاصي نفسي بالنادي يتابع اللاعب ويتعرف على ظروفه حتى الاعتزال ويتم تهيأة اللاعب لهذه المرحلة ومعالجة المشاكل التي يتوقع مواجهتها بعد الاعتزال.
‫*…..
أنت إلى جانب ضغوطك تعاني مع مرض ابنتك؟.
رفض الحديث عن الظروف التي يعانيها بسبب مرض ابنته وبعد إصرار قال:بنتي تعاني من المرض منذ سنوات وتتعالج بالقاهرة كل 6 شهور بصورة منتظمة ومطالبة بالسفر بعد أسبوعين لمواصلة العلاج ، وظللت على هذه الحالة سنوات لتوفير التذاكر والمصاريف كل 6 شهور.
‫*……
إداريو الهلال القدامى ماساعدوك؟..
صورت كل المستندات التي تثبت ذلك وطرقت كل الأبواب ولم يستجب سوى الأخ الكريم معتمد بحري الأستاذ الناجي محمد علي والرجل ماقصر معاي وربنا يجزيهو ألف خير في هذا الشهر الكريم، وحالياً عشان أسفرا القاهرة للعملية محتاج مبلغ 6 آلاف و700 دولار خلاف الحاجات التانية.
‫*……
لك ابن أيضاً يعاني مع المرض؟.
صحيح ابني الكبير محمد يعاني من المرض من ما أنا كنت بلعب في الهلال وكنت بسوقو معاي المعسكرات يكون قاعد معاي وسقتو معاي القاهرة في سفرتين مع الهلال لمقابلة الطبيب، كان علاجو متواصل لامن كنت بلعب في الهلال لكن هسع الوضع اختلف، الواحد راضي بالمعاناة والحمدالله.
‫*…….
محمد دا ياهو الكان بتصور مع الهلال في المباريات؟.
نعم لامن كان صغير زي قلت ليك بكون معاي في المعسكر وبمشي معانا المباريات ولامن يجو المصورين للصورة الجماعية كان بتصور مع الفريق.
‫*……
وين الصور دي ؟.
مع محمد إبراهيم دسوقي (فينا)وعبدالله يونس وهم بصورو فينا من زمان ربنا يديهم العافية.
‫*…….
انضمامك للهلال أثار ضجة كبرى؟.
أنا سجلت الهلال عام 91 بعد أكملت القيد في نادي التحرير البحراوي وفي عام 92 كان لي الشرف أن أكون ضمن الكوكبة الأوصلت االهلال لنهائي أبطال أفريقيا، وأنا كنت أقرب للمريخ من الهلال لكن حصلت تطورات غيرت مساري للهلال،
ناس الهلال اتصلوا في الأول وبعد داك اتصالاتهم كانت متقطعة وفجأة ظهروا ناس المريخ وكانوا جادين وجلست معهم وأكملنا الاتفاق النهائي وتبقي فقط أن أوقع ولكن المريخ وضع شرطاً جعلني أفكر في الهلال والسبب أنهم طلبوا مني عدم السفر مع المنتخب إلى إثيوبيا للمشاركة في دورة الصداقة لاقتراب موعد التسجيلات وفي الوقت دا جو ناس الهلال وما اعترضوا على سفري مع المنتخب ووافقوا أنو بعد أرجع أوقع ليهم ووافقت وسافرت مع المنتخب لإثيوبيا، ولامن راجعيين ناس المريخ خططوا لاختطافي من المطار وحصل أنو زمن الطيارة ما معروف تصل الخرطوم الساعة كم وحتى نحن ما كنا عارفين وفي اليوم الثاني وصلنا مطار الخرطوم الساعة 2 صباحاً ووجدت ناس الهلال جو الصالة وأخدوني لمنزل هاشم ملاح وهناك لقيت كل لوردات الهلال من المرحوم الطيب عبدالله والفريق عبدالرحمن سر الختم وعبدالمجيد منصور وطه علي البشير وتم الاتفاق ومنها مشيت الاتحاد وقعت للهلال.
‫*……..
