سودارس :

لجان مقاومة النهود : مليشيا الدعم السريع استباحت المدينة وارتكبت جرائم قتل بدم بارد بحق مواطنين كم تبلغ ثروة لامين جمال؟ شاهد بالصورة والفيديو.. حسناء الشاشة نورهان نجيب تحتفل بزفافها على أنغام الفنان عثمان بشة وتدخل في وصلة رقص مؤثرة مع والدها حين يُجيد العازف التطبيل... ينكسر اللحن شاهد بالفيديو.. في مشهد نال إعجاب الجمهور والمتابعون.. شباب سعوديون يقفون لحظة رفع العلم السوداني بإحدى الفعاليات أبوعركي البخيت الفَنان الذي يَحتفظ بشبابه في (حنجرته) جامعة ابن سينا تصدم الطلاب.. جامعات السوق الأسود والسمسرة من رئاسة المحلية.. الناطق الرسمي باسم قوات الدعم السريع يعلن تحرير النهود (فيديو) شاهد بالصور والفيديو.. بوصلة رقص مثيرة.. الفنانة هدى عربي تشعل حفل غنائي بالدوحة تتسلل إلى الكبد.. "الملاريا الحبشية" ترعب السودانيين بحضور عقار.. رئيس مجلس السيادة يعتمد نتيجة امتحانات الشهادة السودانية للدفعة المؤجلة للعام 2023م إعلان نتيجة الشهادة السودانية الدفعة المؤجلة 2023 بنسبة نجاح عامة 69% والد لامين يامال: لم تشاهدوا 10% من قدراته احتجز معتقلين في حاويات.. تقرير أممي يدين "انتهاكات مروعة" للجيش السوداني هجوم المليشيا علي النهود هدفه نهب وسرقة خيرات هذه المنطقة الغنية عبد العاطي يؤكد على دعم مصر الكامل لأمن واستقرار ووحدة السودان وسلامة أراضيه منتخب الشباب يختتم تحضيراته وبعثته تغادر فجرا الى عسلاية اشراقة بطلاً لكاس السوبر بالقضارف المريخ يواصل تحضيراته للقاء انتر نواكشوط الحسم يتأجل.. 6 أهداف ترسم قمة مجنونة بين برشلونة وإنتر استئناف العمل بمحطة مياه سوبا وتحسين إمدادات المياه في الخرطوم هيئة مياه الخرطوم تعلن عن خطوة مهمة هل أصبح أنشيلوتي قريباً من الهلال السعودي؟ جديد الإيجارات في مصر.. خبراء يكشفون مصير المستأجرين باكستان تعلن إسقاط مسيَّرة هنديَّة خلال ليلة خامسة من المناوشات ترامب: بوتين تخلى عن حلمه ويريد السلام إيقاف مدافع ريال مدريد روديغر 6 مباريات تجدد شكاوى المواطنين من سحب مبالغ مالية من تطبيق (بنكك) ما حكم الدعاء بعد القراءة وقبل الركوع في الصلاة؟ عركي وفرفور وطه سليمان.. فنانون سودانيون أمام محكمة السوشيال ميديا تعاون بين الجزيرة والفاو لإصلاح القطاع الزراعي وإعادة الإعمار قُلْ: ليتني شمعةٌ في الظلامْ؟! الكشف عن بشريات بشأن التيار الكهربائي للولاية للشمالية ترامب: يجب السماح للسفن الأمريكية بالمرور مجاناً عبر قناتي السويس وبنما كهرباء السودان توضح بشأن قطوعات التيار في ولايتين تبادل جديد لإطلاق النار بين الهند وباكستان علي طريقة محمد رمضان طه سليمان يثير الجدل في اغنيته الجديده "سوداني كياني" دراسة: البروتين النباتي سر الحياة الطويلة خبير الزلازل الهولندي يعلّق على زلزال تركيا في حضرة الجراح: إستعادة التوازن الممكن التحقيقات تكشف تفاصيل صادمة في قضية الإعلامية سارة خليفة الجيش يشن