سودارس : (جدادة الخلا) الدخلوها البيت ...قامت أول ما طلبت ..(طلبت شاحن موبايل)

والي الخرطوم يعلن تركيب كاميرات رقابة حديثة في المعابر الحدودية التي تربط الولاية بالولايات الاخرى اختيار غير متوقع لمستقبل "الملك المصري" حل لجنة المنطقة الشمالية بكوستي وتشكيل لجنة جديدة لإدارة مباريات الدرجة الثالثة الجزيرة تكثف التحضيرات للاستحقاقات القادمة في دوري الدامر السودان..مصدر حكومي يرد على تفاهم مثير مع الميليشيا شاهد بالصورة والفيديو.. رجل سوداني يُدخل نفسه داخل "برميل" تفاعلاً مع أغنيات "الطمبور" والحاضرون يحملونه ويطوفون به ساحة الحفل شاهد بالفيديو.. بفستان مثير المودل آية أفرو تنصح النساء بطريقة ساخرة: (الرجل مثل العصفور إذا مسكتي شديد بموت ولو فكيتي بطير والحل الوحيد تنتفي ريشه) وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد عاجل..بيان مهم للجيش في السودان شاهد بالصورة والفيديو.. ظهور علم السودان على ظهر سيارة بأحد شوارع مدينة "غلاسكو" الأسكتلندية وفاة داعية سوداني بارز وزير الشباب ووالي الخرطوم يشرفان ختام الفعاليات الرياضية بالشقيلاب جوجل توسّع الترجمة الحية إلى آيفون وآيباد كل ما تريد معرفته عن نزاعات الزمالك فى الفيفا وخطة النادى لحل الأزمة تأجيل حفل شاكيرا فى الأهرامات من إبريل إلى نوفمبر 2026 الدولار يرتفع وسط توترات الشرق الأوسط إندونيسيا تصبح أول دولة في جنوب شرق آسيا تقيد وصول الأطفال لمواقع التواصل شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" ماجد المصرى: الخلاف فى أولاد الراعى تجاوز المال إلى جوهر العلاقات الأسرية شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها جلوس أكثر من 3500 طالب وطالبة لامتحانات الشهادة المتوسطة بمحلية الخرطوم هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران عمرو دياب يحيى حفلا غنائيا فى تركيا 2 أغسطس السكوت على هذا الأمر لا يرضي الله ولا رسوله!! دراسة : النشاط البدني مفتاح الوقاية من السكري رغم زيادة الوزن ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي دراسة تكشف ترابطا بين أمراض معدية وخطر الإصابة بالخرف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(جدادة الخلا) الدخلوها البيت ...قامت أول ما طلبت ..(طلبت شاحن موبايل)

قوون نشر في قوون يوم 08 - 01 - 2015

قروش الهلال أكتر من الحكومة أعمل لينا (كوبري) طاير يا كاردينال من جدة لي أم بدة
عند اللزوم فقط :يحررها محمد عبدالماجد

شباب الهلال ...عنوان الفترة القادمة
الامر الجميل ان مدرب الهلال البلجيكي ..قد اتاح الفرصة كاملة لشباب الهلال ..وللاعبين صغار في السن كبار في الموهبة ...اهملوا في الفترات الماضية وكادت ان تضيع مواهبهم.
مدرب الهلال منح الفرص كاملة للاعب وليد علاء الدين واللاعب اطهر الطاهر الذي يتألق في معسكر الهلال في الدوحة بصورة واضحة ولافتة.
الى جانب الاهتمام الخاص الذي يمنحه الجهاز الفني لمهاجم الاول في السودان محمد عبدالرحمن.
مجلس الهلال لو اكمل جميله ..وحل اشكالية الحارس الاسطورة حقا احمد بيتر ..يكون بذلك قد قدم لنا هلال شبابي...ينعم بالمواهب والطموح والقوة.
لا بد من اتاحة الفرص كاملة لشباب الهلال...وقد وجدنا ضالتنا في هذا المدرب الذي يبدو واضحا انه يبني على اولئك الشباب آمالا وطموحا كبيرا.
لو اعتمد الهلال على اولئك الشباب ..ومنحهم الثقة واشركهم بصورة مستمرة في المباريات ..اراهن ان اولئك الشباب سوف يتفوقون حتى على المحترفين.
