سودارس : كان احسن ليكم (الاعادة) من (الابادة) دي

إسحق أحمد فضل الله يكتب: (تعليل. ما يجري) الأهلي مدني يدشن مشواره الافريقي بمواجهة النجم الساحلي حمّور زيادة يكتب: السودان والجهود الدولية المتكرّرة إبراهيم شقلاوي يكتب: هندسة التعاون في النيل الشرقي حوار: النائبة العامة السودانية تكشف أسباب المطالبة بإنهاء تفويض بعثة تقصّي الحقائق الدولية الأهلي الفريع يكسب خدمات نجم الارسنال الطاهر ساتي يكتب: بنك العجائب ..!! «تزوجت شقيقها للحصول على الجنسية»..ترامب يهاجم إلهان عمر ويدعو إلى عزلها صحة الخرطوم تطمئن على صحة الفنان الكوميدي عبدالله عبدالسلام (فضيل) يرافقه وزير الصحة.. إبراهيم جابر يشهد احتفالات جامعة العلوم الصحية بعودة الدراسة واستقبال الطلاب الجدد بيان من وزارة الثقافة والإعلام والسياحة حول إيقاف "لينا يعقوب" مديرة مكتب قناتي "العربية" و"الحدث" في السودان حسين خوجلي يكتب: السفاح حميدتي يدشن رسالة الدكتوراة بمذبحة مسجد الفاشر وزير الزراعة والري في ختام زيارته للجزيرة: تعافي الجزيرة دحض لدعاوى المجاعة بالسودان بدء حملة إعادة تهيئة قصر الشباب والأطفال بأم درمان نوارة أبو محمد تقف على الأوضاع الأمنية بولاية سنار وتزور جامعة سنار لجنة أمن ولاية الخرطوم: ضبطيات تتعلق بالسرقات وتوقيف أعداد كبيرة من المتعاونين المريخ يواجه البوليس الرواندي وديا هجوم الدوحة والعقيدة الإسرائيلية الجديدة.. «رب ضارة نافعة» هل سيؤدي إغلاق المدارس إلى التخفيف من حدة الوباء؟! الخلافات تشتعل بين مدرب الهلال ومساعده عقب خسارة "سيكافا".. الروماني يتهم خالد بخيت بتسريب ما يجري في المعسكر للإعلام ويصرح: (إما أنا أو بخيت) شاهد بالصورة والفيديو.. بأزياء مثيرة.. تيكتوكر سودانية تخرج وترد على سخرية بعض الفتيات: (أنا ما بتاجر بأعضائي عشان أكل وأشرب وتستاهلن الشتات عبرة وعظة) تعاون مصري سوداني في مجال الكهرباء شاهد بالصورة والفيديو.. حصلت على أموال طائلة من النقطة.. الفنانة فهيمة عبد الله تغني و"صراف آلي" من المال تحتها على الأرض وساخرون: (مغارز لطليقها) شاهد بالفيديو.. شيخ الأمين: (في دعامي بدلعو؟ لهذا السبب استقبلت الدعامة.. أملك منزل في لندن ورغم ذلك فضلت البقاء في أصعب أوقات الحرب.. كنت تحت حراسة الاستخبارات وخرجت من السودان بطائرة عسكرية) ترامب : بوتين خذلني.. وسننهي حرب غزة أول دولة تهدد بالانسحاب من كأس العالم 2026 في حال مشاركة إسرائيل 900 دولار في الساعة... الوظيفة التي قلبت موازين الرواتب حول العالم! "نهاية مأساوية" لطفل خسر أموال والده في لعبة على الإنترنت شاهد بالصورة والفيديو.. خلال حفل خاص حضره جمهور غفير من الشباب.. فتاة سودانية تدخل في وصلة رقص مثيرة بمؤخرتها وتغمر الفنانة بأموال النقطة وساخرون: (شكلها مشت للدكتور المصري) محمد صلاح يكتب التاريخ ب"6 دقائق" ويسجل سابقة لفرق إنجلترا السعودية وباكستان توقعان اتفاقية دفاع مشترك المالية تؤكد دعم توطين العلاج داخل البلاد غادر المستشفى بعد أن تعافي رئيس الوزراء من وعكة صحية في الرياض دوري الأبطال.. مبابي يقود ريال مدريد لفوز صعب على مارسيليا شاهد بالفيديو.. نجم السوشيال ميديا ود القضارف يسخر من الشاب السوداني الذي زعم أنه المهدي المنتظر: (اسمك يدل على أنك بتاع مرور والمهدي ما نازح في مصر وما عامل "آي لاينر" زيك) الجزيرة: ضبط أدوية مهربة وغير مسجلة بالمناقل ماذا تريد حكومة الأمل من السعودية؟ الشرطة تضع حداً لعصابة النشل والخطف بصينية جسر الحلفايا إنت ليه بتشرب سجاير؟! والله يا عمو بدخن مجاملة لأصحابي ديل! في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه من هم قادة حماس الذين استهدفتهم إسرائيل في الدوحة؟ في عملية نوعية.. مقتل قائد الأمن العسكري و 6 ضباط آخرين وعشرات الجنود الخرطوم: سعر جنوني لجالون الوقود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى جنازة الخوف حكاية من جامع الحارة حسين خوجلي يكتب: حكاية من جامع الحارة تخصيص مستشفى الأطفال أمدرمان كمركز عزل لعلاج حمى الضنك مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كان احسن ليكم (الاعادة) من (الابادة) دي

