سودارس : عاطفة الفريق طارق- ايمن سعيد بعد (الجنسية) اعملوا ليه (شارع)

لماذا نزحوا إلى شمال السودان شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان يفجرّها داوية بشأن السودان القادسية تستضيف الامير دنقلا في التاهيلي تقارير تتحدّث عن قصف مواقع عسكرية في السودان بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

عاطفة الفريق طارق- ايمن سعيد بعد (الجنسية) اعملوا ليه (شارع)

قوون نشر في قوون يوم 14 - 05 - 2015

غايتو يا ناس الخرطوم عندكم (كهربة) ..الواحد لو ما عاوز يدخل في مسائل (ظنية) ساكت كان يقول قاصدننا
نوع الفهلوة دي نحن كنا قاعدين نشوفها في افلام مخرج المقاولات الاول في السينما المصرية الراحل حسين الامام
لو جابوا ليك (خوفو) هنا وحتب حرس وخفرع من قبورهم انت يا ايمن سعيد ما بتوقع على بياض
الزول دا بيذكرني ليكم ...(الكهنة) القصّار الكانوا بمثلوا في المسلسل الديني المصري (لا اله إلا الله)

· المصري ايمن سعيد بلغ حد من (الفهلوة) حد ان يقول : (وقعت للمريخ على بياض ولا اعرف مبلغ تسجيلي حتى الآن).

· متل الزول البقول ليك ضربت ليك – تلفونك مقفول.

· او جيتك للعزاء ..قالوا لي طلعت مشوار.

· نوع الفهلوة دي نحن كنا قاعدين نشوفها في افلام مخرج المقاولات الاول في السينما المصرية الراحل حسين الامام.

· اتذكرت المصريين لمن عملوا (السد العالي).

· قالوا لينا مع (الكهربة) ح تشبعوا (سمك).

· وحاولوا يقنعونا ان سمك النيل بعد (السد العالي) ح يطلع من بحرو (مشوي).

· وقالوا لينا كمان بعد السد ...السمك (شوك) ما ح يكون فيه.

· ولا شوكة.

· ونحن نشيل ونصدق.

· ونضرب في التلفونات.

· لا شفنا لينا (كهربة) من السد – ولا جابوا لينا (سمكة).

· (صيرة) ما شفناها من السد.

· كهربة شنو؟.

· يمين (شمعة) ما طلعنا بيها من (السد).

· كهربتنا الى الان بتمشي وتجي زي (سيد اللبن).

· غايتو يا ناس الخرطوم عندكم (كهربة) ..الواحد لو ما عاوز يدخل في مسائل (ظنية) ساكت كان يقول قاصدننا.

· الاسوأ من ذلك حلفا القديمة غرقت...وتم ترحيل وتهجير اهالي حلفا من موطن المسقط والمنشأ والمرتع.

· ناس حلفا اتشردوا في وطنهم.

· بمناسبة (السمك) دا.

· قالوا ليك واحد بمشي ليه مطعم سمك كل يوم ويسأل (الكاشير) طلب السمك بي كم؟.

· بتاع الكاشير بقول ليه ب (30) جنيه.

· زولكم بقول لبتاع الكاشير ليه؟...سمكك دا اصلو (شهادة عربية).

· صاحبكم كل يوم بيسأل من السمك.

· وكل يوم بقول عبارتو دي.

· وبتاع الكاشير ما قادر يقول ليه اي حاجة.

· كاتمها في قلبو.

· يوم بتاع الكاشير قال نشوف الزول دا نهايتو شنو؟..زولكم جاهو الصباح وقال ليه طلب السمك بي كم؟.

· بتاع الكاشير قال ليه ب (4) جنيه.

· زولكم ما كضب طلع قروشو وقال ليه اديني (71) طلب ..خلينا نشبع في (السمك) دا وقت الطلب بقى بي اربعة.

· بتاع الكاشير ما عرف يمشي وين؟.

· المطعم بقى ليه اضيق من خرم الابرة.

· وناس المحلية يعجبوك.

· بدون سبب تلقاهم واقفين قدامك.