الكاردينال ..الموضوع أكبر من قناة فضائية وكشافات جديدة
ما عاوزين اشرف الكاردينال ينفعل ساكت ..كل ما يخاطب ليه في مجموعة من جماهير الهلال يقول ليهم انا ح اعمل ..وح اجيب ليكم.
نحن بنعرف ان السواي ما حداث.
وعود الكاردينال وبشرياته التى يعلن عنها من وقت لآخر ..كانت يمكن ان تكون مقبولة منه وهو خارج المجلس.
او هو في فترة الترشح لرئاسة الهلال في الانتخابات.
هو الآن في مجلس الهلال بعد انتخابه رئيسا للهلال ..يعني ما عاوزين كلام ..عاوزين نشوف اشياء قدامنا.
للحقيقة فان اشرف قطع الكثير من الوعود واكدها ..قدم (بص) الهلال ..وهذا امر يحسب له.
ولا بد ان يضع في ميزان حسنات الكاردينال.
كما قدم الكاردينال بيت الهلال ..وهذا امر جيد ..بل هو انجاز.
وسجل الكاردينال معظم الذين بشر بهم الهلال ..واتي بجهاز فني مقتدر.
ويعسكر الهلال الآن في الامارات معسكرا يمكن ان يعتبر نموذجيا.
اضف الى ذلك ..فان من اهم انجازات الكاردينال الرعاية العالية لشركة الثريا للهلال.
هذه امور ..تحسب وتقدر للكاردينال بميزان الذهب ..علما ان كل هذه الامور تمت في فترة قصيرة ..والمجلس مازال في شهوره الاولى.
لكن مع كل هذا ..لا نريد من الكاردينال ان يطلق وعوده هكذا في كل مجلس يخاطبه.
الكاردينال يبشر بصورة قد يكون فيها الكثير من المفارقات ..وهو يبشر بالجوهرة الزرقاء.
ونحن ما شايفين حتى الآن ولا لوري طوب.
ما تكسروا ساكت ..لو ما جزتوا الميزانية الكافية.
الكاردينال ايضا بشر قبل ايام باحضاره ب (كشافات) من تركيا لاستاد الهلال.
هو وينو الاستاد؟ ..عشان تجيب ليه الكشافات.
والكاردينال اعلن عن استقدام جهاز طبي كامل للهلال من اوروبا ..وهذا امر صعب جدا..ان لم يكن مستحيلا ..وهو يكلف خزينة الهلال الكثير..حتى لو الهلال عندو اموال اكتر من اموال الحكومة.
نحن ما عاوزين كلام.
ولا عاوزين نكلف الكاردينال اكتر مما يطيق.
عاوزين الكاردينال يمشي خطوة ..خطوة بدون كلام ..حتى لا يحسب الكلام عليه.
الكاردينال في وقت سابق كان بشر بقناة الهلال الفضائية ..والجميع في الانتظار.
هذه الاشياء لو جاءت من سكات ..بتكون احسن.
كلام الناس...وكلام الجرايد ..ما بريح.
يقوموا المريخاب ديل يا الكاردينال يطقوك عين ...(خاتم) ما تقدر تجيبوا للهلال ناهيك عن الجوهرة الزرقاء.
وقد اسمعت.
الإهداء
رجل المرور الذكي عندو رأي في قانون الحركة..
وفي (الفطور) الساعة تسعة ونص!!.
محمد
مع الاعتذار لاغنية
ما بنمشي لي ناس ما بيجونا....(إلّا في الجمع والعطلات الرسمية)
حصة دغالة
سألوه رأيك شنو في الحكومة؟.
قال ليهم الحكومة كويسة ...لكن ما معقول ...كيلو حلاوة المولد ب (80) جنيه...وقت ما قدروا يعملوا لينا حاجة في المولد ...خلوهم يشوفوا لينا طريقة لي رمضان.
طبعا من المولد يجي ..رمضان بكون خلاص ..على الابواب.
حالة شبه
محسن سيد مسكين ...غارزيتو بقومو في البرد دا من اربعة صباحا – عشان يمشي يجهز الكور في الميدان.
محسن سيد من البرد – بقى زي صينية الخبيز الفاضية.
بسكويتة ما فيها.
ولا كعكاية.

علاقات
قال ليهم : والله عندهم (برد) زي الجبنة.
قالوا ليه : العلاقة شنو بين الجبنة والبرد؟.
قال ليهم : زي الزول البكون عندو صلعة كبيرة.
