سودارس : خرفانكم طلعت (مواسير) عديل كدا

لاعب منتخب السودان يتخوّف من فشل منظومة ويتمسّك بالخيار الوحيد ⛔ قبل أن تحضر الفيديو أريد منك تقرأ هذا الكلام وتفكر فيه الدب.. حميدتي لعبة الوداعة والمكر إلي اين نسير منشآت المريخ..! كيف واجه القطاع المصرفي في السودان تحديات الحرب خلال 2025 صلوحة: إذا استشهد معاوية فإن السودان سينجب كل يوم ألف معاوية إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف بولس : توافق سعودي أمريكي للعمل علي إنهاء الحرب في السودان إجتماع بسفارة السودان بالمغرب لدعم المنتخب الوطني في بطولة الأمم الإفريقية عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته البرهان وأردوغان يجريان مباحثات مشتركة شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها) شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي) بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها وحدة السدود تعيد الدولة إلى سؤال التنمية المؤجَّل بعثه الأهلي شندي تغادر إلى مدينة دنقلا تراجع أسعار الذهب عقب موجة ارتفاع قياسية عثمان ميرغني يكتب: لماذا أثارت المبادرة السودانية الجدل؟ ياسر محجوب الحسين يكتب: الإعلام الأميركي وحماية الدعم السريع محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! وزير الداخلية التركي يكشف تفاصيل اختفاء طائرة رئيس أركان الجيش الليبي "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

خرفانكم طلعت (مواسير) عديل كدا

قوون نشر في قوون يوم 20 - 03 - 2015

(كبد الحقيقة) ..مع التعادلات الكتيرة دي يا مزمل والهزائم المتواصلة مفروض تسميها يا (ابو) ابوالقاسم (فشفاش الحقيقة)
الواحد يجيب ليك (تلجة) عايمة في الجك ويقول ليك : (و الله موية سمحة خلاص)
النقطة الوحيدة دي ..ما نقطة (خروف)...دي نقطة (عتود)...نحن كمان ما بنعرف نقاط (الخروف) – من نقطة (العتود)
امير كمال ..قال ليهم انا (امير الحسن) ما عندي فيها كلام – لكن بعد مليارات بكري المدينة عاوزين تدوني كم؟
* نعمل ليكم شنو؟...(شفتوا الزول من يجيب ليك الشاي ما عاوز يجيب ليك الغداء).
* لو بالغ كدا – بقوم يجيب ليك (شاحن الموبايل).
* شاحن الموبايل عاوز يبقى (غداء).
* افهموها.
* ويقعد يخش ويطلع ..وكل مرة يجيكم بي (جك) موية بارد.
* الموية الباردة عاوزة تبقى ليكم (غداء)!!.
* الواحد يجيب ليك (تلجة) عايمة في الجك ويقول ليك : (و الله موية سمحة خلاص).
* ويطقطق ليك في اصابعينو زي باب (الزنكي) الفاتح.
* الشغل دا ما شغل زول عاوز يجيب (الغداء).
* نظرية حافظنها حفظ.
* شفوت الاولاد ديل – عارفين اي حاجة.
* وبعملوا فيها ما عارفين حاجة.
* بعد كدا يا ناس المريخ (مزمل ابوالقاسم) ما بصبر ليكم ..بعد كدا مزمل ابوالقاسم بيشجع (مريخ الفاشر).
* مزمل ما بيستحمل الهزائم دي.
* ولا عندو ليكم صبر.
* انا ما عارف مزمل ابوالقاسم الجابرو على ناس (ضفر) ديل شنو؟.
* ما خلوا ليهم (حكم) ما بدلوه.
* ديل الغيار بعملوه في (الحكام) ما بعملوه في (اللاعبين).
* يجيبوا ليهم القايمة وهم يختاروا براهم.
* يا مزمل مريخ الفاشر ما غريب عليكم...احسن ليكم من مريخ (ضربات الجزاء الضائعة).
* يضيعوا في الضربات زي (العجور).
* عشان ما تعبانين فيها.
* لو تعابنين فيها ما بتضيعوها بالسهولة دي.
