سودارس : اقفل ورا وامسح واكسح قدام

شاهد بالصورة والفيديو.. وسط ضحكات المتابعين.. ناشط سوداني يوثق فشل نقل تجربة "الشربوت" السوداني للمواطن المصري شاهد بالفيديو.. الجامعة الأوروبية بجورجيا تختار الفنانة هدي عربي لتمثل السودان في حفل جماهيري ضخم للجاليات العربية شاهد بالفيديو.. الجامعة الأوروبية بجورجيا تختار الفنانة هدي عربي لتمثل السودان في حفل جماهيري ضخم للجاليات العربية شاهد بالفيديو.. كشف عن معاناته وطلب المساعدة.. شاب سوداني بالقاهرة يعيش في الشارع بعد أن قامت زوجته بطرده من المنزل وحظر رقم هاتفه بسبب عدم مقدرته على دفع إيجار الشقة شاهد بالصورة.. السلطانة هدى عربي تخطف الأضواء بإطلالة مميزة مع والدتها شاهد بالفيديو.. كشف عن معاناته وطلب المساعدة.. شاب سوداني بالقاهرة يعيش في الشارع بعد أن قامت زوجته بطرده من المنزل وحظر رقم هاتفه بسبب عدم مقدرته على دفع إيجار الشقة رباعية نظيفة .. باريس يهين أتلتيكو مدريد في مونديال الأندية بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل") "مصر وسوريا".. إدارة ترامب تدرس إضافة 36 دولة إلى قائمة حظر السفر بينها دول عربية رئيس مجلس السيادة يلتقي السفير الفلسطيني بمناسبة إنتهاء فترة عمله بالسودان توجيه عاجل لرئيس الوزراء السوداني المدير العام للشركة السودانية للموارد المعدنية يؤكد أهمية مضاعفة الإنتاج على طريقة البليهي.. "مشادة قوية" بين ياسر إبراهيم وميسي المباحث الجنائية المركزية بولايةنهر النيل تنجح في فك طلاسم بلاغ قتيل حي الطراوة من حق إيران وأي دولة أخري أن تحصل علي قنبلة نووية وصول 335 من المبعدين لدنقلا جراء أحداث منطقة المثلث الحدودية ترامب يبلغ نتنياهو باحتمال انضمام أمريكا إلى العملية العسكرية ضد إيران أول دولة عربية تقرر إجلاء رعاياها من إيران كيف أدخلت إسرائيل المسيرات إلى قلب إيران؟ المريخ يعسكر ببورتسودان جريمة بشعة لسودانيين بإفريقيا الوسطى عمر العمر يكتب: بوصلة رئيس الوزراء السوداني خلال ساعات.. مهمة منتظرة لمدرب المريخ مدرب المريخ يصل الي القاهرة الجهاز الفني للمريخ يضع برنامجا خاصا للنخبة تنفيذ حكم إعدام في السعودية يثير جدلاً واسعًا السودان..خطوة جديدة بشأن السفر ميسي: توقعات كأس العالم للأندية مختلفة مع ميامي مصر توضّح حقيقة حدوث تغير في الخلفية الإشعاعية داخل أراضيها 3 آلاف و820 شخصا"..حريق في مبنى بدبي والسلطات توضّح ضربة إيرانية مباشرة في ريشون ليتسيون تثير صدمة في إسرائيل معركة جديدة بين ليفربول وبايرن بسبب صلاح بالصور.. زوجة الميرغني تقضي إجازتها الصيفية مع ابنتها وسط الحيوانات معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت بعد حالات تسمّم مخيفة..إغلاق مطعم مصري شهير وتوقيف مالكه رئيس مجلس الوزراء يؤكد أهمية الكهرباء في نهضة وإعادة اعمار البلاد رئيس مجلس الوزراء يؤكد أهمية الكهرباء في نهضة وإعادة اعمار البلاد إنهاء معاناة حي شهير في أمدرمان وزارة الصحة وبالتعاون مع صحة الخرطوم تعلن تنفيذ حملة الاستجابة لوباء الكوليرا فجرًا.. السلطات في السودان تلقيّ القبض على34 متّهمًا بينهم نظاميين شاهد بالفيديو.. الفنانة إنصاف مدني تثير ضجة غير مسبوقة: (ميادة قمر الدين تملك جنبات وصلب وشطرنج دايرة ليها راجل بس) والجمهور: (شكلك كترتي من الشربوت) رئيس مجلس الوزراء يقدم تهاني عيد الاضحي المبارك لشرطة ولاية البحر الاحمر وفاة حاجة من ولاية البحر الأحمر بمكة اكتشاف مثير في صحراء بالسودان تفاصيل اللحظات الأخيرة لأستاذ جامعي سعودي قتله عامل توصيل مصري رؤيا الحكيم غير ملزمة للجيش والشعب السوداني مسؤول سوداني يطلق دعوة للتجار بشأن الأضحية محمد دفع الله.. (صُورة) تَتَحَدّث كُلّ اللُّغات في سابقة تعد الأولى من نوعها.. دولة عربية تلغي شعيرة ذبح الأضاحي هذا العام لهذا السبب (….) وتحذيرات للسودانيين المقيمين فيها شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض) تراجع وفيات الكوليرا في الخرطوم أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية وزير المالية السوداني: المسيرات التي تضرب الكهرباء ومستودعات الوقود "إماراتية" "الحرابة ولا حلو" لهاني عابدين.. نداء السلام والأمل في وجه التحديات "عشبة الخلود".. ما سرّ النبتة القادمة من جبال وغابات آسيا؟ علامات خفية لنقص المغنيسيوم.. لا تتجاهلها ما هي محظورات الحج للنساء؟ قُلْ: ليتني شمعةٌ في الظلامْ؟!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اقفل ورا وامسح واكسح قدام

