سودارس : كورتكم دي في (الكنغو) بين الشوطين ما بتستركم

مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف بولس : توافق سعودي أمريكي للعمل علي إنهاء الحرب في السودان إجتماع بسفارة السودان بالمغرب لدعم المنتخب الوطني في بطولة الأمم الإفريقية عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته البرهان وأردوغان يجريان مباحثات مشتركة شاهد بالصورة.. الطالب "ساتي" يعتذر ويُقبل رأس معلمه ويكسب تعاطف الآلاف شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها) شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي) بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها وحدة السدود تعيد الدولة إلى سؤال التنمية المؤجَّل بعثه الأهلي شندي تغادر إلى مدينة دنقلا تراجع أسعار الذهب عقب موجة ارتفاع قياسية عثمان ميرغني يكتب: لماذا أثارت المبادرة السودانية الجدل؟ الخارجية ترحب بالبيان الصحفي لجامعة الدول العربية ألمانيا تدعو لتحرك عاجل: السودان يعيش أسوأ أزمة إنسانية الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق ياسر محجوب الحسين يكتب: الإعلام الأميركي وحماية الدعم السريع محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! وزير الداخلية التركي يكشف تفاصيل اختفاء طائرة رئيس أركان الجيش الليبي سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورتكم دي في (الكنغو) بين الشوطين ما بتستركم

قوون نشر في قوون يوم 16 - 07 - 2014

اذا كان المنتخب البرازيلي الذي تتكون تشكيلته من افضل (11) برازيلي في العالم اتغلب سبعة ..ناس سيرجيو دي يتغلبوا كم؟
"""""""""""""""""""""""""""""""
في ناس عندها ثقالة في الحتة دي ..من الحفلة تنتهي يقولوا ليك : (معليش الكرسي يا ابوالشباب)
""""""""""""""""""""""""""""""""""""""
الاغرب من هذا ان مستوى الهلال انخفض في اخر ربع ساعة من عمر المباراة بينما ارتفع مستوى لاعبي الاتحاد مدني في اخر المباراة
"""""""""""""""""""""""""""""""
كان هناك نشاط ملحوظ في اطراف الهلال ...وعبر الاطراف شكّل الهلال خطورة كبيرة على دفاع الاتحاد مدني
""""""""""""""""""""""""""
· ممكن القول ان اداء الهلال امس – بل اليوم (لأن المباراة انتهت بعد الساعة 12).
· قاعدين في الكورة صباحي.
· للصباح – تقول (حفلة).
· حفلات زمان طبعا بتبدأ بعد (12)..وتنتهي مع شروق الشمس.
· الفنان يقعد يغني لمن يبقى (ضعيف).
· يضعف في رويحتو دي.
· والعريس ينوم ويصحى في الكوشة ..والحفلة شغالة.
· والعروس تدخل (واتس آب).
· قالوا ليك عروس قاعدة في الكوشة دخلت (واتس آب) مع زميلاتها في الجامعة.
· نست موضوع العرس..ووتسبت.
· الحفلة زمان كانت بتشتغل لمن يجيبوا (شاي الصباح).
· من شاي المغرب الي شاي الصباح.
· طقة لي طقة.
· تبدأ من شاي المغرب ...وتسلمها في شاي الصباح.
· الدنيا كانت بي خيرها.
· تعال هسع شوف.
· يجيبوا ليك العشاء (كوكتيل)...قبل ما تتم العشاء ..تلقى الحفلة انتهت.
· والناس يلقطوا في الكراسي.
· في ناس عندها ثقالة في الحتة دي ..من الحفلة تنتهي يقولوا ليك : (معليش الكرسي يا ابوالشباب).
· الحفلة بقت هبشة.
· حفلة شنو؟.
· هسع دا ما موضوعنا...ما تدخل لينا وتطلع لينا بي حاجات ما عندها علاقة بالكورة.
· انتوا يا الهلالاب تمسكوا ليكم في مواضيع (ميتة)..وتقعدوا تعملوا ليها توم وشمار.
· توم شمار دا كان زمان.
· اي حاجة اتغيرت.
· اتشقلبت.
· هسع الناس بتقول (توم اند جيري)...توم وشمار قال ..شفع الزمن ديل لا بعرفوا الشمار ولا بعرفوا التوم.
· لا التوم – لا التومة.
· شفتوا نحن وصلنا وين؟.
· طيرتوا من رأسي الكلام.
· انا كنت عاوز اقول شنو؟.
· والموضوع في الاساس كان عن شنو؟.
· مرات بتطلع التلفون – تقوم تفتح الشفرة ..عشان تضرب ليك تلفون لي زول.
· تقوم تنسى.
· تقول يا ربي انا طلعت التلفون عاوز اعمل شنو؟.