* مريخ الفاشر منكم وفيكم ..كلو (مريخ).
* ممكن تقلب (الصدي) وتسميها (السلاطين) يا مزمل.
* (كبد الحقيقة) ..مع التعادلات الكتيرة دي يا مزمل والهزائم المتواصلة مفروض تسميها يا (ابو) ابوالقاسم (فشفاش الحقيقة).
* ما في (كبدة) بتصبر على الهزائم دي.
* الكبد دي لو بقت (صبة) ما بتصبر لي جلطات امير كمال وعلاءالدين يوسف.
* اقصد امير الحسن.
* امير كمال ..قال ليهم انا (امير الحسن) ما عندي فيها كلام – لكن بعد مليارات بكري المدينة عاوزين تدوني كم؟.
* الجابرك شنو على ناس علي جعفر ديل يا مزمل.
* ديل بيجلوا الكورة الثابتة.
* الغريب وقبل ما ندخل على (تعادل) الخرطوم الوطني امس مع المريخ ..ان الحبيب مزمل ابوالقاسم كان قد عاب على بعض اعضاء اللجنة المنظمة انتماءهم للهلال.
* واعتبر مزمل ابوالقاسم ان مجرد الانتماء فقط للهلال من بعض اعضاء اللجنة المنظمة (جريمة).
* مزمل شايف كدا.
* وعندما جاء مزمل ابوالقاسم امس لحسن عبدالسلام رئيس اتحاد الخرطوم المحلي استجداه مزمل بمريخيته.
* كتب مزمل امس : (إذا لم يراع حسن عبد السلام لتاريخه مع المريخ.. ولم يهتم لمحبة المريخاب له ، ولم يتذكر أنهم هتفوا له ورددوا اسمه ومنحوه لقب (الصاقعة) وقادوه للفوز بمنصب رئيس اتحاد الخرطوم فمن الأولى أن يتذكر حقيقة مهمة، مفادها أن نادي المريخ يتبع لاتحاد الخرطوم الذي يتربع على قمته!).
* شفتوا كسير التلج دا كلو ليه ..عشان حسن عبدالسلام يهمد شوية.
* محبة المريخ ...هتفوا ورددوا اسمه ..ومنحوه لقب الصاقعة...(فيلم هندي عديل).
* على كدا لو صلاح ادريس اصبح رئيس اتحاد الخرطوم ..ممكن ينزل (المريخ) درجة تانية.
* طالما كان القياس والعمل بالانتماء.
* بالواضح علي (حسن عبدالسلام) ان يراعي في قراراته (مريخيته)...يا جماعة في (ظلم) على الهلال اكثر من هذا.
* انتوا براكم بتكشفوا نفسكم.
* بقيتوا ما بتخجلوا حتى من التجاوزات والمخالفات ..وبتشوفوها عادي في سبيل (المريخ).
* ما فيها اي حاجة.
* ما فيها اي مشكلة.
* عليه اذا كان اعلام المريخ بقيادة مزمل ابوالقاسم اوعى اقلام المريخ واعقلها بيستدعي في (حسن عبدالسلام) مريخيته ..كيف يكون حال معتصم جعفر واسامة عطا المنان ..ومحمد سيد احمد الذي عندما سألوه عن عدم خروجه واعتراضه على احداث مباراة المريخ ومريخ الفاشر ..قال كيف اخرج على الفريق الذي انتمى اليه ؟..وكيف اعاقبه؟.
* وتقولوا لي (وطنية).
* تقولوا لي (قومية).
* برد يا.
* لن نستغرب من بعد اذا جرّم اعلام المريخ بعض اعضاء الاتحاد العام واتحاد الخرطوم عشان فقط كانوا اصحاب انتماء للهلال ..طالما مطلوب من الذين ينتمون للمريخ في الاتحاد ان يضبحوا (القانون) من اجل المريخ.
* لخبطوا بين الخرفان والقوانين..وبقوا شغالين (ضبح).
* الخروف من القانون ما بفرزوه.
* مزمل طلب من جمال الكيماوي طلب اخر غريب يثبت كيف تدار الاتحادات.