قوون نشر في قوون يوم 15 - 08 - 2015

· بدل (اعادة) المباراة ...جماعتكم قالوا اجتمعوا وقرروا (اعادة) ترتيب الاوضاع في لجنة الاسئتنافات

. انتوا لجنة الاستئنافات قالوا ليها اعيدوا المباراة وإلّا قالوا ليهم اعيدوا (الهدف)

· مجلس المريخ الذي تشدد في رفضه لاعادة المباراة هو الذي منح الامل ذلك الدافع في مباراة عطبرة

نحن الآن بنتمنى ألا تعاد مباراة المريخ والامل حتى يبقى ذلك في سجل الكورة السودانية نقطة سوداء في تاريخ الاتحاد العام
////////////////////////////////

· كنت لغاية اول امس دي منتظر تنفيذ قرار لجنة الاستئنافات باعادة مباراة المريخ والامل ..المباراة التى كانت مبرمجة ضمن مباريات الاسبوع الثامن للممتاز.

· وصلنا الآن للاسبوع رقم (23) ..والاتحاد العام لم يصل بعد للقدرة التى تجعله ينفذ قرار لجنة الاستئنافات القانوني.

· رمضان جاء وفات.

· والعيد انتهى.

· وداخلين على عيد الضحية.

· العيد الكبير.

· بدل (اعادة) المباراة ...جماعتكم قالوا اجتمعوا وقرروا (اعادة) ترتيب الاوضاع في لجنة الاسئتنافات.

· عاوزين يشوفوا ليهم مخرج (ظريف) كدا من القرار الاول..رغم قناعتنا التامة ان الاتحاد العام الشايفنو دا ما محتاج ليه اي (ظرافة).

· الناس ديل شغالين شغل (قلع)...وما فارقة معاهم تموت المنافسة او تذهب العدالة في ستين داهية.

· المهم عندهم ما يعيدوا المباراة.

· لكن لعنة (الاعادة) يبدو انها اصابت المريخ.

· امس الاول قعدنا نتابع مباراة الامل والمريخ...شفنا الهدف الاول ..نفطنا عيونا من (النعس).

· وقلنا بيعادلوا.

· بيدوهم ضربة جزاء (مستعجلة) كدا.

· الهلال امام الامل كان في الشوط الاول مهزوم 0 / 1 ..ومن (رزاق) دا ذاتو عامل سنونو المتل الباب الما فيه باب.

· لكن الهلال في الشوط الثاني سجل ليه (كيبي) هدفين زي (ثنائي العاصمة) حاجة في منتهى الروعة.

· زي الغرفة القدامها (حديقة).

· رجعنا بالنقاط الثلاثة من عاصمة الحديد والنار...ما عشان نحن ناس خطرين ..رجعنا من عاصمة الحديد والنار بالنقاط الثلا عشان نحن ما في في رقبتنا (دين).

· ما عندنا (اعادة) مباراة على رقبتنا.

· قاعدين نفكر كدا ...ناس الامل جابوا الهدف التاني.

· اول حاجة افتكرنا الهدف (اعادة) من مخرج المباراة.

· امير كمال والريح علي نفس (الوقفة).

· علي جعفر (مشلق) برة.

· والمعز محجوب بطلع من المرمى.