صلعة (هندسة)..صلعة (دكترة)..وهو ما شغال ..قاعد عاطل.

حتة غتاتة
زول قال للتاني – انت تعال هنا مالك ما بترد؟.
الواحد يضرب ليك مية مرة ما بترد..
زولكم قال ليه : انا اصلا في (البرد) ما قاعد اسمع جرس التلفون.
عليكم الله في علاقة بين البرد ...وعدم الرد على التلفون.
طبعا السودانيين عملوا (البرد) شماعة.
الواحد فيهم من غير مناسبة يقول ليك : عليك الله شفت البرد دا كيف؟.
خلاص عاوز يتعذر ليك.
البرد كلو (13) يوم – وح ينتهي ...اها ح تقولوا شنو تاني؟.
شولة من أول السطر
صابر شريف الخندقاوي طلع اكثر شخصية مؤثرة في عام 2014م حسب توصيف احدى المنظمات.
يا ربي (التأثير) دا موبايل جلاكسي.
قصة زي الما قصة
الشافع قال للشافع التاني ...نحن عندنا (دولاب) جديد ...وطعمية.
ما في اي علاقة بين الدولاب والطعمية.
الشافع قال للتاني : انتوا عندكم شنو؟.
قال ليه : والله نحن عندنا جنس برد ...في (روسيا) مافي.
يا زول انت مالك عاوز تعمل لينا الصفحات دي كلها (برد).
مالك انت؟.
ملحوظة
قال ليه والله البرد دى ....تجي معاه (مطرة) ...والي الخرطوم يتجهجه جنس (جهجهه) ...مع تقفيل المدارس إلا يولع ليه )نيران( قدام محلياتو.
تحت خطين
واحد قالوا ليه : رفع الدعم عن المحروقات شنو؟.
قال ليهم ما عارف ...لكن المريخ يقابلني بي ناس علي جعفر والريح علي ديل ..يأخد تسعة.
غير الاهداف التى سوف يصرفها الحكم.
حوار من طرف واحد
الهلال بقى كل ما يلعب ليه مع فريق اماراتي (درجة تانية) يغلب واحد بس.
عليكم الله – دي عاوزة ليها (10) اجانب.
ناس خليفة ...كلامكم دا كانوا بعملوه بدون معسكر كمان.
غرفة الإنعاش
صاحبكم دخلوه في غرفة الانعاش.
الدكتور قال ليه يا زول الجابك هنا شنو؟..حريقة وإلا دخل فيك قندران.
زولكم قال ليه ..ابدا يا دكتور بس ضربت لي (بطيخة) في البرد دا.
حاجة حريصة
حاجة حريصة عندها (شاحن موبايل) ما بتديه زول ...تطلعو من الدولاب ..تشحن الموبايل وترجعو تاني.
الموبايل ذاتو ما بتشحنو اكتر من خط واحد...عشان ما تتكلم كتير.
يا بلة طلع
بلة جابر (حردان) ... غارزيتو قالوا في احدى مباريات المريخ في مصر – قاعد يكورك فيه : (يا بلة طلع ..يا بلة طلع ..يا بلة طلع).
بلة جاهو في (اللاين) ..وقال ليه خلي يطلعها ليكم بكري المدينة ...مسجلنو ب (3) مليار والفيفا ح توقفو ..وعاوزني اطلع ليكم الكورة انا ..المسجلني بي مية مليون.
تنقلات الصحفيين
مزمل ابوالقاسم ...اعارة اهلي شندي.
هيثم كابو ...انتقال حر للخرطوم الوطني.
معاوية الجاك ...احتراف خارجي.
بابكر سلك ... ايقاف من الفيفا.
(ايد) ومعاها تخفيضات كمان
زول طلب ايد بنت عمو...قاموا ادوه البنت كلها.
زولكم قال الزمن دا الواحد اصلو ما يغلط ...انا كان عندي امكانيات للعرس ..كان طلبت (اليد).
إحتمال
احتمال (البرد) دا يجيبوا لينا معاه (براد شاي)...
واحد جابوه في برنامج تلفزيوني – قالوا ليه : (تحب تهدي شنو؟).
قال ليهم : اهدي ليهم (بطانية) و(7) فانلات سقط.
رجعتونا تاني لثقافة (فانلة السقط) ..قدر ما ننسى حاجة ترجعونا ليها تاني زي (مفرمة الملوخية).
