سودارس : بكري المدينة قلنا بضيّع (الفرصة) المضمونة طلع بضيّع (المباراة) كلها

البرهان ل"سلطان عٌمان" : موقف السودان ثابت تغطي 70٪ من إحتياجات المستشفى .. والي الخرطوم يدشن منظومة الطاقة الشمسية الجديدة لمستشفى أمبدة النموذجي بالصورة.. نيابة أمن الدولة بالسودان تصدر أمراََ بالقبض على المحامية رحاب مبارك والعقوبة قد تصل إلى الإعدام محافظ مشروع الجزيره :المليشيا نهبت ودمرت أصول المشروع بطريقة ممنهجة والخسائر بلغت 6 مليار دولار الهلال «مدرسة» قبل أن يكون «نادياً رياضياً» شاهد بالصورة والفيديو.. شاب سوداني يتزوج "عروستين" في ليلة زفاف واحدة على أنغام المطربة هدى عربي.. تعرف على التفاصيل كاملة!! شاهد بالصورة والفيديو.. طفل سوداني يحصل على "نقطة" بالعملة الصعبة "اليورو" في حفل "ختان" أسطوري شاهد بالفيديو.. بعد انتشار الظاهرة مؤخراً.. 3 أسباب تدفع الرجال السودانيين للزواج من فتيات "فلبينيات" بدول الخليج اهمها "المساج"!! نادي إشراقة القضارف يكمل إتفاقه مع مدرب المنتخب الأولمبي الشعب السوداني وحده صاحب القرار النهائي في تحديد وجهة حاضره ومستقبله المريخ يعود للتدريبات بعد راحة سلبية إحباط محاولة تهريب في السودان الجباراب والموسياب حبايب في ديربي الأشقاء مسؤول سوداني يطلق التحذير الكبير ترامب: استخراج اليورانيوم المخصّب من المنشآت النووية الإيرانية ستكون عملية صعبة شاهد بالفيديو.. الفنان شكر الله عز الدين يعبر عن خيبة أمله من زملائه بعد تعافيه من الجراحة: (لو لقيت معاملتي معاك اتغيرت أعرف إنك ما بقيت زولي) بريمونتادا جديدة.. أهلي جدة يتأهل لنهائي نخبة آسيا البرهان يؤكد استعداد السودان لتقديم كافة أوجه الدعم للأشقاء في السعودية منة شلبي تودع والدها في حالة صدمة ودموع خلال تشييع جنازته الحزن يخيم على مواقع التواصل السودانية بعد وفاة الكوميديان "المحبوب" مختار بخيت "الدعيتر" بالمملكة العربية السعودية إدخال البصات السفرية لحظيرة الميناء البري بالخرطوم وسحب 950 سيارة مدمرة حول السوق المركزي شاهد بالفيديو.. رداً على تصريحات أحمد موسى.. المستشار مرتضى منصور: (السودانيين فوق دماغنا) رسميا: تحديد موعد كلاسيكو الليجا ارتفاع في وارد محصول الذرة وانخفاض في الأسعار بالقضارف الصادق الرزيقي يكتب: لماذا إستقبل البرهان النور قبة و رفاقه..؟ وزارة العدل الأميركية ترفض التعاون مع تحقيق فرنسي بشأن منصة إكس ميتا تعتزم تسريح الآلاف من موظفيها بعد التوسع في تقنيات الذكاء الاصطناعي الأهلي يحسم مستقبل محمد شكري مع اقتراب نهاية الموسم.. اعرف التفاصيل براعم سيتي كلوب يتألقون فى الكيك بوكسنج ويحصدون 18 ذهبية فى الجمباز هاتف أيفون القابل للطى من آبل يواجه مشكلة كبيرة.. ما هى؟ إيه حكاية تريند الزغروطة؟.. سخرية مغنية أمريكية تتحول لموجة اعتزاز بالهوية ضربة شمس أم جفاف.. الفرق بينهما وأعراض لا تتجاهلها الدعيتر.. كان اللغة الثانية في البلاد مصر.. قرار بشأن المنتقبات بعد تدخل شيخ الأزهر في عملية اختطاف هزت البلاد 6 مشروبات طبيعية لتعزيز حرق الدهون بطريقة صحية.. متوفرة فى بيتك عثمان ميرغني يكتب: الصورة مقلوبة عاجل..إيران: فتح كامل لمضيق هرمز السودان.. انخفاض معدل التضخم بينها الجبن.. 4 أطعمة يمكنها تبييض أسنانك بشكل طبيعى موجة مرعبة.. حمى الضنك تتفشى في ولاية نهر النيل بالسودان مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة السودان.. تفاصيل صادمة لاغتيال مواطن بدمٍ باردٍ إيران تهدد: موانئ الخليج لن تكون في مأمن إذا حوصرت موانئنا الإمارات والبحرين توقعان اتفاقا لمقايضة الدرهم والدينار شرطة ولاية نهر النيل تضبط (53) جوالًا من النحاس المخبأ تحت شحنة فحم بمدينة شندي وتوقيف متهمين ضبط شبكة تزوير مُستندات مركبات في الخرطوم إيران تؤكد.. سنسيطر على مضيق هرمز بذكاء وسندعم "محور المقاومة" السودان.. القبض على 4 ضباط ترامب عن إيران: ستموت حضارة بأكملها الليلة ولن تعود أبداً قضية أثارت جدلاً.. براءة عصام صاصا من تهمة المشاجرة بملهى ليلي عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد الشيخ بن زومة.. إلى جنة الخلد في زمن الضجيج.. القرآن بوصلة المعنى والسكينة صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بكري المدينة قلنا بضيّع (الفرصة) المضمونة طلع بضيّع (المباراة) كلها

كورة سودانية نشر في كورة سودانية يوم 22 - 04 - 2015

محمد عبد الماجد
دق الدلجة
بكري المدينة قلنا بضيّع (الفرصة) المضمونة طلع بضيّع (المباراة) كلها
لو عاوزنها (بالواتسي) بتاعنا دا ..(المريخ اخر ظهور ليه في دوري ابطال
افريقيا يوم 3 مايو).