قوون نشر في قوون يوم 21 - 05 - 2013

يا محسن ما تبنيّ خطتك كلها على (فانيلتك) الفانلة براها ما بتكاتل

اول حاجة احسن ..ادخل ليكم على موضوع (العجب) الما سافر دا ..وبعدين ادخل ليكم على (فانيلة) محسن سيد.

موضوع (الفانيلة) لاحق.

يعني ح يمشي مننا وين؟.

العجب باقى ليه (9) يوم في المريخ.

اللوردات ديل الظاهر عليهم مستعجلين شديد...(9) ايام ذاتها ما بصبروها لي العجب.

يمكن يتخلصوا منو في خلال (72) ساعة.

اللوردات ديل فترتهم كلها (4) شهور ..يعني (9) يوم عندهم كتيرة شديد.

كل اول ليه اخر.

مجدي ام بدة ..اتشطب.

عبدالاله بشرى اتشطب.

سفاري ذاتو اتشطب.

وكدا ..كدا ..العجب ح يتشطب.

يا (سلك) معجونكم دا كفاهو ..ما تعصروا عليه اكتر من كدا.

المعجون دا كمل قبل (7) سنوات ..وانتوا شغالين فيه (عصر).

قالوا ليك واحد بالجد جد ..يا سلك ..معجونو قطع يوم (24).

زولكم ما عندو طريقة يشترى ليه معجون يوم (24).

عشان كدا ..قال (يعصر) المعجون دا ..ويباصروا عشان يكمل ليه باقى (الشهر).

يوم (24) عصروا ..طلع ليه شوية.

يوم (25) عصروا ..طلع شوية.

يوم (26)...عصروا ...المعجون قال ليه انت كمان ما تبالغ.

يوم (27) قام ليه من النباه الاول ..عشان يعصروا ..المعجون عاين ليه كدا وقال ليه : (انت قايلني انا فيصل العجب).

هسع يا (سلك)..بعد ما لقيتوا (الفراخ) الراقد دا ...والغاز ..والاسكرتشات المجدعة دي ..ما عندكم صبر عشان تعصروا ليكم معجون.

بس يا سلك ...المعجون البتعصروا فيه (7) سنوات بعد انتهاء الصلاحية ..عليكم الله ما تجدعوه بالطريقة دي.

رحموا (معجون) قوم ..اتعصر.

تذكر يا العجب وقت جيت من كوبر جديد ...(مطاردات وكابويات ..وافلام هندية).

ثكلتك امك.

ويحك يا بنيّ..ماذا تقول؟.

اتعرفنا الفتى؟.

تذكر ..البطولات ديك ...والصور ..والجرايد ..والملك فيصل ..وعجبكو الهندسية.

كلام.

خلاص الموضوع داك كلو انتهى.

بيش.

حكاية كابتن كابو بقت عليك يا كابتن فيصل.

هسع الجماعة ديل واحد فيهم ما عاوز يكلف نفسو ويضرب ليك تلفون.

تلفون ...ما عاوزين يضربوا ليك.

مسكول ..استكتروا ..عليك.