· ورزاق بيجيب القون.

· قلنا القون دا (اعادة).

· ما في فرق.

· القون نفس القون.

· انتوا لجنة الاستئنافات قالوا ليها اعيدوا المباراة وإلّا قالوا ليهم اعيدوا (الهدف).

· امير كمال واقف نفس الوقفة.

· وعلي جعفر جاري في (الهدفين) متل الشريحة المقفولة.

· والمعز محجوب طالع من المرمي.

· ورزاق بيضع الكورة في القون.

· افتكرنا الهدف (معيود).

· ولا فرحنا.

· ولا اشتغلنا بالموضوع..لمن كتبوا لينا (النتيجة) فوق.

· العجيبة صرخة محمد فضل الله في الهدفين واحدة.

· نفس الصرخة.

· طيب نحن كهلالاب نعرف الهدف الاول من الهدف التاني كيف؟..ورزاق في الهدفيين خلى ليك المعز محجوب يقول يا ريتني لو مشيت واتسجلت في (النسور).

· كان احسن لي الرابطة كوستي.

· يا ريت لو مشيت هلال الفاشر.

· المعز محجوب لو كان عارف (رزاق) بالحالة دي ...كان عمل فيها عندو (برجم).

· لكن صاحبكم ما عارف اي حاجة – وما جايب اي خبر.

· في واحد من الجماعة الفوق قال لي هنالك فرق بين الهدف الاول والهدف التاني.

· قلت ليه الفرق شنو؟.

· قال لي الهدف الاول بالقدم ..والهدف التاني بالرأس.

· قلت ليه يا زول الموضوع دا ما تشتغل بيه كتير ..يمكن (الفرق) دا جاء من التصوير.

· ناس النيلين عندهم (فروقات) في الاشياء دي.

· كاميراتهم كعبة..والاعادة عندهم زي امتحان المعاينة.

· يعني ممكن عادي جدا ناس النيلين يجيبوا ليك ضربة جزاء جات قون في المرة الاولى – في الاعادة يجيبوها ليك في الكشافات.

· ممكن.

· ناس النيلين ديل مرة جابوا لينا اطهر الطاهر بيسخن عاوز يدخل...عارفين في الغيار جابوا لينا الطلع منو؟.

· جابوا لينا (مكسيم) طالع.

· ناس النيلين بعملوها.

· عشان كدا موضوع القدم والرأس دا ما تشتغل بيه كتير.

· بعدين في الحالتين المعز محجوب (ضائع).

· انا ما عارف المعز محجوب دا قاعد يتوقع كدا ليه.

· يقوم ويقع.

· نحن مع (الوقيع) الكتير دا نعرف الهدف الاول من التاني كيف؟.

· قالوا ليك علي جعفر الى ان انتهت المباراة ..فاكر (الهدف التاني) حركات ساكت من المعز محجوب.

· على العموم الآلية الهلالية نجحت في ان تجعل مباراة الامل والمريخ في هذا الشكل والامل يدخلها بهذا الحماس والقوة.

· لو ان مجلس المريخ وافق على اعادة مباراة الدورة الاولى كان يمكن ان يمتص ذلك الحماس الذي لعب به الامل في عطبرة.

· اعادة المباراة في الخرطوم لم تكن سوف تبدل نتيجة المباراة الاولى ان لم تزد غلة الاهداف لصالح المريخ.

· مجلس المريخ واعلامه والاتحاد العام ايضا وضعوا (الامل) في مباراة عطبرة امام خيار واحد لا ثاني له وهو الانتصار على المريخ.

· عشان كدا تصوروا بعد كدا ..بعد انتصار الامل في عطبرة على المريخ تعيدوها ما تعيدوها بي طريقتكم.

· مجلس الهلال عليه ان يبعد عن ذلك الامر ..القضية قضية الامل ..وهي لن تغيير في روليت الدوري كثيرا.

· انتصار المريخ على الامل لو اعيدت المباراة سوف يكون انتصار في متناول اليد.

· لذلك الهلال ما يزحم نفسو كثيرا بهذه الامور وصحيفة قوون تشير امس الى ان الهلال سوف يفاجيء الاتحاد برفضه اداء بقية مبارياته في الممتاز.

· خلاص يا جماعة ما اردناه من مباراة الامل ...حصلنا عليه وهو انتصار الامل على المريخ.

