سودارس : الإتحاد العام جركانات ، شوالات ، علب ، وتجاوزات للمريخ

محمد عبدالقادر يكتب: شهادة البوشي.. و"فضيحة صمود " السودان.. وفاة لاعب كرة قدم قرارات لجنة المسابقات باتحاد الكرة الدامر من الرياض إلى موسكو.. "الثلاثية المرتقبة" بين بيفول وبيتربييف تلوح في الأفق سباق انتخابي محتدم في اتحاد الألعاب المائية بالسودان... الكشف المبدئي يُشعل المنافسة والحسم في 11 أبريل وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين البرهان يلتقي سفير دولة الكويت لدى السودان أول إصابة بشرية بإنفلونزا الطيور H9N2 في أوروبا.. هل نبدأ القلق؟ ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل استهداف منزل يضم قيادات تحالف تأسيس بينهم التعايشي في غارة مسيّرة بنيالا بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية) مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) فرض غرامة على شركة تابعة لأبل لانتهاكها قواعد العقوبات المفروضة على روسيا مواعيد مباريات الجولة الثانية بمجموعة الهبوط بالدوري منتخب غانا محطة رينارد القادمة بعد الرحيل عن تدريب السعودية معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!! عيد ميلاد جومانا مراد.. مسيرة نجاح من دمشق إلى القاهرة ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة ألم العين.. أسباب شائعة وأعراض تستدعى استشارة الطبيب سيلينا جوميز تكشف رحلتها الصعبة لتشخيص اضطراب ثنائي القطب إزاى تحمى نفسك من نزلات البرد فى الجو الممطر؟ "جهلة وعنصريون".. يامال ينفجر غضبًا بعد الهتافات الإسبانية ضد المسلمين أمجد فريد: اعترافات داعمي مليشيا الدعم السريع فضحتهم وشراكتهم في الجرائم السودان.. زيادة مخيفة للإصابة بالضنك في 7 ولايات كيكل يعلّق على تحرّكات الميليشيا السودان.. وزير يشرع في تكوين قوّة عسكرية ضاربة..ماذا هناك؟ شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو ارتفاع وارد واسعار الذرة والسمسم بسوق القضارف شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) بالصورة.. البرنس هيثم مصطفى وزيراً للرياضة في السودان قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. ارتفاع جديد في أسعار الوقود بالخرطوم شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الإتحاد العام جركانات ، شوالات ، علب ، وتجاوزات للمريخ

قوون نشر في قوون يوم 15 - 11 - 2014

أمير كمال كان بلعب في الموردة – زمن الموردة كانت الضلع الثالث للقمة السودانية – مع ذلك أمير كمال في المريخ تحت (23) سنة
""""""""""""""""""""""""""""""""""""""""
الريح علي إلّا يكون اتسجل في خانة (عبدالصمد محمد عثمان) – دي الخانة الوحيدة الفاضية في المريخ
"""""""""""""""""""""""""""""""""""""""""""
يا الكاردينال نحن صبرنا كتير – ما شفنا لينا إلى الآن أي مفاجأة
""""""""""""""""""""""""
إبراهومة لو كان بيلعب في المريخ في زمن جمال الوالي ومعتصم جعفر كان يمكن ان يكون إلى وقتنا هذا بلعب في (الرديف)
""""""""""""""""""""""""""""""""""
• الاخ خالد عزالدين فجر قضية اكتمال كشف المريخ وتمامه مع ذلك هنالك (خانات فاضية) فاتحها الاتحاد العام للمريخ يسجل فيها كما يشاء.
• كشف (تكية).
• ولا في زول بسألهم.
• ولا في زول بقول ليهم حاجة.
• والقهوة والشاي مدورة.
• وكل ما يلقوا نفسهم اتورطوا في حاجة يقوموا يطلعوا ليك لاعب عمرو (51) سنة بلعب في فريق الرديف.
• لدرجة اني اشعر ان ابراهومة لو كان بيلعب في المريخ في زمن جمال الوالي ومعتصم جعفر كان يمكن ان يكون الى وقتنا هذا بلعب في (الرديف).
• امير كمال كان بلعب في الموردة – زمن الموردة كانت الضلع الثالث للقمة السودانية – مع ذلك امير كمال في المريخ تحت (23) سنة.
• جمال سالم لعب في يوغندا – ولعب في اليمن – وجاء الى المريخ لكي يسجل في (الرديف).
• رديف المريخ من زمن (جدودنا زمان وصونا على الوطن).
• رديف المريخ زمن جوز الحمام - (13) ديك ومعاه (كيس) رغيف كمان.
• مالكم انتوا عاوزين تجننونا.
• مالكم انتوا عاوزين تلخبطونا.
• جمال الوالي مالو ساط الحكاية كدا.
• هسع عليكم الله في زول قبل التسجيلات دي كان بعرف ان المريخ فيه لاعب اسمو عماد عبدالله.