هسع دا احتمال دا؟.
بعدين الدخل مفرمة الملوخية هنا شنو؟.
إقتراح
دفاع المريخ الموسم الجديد – علي جعفر – ضفر – الريح علي – بلة جابر – مصعب عمر...زي الناس السمعوا ليهم خبر وفاة ..وما متأكدين منو؟.
هسع دا اقتراح دا؟.
وصية
ناس الهلال في مباراة القمة القادمة يوم 24 يناير ..بجوا لابسين شعار (الثريا).
ناس المريخ مع (الاحراج) دا بعملوا شنو؟.
مفروض اي لاعب فيكم يجي شايل ليه (اريل).
هسع عليكم الله لو (عنكبة) دا طلع في (الكشافات) بلقى ليه (شبكة).
الشبكة طاشه على جماعتكم ديل.
شارع المدرسة
اذا كان افضل لاعب في المريخ هو المحترف المصاب (اوكرا)...الزول العندو (99) مشكلة في الرباط الصليبي ...يبقى ناس بكري المدينة ديل احسن قبل ما توقفهم (الفيفا) يشوفوا ليهم (مدرجات) يقعدوا فيها ..عشان يتفرجوا على ناس فيصل موسى.
روسي في خط 18
واحد عندو خالتو في روسيا ....قالوا ليه : اها خالتك عاملة كيف في البرد دا؟.
قال ليهم : والله جنس برد ..لمن تضرب لينا تلفون ..زي الشغلوا لينا المكيّف.
سواق قندران
سواق قندران سألوه وقالوا ليه : امنيتك شنو في عام 2015م ؟.
قال ليهم : موش الركشة مانعنها تقطع الكوبري؟.
قالوا ليه : بلحيل...عداك العيب ..كتلتها قبلها.
قال ليهم ان شاءالله في عام 2015م ..شارع الستين ما يخلوها تمر فيه.
جنس حقد ...وكبابي شاي.
كبابي الشاي الدخلها هسع هنا شنو؟.
أعد
الطالب وقت يكتبوا ليه (اعد) في الاملاء ...زي الزول البكون عاوز ليه قروش من زول ..يمشي ليه يقوم يقول ليه : (والله ما صرفت الى الآن)..والشهر يكون يوم 10.
او زي (جدادة الخلا) الدخلوها البيت ...قامت اول ما طلبت ..(طلبت شاحن موبايل).
ثقافة عجيبة خالص.
............ (وإنتي مشغولة بي جريدة) ...........
فضل الله محمد أصبح رئيس تحرير لصحيفة راسلها طالبا وترأس معلمه
قال عنه الصحافي (معاوية حسن يس) في مقدمة حوار معه في صحيفة الاضواء قبل سنوات (فضل الله محمد طراز نادر من أساتذة المهنة قل وجود أمثاله في صحافة اليوم. إنسان ينطق قلمه بحسن خلقه، واحترامه لعقول قرائه ومحاوريه. كاتب يعرف كيف يتناول الحقيقة وليس ظلها. معلق يتقن تناول مشكلات الأمة وهمومها من دون إيذاء الأطراف المعنية التي هي سبب الأذى والداء الذي أقعد الشعب والبلاد).
اما انا فاعرفه ببطاقته الغنائية المعروفة لكل الناس ...هو اول من عطّل حركة وجدانيات السفر فكانت (قلنا ما ممكن تسافر) ..وهو اول من جعل للاشجان (زادا) فكانت (زاد الشجون) ...وكنت تتعلم تجامل لو فؤادك مرة جرب – وهو صاحب الموعد ...(اشوفك بكرة في الموعد)...والوعد لابو عركي البخيت ..(بوعدك يا ذاتي يا اقرب قريبة)..
وهو الذي كتب لنا روشتة نصرفها كل ما يمرض عزيز لدينا ( قالوا متألم شوية يا اخي بعد الشر عليك).
وان انسى لا انسي (من ارض المحنة ومن قلب الجزيرة) ..اكثر اغاني الجزيرة ارتباطا بارضها..وانسانها.
(1)
* فضل الله محمد ولد في مدينة (مدني)..والدته من جزيرة الفيل ..وابوه تعود اصوله الى منطقة (الباوقة) غير ان فضل الله كان مرتبطا بمدينة ود مدني ومرتبطا بوالدته ..لم يزر حتى الى وقتنا هذا منطقة (الباوقة)...ربما هذا من اخلاص الرجل لمدينة مدني التى منحها اجمل عقودها وجواهرها (من ارض المحنة ومن قلب الجزيرة).
