سودارس : بشه (صباح ومساء) او بشه (صغار وكبار)

تراجع أسعار الذهب عقب موجة ارتفاع قياسية عثمان ميرغني يكتب: لماذا أثارت المبادرة السودانية الجدل؟ مناوي : حين يستباح الوطن يصبح الصمت خيانة ويغدو الوقوف دفاعآ عن النفس موقف شرف الخارجية ترحب بالبيان الصحفي لجامعة الدول العربية ألمانيا تدعو لتحرك عاجل: السودان يعيش أسوأ أزمة إنسانية ميليشيا الدعم السريع ترتكب جريمة جديدة بعثة الرابطة تودع ابوحمد في طريقها الى السليم ياسر محجوب الحسين يكتب: الإعلام الأميركي وحماية الدعم السريع الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق كامل ادريس يلتقي نائب الأمين العام للأمم المتحدة بنيويورك السعودية..فتح مركز لامتحانات الشهادة السودانية للعام 2025م محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) وزير الداخلية التركي يكشف تفاصيل اختفاء طائرة رئيس أركان الجيش الليبي سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بشه (صباح ومساء) او بشه (صغار وكبار)

قوون نشر في قوون يوم 28 - 04 - 2015

· قمنا مسكنا ايدينا وقعدنا نغني في ناصية كدا (او بشه بشه بشه بشه ..هلالنا كله بشه(
. مريخابي حلف بعد قمة (الرديف) وقال المباراة دي لو ما دخلتها بي (كرعيني) ديل..وشفتها في دار الرياضة ام درمان كنت قلت مباراة القمة دي (معيودة(

· ناس الهلال ديل قاصدنها.

· ما تقولوا لي الموضوع دا حصل (صدفة).

· ما تقولوا لي حصل (بشه).

· الجماعة ديل اصلو ما بعملوا ليهم حاجة ساكت.

· يكونوا قصدوها.

· بدرسوها الشفوت ديل.

· زي واحد كدا ..الشارع فاضي ..(ركشة) ما فيه.

· قام دخل ليك في (عمود).

· العمود ما عندو اي ذنب.

· بتاع الحركة قومو ليك وهو بين الحياة والموت وقال ليه طبعا لو حركتك دي قلت لي ما قاصدها ما بصدقك.

· فهم برضو.

· اصلو لو قلتوا لي الهلالاب ديل ما قاصدنها ما بصدق.

· بشه كبير.

· بشه صغير.

· انتوا (البشش) دي قاعدين تزرعوها.

· يمكن دا تفسيري موضوعي لي (عشة صغيرة).

· عملوا ليهم خلطة.

· تبادل (اجيال).

· جابوا بشه الكبير وبشه الصغير...طلعوا لينا مجموعة من (البشات) الجميلة والرائعة.

· نمشي (الجنة الاطفال).

· وإلّا نفتح ليكم (طيور الجنة).

· نحن زمان كنا بنشوف منصور بشير تنقا وبنقول ( او تنقا تنقا تنقا تنقا).

· جابوا لينا بدرالدين تنقا الصغير.

· الحكاية ظبطت.

· قعدنا نكورك في مدرجاتنا (او تنقا تنقا تنقا تنقا هلالنا كلو زي دي).

· الموضوع مشى معانا.

· الهلال كلو بقى (تنقا).

· يجيبوا لينا بشه كبير.

· نقول عاوزين بشه الصغير.

· بنقصدها.

· وبندرسها (هندسة).

· يقوموا يجيبوا لينا بشه.

· ناس الهلال ديل اول ناس يطبقوا (الاستنساخ).

· بشه الكبير.

· وبشه الصغير.

· قون بالمساء.

· وقون بالعصر.

· شفنا ليك بشه الصغير.

· قمنا مسكنا ايدينا وقعدنا نغني في ناصية كدا (او بشه بشه بشه بشه ..هلالنا كله بشه).

· هسع يا جماعة..عاوزكم تقنعوني بي فهم كدا.

· اقنعوني.

· كلموني.

· فهموني.

· انا الموضوع دا ما وقع لي.

· انتوا قاصدين (البشه) دي ..وإلّا الموضوع (صدف) ساكت.

· خبرونا.

· قولوا لينا.

· قاصدنها.

· نحن ناقصين.

· بشه واحدة كانت كفاية.

· فد بشه.

· قالوا ح يرتاحوا من بشه الكبير – طلع ليهم بشه الصغير.