· هسع ايمن سعيد عاوز يعمل لينا نفس حركات (السد).

· نفس الحركات العملوها لينا زمان.

· عاوز يتشطر علينا.

· قال وقع للمريخ على بياض.

· لقى ليك ناس الفريق طارق الطيبة كاتلاهم.

· عالم الى وقتنا هذا بندهش بي (ايمن سعيد).

· عليكم الله هسع ايمن سعيد دا في الهلال (صبي جزار) بنقبلو.

· والله في الهلال ما عندنا ليه غير يشوف ليه (مطعم كشري)..ويشوف مستقبلو وين؟.

· كورة شنو البلعبها ايمن سعيد؟.

· الزول دا بيذكرني ليكم ...(الكهنة) القصّار الكانوا بمثلوا في المسلسل الديني المصري (لا اله إلا الله).

· الزول دا لو حلق صلعة.

· او ربط ليه (قطعة قماش) في رأسو..ما بتفرزو منهم.

· شكلو كاهن ..وفي الكهنة ..شكل كاهن خائن كمان.

· نحن ما بنعرف الناس كمان.

· قال شنو؟.

· قال وقعت في المريخ على بياض.

· انت التوقيع على بياض ما بتعملو يا ايمن سعيد للاتحاد السكندري ناديك الذي اتيت منه ..تجي تمضى على بياض للمريخ.

· لو جابوا ليك (خوفو) هنا وحتب حرس وخفرع من قبورهم انت يا ايمن سعيد ما بتوقع على بياض.

· لقيت لي ناس الفريق طارق عثمان الطاهر وعاوز تضحك عليهم.

· يا ولد ألعب على خفيف.

· ما تعملها ظاهرة كدا.

· نحن ما شفنا ليك توقيع على بياض إلا على (الكوبري) العملو ليك وليد علاءالدين.

· ايمن سعيد العامل فيها (خبرة) ..وليد علاءالدين وداهو البحر وجابو راجع (عطشان).

· كوبري قصر النيل.

· بعد العمر دا كلو – يا ايمن سعيد يعملوا فيك كل العمائل دي.

· انا قلت بعد العملية العملها فيك وليد علاءالدين يصرفوا النظر عنك.

· لا على (بياض) ولا على (بلطي).

· لكن خبرة ايمن سعيد ..ظاهر انها خبرة كبيرة.

· عمك طلع خبرة.

· قال شنو؟.

· قال وقع للمريخ على بياض.

· صاحبكم جاء اتغرب في البلد دي.

· وخلى اهلو واولادو.

· وقال هو لاعب (محترف) ..وبطبق الاحتراف ..في نفس الوقت البقول فيه انه وقع للمريخ على بياض.

· ما في احتراف على بياض.

· دا إلّا احتراف ناس ضفر.

· الواحد فيهم حافزو كيلو باسطة.

· وان بالغوا مع ناس بلة جابر ..بجيبوا ليه (فرخة).

· حافز توقيع ايمن سعيد وصل الى رقم فلكي ...زولكم قبض الدولارات وجرى على مصر.

· وبقول بعد دا كلو وقع للمريخ على بياض.

· يعني وش القباحة يشلوها المساكين ناس رمضان عجب وامير كمال.

· وايمن سعيد بقول بوقع للمريخ على بياض.

· رمضان عجب ولد النادي ..قبض ليه اتنين مليار ونص ..وايمن سعيد الولد الغريب بقول وقع على بياض.

· الغريب ان مجلس المريخ واعلامه بغير وعي بروج لذلك ..وبتكلم عن مواقف ايمن سعيد ليدخل ابناء النادي رمضان عجب وامير كمال في احراجات لا حدود لها.

· اعلام المريخ بظهر لاعبي المريخ السودانيين ناس بتاعين قروش ومادة ..وايمن سعيد الذي جاء من مصر ..اصبح عظيم الانتماء والحب للمريخ.

· وبوقع للنادي على بياض.

· دا كلام يا جماعة.

· احرجتوا اولادكم ساكت.