* كتب مزمل : (موقف اتحاد الخرطوم من المريخ يجعلنا نطالب (ابن المريخ) جمال أحمد عمر (الكيماوي) نائب رئيس اتحاد الخرطوم بمغادرة هذا الاتحاد باستقالة سريعة، كي تكتمل فصول المواجهة بين الاتحاد والمريخ!).
* الكيماوي مطلوب منه ان يغادر اتحاد الخرطوم لأنه يشجع المريخ.
* لأنه ابن المريخ.
* اذا كان المريخ يحسب انه تضرر من (اتحاد الخرطوم) الذي لا يملك للمريخ نفعا ولا ضرا ..ويعلن مزمل بلسان المريخ الحرب مع اتحاد الخرطوم بسبب موقف قوي لحسن عبدالسلام ..ماذا يفعل الهلال مع (الاتحاد العام) اتحاد معتصم (الوالي) واسامة (الوالي) ومجدي (الوالي) ومحمد (الوالي)؟.
* ماذا يفعل الهلال مع الاتحاد العام الذي يدير اللعبة ..وينظمها ويمسك بكل الملفات الحيوية في كورة القدم من التسجيلات الى حكام المباريات.
* المريخ لم يصبر على (اتحاد الخرطوم) الذي يرأسه المريخي حسن عبدالسلام ..البخلينا نحن نستحمل (الاتحاد السام) الذي يقوده المريخي الوالي (معتصم جعفر) شنو؟.
* وبرد يا.
* نشوف قصة (التعادل) امس – بعد كل هذه التسهيلات.
* اتحاد الخرطوم في اليد.
* والاتحاد العام في اليد.
* وبرضو يتعادلوا.
* انتوا يا ناس (عنكبة) يعملوا ليكم شنو بعد كدا؟.
* نحن غلبتنا – ما لقينا ليها حل.
* قدر ما فكرنا فيها ..ما جات معانا.
* يكونوا ما ضبحوا.
* او احتمال غشوهم في (الخرفان).
* يمكن يكونوا ضبحوا ليهم خروف (ماسورة)...عشان كدا اتعادلوا مع الخرطوم الوطني.
* جابوا ليهم فد نقطة.
* النقطة الوحيدة دي ..ما نقطة خروف.
* دي نقطة (عتود).
* نحن كمان ما بنعرف نقاط (الخروف) – من نقطة (العتود).
* كرامتكم الاخيرة دي ضبحتوا ليها (عتود).
* الفلس الظاهر ضربكم.
* مشكلتكم مشكلة (خرفان)..ما مشكلة حسن عبدالسلام.
* شوفوا خرفانكم وين؟.
* قلنا ليكم نحن موضوع (الخرفان) دا نحن لو مسكناها ما بنريحكم فيكم.
* كلمناكم ..ما تضبحوا قدمانا.
* نحن بنخلي اي حاجة وبنمسك في (الخرفان).
* ما عندنا قضية مع اي زول.
* بنخلي بلة جابر.
* وبنخلي بكري المدينة.
* وبنخلي علي جعفر ذاتو..وقت نلقى (الخرفان) الهملة دي.
* انتوا جنيتوا ..الهلالاب تورهم حاجة زي دي.
* تكلموهم بي ضبايحكم.
* انتوا ما عارفين الهلالاب ممكن يسامحوا في اي حاجة ..إلّا (الخرفان).
* بنقبل اي حاجة.
* علي جعفر يصلحها.
* بكري المدينة يوديها الكشافات.
* بلة جابر يجليها.
* كل الحاجات دي ممكن نسامح فيها.
* لكن موضوع (الخرفان) دا لا بنسامح فيه ولا حاجة.
* ولا بنجامل.
* الجماعة ديل يعملوا ليهم شنو؟..الاتحاد العام لكورة القدم السوداني اصلو ما قصر معاهم.
* اي حاجة عاوزنها عملها ليهم.
* قالوا طلعوا لينا (الشرطة) بين الشوطين.
* اصلو ما بنعلب (الشوط التاني) بي شرطة.
* يا تطلعوا (الشرطة) يا ما عاوزين.