· يعني ديل يلقوها من منو وإلّا منو وإلّا منو؟.

· ليهم حق يلعبوا في (الكونفدرالية) اذا انتوا كل مرة بتطلعوا ليهم بي (بشه).

· بنوصلهم لي سيكافا.

· المريخاب ديل ما في حاجة في الدنيا بتجهجهم زي (بشه).

· عاوز تنتهي ليك من مريخابي قول ليه (بشه).

· بشه دا جابوا ليه حراس مرمي من برة البلد.

· ما فهموا منو حاجة.

· جابوا ليه حارس من فلسطين قالوا بكون بتاع (حماس) كويس – وبقدر يتصرف كويس من بشه.

· انا بتكلم عن بشه الكبير.

· رمزي صالح ما فهم اي حاجة.

· اي كورة اتلعبت قدامو - (بشه) جاب فيه قون.

· قال ليهم رجعوني.

· اخير لي فلسطيني.

· فلسطين ارحم.

· اقعد في رام الله وانتظر الراجمات والصواريخ افضل لي من اقعد انتظر (البشبشة) دي.

· انا لو بستحمل الحاجات دي – ما استحملها في بلدي.

· كمان تبقى عليّ (غربة) وبشبشات.

· طبعا (البشبشة) معروفة بالنسبة ليكم.

· قالوا بشه دا ما في طريقة إلا نجيب ليه حارس من مصر.

· نجيب ليه حارس من مقر جامعة الدول العربية.

· جمال الوالي جاب ليه حارس عمرو (44) سنة – عشان خبرتو تكون كويسة.

· عشان يستحمل (البشبشات) دي.

· مسكوا ليك الحضري دا جنسوه في (حلة كوكو) عشان الكورة تقع ليه زي الناس.

· طلعوا ليه جنسية.

· وشلوخوه في البطانة.

· بشه مسك ليك (الحضري) دا ..جردوا ليك من فصاحتو كلها.

· ما خلى ليه شيء.

· الحضري قال ليهم عاوز لي (حوض سباحة).

· الزول دا إلا يتعلموا ليه (السباحة).

· طبعا الحضري شاهد السباحة الكان بعمل فيها (اكرم الهادي سليم) في النجيلة.

· يزحف لمن جاتو حصوة.

· عشان كدا الحضري قال ليهم اعملوا لي حوض سباحة.

· عملوا ليه حوض السباحة.

· بشه جهجهو ليكم بي حوض سباحتو.

· لقى ليك الموضوع ما بنفع كدا.

· قال ليهم رجعوني.

· انا على البهدلة دي افضل لي اتبهدل في بلدى.

· الحضري رجع.

· انا بتكلم عن بشه الكبير.

· هسع ناس المريخ قالوا نجيب لينا حارس عندو جنسية مزدوجة.

· جابوا ليهم حارس عندو جنسية يمنية.

· وجنسية يوغندية.

· وجنسية سودانية.

· حارس (جالية) كاملة.

· بس عشان شنو؟.

· عشان يفهم ليه حاجة من بشه.

· بشه قال جيبوا لي الجنسيات التلاتة ..عشان يعمل ليهم (فحص) شامل.

· وبعدين يقوم يجردوا من جنسياته جنسية – جنسية.

· الحاجة ما وقعت للمريخاب.

· الما قدروا يفهموها الى الان.

· هم قاعدين يفكروا في بشه (الكبير) في المساء ..طلع ليهم بشه (الصغير) بالعصر.

· بشه الصغير بدأ ليهم (الجهجة) من الابيض.

· من الاولومبي.

· من بدري.

· من سن 19 سنة.

· من العصر.

· مع الرديف.

· بشه الصغير قال ليهم لو عندكم (اكرم) من كدا جيبوه لي.

· لو عندكم (اكرم) عمر 19 سنة مع الرديف جيبوه لي.

· قالوا ليه نحن اكرم الكبير اتخلصنا منو؟..نجيب ليك كمان اكرم في الرديف.

· هو نحن ناقصين يا عم.

· بشه (دار الرياضة ام درمان) ما بتفاهم.

· ولا بلعب.

· ولا بعرف اللف والدوران.

· لقى ليك المريخ (الرديف) اتعامل معاه معاملة (الكبار).

· قلنا ليه يا بشه ...الشغل دا ما بقدروا عليه.

