سودارس : دبي دي يوم بتكتل ليها زول

السودان الافتراضي ... كلنا بيادق .. وعبد الوهاب وردي إبراهيم شقلاوي يكتب: يرفعون المصاحف على أسنّة الرماح د.ابراهيم الصديق على يكتب:اللقاء: انتقالات جديدة.. لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر الهلال لم يحقق فوزًا على الأندية الجزائرية على أرضه منذ عام 1982…. شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان يفجرّها داوية بشأن السودان اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

دبي دي يوم بتكتل ليها زول

قوون نشر في قوون يوم 07 - 11 - 2014

توقيع بكري المدينة في كشوفات المريخ زي الزول البتلب من كبري النيل الازرق في (البحر)
"""""""""""""""""""""""
المريخابي بقى يدخل ليه في حتة – هو يمشي على اتجاه – وضلو يمشي على اتجاه
"""""""""""""""""""""""""""""
الفيفا لمن ترجّع بكري المدينة للهلال – ناس الهلال قالوا ح يعيروه لفريق هلال الابيض
""""""""""""""""""""""""""""""""
العقد بكون مع لاعب مقيد في كشوفات – كيف توقع مع باسكال عقدا وانت اطلقت سراحه
""""""""""""""""""""""""""""""""""
• بكري المدينة قالوا زعلان من ناس الهلال – عشان كدا مشى رمى نفسو في البحر.
• دا شغل زعل.
• عليكم الله لو ما شغل زعل في زول في الهلال كان بلبس (9) يمشي في المريخ يلبس (19).
• تدهور مريع.
• تدهور رهيب.
• 19 دي رقم فانلة وإلّا رقم تلفون؟.
• شفتوا اللاعب من تلقوه لابس ليه فانلة رقم (19) اعرفوه (زعلان).
• المعنى زعلان.
• او عندو مشكلة.
• اصلو (19) دي ما رقم اعتيادي...(لازم يكون في مشكلة).
• (19) عند الانجليز رقم زعل.
• بكري من زعلتو - مشى وقع في كشوفات المريخ.
• يا بكري ما للدرجة دي.
• الزول بزعل بمشي مريخ الفاشر.
• بمشى اهلي شندي.
• لكن يمشي المريخ...(دي زعلة شديدة).
• توقيع بكري المدينة في كشوفات المريخ زي الزول البتلب من كبري النيل الأزرق في (البحر).
• او البقع ليه في بير.
• او زي الزول البطلع ليه عمارة – وبقوم يقع من الطابق العاشر.
• لو ما مصدقين الكلام دا اسألو (طمبل).
• اسألو (كلتشي).
• اسألو (علاءالدين يوسف).
• علاءالدين يوسف جرب الوقوع من الطابق العاشر مرتين.
• انتوا ماشين بعيد ليه اسألو هيثم مصطفى ذاتو.
• بكري المدينة هسع في مرحلة الشروع في الإنتحار – غايتو إلّا تمرقو (الفيفا).
• لكن الفيفا لمن ترجّع بكري المدينة للهلال – ناس الهلال قالوا ح يعيروه لفريق هلال الابيض.
• ما اظن ناس الهلال بعد كدا – بكري المدينة ينفع معاهم.
• تاني ما بخارج معاهم.
• بكري قالوا مشى المريخ عشان زعلان من ناس الهلال (الكلام دا قلتوا ليكم في بداية العمود).
• يعيدوا ليكم الكلام الف مرة.
• طبعا ح تسألوا بكري المدينة زعلان ليه من ناس الهلال.
• زعلان من الكاردينال.
• زعلان في شنو؟.
• بكري المدينة قال الكاردينال اي لاعب جابو وقع معاه في (دبي) – اشمعنا انا يوقع معاي في (السوق العربي).
• السوق العربي مصارف للخريف ما فيه.
• السوق العربي عربيات نفاية ما بتصلو.
• بمناسبة (دبي) دي الندخل ليكم في الموضوع.
• ناس المريخ – الايامات دي جاتهم (خلعة).
• الواحد (يتخولع) منو وليهو كدا.
• اصابتهم حالة ارتعاشية فظيعة.
• المريخابي بقى يدخل ليه في حتة – هو يمشي على اتجاه – وضلو يمشي على اتجاه.
• كل واحد يمشي على اتجاه.
• اها نوع دا انتوا بتسموه شنو؟.
