شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك"    شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها    جلوس أكثر من 3500 طالب وطالبة لامتحانات الشهادة المتوسطة بمحلية الخرطوم    جوجل توسّع الترجمة الحية إلى آيفون وآيباد    الدولار يرتفع وسط توترات الشرق الأوسط    إندونيسيا تصبح أول دولة في جنوب شرق آسيا تقيد وصول الأطفال لمواقع التواصل    كل ما تريد معرفته عن نزاعات الزمالك فى الفيفا وخطة النادى لحل الأزمة    تأجيل حفل شاكيرا فى الأهرامات من إبريل إلى نوفمبر 2026    ماجد المصرى: الخلاف فى أولاد الراعى تجاوز المال إلى جوهر العلاقات الأسرية    هل يمكن علاج الكبد الدهنى؟.. دراسة جديدة تربط الوقاية بفيتامين ب3    الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية    شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان    شاهد بالصورة.. تيكتوكر مغربية حسناء ترد على تعليقات الجمهور بشأن علاقتها العاطفية وارتباطها بصديقها اليوتيوبر السوداني    شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها    شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين"    شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك"    مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية    بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية    بسبب ضعف الراتب.. وزير الثروة الحيوانية بالسودان يبحث عن عمل إضافي    هل من أمل في الكرة السودانية؟    إيطاليا تقترب من المونديال    رئيس الوزراء يصدر قرارًا بشأن الرسوم الجديدة في المعابر    بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر    تقارير تكشف عن تحرّكات كبيرة للجيش السوداني    محمد عبد الباسط يكتب: لهذا تحركت باكستان الآن للوساطة بين أمريكا وإيران    توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء    عمرو دياب يحيى حفلا غنائيا فى تركيا 2 أغسطس    السكوت على هذا الأمر لا يرضي الله ولا رسوله!!    دراسة : النشاط البدني مفتاح الوقاية من السكري رغم زيادة الوزن    ماذا قال العميد طارق كجاب بعد إحالته المفاجئة للمعاش؟؟    ارتفاع أسعار الذهب في السودان    أحمد العوضي : بشكر جمهوري إنه عمره ما خذلني وصاحب الفضل فى نجاحي    دراسة تكشف ترابطا بين أمراض معدية وخطر الإصابة بالخرف    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ضبط 2800 قندول بنقو بالجزيرة في عملية نوعية لمكافحة التهريب    ترامب يصدر أوامره ويكشف تطورات مثيرة مع إيران    هل مخالفة ترامب خلل في الكون؟!    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    أغلى علبة كعك في مصر تشعل مواقع التواصل    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    ملتقي التحصين للعام 2025 ينعقد بحضور التحالف العالمي للقاحات والشركاء    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



نحن نشرب القهوة بالهوبة
قوون نشر في قوون يوم 22 - 12 - 2011

· هجمة شرسة تعرض لها لاعب الهلال الخلوق مهند الطاهر ..ساعد في تأجيجها اشرف الكاردينال الذي خرج بتصريحات اذاعية غريبة دعا فيها بشطب اللاعب مهند الطاهر.
· هكذا بكل سهولة ..الكاردينال يدعو لشطب مهند الطاهر.
· 9 سنوات عطاء متواصل ...واجتهاد ..وبطولات وعلاقة اكثر من رائعة تجمع بين اللاعب والجماهير.
· 9 سنوات ...اختزلها ..الكاردينال في (اشطبوه).
· نحن لو عاوزين نشطبو ..كنا جبناك.
· احكي ليكم قصة.
· قصة زي القصة دي.
· زي حكاية (الفأر) اللقى ليهو (كديس) ميت ...قام ضربو في رأسو ..وقال وهو ماشي في طريقو : (حركات الكدايس دي ما بتنفع معاي!!).
· بالله.
· الكاردينال دفع (150) الف دولار في صفقة فلانتاين ..قال اشطبوا (مهند الطاهر).
· يعني الكاردينال لو دفع (450) الف دولار في صفقة (محمد سيلا) ..كان قال اشطبوا (هيثم).
· الحمدلله الكاردينال ما دفع اكتر من 150 الف دولار.
· يا الكاردينال ..قول باسم الله.
· هذا الموقف يجعلنا نقول ان الكاردينال لو كان رئيسا لنادي الهلال وقاده بهذا الفهم فان 3 ارباع كشف الهلال سوف يشطبهم السيد اشرف الكاردينال.
· والعجب لو بقي رئيس نادي الموردة.
· والله لاعب يفضل في كشف الموردة مافي.
· (جت) يشطبهم.
· بي امين الخزينة.
· الموردة هسه ذنبها شنو يا محمد حامد الجزولي.