ناس سلك يوم 4 مايو ..بكونوا حايمين في شارع المطار.
ما عارفين يدخلوا الخرطوم من وين؟.
الدرب بكون رايح عليهم.
اخر ظهور ليكم ح يكون في (رادس).
كمان (رادس) فيها جنس (برد) الايامات دي زي الحمام.
جمهور الترجي قال ليهم دا (حمام) يغلبكم.
قالوا ليهم والله الحمام مع الحكام بيقى زي (النسور).
خلاص ح يودعوا الابطال.
دقيقة تاني ما بنديكم ليها في البطولة الكبري.
بالعربي بتاع (سوق القش)..الشافكم في (الكونفدرالية) ما كضب.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس الكونفدرالية باقى ليكم منها (11) يوم.
عشان ما تعملوا لينا فيها رايحين.
وتمشوا الدكان.
وتقعدوا تحولوا لينا في (الرصيد).
مرة في واحد رسل ليه رصيد بي (20) جنيه لي زول مفلس شديد.
الزول المفلس شديد ..ضرب للزول الرسل ليه الرصيد ..قال ليه يا زول
رصديك دا (خنقني).
معقولة ترسل لي رصيد ب (20) جنيه مرة واحدة.
انت جنيت.
انت زول ما نصيح.
ما عارف رصيدك البترسلو لينا دا يمكن يكتل ليه زول.
كان ترسلو لي خمسة – خمسة.
رصيدك بيخنق.
بيخنق عديل كدا.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (الخليفة ود تور الكر) ..جابوا ليه ولد قال بسمي ليه بعد مباراة الترجي.
عشان زولكم متلخبط في الاسم بين الدارجي ويانغ.
نحن دائما بنقول الهلال فيه (بركة).
جات كدا.
طلعت كدا.
وحاجاتو ظابطة الحمدلله.
لدرجة ان المريخاب بقوا يقولوا ليك الهلال طريقو مفروش بالورود نحو
مرحلة المجموعات في دوري ابطال الاندية الافريقية.
طريقك دايما فارشو ورد ..طريقي دائما فارشو شوك.
ناس يلاقوا (الترجي).
وناس يغلبوا برة.
والله انتوا عشان (كعوبيتكم) دي ..القرعة وضعت ليكم (الترجي) في طريقكم.
وش.
عشان الفصاحة والغتاتة البتعملوا فيها دي.
جاكم الترجي.
عشان (مستلزمات الاطفال) دي.
شابكننا جمال سالم ..جمال سالم ..جمال سالم ..تقول حرر ام درمان.
قمنا جبنا لينا حارس ما شاءالله عليه.
مكسيم لو شاتوا عليه (90) كورة في وقت واحد ..بمسك التسعين كورة في نفس الوقت.
جمال سالم – طوالي قام مسخ عليهم.
جمال سالم بقى زي بهاءالدين.
يمسكها ويفكها.
ناس سانغا قالوا لينا جبتوا لينا حارس ..لو حرس المطار (شنطة) ما بتمر منها.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (عباس ود توم الكرب) طقاهو (السكري) خلاهو ليك متل الف واو الجماعة
– واقف مشنط.
شوفوا بركات الهلال.
شوفوا الفهم.
ترواري ..كان قاعد زي (الطلقة).
بياكل في التسالي.
وبحل في الكلمات المتقاطعة.
وبتابع في المسلسلات التركية.
تراوري اتجنن عليهم.
قال ليهم انا ما بلعب.
قال ليهم (ابوي) عيان.
وعاوز قروشو.
تراوري بقى ماسك ليه خانة ساكت.
بقى قاعد ليهم (مغصة).
تراوري دا نحن وديناهو (لوزان)؟.
في زول هبشو.
مالو بقى كيسو فاضي كدا.
تراوري خلوه.
انتوا شفتوا بكري المدينة الفرحانين بيه دا.
بكري المدينة ..اول ما مشى المريخ ..ورقو مشى لوزان.
لاعب ورقو في لوزان ..تتخيلوا احساسو بكون كيف؟.