غارات جوية على «بارا» وسقوط عشرات الضحايا وزير المالية يرأس وفد السودان المشارك في إجتماعات الربيع بواشنطن حملة لمكافحة الجريمة وإزالة الظواهر السالبة في مدينة بورتسودان ارتفاع التضخم في السودان شندي تحتاج لعمل كبير… بطلوا ثرثرة فوق النيل!!!!! انتشار مرض "الغدة الدرقية" في دارفور يثير المخاوف مستشفى الكدرو بالخرطوم بحري يستعد لاستقبال المرضى قريبًا "مثلث الموت".. عادة يومية بريئة قد تنتهي بك في المستشفى وفاة اللاعب أرون بوبيندزا في حادثة مأساوية 5 وفيات و19 مصابا في حريق "برج النهدة" بالشارقة عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين الدفاع المدني ولاية الجزيرة يسيطر علي حريق باحدي المخازن الملحقة بنادي الاتحاد والمباني المجاورة حسين خوجلي يكتب: نتنياهو وترامب يفعلان هذا اتعرفون لماذا؟ من حكمته تعالي أن جعل اختلاف ألسنتهم وألوانهم آيةً من آياته الباهرة بعد سؤال الفنان حمزة العليلي .. الإفتاء: المسافر من السعودية إلى مصر غدا لا يجب عليه الصيام بيان مجمع الفقه الإسلامي حول القدر الواجب إخراجه في زكاة الفطر

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 19 - 12 - 2014

و….
محمد عبد الماجد
الكاردنيال طلع نظريتو بعيدة مفاوضته لكروز ما راحت ساكت
""""""""""""""""""""""
…و
انا من زمان بقول كدا.
بقول (بص) الهلال دا فيه (بركة).
بص الهلال عاوز يلعب ليكم.
وبقول الكاردينال دا نظرتو بعيدة شديد.
دائما برمي لي قدام.
شوفوا الزول دا لو ما نظرتو بعيدة بعاين لدور ال (16).
زرقاء اليمامة تقصر.
لو ما برمي لي قدام شغال (21) يوم بفاوض في كروز عشان يواجه المريخ مع
الترجي في دور ال (16).
دي في زول بعملها.
عليكم الله خلوني انا.
انسوني بس.
ما تشتغلوا بي كتير.
قولوا دا كلام جرايد ساكت.
وقولوا بنزيد الكلام.
اصلو ما بنختلف معاكم.
لكن هسع عملية (الكاردنيال) صلاح ادريس ذاتو بعملها.
دا طلع مفتح لمن غلط.
ونحن نشيل ونهاجم.
طلعنا نحن الغلطانين.
طلعنا نحن الما فاهمين الموضوع كويس.
كنا فاهمين الموضوع (بص) وشوية صور كدا.
نشيل ونتصور مع (البص).
الغريبة فرحانين كمان ب (البص).
الموضوع طلع اكبر من (البص).
زولكم دا اتاريهو وقت طلع في التلفزيون وقال حسمنا موضوع (كروز) كان
بقصد حسم تاني.
ووقت قال كروز بصل يوم التلاتاء…كان قاصد حاجة تانية.
ونحن حسب فهمنا القاصر دا – افتكرنا (كروز) بيجي يوم التلاتاء عشان يوقع للهلال.
الكاردينال ما قاصد كدا.
نحن فهمنا غلط.
الكاردينال وقت قال كروز بصل يوم الثلاثاء للخرطوم كان قاصد حاجة تانية.
كان قاصد ان كروز بصل يوم التلاتاء البعد التلاتاء القاصدها تونس.
بعدين ايام الايام دي ايام.
عليكم الله – انتوا لو ما ناس حاقدين تونس والخرطوم ما واحد.
كلنا عرب.
يعني شنو؟.
ما في فرق.
التلاتاء والسبت برضو واحد.
الترجي والهلال واحد.
اصلو ما عندهم فرق.
موش ح يقابلوكم يا مريخاب في دور ال (16).
و…
(وشنو تاني؟).