(17) لورد ..رصيد تلفون عشان تضربوا للزول دا وتعرفوا خبرو ..ما عندكم.

انتوا (لوردات) على شنو؟.

لوردات تزعلوا العجب.

يعني شنو لو فيصل العجب ..قفل تلفونو ..وإلا اتأخر عن الطيارة.

زمان في طيارة كانت بتسافر بدون (العجب).

ليه الافتراء البتعملوا فيه دا؟.

الامين العام بتاع لجنة التسير..الزول الجديد دا ..(الشغال حوامة على الفضائيات) ...(والله العظيم ما عارف اسمو)...قال العجب ونجم الدين غايبين بدون اسباب.

انت يا امين يا عام انت جيت متين.

الاسباب الخبرك بيها شنو؟..عشان تقعد تتكلم فيها.

جيت متين عشان تقول كلامك دا...انت لسع (برلوم) في المنصب دا ..يعني (ضفر) اقدم منك.

انت عارف انت بتتكلم عن منو؟.

والله فعلا يا العجب ..بقت عليك (جدادة الخلا الطردت جدادة البييت).

زول اسمو الي الان ما معروف في الوسط الرياضي ..قاعد يتحدث عن فيصل العجب.

بتاع (الدواجن)..الموضوع دا ..مشارك فيه.

عندو اي دخل.

ان شاءالله لو مساهم فيه بي (جناح) فرخة ..قولوا.

نحن الموضوع دا ما بنخلي يفوت ساكت.

تتلفتوا كدا زي (مقاعد) ستات الشاي وقت تكون فاضية.

بتاع الدواجن ..موضوع العجب دا عندو دور فيه.

يكون داخل فيه ...اكيد ..شامي لي ريحة (جدادة) في الموضوع دا.

الزول القال (ما بقرأ جرايد داك) ..برضو بكون عندو دور في الحكاية دي.

ما بقرأ جرايد ..ونائب رئيس.

دي زي الطبيب اختصاصي نساء ولادة ...وهو خريج (تنمية مجتمع).

او زي الزول الزارع ليه (قمح)..قام ليه (فجل).

ما في اي مناسبة.

او زي الزول الماشي (عمرة)...قام حجز (اديس ابابا).

او زي العريس ..القال للفنان ..غني لينا اي اغنية لي (عثمان حسين) ان شاءالله (سنتر الخرطوم).

شفت انا ح احدد ليكم الحكاية دي كيف؟.

بوصلها ليكم حدها.

عشان نعرف (عدم قراية الجرايد دي من شنو؟).

زي سلطة الاسود الما فيها اسود.

طبيخ (بطاطس) بدون بطاطس.

زي شوربة الفراخ البي (البيض).

دي شوفتها.

اها دي نحن حصلتنا مع الزول القال ما بقرأ جرايد دا.

فاكر عدم قراية الجرايد حاجة سمحة.

قايلها (شطارة).

تصور يا الما بتقرأ جرايد ...نحن تاني ما عندنا اي شغلة غير (عدم قرايتك للجرايد دي).

وارغو ..ذاتو ما كان بقرأ جرايد ..قايل رحمناه.

والله تقرأ جرايد ..ما تقرأ..تسمع بيها في (اقوال الصحف)..ما تسممع بيها ..يكلموك ..ما يكلموك....نحن حقنا ما بنخلي.

شفتوا (النفط) دا ..لو عندنا فيه (فنجان) ما بنخلي.

بنعرف نشيلو كيف؟.

نحن شفوت.

نحن هلالاب.

نحن صعبين ...حقنا (فصاحة) ساكت بنشيلو.

لوردات طلعتوا اي كلام....كمان جرايد ما بتقرأوه ..طيب انتوا (لوردات) على شنو؟.

انتوا (لوردات) في (شروني).

لوردات في مسلسل اذاعي.

بعدين نحن (لورد) يزعل العجب ما عاوزنو.

طوالي يورينا عرض اكتافو.

لورد يعمل كدا بنسحب منو (اللورداية).

حركاتكم دي عصام الحاج ما بعملها.

والله انا من قالوا لي الوزير عيّن ليه (17) لورد للجنة تسيير المريخ ...عرفت ليك اللوردات ديل ما جايين ساكت.

ال (17) لورد ديل ..ما بجيبهم لاّ الشديد القوى.

لجنة التسير (اللوردية) دي مهمتها الاساسية يكون التخلص من السلطان فيصل العجب.

بالمناسبة ..والله فيصل العجب دا طلع عندو اخلاق.