* فضل الله محمد ولد في 25 ديسمير 1944 – لكن الرجل مازال فيه من حيوية الشباب الكثير ..من حراكهم ..وروحه.
* يتميز فضل الله بهدوء شديد ..وتبدو اناقته واضحة من الوهلة الاولى..هو شديد التواضع الى درجة انه ينكر على نفسه (الشاعرية) ويضيق عندما تذكر اغنياته...
* اخذته الصحافة من الشعر ..او ربما هو هرب من الشعر الى الصحافة ..فغيبته عنه ..لكن بعد ان وضع علامات واضحة ومميزة في مسيرة الاغنية السودانية كان اجملها يتمثل في ثنائيته مع الفنان محمد الامين.
* غنى له محمد مسكين وهو اول من ترنم بكلماته ..وغنى له ابوعركي البخيت ...(طريق الماضي) واغنية (وعد) التي لحنها محمد الامين لصديقه ابوعركي البخيت.
يقول فضل الله محمد انه من اسرة بسيطة وان والده كان يعمل في مصلحة المساحة..وكان العبء الاكبر في تربيته يقع على والدته.
(2)
* فضل الله محمد درس في مدرسة مدني الغربية الاولية (1951 – 1954) ثم انتقل الى القسم الشرقي في مدرسة مدني الاهلية الوسطى ..وواصل تعليمه في مدرسة مدني الثانوية (1959 – 1963) ثم قبل في كلية القانون جامعة الخرطوم (1963 – 1968).
* بعد تخرج فضل الله محمد من جامعة الخرطوم باشهر معدودة حصل انقلاب جعفر محمد نميري في 25 مايو 1969م.
* فضل الله محمد عمل في المحاماة لفترة قصيرة ..ثم اصبح وكيل نيابة غير انه في عام 1970 قفل باب القانون ..واتجه كليا نحو الصحافة ..عاد الى هوايته ..واغلق باب القانون الذي كان فيه محاميا ووكيل نيابة.
(3)
* من المفارقات العجيبة كما حكى عنها الاستاذ فضل الله محمد ...انه عندما كان طالبا في المرحلة الاولية كتب رسالة يعرض فيها مشكلة مواطن من المنطقة الى صحيفة (السودان الجديد).
* نشرت صحيفة السودان الجديد الرسالة او المظلمة التى كتبها فضل الله محمد وهو في سن صغيرة.
* المفارق كانت ان فضل الله محمد الذي راسل تلك الصحيفة وهو طالبا في المرحلة الاولية جاء واصبح رئيس تحرير لها بعد عدة سنوات.
* المفارقة الاخرى تتمثل في الاستاذ هاشم ضيف الله ..الذي كان استاذا لفضل الله محمد في مدني وكان ناظر المدرسة الثانوية في المدرسة التى درس فيها فضل الله.
* فضل الله محمد جاء واصبح رئيس تحرير لصحيفة الصحافة التى كان الاستاذ هاشم ضيف الله رئيسا للقسم الرياضي فيها.
* غير ان فضل الله محمد يقول ان احساس التلميذ لم يفارقه في كل الاجتماعات التى كان يحضرها تحت رئاسته الاستاذ هاشم ضيف الله ..وقد كان دائما ينظر له على انه (الناظر) رغم من انه هو رئيس التحرير وهو رئيس القسم الرياضي في صحيفة الصحافة.
فضل الله محمد يقول ان في حياته الكثير من المفارقات التى تشبه تلك المفارقات التى جاء ذكرها كمثال في هذه المساحة.
(4)
* فضل الله محمد لم يغلق في عام 1970 ..نافذة القانون فقط ..بل اغلق ايضا نافذة الشعر ايضا.
* كل اغنيات فضل الله محمد كتبها وهو طالبا ..اما في المرحلة الثانوية او الاولية او في مرحلة الجامعة.
* ومن طرايف ذلك ان الشاعر الراحل ابوآمنة حامد كما حكى فضل الله محمد سألوه عن لماذا لم يقدم اغنيات اخرى للفنان محمد الامين ..فقال ابوآمنة ان فضل الله محمد كتب (زاد الشجون) وهو طالبا وقدمها لمحمد الامين وهو طالبا ولم يقدمها محمد الامين إلّا وفضل الله محمد نقيبا للصحفيين.