• غايتو نوع الحاجات دي نحن بنشوفها في الافلام الهندية – وهي بتعنى (الخلعة).
• المعنى الزول (مخلوع).
• وبيني وبينكم (دبي) دي ذاتها بتخلع الواحد.
• الكاردينال قالوا دور ليك توقيع عقودات في (دبي).
• شيء من اثيوبيا.
• وشيء من سيراليون.
• وشيء من غانا.
• وشيء من البرازيل.
• وشيء من مالي.
• الكاردينال ما خلى ليه قارة.
• اي قارة كدا جاب ليكم منها (لاعب).
• الجبل الاسود ذاتو الكاردينال وصلو.
• المريخاب بقوا فاتحين خشمهم مصنقعين.
• اي طيارة بتصل من دبي فيها محترف للهلال.
• الغريب في الامر ان اي طيارة بتصل الساعة 2 صباحا.
• عشان (الخلعة) ما بتكتل ليها زول.
• الساعة 2 صباحا – الجو بكون بارد – وممكن المريخابي يستوعب ليك (الخلعة).
• احسن من نخلعو ليكم نص النهار.
• دبي بعد ان كانت مركز تسوق عالمي وتقاطع طيارات – دبي بقت مركز توقيعات عقود للاعبي الهلال.
• المحترف بدل ما يصل الخرطوم مباشر – بمشي اول حاجة (دبي) عشان يفهم حاجة.
• عشان الموضوع يقع ليه.
• المدير الفني ذاتو – الهلال وقع معاه عقدا في (دبي).
• نحن ما بنلعب.
• واللجنة الفنية كلها سافرت (دبي).
• الشغل من بره.
• نحن تاني ما عندنا محترف ساي.
• المحترف البجيبو الدرب دا ما بنفع معانا.
• المحترف البكون (سقط) في امتحانات جامعة افريقيا العالمية ..قام قال احسن يقلبها كورة – ما بنفع معانا.
• نحن جايبين محترفين اسماء كبيرة.
• ما زي الاسماء البجيبها جمال الوالي.
• جمال الوالي وقت يكون عاوز ليه اسم بجيب ليه لاعب عمرو (45) سنة.
• تقول جايبو (سواق).
• المحترف عندنا نحن اول حاجة بوقع في دبي – بعد داك يصل الخرطوم.
• اصلا نحن بقى ما عندنا ثقة في ناس الخرطوم ديل.
• عشان كدا عقوداتنا بقت توقع في (دبي).
• انتوا ما شفتوا بكري المدينة...وقع عقدو في الخرطوم ونقض العقد في ام درمان – و مشى وقع في المريخ.
• بكري المدينة بس قطع الكبري.
• قطع الكبري ونقض عهدو.
• تاني نحن الخرطوم دي ما بنوقع لينا فيها (عقد).
• تاني بنمشي (دبي).
• الشغل على كبير.
• عقودات الخرطوم دي ما مضمونة.
• الشغل بقى على كبير...(يقولوا ليكم الكلام الف مرة).
• الشغل بقى في (دبي).
• كمان نحن بنلعب.
• ولا بنجامل في الحاجات الزي دي.
• ولا بنلعب.
• قالوا ليك مريخابي حالتو ادهورت شديد.
• كل يوم يسمع ليه خبر من (دبي).
• دبي عملت ليه نفسيات.
• بوتاكو – وقع في دبي.
• نجم الجبل الاسود فلدان جليجن يصل دبي.
• المالي سليماني كانوتيه يكمل اتفاقه مع الهلال في دبي.
• نجم السامبا الضجة جونيور في طريقه لدبي.
• اها عليكم الله نوع الحاجات دي ما بتكتل ليها زول.
• المريخابي خموه ليك على الحوادث.
• الدكتور ذاتو سمع ليك ب (دبي) دي قعد يتلخبط في غرفة العمليات.
• الدكتور قال للمريخابي عندك تمزق في الشريان وتجلط في الرباط الصليبي.
• دا شنو اللخبطة دي.
• المريخابي قال ليه يا دكتور يعني (القلب) ما فيه حاجة.
• الدكتور قال ليه القلب ما فيه اي حاجة لكن (الصمام) منتهي.
• المريخابي قال ليه يا زول لو بقت على (الملاريا) ما مشكلة.
• اي واحد فيهم ما كان فاهم حاجة.
• قلت ليكم (دبي) دي بتلخبط.
• مريخابي مشى يخطب.
• دخل على نسابتو الجداد...رأسو شطب.
• ما عرف يقول شنو؟.
• فجأة اتذكر..وقال لي ابو العروس يا عمي انا عاوز يد بنتك.
• ابو البنت قال ليه يد بنتي عاوز بيها شنو كمان؟.