· انا بتكلم عن بشه الصغير.

· الجماعة ديل تحت السن.

· بشه الصغير قال لا بعرف تحت السن لا بعرف بايرن ميونيخ.

· قلنا ليه بارين ميونيخ – هسع الدخلو شنو لو ما حركات منك.

· مشينا دار الرياضة العصر...قلنا نشوف (بشه) ح يعمل شنو؟.

· بشه بالعصر.

· اصلو عندنا (بشبشه) ما انتهت.

· كمان بشبشة العصر حارة زي النار.

· دخلنا دار الرياضة ام درمان.

· الجماعة اتبشبشوا ليك.

· ما فهموا اي حاجة.

· قعدوا يتغالطوا ..يا ربي دي بشه الكبير وإلّا بشه الصغير.

· الحركات البعمل فيها بشه الصغير دي نفس حركات بشه الكبير.

· قلنا ليهم اول نحن سميناه بشه ليه.

· عباطة مننا.

· هو لعب.

· نحن عشان حركاتكم دي سميناه (بشه).

· عشان الموضوع يقع ليكم.

· وتبقوا فاهمين.

· وتبقوا عارفين اي حاجة.

· البعملوا فيكم بشه الكبير ..بعملوا فيكم بشه الصغير.

· ولا بستوعبوا.

· الدرس ولا بقع ليهم.

· واحد مريخابي طالع من دار الرياضة ام درمان زعلان شديد.

· قال لي هسع نحن المباراة دي نعرفها كيف؟.

· قلت ليه كيف يعني؟.

· قال لي نعرفها كيف كبار وإلّا صغار؟.

· فريق اول وإلّا رديف؟.

· قلنا ليه الحاصل شنو؟.

· مالك؟.

· في في شنو يا زول؟.

· قال والله المباراة دي لو ما دخلتها بي (كرعيني) ديل..وشفتها في دار الرياضة ام درمان كنت قلت مباراة القمة دي معيودة.

· قلت ليه كيف يعني؟.

· قال عديل كدا.

· قون يجيبو البرنس.

· وقون يجيبو بشه.

· وتقول لي المباراة دي قمة الرديف.

· الرديف وين؟.

· البرنس الجابو للرديف شنو؟.

· بشه الرجعو تحت السن شنو؟.

· نحن لو عارفين كدا كنا جيناكم بي كمال عبدالغني وجمال ابوعنجة.

· نحن كل ما نرتاح من البرنس ..تجيبوا لينا برنس.

· كل ما نتخارج من بشه ..تجيبوا لينا بشه تاني.

· الشيء الما قادر افهمو.

· وما عاوز يقع لي في رأسي دا.

· رديف المريخ ..عندهم (موسى الزومة) برضو.

· يا زول كيف الكلام دا؟.

· طيب الباك الشمال بتاع رديف المريخ ليه قاعد المباراة كلها (سارح)؟.

· نفس الحركات البعمل فيها موسى الزومة.

· عشان كدا انتوا اصلو ما بتتعلموا.

· البعملوا فيكم بشه الكبير ...جاء وعملوا فيكم بشه الصغير.

· ..........

· ملحوظة : بشه بالعصر زي شاي اللبن نص النهار.

هوامش

· بشه بالمساء امس قالوا جاب قوننين.

· البشات دورت.

· قولوا ما شاءالله.

· تجونا بالعصر نجيب ليكم بشه.

· تجونا بالمساء نجيب ليكم بشه.

· بشه العصر.

· وبشه المساء.

· بتطلعوا مننا وين؟.

· ما في اي طريقة.

· احسن ليكم انزلوا الكونفدرالية.

· الشغل دا ولا بتقدروا عليه.

· ولا عندكم ليه صبر.

· اتخارجوا ساكت.

· نحن بشاتنا كترت.

· كل ما تكتروا كلامكم كدا بنردعكم بي بشه.

· كتروا لينا (الحضري).

· جيبوا ليكم (50) حضري.

· الشغل دا جمال سالم براهو ما بقدر عليه.

· جمال الوالي شاف (البشات) كترت ..قال بيستقيل.

· قال ما بقعد.

· ولا بلعب.

· طوالي اتخارج.

· عليكم الله اي هلالابي يعمل ليه تحويل (بشه) في رصيد الهلال.

· .........

· عاجل : لكن انتوا يا ناس الهلال كترتوها.

انقر هنا لقراءة الخبر من مصدره.