سودارس : يعملها (رزاق) يشتكوا (عمر عثمان).. طيب (عمر) ذنبو شنو؟

كلمات مؤثرة في الوداع... كجاب يترجل عن الخدمة برسالة إيمانية السودان ومصر يوقعان بروتوكول مشترك لمكافحة بعوضة الجامبيا حاكم النيل الازرق يصدر قرارا بتعديل ساعات حظر التجوال واستعمال المواتر الله يستر.. الناس دي ح تبدأ تدور..!! شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم عثمان ميرغني يكتب: حرب السودان ومخطط شد الأطراف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل محاولة قصقصة (أجنحة) الهلال بعثة المنتخب تصل بورتسودان وسط إهتمام كبير 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي كواليس صادمة... كيف تعطلت صفقة تسليح الجيش السوداني في اللحظات الأخيرة؟ الباشا طبيق : السيطرة على الكرمك تعيد تشكيل الخريطة العسكرية في السودان بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب 11 دقيقة إضافية من النوم ليلا تساعد فى الوقاية من النوبات القلبية يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

يعملها (رزاق) يشتكوا (عمر عثمان).. طيب (عمر) ذنبو شنو؟

قوون نشر في قوون يوم 17 - 08 - 2015

وقت بتعرفوا ان اللاعب الذي يعتدي على الحكم بالبونية يوقف لمدة سنة بتشركوا بكري المدينة امام الامل ليه؟

القانون الذي رفض المريخ ان يطبقه مع بكري المدينة يريد ان يطبق (خرمجة) كدا على لاعب الامل عمر عثمان

ناس عبدالقادر همد ديل ..بقوموا من نومهم بشوفوا المريخ شايت وين؟..يقوموا يشوتوا معاه

افرض (عمر عثمان) اعتدى على حكم وضربه (بونية) ..انتوا يا ناس المريخ بعد (بونية) بكري عندكم نفس تتكلموا في الموضوع

· افتكرت ناس المريخ ما عندهم (جرأة) يجيبوا سيرة (البونية).

· لا في صاح ولا في غلط.

· اخر ناس يتكلموا في الحتة دي.

· كنت بظن ان المريخاب عندهم عقدة من حكاية (البونية) دي – باعتبار ان بكري المدينة اعتدى على حكم مباراة المريخ مع الاهلي شندي بي (البونية).

· بكري المدينة الذي جاء في تقرير حكم المباراة الاعتداء الذي وقع منه لفظيا وبدنيا شارك في مباراة المريخ امام الامل بعد الاعتداء مباشرة وهو موقوف من اللجنة المنظمة للممتاز.

· ولا عاوزين ينفذوا قرار لجنة الاسئتنافات.

· لجنة الاستئنافات طلعت (ابتسم الصورة تطلع احلى).

· تتخيلوا بعد (الفضائح) دي وايقاف بكري المدينة ل (6) مباريات فقط ومشاركته في المباراة التالية ورفض المريخ من بعد ذلك اعادة مباراة الفريق امام الامل...المريخ بعد هذه (الفضائح) قدم شكوى في الامل.

· على شنو؟.

· وليه؟

· الامل تاني.

· انتوا ما قاعدين تتوبوا.

· وفي (بونية) كمان.

· شوفوا (الفضيحة)...المريخ قال ان لاعب الامل يفترض ان يتوقف عن اللعب عقابا لمدة سنة.

· طيب يا جماعة (بكري المدينة) دا بشارك امام الامل بعد الايقاف ل (6) مباريات فقط باسم (منظمة خيرية).

· القانون الذي رفض المريخ ان يطبقه مع بكري المدينة يريد ان يطبق (خرمجة) كدا على لاعب الامل عمر عثمان.

· يا ربي ناس الامل ديل بيبيعوا (ليمون).

· الناس ديل فاكرين البلد دي بقت (ملجة).

· انتوا وقت بتعرفوا (قانون) قدر دا بتغالطوا مالكم ؟.