انتوا موش قلتوا فيصل العجب هو (السلطان) فيصل.

بسيطة.

السلطان فيصل ..رفض يلعب ضد (السلاطين).

انتوا عندكم (سلطان) واحد ..عملتوا لينا (دوشة).

ناس الفاشر ديل عندهم (سلاطين)..لا سلطان واحد ...ولا سلطانين.

سلاطين عديل كدا.

لا اقول ليك (دستة) سلاطين ..لا اقول ليكم (21) سلطان.

ديل كمية كدا ..السلاطين عندهم بالجملة..يعني الليلة ح يسلطنوكم ..جنس سلطنة.

موضوع (السلطنة) دا برجع ليه.

خلينا هسع في موضوع (العجب).

عاوزين نكملو بي (فهم) كدا.

بي رواقة ...عشان بعدين ما تقعدوا تتغالطوا لينا ساكت.

يا العجب ..انت لو زعلت من ناس المريخ ...ما تقفل تلفونك ...ناس (النسور) ديل يمكن يضربوا ليك في اي لحظة.

خليك حريف...خليك (مفتح).

خلي تلفونك فاتح ..ما تقطع رزقك ساكت.

رقم بتعرفو ما ترد ..(ديل بكونوا) ناس المريخ ...رقم ما بتعرفو رد طوالي ..ديل بكونوا ناس (النسور).

رقم فيه (سبعات) كتيرة..دا بكون الامين البرير ...ذاتو.

احتمال يكون عاوز يلحق بيك (البطولة العربية).

انا ما عارف ..لكن يمكن البرير دا عندو رأي في الحتة دي.

احمد آدم حسب علمي ..بفتش ليه في (مساعد).

شفت كيف؟.

ويمكن كمان عاوزنك لي حاجة تانية.

بتلعب (طرف شمال)؟.

نحن عندنا مشكلة في (الطرف الشمال).

بس نقص وزنك شوية يا العجب ..بي حجمك دا (بوابة الهلال الشمالية) ما بتدخلك.

ونحن زول ما بدخل بالبوابة الشمالية ما بيلعب معانا.

بنحوّلوا طوالي اهلي شندي.

اهلي شندي او مريخ الفاشر.

فيصل العجب رفض يلعب امام المريخ الفاشر الليلة بي فهم.

دا فريقو القادم ...ما بقدر يلعب ضده.

ويمكن العجب خايف من الضرب.

الليلة الضرب من عصر بدري ..عشان كدا خلونا نخت الكلام دا زي (الترتيب).

زي اولاد المستوى الرابع ..الواحد فيهم كل يوم يقول عاوز ليه (قلم رصاص) جديد.

يا ولد انت اقلام الرصاص ديل بتوديهم وين؟.

هسع دا ما موضوعنا.

علاقة الكلام دا بالكلام دا شنو؟.

ما في اي علاقة.

حريقة في اقلام الرصاص.

ما تقعد تلف لينا وتدور لينا من الصباح ..شوف لينا موضوع (اللوردات) ديل وصل وين؟.

باقى نحن مستعجلين ..وبندور نمشي.

العجب بخبرة السنين ..عرفها ..عمل فيها (زعلان) ..قال ما بسافر مع بعثة المريخ الي الفاشر.

مالك يا العجب الحاصل؟.

اشمعنا بس.

اشمعنا في شنو يا ود الناس؟.

هيثم مصطفى دا ليهو (5) شهور في المريخ ..يشطب ..ويسجل ..ويحرك ..ويحدد ...(17) لورد في ايدو ..شمال شمال ..يمين يمين.

انا (15) سنة في المريخ ..يعاملنو زي (محمد موسى) الجا انبراح دي في المريخ.

يا العجب انت لاعب (كبير).

كبير شنو؟..ما تقولوا لي انت لاعب (كبير)..كبير دي ما تجيبوا لي سيرتها.

انا بكره كلمة (كبير) دي.

انا بتعذب.

انا بموّت قدام عينكم.

انا بضيّع.

نحن ما بنقصد ب (كبير)...انك خلاص (انتهيت) ..نحن بنقصد انك (كبير) في قيمتك ..كبير في مكانتك.

قيمة شنو؟..ومكانة شنو؟..انتوا لو عندكم لي (قيمة) ..او (مكانة)..كنت بترجعوا لي.

انا الاسبوع الفات بضرب في التلفونات من يوم الاربعاء لي يوم الاثنين..واحد فيكم عبرنا مافي.

