• أستاذنا الباش مهندس/ الصافي جعفر يحدثنا في كتابه القدوم المبارك عن نبي الأمة. اخترت الجزء الخاص بحليمة السعدية مرضعة رسول الأمة، لما فيها من لوحات مضيئة وقيم وثقافة بالغة. لوحة أولى: • حليمة برفقة زوجها وطفلها والحمارة والناقة المسنة، الناقة مسنة وليس بها لبن والحمارة عرجاء وطفلها لا ينام من الجوع وحليمة ضعيفة وجوعانة وثديها خال من اللبن والطفل لا ينام من الجوع، وزوجها يحمل كل هذه الهموم. لوحة ثانية: • المرضعات القادمات من البادية يبحثن داخل شعاب مكة عن الأطفال. كل المرضعات لم يتحمسن لأخذ اليتيم نبي الأمة، عندما علمت حليمة انه يتيماً لم تتحمس لأخذه. • الله سبحانه وتعالى اصطفى النبي من بني البشر للرسالة واصطفى الزمان والمكان، وكذلك اصطفى المرضعة التى لا تعرف الكذب. تقول حليمة: كل المرضعات أخذن أطفال إلا هي فقالت حليمة لزوجها: والله لأذهبن الى ذلك اليتيم فلآخذنه، فوافقها زوجها وقال عسى الله ان يجعل لنا فيه بركة. لوحة ثالثة: البشارات وبوادر الخير: • وعندما أخذت حليمة الرضيع اليتيم وذهبت به الى حيث تنزل، أتتها البشارات وبدأ الخير في الانهمار. • تقول: فلما أخذته ورجعت به إلى رحلي فلما وضعته على حجري اقبل عليه ثدياي بما شاء الله من لبن أي امتلأتا لبناً حتى امتدتا للأمام بعد ان كانتا ضامرتين، فشرب هو وشرب أخوه وناما وقام زوجي الى ناقتنا العجفاء المسنة فإذا بها حافلة باللبن فحلب منها وشرب وشربت وشبعنا وبتنا بخير ليلة. • وبدأ الخير يتواصل؛ حمارتها العرجاء الهزيلة امتلأت نشاطاً وسبقت كل أهل الحي حتى ناشدنها بان تنتظرهن. • بادية بني سعد كانت أجدب بلاد الله في تلك السنة ولكن كانت أغنام حليمة تدر اللبن بعكس أهل الحي وهنا ظهر التميز. وأصبحت حليمة كل صباح تلمس خيراً جديداً وتدفقاً ووفرة في الرزق إنها بركة نبي الخير نبي الأمة. هدايا الحلقة: • قالت لراجلها معرسني ليك 10 سنين ما قلت مرتاح معاي، قال ليها: ذكرتيني الناقل الوطني الخطوط السودانية نهاية كل رحلة يقول ليك شكراً لاختيارك الخطوط الجوية السودانية!. • حلفاوي ولدو مات في الحرب ناس الحكومة في العزاء اتكلموا معاه بأن ولدو شهيد في الجنة عايش تحفه الملائكة وما مات وقاعد مع الحور العين ويوم القيامة بيشفع ليك، سمع كلامهم وأول حاجة خلاها الصلاة، بعد فترة الباب دقة بالليل فتح الباب لقا ولدو قدامه قال ليه: محمد صالح أوعى تكوني أكلت من الشجرة؟!. • بعض الأشخاص مثل كتاب واضح وثمين وغلافه عادي وغير جذاب، وبعض الأشخاص رائع وجذاب ومحتواه فارغ!. • قمة البراءة: ام قالت لولدها الصغير اقرأ سورة الإخلاص 15 مرة وربي يبني ليك بيت في الجنة، بدأ الطفل يقرأ وأمه تردد معاه قال ليها يمة ما تقري بسكنك معاي!. • الرباطابي المرتو ماتت قالوا ليه حنعوضك بعد اسبوع من رفع الفراش قال ليهم اسبوع ليه ما تدوني هسع انتو شركة تأمين!. • بتاع خيال بتونس مع واحدة في الوات ساب عايزة تعرفه بنفسها قالت ليه: أنا ساجدة من المغرب، قال ليها: انا راكع من العصر!. • الجعلي بشكر في أبوه: • فيك رزانة لا بتجوط ولا بتكابس • ولا بتقيّم الزول المنفخ ولابس • يوم وشيك يتكفرن ويصبح عابس • فد مطرق تجيب الزول مكرفس ويابس • بتاع خيال سأل جاره عندكم شنو امبارح طول اليوم صوت أعيرة نارية شديدة جداً؟ قال ليه: ولدي نجح في امتحان الشهادة، قال ليه: يعني جاب كم؟ قال ليه: 50%، رد عليه: وكل الرصاص ده وما قادر تنيشو؟!. • شافعة رباطابية جاتهم ضيفة ومن جات الضيفة الشافعة بتلف حوليها، الضيفة قعدت تتظارف: بتفتشي لي شنو يا عسل؟ ردت الشافعة بمنتهى البراءة: بفتش لي وشك التاني لانو امى قالت وانت داخلة جات ام وشين!. • واحد بعاكس في واحدة قال ليها عسل يا بت النحلة، قالت ليه قشطة يا ابن الجاموسة!. خاتمة: • تقول حليمة: "فلم نزل نتعرف من الله الزيادة والخير" فهي لمست الخير وأدركته وتذوقته وتلذذت بطعمه انه القدوم المبارك والبشرية التى أكرمها الله بمحمد وبالإسلام فالإسلام ان استقبلنا شريعته وأفسحنا المجال لتعاليمه وسيرته ان تعيش بيننا فستكون مفتاح السر في الدعوة الى الله والإسلام. • المهندس الصافي جعفر حفظك الله ورعاك. • مع تحياتي،،،.... د. احمد دولة