لعنة الهلال اصابت ليك بكري المدينة ..قام ضرب الحكم.
بدون سبب كدا ..ضرب ليكم الحكم بونية ..وسمعو ليك كلام فارغ ما في داعي ليه.
زولكم موتر.
زولكم تعبان.
ورقو في لوزان.
الاتحاد العام بدل ما يوقف بكري المدينة على الاقل سنة ..وقفوه (4) مباريات.
مامون ابوشيبة كل يوم بقى يكتب عن (الاسترحام).
كل يوم بطالب بتخفيف العقوبة على بكري المدينة.
يا ابوشيبة يخففوها اكتر من كدا كيف؟.
اكتر من كدا ..إلّا الاتحاد العام يطلع ليه قرار يلغي بيه (الكروت)
التى نالها ضفر.
عشان الاتحاد العام جامل ليك المريخ ..لمن بالغ.
زول ضارب ليه حكم بونية.
ومسمعو مية كلمة فارغة.
يوقفوه (4) مباريات فقط.
المهم ..عشان (اللعنة) تتواصل ..ناس المريخ خاطبو الاتحاد.
اسامة عطا المنان (وكيل بكري المدينة في المحكمة الرياضية) قام رفع الايقاف.
عشان شنو؟.
عشان بكري المدينة يلعب امام الامل عطبرة.
طيب انت يا اسامة عطا المنان ..ما قلت انا بكري المدينة دا ما وكيلو.
ما نكرت الموضوع دا.
البخليك ترفع عنو العقوبة شنو؟.
وكمان بيقلد توقيع مجدي شمس الدين.
الاستئنافات قالت الكلام البعمل فيه اسامة عطا المنان دا غلط.
زول ضرب الحكم وجاء ذلك تقرير حكم المباراة ..الاسبوع الاول بقيف تلقائيا.
ناس المريخ ما بعرفو القانون.
اسامة عطا المنان كمان ما بعرف القانون برضو؟.
هسع عمليتك دي يا اسامة عطا المنان ..هندي سايق ليه (امجاد) في بمومباي بعملها.
حالتك دي امين خزينة الاتحاد العام.
وكمان مترشح للبرلمان السوداني.
في زول بعمل عمليتك دي.
هسع لخبطت لينا الدوري السوداني كلو.
ساط لينا البلد.
مفروض اسامة عطا المنان دا يعاقبوه مع بكري المدينة.
عمليتك دي ..بكري المدينة ما بعملها.
هسع الفرق شنو بين بكري المدينة الضرب الحكم ..واسامة عطا المنان الرفع الايقاف.
المهم يا جماعة – عشان ما اطول عليكم.
لجنة الاستئنافات قررت اعادة مباراة المريخ والامل عطبرة.
قالوا يعيدوه تاني.
قلنا ليهم بكري المدينة دا عرفنها قاعد يضيّع الكورة قدام القون.
بصل المرمي وبضيّع الفرصة المضمونة.
وبضيّع ضربة الجزاء ..(مباراة مريخ الفاشر).
كمان حصلت يا بكري المدينة تضيّع (المباراة) كلها.
بمباراة (90) دقيقة ..انتصر فيها المريخ بهدفين دون رد ..ضاعت ساكت.
يعني الهدف الذي سجله بكري المدينة في تلك المباراة برضو هدف ضايع ساكت.
في (لعنة) اكتر.
بكري المدينة هدفه الوحيد في الدوري الممتاز في شباك الامل عطبرة
..اعتبر هدف (ضايع).
لم يحسبوه له.
في نحس اكتر من كدا.
شبكتونا بكري المدينة ..بكري المدينة.
بكري المدينة بقي يعيد ليكم في المباريات.
انتوا ناقصين (اعادة).
قلنا ليكم.
شرحناها ليكم قبل كدا.
قلنا ليكم لعنة الهلال كعبة.
والموضوع البمسكو اعلام الهلال ما بمشي لي قدام.
احسن تبعدوا من طريق الهلال.
شوفوا ناس (شيبون) وين؟.
شوفوا ليكم شغلة غير الهلال.
لو باريتو الهلال دا ..ح تنظموا سيكافا (7) مرات في السنة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس بكري المدينة دا تاني (عجلة) ما مفروض يركبها.
و
يصل المرمي ويضعها برة الشبكة.
بقى يكمل المباراة وينتصر فيها المريخ ..ويعيدوا المباراة.
الزول دا الاعادة بتجيب ليه نفسيات.
كمان جايكم مباراة الترجي.
عشان تعرفوا (الجري) ما حل.
مجلس المريخ هو ذاتو بقى يجري.
مجلس المريخ استقال.
التحية لادارة الامل عطبرة التى عرفت ان تحافظ على حقوق ناديها ..وهي
قد حققت انتصار قانوني كبير.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس يا بكري لوزان تعمل فيك اكتر من كدا شنو؟.
……….
السيدة (ل)..تفتكري ازمة الغاز بتحلها (الكلمات المتقاطعة)؟.
وقرّض على كدا.

انقر هنا لقراءة الخبر من مصدره.