بعدين الكاردنيال دا بعمل في حاجات للمستقبل.
الكاردينال عمل ليه فريق (رديف) للهلال يمسك الهلال (15) سنة.
15 سنة ما عاوزين لنا زول من برة.
كروز شنو؟.
وزي ما الكاردنيال سجل للهلال.
وسجل لي كوبر.
وسجل للاهلي شندي.
وسجل للمريخ.
المريخ كلو من الهلال.
الكاردينال دا خيرو واصل.
وصل كوبر والاهلي شندي والمريخ.
الكاردنيال مشى ابعد من كدا.
وصل (الترجي) ذاتو.
يعني انتوا قايلين ناس الترجي ديل شافوا (كروز) وين؟.
هم ناس الترجي عندهم كشافيين.
او عندهم اعلام زي اعلام الهلال.
ناس الترجي ديل كروز دا سمعو بيه في الهلال.
انا لمن ناس الهلال بكتبوا عن (كروز) وبيجبوا في صوره – قلت الله يستر
من برشلونة.
قلت ادارة برشلونة لو بتقرأ جرايد رياضية سودانية (كروز) دا بخطفوه مننا.
يا زول ناس الهلال طلعوا ليك (كروز) دا اخطر من الزول البشبهوا.
قالوا اخطر من رونالدينو.
ويجيبوا ليك في صوره وهو بضحك.
والمواقع شغالة في عرض لقطات ليه.
الزول دا بعمل في جنس عمائل.
بلقط في الباكات سبعة سبعة ..اربعة بطردوهم بكروت حمراء عديل كدا.
وتلاتة بنزروهم انزارات اخيرة.
دا لو جاء هنا بلة جابر إلا يعمل ليه كافتريا في الجامعة.
وضفر دا من هسع كلموه يشوف ليه مكتب سفريات في الميناء البري.
نحن حسب عقلنا دا ..افتكرنا كروز ح يلعب في الهلال.
والكاردينال ما قاصد كدا.
الكاردينال قاصد الترجي.
اصلو ما جاب سيرة للهلال.
ولا قال في قناة النيل الازرق نحن لو عاوزين نجيب (ميسي) بنجيبو.
الكلام دا قالوا صلاح ادريس.
الكاردينال ما بقول كدا.
افترضوا كدا انو قال يعني شنو؟.
الزول دا عندو (فهم) في كلامو.
عندو (رأي).
الكاردينال دا كان عاوز يصرف الانظار عن (الترجي).
عشان المريخاب وقت يعرفوا (كروز) ح يلعب في الهلال – ح يقوموا يحفروا
في الموضوع دا.
الكاردينال شغل ليك المريخاب بالهلال..وربط ليك الموضوع مع الترجي.
طبعا ح تفتحوا خشمكم وح تقولوا طيب ليه الكاردينال بعمل كدا.
بوقع ليكم الفهم.
بس اوعكم تغالطوني.
انا الكلام البقول ليكم فيه دا متأكد منو.
وعندي (مستندات) كمان.
نحن ما بنتكلم ساكت.
الكاردينال وقت سجل (كروز) في الترجي ..كان عارف (القرعة) بتوقع ليك
المريخ مع الترجي لو المريخ وصل دور ال (16).
تطلعوا من التمهيدي …وتطلعوا من دور ال (32) وتصلوا دور ال (16)
عشان تقابلوا الترجي.
الكاردينال عارف الموضوع دا.
وعارف (المسارات) ح تمشي كيف؟.
وعارف (القرعة) ح توقع ليكم المريخ مع الترجي في دور ال (16).
عشان كدا قام لبد للمريخ بي (كروز) في الترجي في دور ال (16).
عليكم الله الحركة دي صلاح ادريس بعملها.
دي صلاح ادريس ما بقدر عليها.
دي حركة (كاردينالية).
اصلو ما في زول بقدر عليها غير الكاردينال.
الزول دا فاهم وعارف بعمل في شنو؟.
اول انتوا فاكرين الموضوع (بص) ساكت.
شغلنا ليكم المريخاب بالصور.