· ايمن سعيد عرف العقلية السودانية ..قال يستفيد من عنصر العاطفة – ويقول للمريخاب وقعت على بياض.

· يا ولد انت.

· الامر الغريب ان الفريق طارق انفعل مع موقف ايمن سعيد (الصوري) هذا.

· الفريق طارق قال (عاطفيا) انهم سوف يستفيدوا من (ايمن سعيد) بعد الاعتزال.

· زولكم طبعا في سن الاعتزال.

· لكن نحن دا ما كلامنا.

· عاوزين نعرف الفريق طارق ح يستفيد من ايمن سعيد شنو بعد الاعتزال.

· لاعب لعب ليه سنة في المريخ – قالوا ح نستفيد منو بعد الاعتزال.

· وفي المريخ عالم لا حصر له من اللاعبين الكبار الذين قدموا للمريخ الكثير واعتزلوا بعد عطاء عظيم.

· الفريق طارق لم يستفد من تلك الاسماء الكبيرة ..ولم يردوا لهم الجميل ...مع ذلك عاوزين يستفيدوا من ايمن سعيد.

· انت يا سعادتو ناويين تعملوا ليكم مطعم (كشري).

· ناويين تستثمروا في (الكشري).

· ايمن سعيد بعد الاعتزال ما عندو غير حلة كشري.

· ما بنفع في اكتر من كدا.

· جماعتكم ديل بعد (الجنسية) ممكن يعملوا ليهم (شارع) لايمن سعيد في ام درمان بعد الاعتزال.

· اعملوا ليه شارع.

· ودخلوا لينا عليكم الله في تاريخ سنة رابعة.

· ..............

· ملحوظة : ايمن سعيد لو قابلو ليكم وليد علاءالدين تاني بفرتكو ليكم.

هوامش

· اكتملت خطوات التعاقد مع وليد الشعلة.

· العملية تمت بنجاح تام.

· مطلوب من مجلس الهلال مراجعة موقف الاصابات مبكرا.

· اصابة محمد عبدالرحمن واصابة وليد الشعلة.

· لو خير الهلال بين سيدي بيه وكيبي ..افضل للهلال سيدي بيه.

· خاصة ان الهلال ينوي التعاقد مع عدد من المهاجمين.

· حاجة الهلال لسيدي بيه اكبر من حاجته لكيبي.

· سيدي بيه – ما فيه كلام.

· وان كان حظه اصبح ضعيف مع الكوكي.

· لكن يمكن مراجعة الكوكي في نظرته لسيدي بيه.

· اتمنى ان يصل عدد الاجانب في المريخ الى (13) لاعب.

· ان شاءالله يجنسوا كوفي واكرا.

· الكلام دا كلو في صالحنا.

· خلوهم يجنسوا.

· جنسوا ساكت.

· ما في زول بيسألكم.

· خبر امير كمال شنو؟.

· الزول دا سعرو وصل وين؟.

· عشان الكاردينال قال جيبوا لي رقم تلفونو.

· ولو الكاردينال جابو ليه رقم تلفون امير كمال ..يبقى اقنعوا من امير كمال.

· شوفوا ليكم خمسة مليار كدا لي امير.

· انتوا رمضان عجب اديتو اتنين ونص.

· خمسة ما كتيرة على امير.

· قروش نزار حامد حولوها لامير كمال.

· جميل في الهلال ان تم قيد نجم ام بدة والمنتخب الاولمبي محمود محمد محمود.

· اللاعب الوطني احسن.

· اللاعب الوطني اسلم.

· الاسماء المطروحة من المحترفين ..عاوزين احسن منها.

· ما في افضل من كدا.

· التسجيلات باقى ليها ستة يوم.

· ألحقوا السوق.

· واحسموا المواضيع من بدري.

· يا رمضان عجب ..حظك كعب ...ما عندك نصيب في (الجوهرة الزرقاء).

· لقوها ناس وليد الشعلة.

· .........

· عاجل : امير كمال بعد وليد الشعلة وقع في كشوفات الهلال ..قال ليهم إلّا خمسة مليار.

انقر هنا لقراءة الخبر من مصدره.