· بالمناسبة يا الجزولي ..(برازيلي) في الموردة دي ..ما واقعة لي.
· كيف يعني؟.
· دا زي (الفول) في الغدا.
· احكي ليكم قصة.
· في واحد ماسك ليك في واحد تاني ..كل ما يلاقيهو ..يقول ليه : (عليك الله لازم تجي تتغدا معانا).
· يلاقي في مناسبة.. في عرس ..بكا ..بقول ليه : تعال اتغدي معاه.
· يوم الزول دا اصر على صاحبو اصرار شديد ..قال ليهو لازم الخميس القادم تجي تتغدا معانا.
· حلف عليه حليفة شديدة.
· يوم الخميس زولكم (المعزوم) قال احسن انتهى من موضوع (الغدا) دا وامشي اتغدي مع الزول دا.
· زولكم مشي ليهو من الساعة اتناشر ..قال عشان يتحرك كويس في موضوع الغدا دا.
· يديهو وقتو.
· زولكم العازم ..رحب ليكم بالزول ..وكفكف اكمام قميصو.
· تشوفو كدا تقول (ضابح).
· يخش ويطلع.
· وقت الساعة اربعة جات ..زولكم جاء شايل ليه (صينية) كبيرة.
· الصينة دي طلع فيها فد (صحن).
· الصحن فيهو (رشوشة) سليقة بصلتها حرقانة.
· يا زول دي عزومتك.
· ضربوا ليك (السليقة).
· الضيف المعزوم ..قام يغسل ايدو ...زولكم قال للولد : يا ولد ألحق عمك بالصابونة والابريق.
· صاحبكم عاين لي ايدهو كدا وقال ليهو : الموضوع ما بستاهل ليهو (صابونة)..ايديا دي بقشهن في اكمام قميصي.
· هو وينها (السليقة) البجيبوا ليها (صابونة).
· والله (سليقتك) دي منديل ورق كتير عليها.
· اها يا الكاردينال ...عاوز تشطب لينا (مهند الطاهر).
· هو مهند الطاهر في زيو كم في البلد دي؟..عشان يشطبوه.
· الكاردينال جابوه (فزع)...قال اشطبوه.
· هي بالسهولة دي.
· وضح ان اشرف الكاردينال يفتقد خبرة التفاوض والنقاش ..ولا يملك الكيفية التي يدير بها مثل هذه الملفات.
· لا يمكن ان تُفوض للجلوس مع لاعب ثم تخرج بعد ذلك وتشكك في انتماء اللاعب وتنادي بشطبه.
· ان الكارثة الحقيقية في هذا الموضوع ليس هى عدم اعادة قيد مهند الطاهر ..(مهند تبقى لعقده مع الهلال موسم كامل) الامر ليس خطيرا ..ولا مخيفا...ولا بستاهل الانزعاج دا.
· لكن الكارثة في (تصريحات) الكاردينال التي كادت ان تقطع حبل الود بين مهند وجماهير الهلال خاصة في ظل الهجمة الاعلامية الشرسة والظالمة على اللاعب.
· نعم اخطأ الكاردينال ...ولم يخطيء مهند الطاهر.
· مثل هذه المفاوضات يجب ان تتم بعيدا عن الاعلام والصحف ..وغير مقبول ان تنتقل هذه التفاصيل للصحف والاذاعات لأن مثل هذه الامور يجب ان تكون سرية.
· الكاردينال افاد المريخ وقدم له (اجندة) التفاوض التي تم بين اللاعب والهلال.
· السعر وصل كم ؟..ومهند قال شنو؟..وافتكر ان مثل هذه الاشياء يمكن ان تفيد المريخ كثيرا لو دخل في تفاوض مع اللاعب مهند الطاهر.
· الراجح ان الكاردينال فشل في المهمة التي اوكلت له فحاول بعد فشله هذا ان يجرم مهند الطاهر لكي يخرج منها الكاردينال ويتهم مهند بعدم الولاء والاخلاص...حتى يدعوا الناس الي ان يذهب مهند الطاهر غير مؤسفا عليه.
· يا كاردينال دعنا نقول لك ...اذا كنا نريد ان نصل لهذه النقطة التي ناديت فيها بشطب مهند الطاهر ..لما احتجنا لك وما استنجد بك.
· كان يمكن ان يجلس مع مهند الطاهر أي زول ...نعم أي زول وفي النهاية يدعو الي شطب مهند الطاهر.
· هكذا يريدها الكاردينال ...(اشطبوا مهند)...لماذا ..لأن مهند خرج عن قيم الهلال ..ولأن مهند اعطى ضهره للهلال.
· معقولة بس.
· سموها (مفاوضات) ليه؟.
· في الاساس انت جايبنك ليه؟.
· نحن ما جبناك عشان تشطب لينا (مهند).