• دا كان بلعب وين؟.
• فنان شاب؟.
• ممثل؟.
• بتاع كاريكاتير؟.
• الاسماء دي انتوا بتجيبوها من وين؟.
• بتخترعوها لينا من وين؟.
• واحد قالوا ليه اخترع لينا حاجة.
• قال ليهم (النضارة) ما معاي.
• يعني المشكلة بقت في (النضارة).
• والله انت يجيبوا ليك (120) نضارة – (زرارة) ما تخترعها.
• تتكلموا ساكت.
• وما عندكم اي حاجة.
• تعالوا عليكم الله شوفوا التجاوزات التى يعمل فيها الاتحاد العام (اتحاد معتصم واسامة) مع المريخ.
• الناس الايامات الماضية كلهم تابعوا ان الريح علي عمل (ابداء رغبة) او وقع رسميا في كشوفات المريخ دون ان يخلوا له (خانة).
• الريح علي دا ح يلعب وين؟.
• إلّا يكون ح يلعب في خانة عبدالصمد محمد عثمان – دي الخانة الوحيدة الفاضية في المريخ.
• الزول دا إلّا يكون اتسجل في خانة عبدالصمد.
• عليه نحن من الليلة بنعتبر الريح علي (نائب رئيس).
• زول جاء في خانة نائب الرئيس – ح يكون شنو يعني؟.
• طرف شمال ؟.
• الاعلام الهلالي كتب عن هذه الحالة – كتب خالد عزالدين – وكتب معتصم محمود والكثير من الزملاء علق على تجاوزات الاتحاد العام البقت شينة وظاهرة وما حلوة.
• اعملوها خفيفة شوية – ما للدرجة دي.
• بعد اكتشاف الحالة طبعا مجلس المريخ بعد (48) ساعة قام بشطب الحارس محمد ابراهيم بعد ان تم (تجهيّز) خانة له في الخرطوم الوطني.
• وبعد ان اتفق المريخ والخرطوم الوطني واللاعب محمد ابراهيم من ثم قاموا بشطب اللاعب.
• شفتوا التجاوزات دي كيف؟.
• تجاوزاتكم دي لو لقت الموردة (ربعها) ما كانت نزلت من الممتاز.
• بل لكانت الموردة العريقة بطلا للممتاز.
• ولا كلمة.
• الكارثة الاكبر ان المريخ جاء وكرر ما فعله مع الريح علي لاعب المنتخب مع اللاعب (جقود) لاعب فريق الرديف.
• حيث قام المريخ بدون توفير خانة بتصعيد اللاعب (جقود) للفريق الاول – من ثم تم اعارته لفريق مريخ كوستي.
• يمكن ان نقبل ما قام به المريخ اذا كانت (الاعارة) سبقت (تسجيل) اللاعب في كشوفات المريخ.
• هذا طبعا امر غير ممكن – لكنه مع ذلك كان افضل من ان يتم تسجيل لاعب في الكشف الاول دون ان تكون هنالك خانة خالية له.
• يفترض ان تخلى خانة اولا للاعب جقود حتى يتم تسجيله ..واللجنة المشرفة على التسجيلات قبل ان تبدأ في اي خطوة من خطوات قيد اللاعبين بتقوم بتأمين (الخانة الخالية) للاعب المسجل.
• الاعارة خطوة بعد التسجيل لا يبني عليها.
• يعني ما ممكن تطلع الطابق السابع من غير ما تمر بالطابق السادس.
• ولا بتركب الشاحن من غير ما تركب البطارية.
• يفترض ان توقف الخطوات كلها – حتى لو كان اللاعب سوف يمكث في الكشف (5) ثواني ويتم اعارته بعد ذلك.
• كشف المريخ بلغ في لحظة من اللحظات (26) لاعبا – ثم قلص الكشف بعد ذلك الى (25) بعد اعارة جقود لمريخ كوستي.
• عليه تبقى اعارة جقود لمريخ كوستي غير صحيحة – وهي اعارة سوف تكون قابلة للطعن والجدل القانوني في الموسم الجديد – وان كان الاتحاد العام لكورة القدم السوداني يمرر كل تجاوزات المريخ – ويسمح له بان يفعل ما يشاء كان ذلك مع القانون او ضد القانون.
• هذه التجاوزات وتلك الخروقات التى يقوم بها الاتحاد العام – جعلت الدوري الممتاز يصل الى تلك الدرجة من السوء.
• اصبح باب (التواطؤ) مفتوحا في مباريات الممتاز – والاتحاد العام لا يستطيع ان يفعل اي شيء لأنه هو اس البلاء كله.
• وفاقد الشيء لا يعطيه.
• ما يحدث في الاتحاد العام من تجاوزات يحسبها البعض صغيرة او يدرجها ضمن جدول المجاملات والحاجات التى تأتي تحت بند (عدي بس)..هذه الاشياء تعتبر (فساد) مكتمل النمو.