· لو ان المريخ لعب مباراة الاعادة في الخرطوم قبل مباراة عطبرة ..كان يمكن له ان يحقق انتصار على الامل في الخرطوم وعطبرة ايضا.

· دوافع الامل وحماسه كان سوف يضعف.

· لذلك نعتبر ان الذي هزم المريخ في عطبرة هو مجلس المريخ.

· مجلس المريخ الذي تشدد في رفضه لاعادة المباراة هو الذي منح الامل ذلك الدافع في مباراة عطبرة.

· لاعبو الامل دخلوا مباراة عطبرة وهم كالاسود ..وجماهيرهم كانت تضع امامها هدف واحد هو الانتصار على المريخ.

· اما مجلس ادارة نادي الامل فقد عرف ان الوسيلة الوحيدة لرد اعتباره ..هو ان ينتصر على المريخ.

· وقد كان انتصار الامل ليس انتصار على المريخ فقط – هو انتصار على الاتحاد العام ايضا.

· الذي يثبت ضعف مجلس المريخ ..وسوء تصريفه للامور ما خرج من تصريحات من جمال الوالي قبل وبعد المباراة.

· جمال الوالي في الاذاعة الرياضية قبل مباراة الامل تصريحاته كانت على ذلك النحو : (قال رئيس نادي المريخ جمال الوالي ان المريخ الان يمتلك فريق متميز ويضم عدد من النجوم الكبار علي غرار احمد الباشا وراجي عبدالعاطي ورمضان عجب وضفر وقال أيضاً يضم الفريق محترفين متميزين ساهموا في دعم مسيرة الفريق بشكل متميز).

· وجمال الوالي نفسه الذي تغزل في نجوم المريخ وفي غارزيتو عاد في صحيفة الزاوية بعد المباراة واخرج هذا التصريح : (قال رئيس نادي المريخ السيد جمال الوالي ان الدوري اولوية والتفريط فيه ممنوع لانه المسابقة التي تفرح الانصار وتؤهل المريخ للعب في البطولات الافريقية وقال ان مدرب المريخ دييغو غارزيتو ونجوم الفريق يتحملون مسئولين الخسارة من الامل عطبرة بتقصيره وعدم لعبهم بمسئولية كما حدث في المباريات السابقة).

· هذه التصريحات الفارق بينها زمنيا (48) ساعة فقط.

· انظروا كيف تبدلت قناعات جمال الوالي سريعا ...وهو يرفع من قدر نجوم المريخ ومدربه في التصريح الاول ثم يهبط بهم الى الدرك الاسفل في التصريح التاني.

· لو ان مجلس المريخ نفذ قرار لجنة الاستئنافات واعاد المباراة الاولى لما وصلت الامور لهذه (الابادة) في مباراة عطبرة.

· دي ابادة تامة.

· لو اعيدتوها كان كتلتو ليهم قلبهم..بدل من هذه العنتريات التى دفع ثمنها فريق المريخ.

· نحن الآن بنتمنى ألا تعاد مباراة المريخ والامل حتى يبقى ذلك في سجل الكورة السودانية نقطة سوداء في تاريخ الاتحاد العام.

· والاتحاد العام تاريخه كله اسود ..ما فارقة معاه هذه (النقطة).

· عليكم الله ما تعيدوها ..عشان لجنة الاستئنافات ذاتها تلقى ليها موضوع.

· خلوهم ينشغلوا في نفسهم من الهلال.

· ...............

· ملحوظة : ونحن اي حاجة عندنا بي نظام ..يغشوكم كدا.

هوامش

· غارزيتو عرف ليك نقطة ضعف الجماعة بقى بعد كل هزيمة يوعدهم ليك بالبطولة.

· بطولة تجيبوها بي منو؟.

· بي بكري المدينة.

· بي ضفر.

· الغريبة غارزيتو فرحان بي (ضفر).

· الزول دا كان بيقرأ بالفانوس وإلّا شنو؟.

· نحن عاوزين المريخ يكون عايش في هذه (الكضبة).

· خلوهم كدا – اصلو ما تسألوهم.

· ما تقولوا ليهم اي حاجة.

· المشكلة نحن يدنا بتاكلنا.

· ما بنقدر نسكت.

· .............

· عاجل : لو عارفين المعز محجوب بيعمل كدا كنا شطبناه من سنة 2004م.

انقر هنا لقراءة الخبر من مصدره.