انتوا اشمعنا بتعاملونا كدا.

انا عملت ليكم شنو؟.

لو عاوزين تشطبوني ..اشطبوني عديل كدا ..ما تقعدوا تلفوا وتدورا..شيلوها معاي واضح كدا ..زي ما عملها البرير في الهلال مع هيثم مصطفى.

بعدين قولوا لي (الكوكي)...انت حركات (غارزيتو) دي ...ما بتقدر عليها.

العجب طلع (مفتح)..عمل نفسو زي عندو (موقف) من الحتة دي.

واتخارج.

نجم الدين ...طوالي بعمل كدا ..قالوا ليه ...الايامات دي الضرب مدور في الغرب.

الخبت من العصر.

زولكم طوالي عمل نفسو ..عندو موقف مع فيصل العجب.

خاصة ان نجم الدين ما قاعد يشارك (اساسي).

زولكم (قفل) تلفونو.

في المريخ اي واحد يزعل (بقفل) تلفونو.

البطلعوا من التشكيلة ...بقفل تلفونو.

الما بصرفوا ليه مرتبو ..بقفل تلفونو.

انا ما عارف (التلفونات) دي ذنبها شنو؟.

بي زعلكم دا ..بتخسروا الزول الما بقرأ جرايد داك.

انتوا ما عارفين (اللورد) دا شغال شنو؟.

خلاص بالمرة كدا ..يا العجب تاني وقت تزعلوا ...قاطعوا (الفراخ).

عشان الخسارة تكون شاملة.

نجم الدين لو بتذكروا ..مرة عمل ليه (شكلة) في المباراة ..ضرب ليه مهاجم ..عشان يتخارج من مباراة الهلال في الكونفدرالية.

هسع نجم الدين ..عمل نفس الحركة...قال ما بسافر الفاشر.

زولكم عارف الفاشر صعبة.

مالك ما بتسافر الفاشر يا كابتن؟.

عشان العجب.

والعجب مالو؟.

العجب ما قاعد يلعب.

محرسنو (صبارات الموية).

الكلام دا انا قلتوا ليكم قبل كدا ..لكن انتوا ما بتصدقو.

ما تبقوا لي زي الزول الما بقرأ جرايد داك.

وكمان عامل فيها (لورد).

اول مرة اشوف لي (لورد) ما بقرأ جرايد.

دا بقرأ (اسكرتشات) ساكت.

ملحوظة : موضوع فانيلة محسن سيد دا نخلي في الهوامش ..احسن عشان شايف الموضوع سرح بي عدلو.

هوامش

محسن سيد ..قال عندو (فانيلة) حسب ما جاء في صحيفة الصدي لمن يلبسها بيغلب طوالي.

فانيلة زي ميسي.

يعني محسن سيد لو لبس الفانيلة دي الدوري كلو ..بشيل البطولة.

على كدا ..ممكن الهلال يجيبك مدير فني بي فانيلتك دي يا محسن.

يا محسن ما تركز على (الفانيلة) كتير.

ركز على الميدان.

انت لو بتغلب بي الفانيلة دي ..ناس المريخ بغلبوا بالفانيلة السوداء.

انت كمان يا محسن ما عارف ناس المريخ.

دا انت حافظهم حفظ.

عشان كدا ..ما تعتمد كتير على (الفانيلة).

يعني خطتك ما تكون مرسومة على (الفانيلة).

ناس الدفاع يقولوا ليك : نقفل يا كوتش؟.

تقوم تقول ليهم ألعبوا ساكت ...انا لابس الفانيلة.

الهجوم يقول ليك نضغط يا كوتش؟.

تقوم تقول ليهم : ألعبوا ساكت ..انا لابس الفانيلة.

لو دي طريقتك يا كوتش ..(الفانيلة) دي ..من المعسكر ما تجيبها.

على كدا ..ناس المريخ (ان شاءالله) لو طلعوا خسرانين في الشوط الاول ..اول حاجة بعملها (ضفر)..يقوم يقطع (فانيلتك) دي بين الشوطين.

اللوردات يمكن ذاتو يكونوا وصلوا معاك لاتفاق انك الليلة ما تلبس فانيلتك...!!.

شفتوا الحتة دي كيف؟.

او احتمال تكون (الفانيلة) اتسرقت.

اعمل حساب (الفانيلة) يا كوتش.

واعك يصلوا للحكم ..ويقوم الحكم يطردك من المباراة ..او يقول ليك (بدل) الفانيلة.