· تقوم تمشي (الرسائل) –تقرأليك رسالة رسالتين عشان (تبرر) حكاية انك طلعت التلفون.
· وترجعو تاني بعد الحركة (الدبلوماسية) دي.
· ايوا – ايوا اتذكرت– الموضوع كان عن مباراة الهلال والاتحاد مدني التى لعبت امس وامتدت على طريقة (اخبار اليوم) حتى الساعات الاولى من الصباح.
· بمناسبة الساعات الاولى من الصباح – انتوا وين (سيرجيو).
· دي ساعاتك يا سيرجيو.
· والله نحن بعد البرازيل ما انضربت سبعة بقى عندنا رأي في اي (برازيلي) حايم في الدنيا دي.
· اذا كان المنتخب البرازيلي بي شحمو ودمو الذي تتكون تشكيلته من افضل (11) برازيلي في العالم اتغلب سبعة ..ناس سيرجيو دي يتغلبوا كم؟.
· سيرجيو دا (برازيلي) درجة عاشرة.
· نوع ديل في البرزايل بكونوا ولا عادنهم ..ما تقول لي لعبت في (روما).
· لو حرقت (روما) عديل كدا – نحن ما بنقتنع بيك.
· عليك الله قوم لف.
· مباراة امس (اليوم) بين الهلال والاتحاد مظهر الهلال فيها لم يكن سيئا ..وان كان لم يصل بعد للمستوى المطلوب باعتبار ان الفريق الذي يلعب امام الهلال فريق مستواه عادي وهو بعيد عن المنافسة ويلعب في شهر رمضان.
· بينما يلعب الهلال وهو في قلب المنافسة ..وقد خاض عددا من المباريات السابقة في الممتاز وفي كأس السودان.
· وهو كذلك يستعد للبطولة الافريقية – اي ان روح الاستعداد عنده اقوى ..والرغبة فيه اكبر.
· مع ذلك لم يكن اداء الهلال مقنعا بالصورة التى نريد.
· خاصة اذا وضعنا في الاعتبار ان الهلال سوف يلعب بعد ايام في الكنغو – مباريات سوف تحدد مصير الهلال في المنافسة.
· يمكن ان يفوز الهلال بالممتاز لو لعب بالمستوى الذي لعب به امام الاتحاد مدني في استاد الهلال.
· لكن بالتأكيد المستوى هذا اذا لعب به الهلال في البطولة الافريقية فانه لن يؤهله للمرحلة المقبلة في البطولة الافريقية.
· اخطاء دفاع الهلال مازالت باقية.
· الاغرب من هذا ان مستوى الهلال انخفض في اخر ربع ساعة من عمر المباراة بينما ارتفع مستوى لاعبي الاتحاد مدني في اخر المباراة.
· وهذا ارتفاع عكسي باعتبار ان لياقة لاعبي الهلال يفترض ان تكون اعلي من لاعبي الاتحاد مدني الذي لم يلعب مباراة رسمية منذ اسابيع ان لم يكن منذ شهور.
· اما الملاحظات الايجابية في مباراة الامس ..تمثلت في عودة عبداللطيف بصورة جيدة ..كذلك عودة عمر بخيت وان كان بعيدا عن مستواه.
· تألق ايضا بصورة ملحوظة سيدي بيه ..وتألق كذلك مدثر كاريكا وبدأ معظم لاعبي الهلال في حالة جيدة.
· كان هناك نشاط ملحوظ في اطراف الهلال ...وعبر الاطراف شكّل الهلال خطورة كبيرة على دفاع الاتحاد مدني.
· غير ان اطراف الهلال (قصت) في عمر المباراة الاخير.
· لكن عبداللطيف بويا اضافة الي سيسه ومدثر كاريكا ومحمد عبدالرحمن شكلوا (طلعات) افتقدناها كثيرا في الهلال بعد ان عطلت حركة الاطراف في الهلال في المباريات الاخيرة.
· امام الاتحاد مدني عادت لاطراف الهلال الحياة.
· وهذا ما يجعلنا نقول ان الهلال من الناحية (التكتيكية) كان جيدا ..لكن من الناحية البدنية مستوى الهلال لم يكن في الحالة المطلوبة.
· او لم يكن في المستوى الذي يؤهله للصمود في الكنغو.
· يجعلنا ذلك نقول ان مستوى الهلال (البدني) في مباراة الامس لن يستره حتى في الجلوس بين الشوطين في غرفة اللاعبين.
· كورتكم دي بين الشوطين في الكنغو ما بتستركم.
· خاصة ان الهلال بالرجوع الى المباريات السابقة نجد ان مستواه تراجع كثيرا على ما كان فيه مستوى الهلال في بداية الموسم.
· الطبيعي ان يحدث تصاعد في مستوى اللاعبين ...لكن الان حدث تراجع كبير.