• المريخابي في اللحظة دي اتعارضت ليه (دبي)...قال ليه عاوز بنتك يا عمي طرف شمال – والله عندنا ازمة عجيبة في الاطراف.
• لخبطة شديدة.
• نسى موضوع العرس.
• يا ناس المريخ اقول ليكم حاجة مع (الفيفا) الحايمة دي.
• ما عندكم اي طريقة.
• ما عندكم اي حل.
• اقعدوا مع بكري المدينة قولوا لي بكري المدينة القروش الاستلمتها من المريخ ما تصرف فيها.
• الظروف ما معروفة.
• احسروا قرشوكم يا ناس المريخ – الزول دا عندو عرس.
• ما تقوم قروشكم تروح عليكم ساكت.
• بكري المدينة مع (الفيفا) دي يا ناس المريخ إلّا تخللوه.
• .......
• ملحوظة : خلللوه.
هوامش
• الاخ خالد عزالدين كان قاسيا مع فيصل موسى.
• اعطوا فيصل موسى فرصة – مثلما اعطيتوا الشغيل.
• عندما وقع الشغيل في الهلال لم يكن احد يتوقع نجاحه – وقد كان اللاعب مرفوض من الجميع.
• ولم يجد الشغيل حتى الدعم الجماهيري في بداية عهده مع الهلال.
• جاء الشغيل وحقق كل هذا النجاح مع الهلال.
• الشغيل الان يعتبر من نجوم الموسم.
• اذا كان الشغيل الذي لم يكن اسلوبه يشبه الهلال – نجح في الهلال وعدل الازرق من اسلوبه وجعله يلعب كورة راقية – كيف يكون الحال مع (فيصل موسى).
• وفيصل موسى اصلا لاعب موهوب وامكانياته الفنية كبيرة – وبمشي لي قدام.
• بشيل الكورة وبمشي على المرمى.
• ادوه فرصة كاملة.
• واثق رغم اعتراضاتنا الاولية على فيصل موسى انه سوف يحقق نجاحا كبيرا مع الهلال.
• في الهلال الآن مجموعة من المحترفين الجيدين – اتمنى ألا يفرط الهلال في اي لاعب فيهم – مهما كان مستوى البديل.
• محترف مجرب افضل مليون مرة من محترف ما مجرب حتى لو كان القادم اسمه كبير ونجم معروف.
• لا خلاف كما اكدت اللجنة الفنية حول نيسلون – الذي يعتبر افضل محترف في البلاد في الوقت الحالي.
• كذلك لا خلاف حول سيمبو نجم منتخب سيراليون والذي يعتبر عقلية كبيرة في الكورة وعنده كنترول عالي.
• ما احذر منه هو ان يفكر مجلس الهلال في انهاء التعاقد مع سيسيه.
• سيسيه يعتبر طرف مثالي.
• سيسيه في اليمين وبوتاكو في الشمال – الهلال ح يكون في منتهى الروعة.
• سيسيه لاعب صاحب امكانيات عالية وهو قدم موسم اكثر من ممتاز مع الهلال.
• احلى خبطات مجلس الهلال من غير شك تتمثل في استمرار سيسيه.
• كذلك اتمنى ان يستمر سيدي بيه – الذي خبر السودان جيدا – كما صانع الالعاب عملة نادرة في القارة الافريقية.
• لن تجدوا افضل من سيدي بيه.
• علما ان المريخ يحلم صباح ومساء ب (سيدي بيه).
• ومعلومات اكيدة – تقول ان المريخ في انتظار سيدي بيه.
• باسكال اذا اراده الهلال يمكن ان يوقع في كشوفاته.
• العقد الذي وقعه المريخ مع لاعب غير ملزم ولا قيمة له.
• العقد بكون مع لاعب مقيد في كشوفات – كيف توقع مع لاعب عقد وانت اطلقت سراحه.
• المريخاب اصحاب اغرب فهم في الدنيا.
• نحن لاعبنا البنوقع معه عقد لكي يلعب في الهلال يقولوا عقدوا غير ملزم.
• ولاعبهم هم الذي انهوا التعاقد معه يقول ليك عندنا عقد معه يلزمه ألا يلعب في السودان.
• بالله.
• دي عملتوها كيف؟.
• باسكال لو الهلال عاوزو – عقدكم بلوه واشربوا مويتو.
• انتوا اتعلمتوها وين؟.
• جميل ان الهلال اكمل امس خطوات التعاقد مع الاثيوبي بوتاكو اللاعب الذي سوف يشكل اضافة كبيرة للهلال.
• بوتاكو روعتو ح تكون في وجود سيسيه في اليمين – عشان اللوحة تكتمل.
• إلّا سيسيه يا ناس الهلال.
• ........
• عاجل : ناس المريخ ديل يكونوا اتعلموها كبار.

انقر هنا لقراءة الخبر من مصدره.