مريخ الفاشر (ان شاءالله لو فاز على المريخ اليوم)..عارفين جمال الوالي اول حاجة يعملها شنو؟.

ح يسجل (الفانيلة) دي في تسجيلات يونيو.

الكوكي اجباري ..يلبس (الفانيلة) دي تاني في المريخ.

الجماعة ديل طبعا عندهم وهم.

انتوا تعالوا هنا ..حكاية (الفانيلات) دي شنو الليلة؟.

فكي شندي ..قال لو ناس مريخ الفاشر لبسوا فنائل حمراء ..ح يهزموا المريخ.

يعني نحن ح نقعد المباراة كلها نتابع في (الفنائل).

اول حاجة نطمئن على (فانيلة) محسن سيد موجودة في التشكيلة وإلا لا؟.

بعد داك نقبل على (فنايل) مريخ الفاشر ...ان كانت حمراء او صفراء.

مباراة (الفنايل) دي شنو؟.

يا محسن سيد ..انا عاوز اقول ليك كلام ..الفنايل ما ح تكاتل ليكم ..ما تغشوا نفسكم ساكت.

اعتمدوا على نفسكم ..وعلى خططكم وعزيمتك وارادتكم ..وجمهور مدينة الفاشر.

كدا ممكن تغلبوا.

ما في فانيلة غلبت ليها فريق.

بعدين انت مباراة الهلال ومريخ الفاشر ..في بداية الدوري الممتاز اوعك تكون كنت لابس (الفانيلة) دي.

يا محسن ..نحن عاوزين نقول ليك كلام ..الايامات دي سايد في الجرايد وفي دارفور وكردفان والنيل الازرق.

اقفل ورا وامسح واكسح قدام.

دا الشغل الممكن تغلب بيه المريخ.

اول حاجة قفل كويس ...ناس المريخ ديل ما عندهم (هجوم).

لو قفلت (الباشا)..كورنر ..المريخ دا ما يطلع بيه.

مع القفل ورا ...امسح يا محسن.

بعد المسح ..اكسح قدام.

بالطريقة دي ممكن تغلبوا المريخ 3 / صفر.

تلاتة عديل كدا.

الكوكي ح تكون ليه ان شاءالله مباراة اليوم اخر مباراة في السودان.

من الفاشر الي تونس.

الكوكي خلاص وصل الي محطة النهاية مع المريخ.

يلا لي بلدك.

تاني ما عندك طريقة في البلد دي.

ناس المريخ (3) نقاط ..وح تروح منهم.

نحن بكرة البفكنا من الاهلي شندي شنو؟.

غايتو الدوري الممتاز دا بقى سخن سخانة.

الهلال ان شاءالله سوف يتصدر الدورة الاولى للممتاز ..وينقذ الاتحاد العام من الورطة التى وضع فيها نفسه.

ترواري في شندي ..ما بتفاهم.

ونزار الصاقعة نجم الدورة الاولى بدون منازع.

ولا كلام.

وكاريكا ...عاد كاريكا البنعرفو ..بعمل اي حاجة في الكورة.

فك تركيب.

صيانة ...واعادة تشغيل.

اي حاجة تخطر بي بالك ..كاريكا (ما شاءالله بعملها).

الشغيل في شندي ضروري.

بس يا الشغيل في مباراة الموردة مخالفاتك كانت كتيرة.

الحاجات دي كنت بتعملها في المريخ ...في الهلال لا.

وقد تخلص منها الشغيل في الهلال إلا انه عاد لها في مباراة الموردة.

الهلال في شندي يجب ان يلعب بثلاث مهاجمين.

كاريكا وتراوري وسانيه.

او كاريكا وتراوري ومحمد عبدالرحمن.

او كاريكا وتراوري وعبده جابر.

هاجموا من البداية.

نتيجة مباراة اليوم بين المريخين ..سوف تضع العنوان الرئيسي لمباراة الغد.

وفي كل الاحوال ..يجب ان ينتصر الهلال غدا ان شاءالله.

شباب الهلال نتمنى ان يجدوا فرصة في مباراة الغد.

مباراة اليوم تحدي خاص بين والي شمال دارفور ووالي المريخ.

صحيح الاتنين (مؤتمر وطني).

ولكن اذا اختلف الواليين ..استفاد الهلال.

شفتوا ..كيدهم في مباراة اليوم.

عاجل : يا محسن (فانيلتك) دي الليلة ألبسها لينا من سبعة صباحا.

انقر هنا لقراءة الخبر من مصدره.