· بتعملوا كدا ليه؟.

· وقت بتعرفوا ان اللاعب الذي يعتدي على الحكم بالبونية يوقف لمدة سنة بتشركوا بكري المدينة امام الامل ليه؟..وبطلع مجلس المريخ يصرح بعد بونية بكري المدينة وبيتحدي باشراك بكري المدينة امام الامل.

· انتوا قايلين الامل دا ..فريق من (الهند).

· فاكرين (عطبرة) دي بتقع في كوكب المريخ.

· شوفوا المواقع تداولت امس خبر (الصدى) كيف...اقرأوا الخبر وقارنوا بين الشكوى واعتداء بكري المدينة على حكم مباراة فريقه امام الاهلي شندي.

· واعلموا ان الله يمهمل ولا يهمل.

· الجماعة بقت عليهم.

· اعترفوا بالقانون وبقوا يطالبوا بالايقاف سنة.

· كأنو بكري المدينة دا (طبيب الفريق).

· يضرب..يقلع ..ما في زول يسألو.

· شوفوا المواقع:

· (ينوي نادي المريخ وصيف بطولة الدوري الممتاز الموسم السابق تقديم شكوى في لاعب فريق الأمل العطبراوي عمر عثمان بسبب مشاركته في مباراة الفريقين في بطولة الدوري الممتاز والتي كسبها فهود الشمال بهدفين دون رد.. وبحسب ما نشرت صحيفة الصدى الرياضية السودانية فإن نادي المريح قد تحصل على معلومات مؤكدة بإشراك الأمل للاعب عمر عثمان صاحب القميص رقم (6) برغم أن اللاعب صدرت بحقه عقوبة من اللجنة الإدارية بالقضارف بالإيقاف لعام ، وسيدفع المريخ بشكواه صباح اليوم نظرآ لاحتساب يومي العطلة (الخميس والجمعة) في المدى الزمني المحدد لتقديم الشكاوي ؛ واستند المريخ في الشكوى التي سيدفع بها إلي ان لاعب الأمل غير مؤهل قانونيا للمشاركة في مباراة فريقه أمام المريخ لأنه معاقب بمادة وجوبية (89) نظرا لاعتدائه علي الحكم بالبونية حيث عاقبته بالإيقاف لمدة عام ، بعد أن بدر منه في مباراة الموردة و أهلي القضارف ؛ وتنص المادة ( 89) علي أن أي لاعب يعتدي على الحكم يعاقب بالإيقاف لمدة لا تقل عام. وبعد أن أستوثق مجلس المريخ من صحة المعلومات وتأكد من أن هذه الشكوى القوية ستعيد له نقاط عطبرة قرر بأن يدفع بشكواه إلي إتحاد الكرة).

· هذا خبر (الصدي) امس الاول والذي تداولته المواقع ..وهو خبر لا يخرج من طور (النوايا) – او هو محاولة لتخفيف الضرر الذي خلقه (رزاق) ومحاولة (اعلامية) فقط لرفع معنويات لاعبي المريخ ولعودة جماهير الفريق لمتابعة مباراة المريخ امس امام الخرطوم الوطني.

· يعني (مسرحية).
· او ذوبعة من اجل العودة.

· وربما هي محاولة من اجل خلق (موازنة) ...تجعل (اعادة) مباراة المريخ امام الامل في خبر كان.

· الطريف في الامر تصريحات همد التى لا تخرج من طور (اللعب على العيال) او (اللعب على الدقون)...او هي لا تخرج من سذاجة الكاميرا الخفية ومقالبها وهو يقول حسب المواقع : (قال عبد القادر همد مساعد رئيس نادي المريخ أن الأحمر استوثق تماماً من صحة المعلومات التي يستند عليها في شكواه ضد مشاركة لاعب الأمل عمر عثمان في مباراة المريخ برغم أنه كان مُعاقباً من اللجنة الإدارية بالقضارف بالإيقاف لمدة عام وشارك قبل أن يستوف فترة العقوبة وراهن همد على أن الشكوى الحمراء قوية ومستندة على القانون وبالتالي ستعيد للمريخ نقاط مباراة الأمل مبيناً أن الأحمر سيقدم شكواه اليوم في الموعد المحدد نظراً للعطلة التي لا تحتسب في تقديم الشكوى يومي الجمعة والسبت).