• هذا هو (الفساد) كله.
• والفساد الذي يحدث في الرياضة يبقى ضرره ومخاطره اكبر حتى من الفساد الذي يحدث في السياسة.
• مطلوب حماية (الرياضة) من تلك التجاوزات – لأن فساد الرياضة يضرب المجتمع كله ...ويهدم الاعراف والاخلاق والقيم والمثل.
• اوقفوا هذا الاتحاد في حده فقد ازكم الانوف بتجاوزاته التى بلغ بها مرحلة ان يصيّح (جركانات – شوالات – علب – تجاوزات).
• ادركوا الكورة السودانية – لأننا لو استمرينا على ذلك الحال سوف نأتي في العام القادم ونتحدث عن شيء كان اسمه (كورة القدم).
• ......................
• ملحوظة : يا ناس الاتحاد الله بسألكم من البتعملوا فيه دا.
هوامش
• الاحتفاظ بسيمبو وسيدي بيه وسيسيه امر لا بد منه بعد ان فقد الهلال ثلاث ارباع تشكيلته الاساسية بداية من المعز محجوب وجمعة وعمر بخيت ومهند الطاهر وبكري المدينة.
• سيمبو اعقل مدافع في البلد دي – وهو لاعب اساسي في منتخب بلاده – لا يعقل ان تنهي التعاقد معه وتأتي بمحترف لا يلعب في المنتخب.
• المالي كوناتيه لا يلعب في منتخب مالي – وإلّا ما كان حضوره في هذا التوقيت والمنتخبات الافريقية تلعب في نفس الوقت مباريات التصفيات الافريقية.
• بعدين كوناتيه دا مالو عوارضه كتيرة كدا كل مرة يقولوا ليك يصل فجر الغد.
• آخر حاجة قالوا ليك عمل حادث حركة.
• اقعدوا اعملوا لي في الحوادث دي لمن التسجيلات تنتهي.
• التسجيلات باقى ليها (14) يوم.
• يا الكاردينال نحن صبرنا كتير – ما شفنا لينا الى الآن اي مفاجأة.
• اتخلصت من بكري المدينة والمعز وعمر بخيت ومهند الطاهر – وخليتنا قاعدين حارسين العشم.
• نحن اكتر من كدا لا بنصبر ولا حاجة.
• صلاح ادريس استهجن على مجلس الهلال تكويّن (غرفة تسجيلات) والاحتفاظ باللاعبين – في الوقت الذي قلل فيه من خبرة لجنة التسجيلات في الهلال.
• والاتنين ما بتلاقوا.
• صلاح ادريس اضاع على الهلال من قبل بدرالدين قلق ونورالدين عنتر ونجم الدين عبدالله لأنه كان يطلق اللاعبين بعد الاتفاق معهم في الهواء الطلق.
• وقد اضاع هذا الفهم على الهلال الآن بكري المدينة بعد ان وثقوا فيه – لو كان ابقوا على بكري المدينة معهم لما حدث ذلك.
• يريد صلاح ادريس ان يشرب الهلال من نفس الكأس مع نجم المهدية محمد صلاح.
• وزي ما بقول الاخ الرشيد اوعكم تفكوا.
• اقبضوا قوي.
• فعلا المسألة بقت مسألة تحدي لمجلس الهلال.
• نظريات صلاح ادريس ومفاهيمه – خلوه يعملها في الاهلي شندي – ناس الهلال بنظروا براهم – وعارفين بعملوا في شنو؟.
• ليس من المنطق ولا المعقول ان يكون صلاح ادريس بنافس الهلال في التسجيلات وبلاحق في اللاعبين الذين يرغب فيهم الهلال لاهلي شندي – في الوقت نفسه عاوز ينظر لمجلس الهلال ويوريهم مفروض يعملوا شنو؟.
• وكدا صاح.
• وكدا غلط.
• اعمل الحاجات دي في الاهلي شندي.
• الحبيب مزمل ابوالقاسم – استغرب من انتقادنا لاشرف الكاردينال – وقال عني (خليت للمريخاب شنو؟).
• طبعا في المريخ بستغربوا لمن ينتقدوا الرئيس.
• ما في زول في اعلام المريخ بقدر ينتقد جمال الوالي – وإلّا طفشوه وقفلوا ليه جريدته.
• وليس امام الذي ينتقد جمال الوالي من اعلام المريخ غير ان يطلب حق اللجوء السياسي في استراليا او في تركيا.
• نحن في الهلال بننتقد اي زول.
• الكاردينال – صلاح ادريس – الامين البرير – طه علي البشير – الحاج عطا المنان.
• ما في زول كبير على الهلال.
• انتوا في المريخ (احرار).
• ..........
• عاجل : هيثم مصطفى بي قعادو الموسم الماضي كله في بيتو – احسن من كل لاعبي المريخ الذين كانوا يشاركون في الموسم الماضي بصورة مستمرة.

انقر هنا لقراءة الخبر من مصدره.