ما خلينا ليهم صورة.
اتفشينا في (البص).
وجبنا لينا (بدل) مجلس الوزارء ما عندو زيها.
المريخاب المساكين انشغلوا بالموضوع دا.
افتكروا الحكاية كلها في (البص).
قايلين الموضوع (بدلة).
قعدوا يتشهقوا لينا في (الصور) ويمطمطوا في (عيونهم) زي شرك الفأر.
والكادينال بي غادي اكمل ليك موضوع (كروز) مع الترجي.
بعدين الحاجة الما عارفنها انتوا..كروز دا موقع مع الترجي لدور ال (16) بس.
بعد دور ال (16) تسجيلات يونيو في السودان ح تكون فتحت.
وح نجيب (كروز) من الترجي عشان يتسجل في الهلال.
يعني شنو؟.
إلّا يوقعوا ليكم الكلام.
انا عارف الكلام ما وقع ليكم.
عارفكم انا تشيلوا وتستغربوا لي برة العمود.
بتعرفوا (كوبر).
الكاردينال دا ح يعمل في (الترجي) نفس العملية العملها في (كوبر) وحيرت
صلاح ادريس وجمال الوالي.
شفتوا (جمعة جينارو)…كروز ح يعمل نفسي عمليتو.
دا شنو دا؟.
تطلعوا الزول من طورو.
خلتوني اكشف ليكم الموضوع.
بعدين انت لو عندكم رأس تفتكروا الصور الكتيرة التى نشرتها صحف الهلال
للبرازيلي (كروز) كانت صور طالعة من فراغ.
نحن من الوقت داك عاوزين نزرع (الرعب) في المريخ.
عارفين نحن.
عارفين (كروز) دا ح يقابل المريخ في دور ال (16).
دا اذا الله كتب ليكم تصلوا المرحلة دي.
اها بعد الكلام دا عليكم الله ما عندي حق لمن قلت ليكم الكاردينال نظرتو بعيدة.
والكاردينال بيعاين لي بعيد.
والكاردينال مفتح.
اها كروز ولدنا ح يطلع ليكم في دور ال (16).
في نظرة ابعد من كدا.
عليكم الله لو المريخ ما شقي في نفسو زي ما قال مامون ابوشيبة في دور
ال (64) ح يقابل (باسكال) ولدو.
وفي دور ال (32) ح يقابل موبوتو.
وفي دور ال (16) ح يقابل كروز ولدنا.
في شقاء اكتر من كدا.
وقت اقول ليكم نحن مفتحين ما بتصدقوني.
بتقعدوا تغالطوا ساكت – وتعاينوا لي في (الصورة).
اقول ليكم حاجة (بس ما تطلع من العمود دا).
انا خايف (بص) الهلال دا ذاتو زي ما قلت ليكم اشوفو في (الترجي).
انتوا قايلين الموضوع (كروز) بس.
هو الكاردينال لو ما شفت ومفتح – المحكمة في يوم واحد ترفض ضدو طعنين.
طعن صلاح ادريس رفضوه.
وطعن شركة نازو رفضوه.
اها عليكم الله الكاردينال يعمل ليكم اكتر من كدا شنو؟.
انا قلت ليكم.
انا كلمتكم.
قلت ليكم (بدل) الهلال دي ما بدل ساهلة.
قلت ليكم سرها باتع.
وانتوا تشيلوا وتغالطوا فينا.
تاني وقت الكاردينال يعمل ليكم عملية زي دي افهموها.
لكن ديل يفهموها لي كيف اذا كانت اعارة (جمعة) الي الان ما وقعت ليهم.
و…
انتوا تعالوا هنا.
صحي (العجور) منعوه.
يمنعوه ليه؟.
مالو كمان؟.
عليكم الله ما تسألوني عشان الاجابة على الموضوع دا عاوزة ليها (صفحة) تانية.
و…
لو ما نسيت برجع ليكم للموضوع دا بكرة.
انتهى.
ق سبورت

انقر هنا لقراءة الخبر من مصدره.