* المعروف ان محمد الامين لا يخرج العمل إلا بعد اجادة عالية ..واتقان شديد ..وقد يبقى العمل عند محمد الامين سنوات ..ولكن هذا لا ينفي ان محمد الامين لحن اعمالا وقدمها في ساعات محدودة مثل اغنية (وعد النوار) لاسحق الحلنقي.
* عن (زاد الشجون) يقول فضل الله محمد ان الفرقة الموسيقية وقتها استعصت عليها بعد ان وضع لها محمد الامين لحنا مدهشا وصعبا ..مما ادى ذلك الى ان تقدم (زاد الشجون) بعد سنوات من كتابتها.
* محمد الامين يقول عنه فضل الله محمد انه فنان ولد كبيرا ..فهو منذ ان ظهر معهم في مدني ..كان كبيرا.
(5)
* الشاعر والصحفي الذي كتب لمحمد الامين اغنية (الجريدة)..وكان فيها المقطع (بقرأ في عيونك حياتي وانتي مشغولة بي جريدة)...انطبق القول عليه تماما ..وكان هو المشغول بالجريدة ..فقد وهب فضل الله محمد حياته كلها للجريدة ....وتفانى في خدمة الصحافة ..ومازالت (الجريدة) هى معشوقته الاولى.
* كذلك من الاغنيات الكبيرة في مسيرة الاغنية السودانية اغنية (الحب والظروف) المعروفة عند الناس ب (قلنا ما ممكن تسافر).
* وهناك (زاد الشجون)..و (كلام زعل) ....وغيرها من الاغنيات التى قدمها محمد الامين وابوعركي البخيت.
* عبدالعزيز محمد داؤود قدم لفضل الله محمد اغنية واحدة من الحان برعي وهي اغنية (في حب يا اخوانا اكتر من كدا).
* وقدم سيد خليفة نشيد لفضل الله محمد وكذلك قدم عثمان حسين نشيد عن الاشتراكية.
* فضل الله محمد قال انه مازال يعتز بفترة مايو ..وان الرئيس جعفر محمد نميري كانت فيه صفات كثيرة جميلة...مع اعترافه باخطاء كبيرة وقعت فيها مايو.
قروشكم أكتر من الحكومة
الكاردينال قال القروش العند الهلال ..الحكومة ما عندها.
يعني على الطريقة دي ..الهلال في التسجيلات القادمة ح يسجل لينا (علي كرتي).
نص كيلو كلام فارغ
ضفر زعلان في قطر.
قال ليهم طيب لو ما عاوزين تجيبوا لينا (بطانيات)..اقفلوا لينا المراوح.
طبعا ناس المريخ معسكرين في قطر في فندق مفتح كلو....(ضاربهم الفقر).
السقط خلاهم زي الكتابة من اول السطر.
قمة (الإستقلال) ألعبوها بالرديف يا ناس الهلال عشان ما تبقى (استغلال) ساكت
* لو كان هناك شجاعة في مجلس ادارة الهلال كافية ..وشجاعة كذلك في الجهاز الفني للهلال والذي نحسبه يمتلك للشجاعة الكافية ...لو كانت هناك شجاعة كافية ...لقرر الهلال مجلسا وجهازا فنيا المشاركة في قمة الاستقلال بفريق الرديف..الى جانب بعض الوجوه الموجودة في معسكر الهلال في الدوحة الآن ..امثال احمد بيتر واطهر الطاهر ووليد علاء الدين ومحمد عبدالرحمن ويمكن اضافة فيصل موسى لهم ..لتكمل القائمة من الفريق الرديف بواسطة الفاتح النقر ..ليخوض قمة الاستقلال بعيدا عن الجهاز الفني الحالي وفريقهم الذي لا نريد ان نحملهم المسؤولية ..ولا نحسبهم يمكن الاستفادة منهم في ظل عدم معرفتهم لمناخات القمة السودانية.
* الفاتح النقر لو منح اولئك الشباب الذين جاء ذكرهم دعما وتطعيما لفريق الرديف ..يمكنه ان ينزل خسارة تقيلة بالمريخ...وهذا امر وارد بصورة كبيرة ..نسبة لخبرات الفاتح النقر الكبيرة بمثل هذه المباريات ..الى جانب ان اولئك الشباب سوف يلعبوا مباراة القمة بطموح كبير بحثا عن اثبات الذات ..كما انهم سوف يتجردوا من الضغوط ..وسوف يتعامل معهم جمهور الهلال واعلامه على اساس ان التجربة لا ينظر الى نتيجتها كثيرا.