· كان يمكن ان يقوم بهذا الذي قمت به (عادل ابوجريشة ..او طارق تفاحة او حتى كمال دحية).
· الموضوع ما بستاهل ادارة ولا مفاوضات ولا نقاش ..ولا قومة نفس.
· الموضوع في منتهى البساطة.
· لن يغلب احد ...(أي زول) ان يجتمع بمهند الطاهر ثم يقول في النهاية (اشطبوه).
· ثم يتحدث عن الاخلاق والقيم ..والمثل ..وموروثات الهلال.
· الدخل الاخلاق ..والقيم والموروثات هنا شنو؟.
· مهند الطاهر لم يأت بسابقة ..كل اللاعبين يفاوضون ...بل فيهم من يساوم ..ويضغط ..ويمشي ويجي.
· هذا حق كفله القانون لمهند الطاهر ..ويجب ان نتفهم نحن ذلك بدلا من ان نضع (المشانق) والمقاصل لمهند الطاهر.
· عمل شنو مهند؟.
· مهند جلس يتفاوض معاكم ..رغم ان لاللاعب متأخرات على النادي (250) مليون جنيه.
· بعدين يا كاردينال ..انت لو عاوز تشطب ..ومُصر على الموضوع دا (اشطب) لينا يوسف محمد وخلي لينا مهند الطاهر.
· جابوك عشان تشطب يوسف محمد وتسجل مهند الطاهر.
· قمت عكست الحكاية عاوز تشطب مهند ...وتخلي يوسف محمد.
· دا كلام.
· دا كلام يا جماعة.
· قال شنو؟..قال مهند الطاهر بمارس التيه والدلال على الهلال.
· المشكلة شنو؟.
· يا كاردينال انت ما بتذكر انك قلت مرة انك ما بتدعم الهلال بسندوتش طعمية.
· ما بتذكر الكلام دا.
· ليه بقت على مهند الطاهر الان.
· كلكلم كنتوا بتمارسوا التيه والدلال على الهلال.
· اشمعنا مهند الطاهر!!.
· مهند الطاهر ...(الغزال)..قصة عشق طويلة مع الهلال.
· المواقف والايام تثبت ذلك.
· كفى مواقف والد مهند الطاهر الذي تتحدث (كسلا) كلها عن (هلاليته).
· مثلما هناك في كسلا القاش وتوتال ...هناك محمد حسين كسلا ..واسحاق الحلنقي ومهند الطاهر.
· تعرف كسلا بالقاش ..وبهلالية اسرة مهند الطاهر.
· عاوزين في لمحة عين ..تنهوا هذه العلاقة بجرة كلم.
· علينا ان نحترم مجهود هؤلاء اللاعبين....كانت تضحياتهم كبيرة ..ويمكن ان اعود في الغد ان شاءالله واحدثكم عن تضحيات مهند الطاهر.
· الهلال دائما وابدا يجزل العطاء لاولاده...ويحسن الوفاء ويبادل الاخلاص بما هو افضل.
· عاوزين يا الكاردينال تختلفوا لينا في 400 مليون جنيه.
· سيرة مهند الطاهر مع الهلال تشهد له.
· كان افضل لاعبي الهلال في البطولة الافريقية وكان ضمن قائمة افضل اللاعبين في البطولة الافريقية مع سادومبا.
· مهند الطاهر كان يتصدر قائمة هدافي المنتخب وقد فاز بجائزة قوون هداف السودان العالمي.
· كل هذا العطاء ..عاوزين تلغوه بي (جرة قلم).
· اذا حدث هذا لمهند الطاهر ..سوف يحدث نفس الشيء لعمر بخيت ومساوي والمعز محجوب وعلاءالدين يوسف.
· هذا الاسلوب يجب ألا يكون هو الاسلوب الذي تتعامل به ادارة نادي الهلال مع اللاعبين.
· اعلام الهلال نفسه مرفوض منه هذا النهج الذي اتخذه ليجرم مهند الطاهر لاظهاره بهذه الصورة غير الحقيقية.
· النقد هنا كان يفترض ان يوجه لاشرف الكاردينال ..لا لمهند الطاهر.
· ما تنسوا التاريخ ..وما تتنكروا لمن قدم الكثير للهلال.
· لا تجعلوا المدرجات تنسى سيفونته التي تتغنى بها للغزال.
· التاريخ لن يرحمكم ان اضعتم مهند الطاهر.
· لن تغفر لكم الجماهير هذا ..حتى وان حاولتم تشويه صورة مهند الطاهر واظهاره بهذه الصورة الناكرة.
· لمهند الكثير من الروايات والحكايات ..والعشق الطويل.
· هذه قصص مهند ...واهدافه مثل اغنيات وردي (لو بهمسة)...(المستحيل)...(خاف من الله)....(الطير المهاجر)....(القمر بوبا).