· عليه مطلوب من الهلال ان يدخل الي فترة اعدادية حقيقية ومعسكر شاق يخرج منه بفوائد عديدة تمكنه من الصمود في الكنغو.
· الهلال اذا لم ينتصر في الكنغو مطلوب منه على اقل الفروض ان ينجح في اقتلاع التعادل في المباراتين.
· ما دون ذلك فان خروج الهلال من مرحلة المجموعات سوف يكون واقعا.
· مجلس الهلال المنتخب ربما جاء في وقت صعب ..وقد حاول ان يدرك المجلس الموقف من خلال صرف الرواتب والحوافز للاعبي الهلال.
· لكن المجلس لن يسعفه الزمن في ان يصلح حال الهلال كليا ، علما ان المجلس يسابق الزمن من اجل معسكر اثيوبيا.
· غير ان معسكر اثيوبيا لن يصلح ما افسدته تسجيلات الهلال الاخيرة.
· علة الهلال الاساسية في ظني تتمثل في ان الهلال لم يضف لكشوفاته نجوما يشكلوا له اضافة حقيقية ويمكن الاستفادة منهم في البطولة المحلية والبطولة الافريقية.
· المريخ (انعش) فريقه بتسجيلات يونيو الماضي ..واحسب ان تسجيلات المريخ وان لم تكن في المستوى المطلوب إلّا انها احدثت حراكا ايجابيا في المريخ.
· ومنحت المريخ روحا جديدة كان يفتقدها المريخ.
· الهلال في التسجيلات الاخيرة خسر ولم يكسب.
· المريخ الذي سوف يلعب في بطولة سيكافا سجل قرابة ال (12) لاعبا جنس بعضهم وجاء بحارس من يوغندا ومهاجم من كينيا ولاعب وسط من مصر.
· كل ذلك من اجل المشاركة في سيكافا.
· بينما غاب الهلال عن الحضور وهو الذي يمثل البلاد في البطولة الافريقية ويلعب في مرحلة المجموعات.
· سجّل الهلال سيرجيو المشكوك في مستواه الفني وسجّل ايضا الغاني نيلسون الذي نتمنى ان يعوض الهلال ما افتقده الفريق في التسجيلات الاخيرة.
· الحديث عن كامبوس والجهاز الفني والتلويح بالاقالة امر يجب الا يحدث في الهلال.
· لأن الاطاحة بالجهاز الفني في هذا التوقيب شيء سوف يدفع الهلال ثمنه غاليا.
· كفى اننا ندفع الى الآن في ثمن اقالة نصرالدين النابي.
· اي تحريك في الجهاز الفني للهلال سوف يكون ثمنه غاليا.
· من الافضل ان نوفر للجهاز الفني للهلال الاستقرار وان ندعم كامبوس ومساعده التاج محجوب ..لأنهما الاقدر في هذا الوقت على الصعود بالهلال الى دور الاربعة.
· مجلس الهلال الجديد الى الان يتعامل مع الجهاز الفني للهلال بشيء من الحكمة.
· وقد صدرت من المجلس بعض التصريحات التى اكدت عدم الاطاحة بالجهاز الفني او القطاع الرياضي في الهلال.
· ...
· ملحوظة : الواطة صبحت.
هوامش
· سيدي بيه امس قدم (مقطوعات) موسيقية ...خلانا نشعر كأننا قاعدين في قاعة الصداقة بنسمع في حافظ عبدالرحمن.
· الشيء شنو يا سيدي بيه؟.
· بقيت تخلع الزول في سنونو.
· في زول بتخلع من سنونو.
· ممكن.
· اي حاجة جايزة في البلد دي.
· عبداللطيف بويا ..عاد بمستوى افضل.
· يمكن نحن كأس العالم تكون لخبطت لينا عيونا ..عشان كدا شفنا (اللخبطة) في الكورة.
· احتمال.
· احتمال رمضان.
· الاتحاد مدني فريقه يستحق البقاء في الممتاز.
· سيسيه افضل طرف في السودان ..لكن مستواه لم يكن جيدا في مباراة الامس (اليوم).
· مشاركة وليد علاءالدين عامل ايجابي في المباراة.
· محمد عبدالرحمن تألق كما هو معتاد.
· في انتظار اطهر الطاهر.
· مدثر كاريكا كان قائدا للهلال بعد خروج عمر بخيت.
· البحث عن مهند الطاهر مازال جاريا.
· غدا ان شاءالله لنا لقاء عبر (من الغلاف للغلاف).
· عشان نشوف ناس سيكافا ديل بعملوا في شنو؟.
· ....
· عاجل : غايتو لو ما سيدي بيه الهلال من الاتحاد ما كنا بنعرفو.

انقر هنا لقراءة الخبر من مصدره.