* فان خسر الهلال لا قدر الله ..فان الخسارة لا تعني شيئا ...بل يمكن الاستفادة منها ..وان انتصر الهلال بفريق الرديف ..ناس المريخ ديل إلا يشوفوا ليهم بلد.
* اذا خاض الهلال مباراة القمة القادمة بتشكيلة يغلب عليها الحداثة وتفتقد للخبرات والمعرفة بهذه المباراة ..سوف يكون الهلال كأنه يلعب مباراة في دولة اخرى.
* الهلال خرج من تشكليته الكثير من العناصر ودخل آخرون في تشكيلة الهلال..وهذا يعني ان الهلال سوف يكون غريبا في مباراة القمة.
* (10) اجانب في الهلال لا يعرفون ثقافة القمة السودانية ..ولم يتعودوا حتى على ملاعبنا ..وجماهير الهلال الصعبة التى سوف تكون خصما على الهلال بحثا عن اخراج انطباعات قد تكون غير حقيقية في اول مباراة للهلال في السودان.
* هذه مخاطر يجب ان يتجاوزها الهلال – خاصة ان اعداد الهلال لم يكتمل بعد ..وقد اشار مدرب الهلال البلجيكي ان اعداد الهلال لم يصل حتى الآن 40%..وهذه نسبة وان ارتفعت فيما بعد ..لا تؤهل الهلال لخوض القمة.
* نقول ذلك ..ليس خوفا من المريخ ..لو كنا نخاف من المريخ لما طالبنا ان يلعب مباراة القمة بالرديف.
* ولكن نقول ذلك من اجل مصلحة الهلال ..وتقديم درس قاس وقوي للمريخ ..فالهلال يمكنه الفوز على المريخ بالرديف.
* اضف الى ذلك ..نحسب ان مساوئ انتصار الهلال على المريخ لو لعب الهلال بالفريق الاساسي سوف يتضرر منها الهلال كثيرا.
* سوف تكبر الطموحات ..وتتضاعف الضغوط على الهلال.
* ونحسب ان الهلال لو لعب بالفريق الاساسي وانتصر على المريخ سوف تكون مخاطر ذلك على الهلال اكبر من ان يخسر من المريخ.
* مباراة الاستقلال فرضتها السلطة ..وهي قد جاءت في توقيت غير مناسب فان لم يملك مجلس الهلال القدرة على رفض هذه المباراة فليلعبها بالرديف مطعما بالدرر القادرة على اكتساح اي فريق يواجهها ...احمد بيتر ومحمد عبدالرحمن واطهر الطاهر ووليد علاءالدين وفيصل موسى...(ديل براهم يهزموا ريال مدريد ذاتو).
* ألعبوها بالرديف ..لكي تقدموا الدرس الاول للمريخ.
* وسوف يكون درسا ..صعبا وقاسٍ على المريخ.
اغنيات رياضية جدا:-
حققنا احلامنا والعاشق عقبالو...
فيصل موسى.
براي سويتها في نفسي ....
بكري المدينة.
الليل ...الليل ما بنومو.....
جمال سالم
انا ما سرقت ...انا جيت اعاين................
تراوري
ما قلنا ليك ..ما رضيت كلامنا وجيت براك ..أهو دا العذاب اتحملو...
محسن سيد
قلت ارحل اشيل خطواتي من زول نسى الالفة ....
هيثم مصطفى
حاول يخفى نفسو ..شفناه شفناه ...
احمد الباشا
جانا العيد وانت بعيد......
برهان تية
إعادة بالبطيء
قالوا ليك فيصل موسى بعمل في عمائل في مباريات الهلال الودية في الامارات – خلت مدرب الهلال البلجيكي يقول للمهندس عاطف النور مدير الكورة في الهلال : (انا الزول دا ما شفتو قبل كدا في برشلونة).
فروقات:-
قال ليه الفرق بين حمام الوداي والحمام الزاجل شنو؟.
قال ليه الحمام الزاجل ما بعرفو.
لكن حمام الوادي بغني ليه حمد الريح.
شفتوا العلم دا كيف؟.

انقر هنا لقراءة الخبر من مصدره.