· هكذا هى اهداف مهند.
· اعرف طفلا لم يكمل الرابعة...يتملس خطاه على الارض ..يقوم ويقع..يقعد في التلفزيون من خمسة ...عشان يشوف (هوبة) مهند.
· يشوف هوبة مهند ...ويعض قميصو في خشمو ..ويقوم يلعب برة ...عاوز يطبق (الهوبة).
· اعرف غير هذا الطفل كثيرين ..علاقتهم بالهلال (باص) سيدا ...و(هوبة) مهند الطاهر.
· هوبة مهند الطاهر عندهم زي (هدوم العيد)...الشافع يقعد يحرس (الدولاب)..كل ما يجيهم زول يقول لي امو : (يمة وريهو لبسة العيد).
· يا ولدي انت (اللبسة) دي وسختها.
· هكذا عندهم (هوبة) مهند الطاهر زي (لبسة العيد)..الشافع يلبسها مائة مرة ويطلعها ...عشان تاني يلبسها يوم العيد.
· ما بنوم ..منتظر الواطة تصبح بفارق الصبر.
· هوبة مهند ...قلت ليكم قبل كدا ..نحن بنشرب بيها (القهوة).
· بنقعد ونقيل فيها.
· نتونس بيها ...نتقالد بيها ...ونتقادم.
· نطلع بيها العصر.
· دا يوصل دا ...يقوم دا ...تاني يرجع مع دا ...لما الليل يتقسم.
· كلو من (هوبة) مهند.
· قصرت علينا الليل.
· هوبة مهند زي اغنية محمد ميرغني (عاطفة وحنان يا ناس).
· انت شنو الاغاني الماسك لينا فيها دي الليلة.
· عندنا واحد ...النوع البتجيهو الملاريا كل 3 ايام.
· لو فتح الباب تجيهو ملاريا.
· الزول دا لما يكون ما عندو ملاريا معناتو في حاجة غلط.
· شارع البلدية مقفول.
· شارع البلدية ..هسع ذنبو شنو؟.
· صاحبكم دا مشى للدكتور..قال ليهو : يا دكتور عندي ملاريا ..كل 3 يوم بتجيني...زي (سيد اللبن).
· الساعة ستة تلقى واقف في الباب.
· الدكتور عاين ليهو كدا ...وكتب ليهو (هوبة) كل 8 ساعات.
· يا دكتور لكن (الهوبة) دي بصرفوها من وين؟.
· انت عارف البلد دي فيها ازمة (هوبة).
· ازمة هوبة وسكر.
· الدكتور قال ليهو تصرفها من مهند الطاهر يا استاذ.
· اها من اليوم داك ..صابحكم تاني ما جاتو ملاريا.
· ملاريا تجي من وين مع (الراجمات) دي.
· ملوحظة : بكرة تاني عندنا كلام في الحتة دي ..احمد الحاج بقى يضرب في التلفونات ..الوقت مشى.
هوامش
· هيثم مصطفي (حفظه الله ورعاه) لعب دور مؤثر ومهم في هذه المفاوضات ..وهو واخوته قادرون على المحافظة على مهند الطاهر.
· طول ما هيثم مصطفي بين الجماعة ديل ...الهلال ما بتجيهو عوجة.
· الامين البرير ...مطلوب منه ان يحسم موضوع المدرب.
· ما تعملوا لينا المدرب زي (سيلا).
· عليك الله يا هاشم ملاح ..ما تصرح لينا في الموضوع دا.
· نحن فترنا من التصريحات دي.
· اتوقع ان يعود ان شاءالله يوسف محمد بصورة اقوى ..(وعسى ان تكرهوا شيئا وهو خير لكم).
· الموسم الجديد ان شاءالله ح يكون موسم يوسف محمد.
· يوسف ومهند الطاهر.
· بكرة بكتب ليكم عن اعارة (قلق).
· الموضوع دا ما بنفوتوا ساكت.
· تخلوا (بابا نويل) وتعيروا (قلق).
· دا شنو البتعملوا فيه دا.
· اخير (الكاردينال).
· غايتو يا الكاردينال لو مسكت الهلال (شهر) إلا نلعب بالشباب.
· الامين البرير مفروض يبعد من صلاح ادريس والكاردينال ..ويدير النادي براهو.
· لو ما قادر على الهلال ..خلوه يترجل.
· ما معقول الهلال يكون تحت رحمة صلاح ادريس والكاردينال.
· هم يسجلوا ..وكمان عاوزين يشطبوا.
· عاجل : يا كرنقو باقي ليك 6 شهور وتمشي نيل الحصاحيصا ما تركز كتير في (الكشافات).

انقر هنا لقراءة الخبر من مصدره.