قبال الهلال والتحرير كنت بتلعب وين؟.
أنا بديت في فريق الزهرة برابطة الدناقلة، وفي الزمن داك كان الفريق عبدالرحمن سر الختم جارنا في الشعبية اتفرج عليَّ ساقني وداني الهلال قال ليهم الولد دا سجلوا في الأشبال وأتمرنت مع أشبال الهلال ، لكن للأسف قالوا لي أنت صغير امشي وتعال بعد تكبر شوية ومنها مشيت لعبت لأشبال الاتحاد لكن ما كانوا مسجلين رسمياً في الاتحاد يعني مابلعبوا دوري الأشبال، قمت مشيت سجلت في أشبال التحرير ومنها صعدوني الفريق الأول وأكملت فترة القيد وسجلت الهلال.
‫*……
منو السجل معاك في الهلال؟.
نحن سجلنا في الموسم داك 17 لاعباً سجلنا دفعة واحدة والموسم داك الهلال شطب فيهو مجموعة كبير من اللاعبين على رأسهم مجدي كسلا ومبارك سليمان حتى أطلقوا عليه موسم المجزرة وأذكر كان معي عصام علي الريح وحربي وفيصل الأبيض وكومي ومجدي المقرن ووليم، ووجدنا في الهلال هشام الطيب وطارق أحمد آدم وتنقا والثعلب وكندورة وجلال كادقلي وصبري الحاج ومنقستو وخالد الزومة.
‫*……
بعد الهلال مشيت وين؟.
سجلت في فريق شمبات لموسم واحد وصعدنا به للدوري الممتاز.
‫*…….
الشهرة سببت لك متاعب؟.
الشهرة متاعب هذه حقيقة وحتى الان الواحد بعاني منها، لكن برضو عندها فوئد لأنو مرات الزول بمشي السوق وبشيل الحاجة الدايره بدون قروش لأنو الناس القدام بعرفونا عشان كدا عندهم لينا وفاء خاص، وأنا اكتسبت الشهرة قبل التسجيل للهلال لأنو في التحرير كنت مميز وأنا في الشباب اختاروني للمنتخب الوطني ولقيت فيهو كمال عبدالغني ووجدت كل النجوم وقعدت معاهم في معسكرات.
‫*……
أجملمبارياتك؟.
معالمنتخبالوطنيكانتضدنيجيريافيتصفياتكأسالعالمومعالهلالجميع مبارياتي ضد المريخ كانت الأجمل.
‫*……
لاعب كان قريب منك؟.
جميع لاعبي الهلال في الزمن داك كانوا قريب مني، لكن كانت مميزة مع كندورة وفي المريخ أسامة سكسك وكمال عبدالغني وحامد بريمة.
‫*…….
رأيك في الهلال الحالي؟.
متابع وبصراحة ماعاجبني وهلال 87 أفضل وأميز والسبب أنو مافي استقرار في كافة المستويات والأيام دي صراع الانتخابات والحاجات دي كلها قاعدة تأثر في اللاعبين والقول غير كدا غلطان لأنو اللاعبين ديل متابعين وبقروا الجرايد وبعرفوا الحاصل شنو وبالتالي يتأثروا بالحولينهم.
‫*…….
(قاعدين) تتلاقوا كلاعبين قدامى؟.
والله ظروف الحياة وضغوطاً بتخلي الناس ما تتواصل لأنو كل زول جاري ورا همومو، لكن مرات الزول لامن يكون الزول عايز يلاقي واحد منهم يمشي مطبعة محمود صالح في السوق العربي بتلاقيهم هناك قاعدين مع حسن أخو محمود صالح لأنو محمود ذاتو ماقاعد في المطبعة لمشغولياتو.
‫*……
لانريد الإطالة وأنت تريد الذهاب للعيادة.
شكرًا وإن شاء الله نلتقي وبينا التلفون.
ودعته ولاحظت أنه حتى (كباية)القهوة لم يستطع إكمالها للمرارة التي عشتها معه في لحظات جلوسي معه.

انقر هنا لقراءة الخبر من مصدره.