* الاتحاد العام اصلو ما بتلوم فيهم – طلع ليهم (الشرطة) من الملعب.
* ولا شرطي.
* ناس (الشرطة الشعبية) طلعوا.
* ما عاوزين (كاكي) في الملعب.
* الكلام دا في الافلام الهندية ما بحصل.
* شرطة تطلع من الفيلم اصلو ما بتحصل.
* في استاد المريخ حصلت.
* طلعوا الشرطة.
* الكلام دا في مباراة مريخ الفاشر.
* في مباراة الاهلي شندي ..ضربوا الحكم ..قالوا دا حكم تجيبوه لينا.
* ما في زول سألهم.
* مباراة الامل ..قالوا تلعبوا لينا (بكري المدينة) الموقوف.
* الاتحاد قال ليهم ما في مشكلة ..شال ليهم (الايقاف).
* قالوا ما بنلعب ..تجيبوا لينا حكام من الولايات.
* حكام الخرطوم ديل متصنقعين.
* جابوا ليهم حكام من نيالا.
* يعملوا ليكم شنو؟.
* بعد كدا إلّا يدقوا ليكم (حكام) في عمارة الدهب.
* مباراة عزام ..قالوا جيبوا لينا تسعة خرفان.
* قالوا لو ما ضبحوا لينا تسعة ما بنلعب.
* الغريبة مع التسعة ..قالوا ما يتلفزوها.
* اها ان شاء الله عدم التلفزة يكون سجل ليكم (ضربة الجزاء) التى احتسبت برة الخط قون.
* امام كابوسكورب ..تاني ادوهم (ضربة جزاء).
* المباراة ما متلفزة.
* ناس الهلال قالوا وقت عدم التلفزة بخلي الحكم يحسب لينا (ضربة جزاء) نحن ذاتو ما نتلفز.
* رفضوا التلفزة.
* الحكم ضرف لينا تلاتة اقوان.
* تستاهلوا يا ناس الهلال.
* لو بتضبحوا ..دا كل ما كان حصل.
* لو بتضبحوا (القوانين) كان طلعتوا غالبين سبعة.
* ............
* ملحوظة : ممكن المريخ يقدم شكوى في الخرطوم الوطني ..كان في (شرطي) في المباراة.
هوامش
* الاتحاد العام واصل خنوعه التام للمريخ ..ومنح ادارة مباراة الامس لحكام من شندي.
* حكام الخرطوم ما في ليهم.
* مع ذلك اتعادلوا.
* إلّا يحكمها صديق علي صالح.
* يقولوا ليكم كدا الف مرة.
* برد يا.
* (برد يا) دي لازمة جديدة ..ما تقعدوا تستغربوا لي فيها.
* ح تشوفوها كتير.
* ح تسمعوها كتير.
* كلو ما تسخنوا..بنقول ليكم (برد يا).
* تاني ما في زول يسألني.
* عشان الموضوع يبقى ليكم واضح.
* غارزيتو قاعد يلخبط.
* غارزيتو لو ما طيركم من البطولة الافريقية ..ما تدوني ايدكم.
* غارزيتو خلاص عاوز يحددها مع المجلس.
* عاوز الشرط الجزائي.
* ومن هنا زولكم بمشي الفيفا.
* وبرد يا.
* شالكة راحت ساكت.
* اتعادلوا مع الاهلي الخرطوم بعد ان كانوا متقدمين 2 – صفر.
* وخسروا من مريخ الفاشر في ملعبهم 1 – صفر من الدقيقة عشرين.
* وخسروا من اهلي شندي من الدقيقة العاشرة في الشوط الاول في شندي.
* واتعادلوا مع الخرطوم بعد ان تقدموا عليها.
* طيب (شالكة) لزومها شنو؟.
* شالكة على شنو؟.
* الالمان ديل لو علموكم صيانة (البطاريات) كان احسن من تلعبوا معاهم.
* كورة ما بتستفيدوا حاجة.
* صيانة بطاريات يمكن.
* وبرد يا.
* ...........
عاجل : يا حليل حكم عزام ..لو كان موجود كان حسب ليكم (ضربة جزاء).

انقر هنا لقراءة الخبر من مصدره.