· شكوى شنو؟.

· الزول دا ركب من وين؟.

· هو اصلا ما في كلام زي – ولا في شكوى اتقدمت.

· الزول دا ركب غلط.

· زولكم دا ما عارف اي شيء.

· قرأ الخبر في الجريدة – قال يلحقوا ويعلق عليه؟.

· في ناس مهمتهم في الدنيا دي يعلقوا على الاخبار.

· ما عندهم اكتر من كدا.

· ناس همد ديل ..بقوموا من نومهم بشوفوا المريخ شايت وين؟..يقوموا يشوتوا معاه.

· لا بهمهم قانون.

· ولا روح رياضية.

· ما بتهمهم حاجة غير (فرقعاتهم) دي.

· يا زول قول باسم الله ..انت ما عارف اي حاجة.

· ولو عارف حاجة ..انت ما فاهم شيء.

· انت يا همد وقت ما بتعرف قوانين ..(اذاعات) ساكت ما قاعد تتابعها.

· لو تابعت اذاعة هلا واذاعة هوى السودان ..ما بتقول كلامك دا.

· شغّل الاذاعة بدل ما تقعد كدا.

· رئيس نادي الامل جمال حسن سعيد كان قد سخر في اذاعة هلا في برنامج (زمن اضافي) مع حسن فاروق من الشكوى ..وقال ان اللاعب لم يعتد على الحكم.

· اللاعب نال الكرت الاحمر مع فريقه في القضارف وتوقف مباراة مع فريقه ثم توقف مبارتين مع الامل عطبرة.

· الجماعة يعملها فيهم (رزاق) يمشوا يشتكوا (عمر عثمان).

· عمر عثمان ذنبو شنو؟.

· الهضربة ظهرت.

· اللخبطة وضحت.

· بعدين قول كدا ..وافرض عمر عثمان دا اعتدى ليه على حكم وضربه بونية ..انتوا يا ناس المريخ بعد بونية بكري عندكم نفس تتكلموا في الموضوع دا.

· الموضوع دا بالذات انتوا مفروض ما تتكلموا عنو.

· يتكلموا ناس الموردة.

· ناس الجريف.

· ناس النسور.

· اي زول يتكلم في موضوع (البونيات) دي ...إلّا ناس المريخ.

· انتوا تسكتوا ساي.

· ما تقولوا اي كلمة.

· عشان الملفات دي لو اتفتحت عليكم ..كعبة معاكم.

· قال عمر عثمان قال.

· عينكم في (رزاق)..بدل القون جابهم قونين ..تشتكوا (عمر عثمان).

· وقت ناس معز وعلي جعفر والريح علي وامير كمال ما قدروا على (رزاق) قالوا يتشطروا بي ناس اسامة عطا المنان ومجدي شمس الدين.

· عليكم الله لو اشتكيتوا ما تدفعوا (الرسوم).

· الرسوم بدفعها ليكم صلاح ادريس – اصلو الايامات دي صلاح ادريس (معجب) شديد بالمريخ.

· يشيل ويكسر في التلج.

· وطول ما صلاح بدفع راتب سيلا وحوافزه ..خلوه يدفع ليكم رسوم الشكوى.

· اصلها (شكوى) مجلية زي (سيلا).

· ...............

· ملحوظة : الزول وقت يكون ما بعرف قوانين بكون متعب خلاص.

هوامش

· طبعا في ضربة جزاء للمريخ.

· ومن الدقيقة التامنة.

· انت يا معتز عبدالباسط مستعجل مالك.

· خليها تتقدم شوية.

· يوم الجمعة بجيكم رضا مصطفى الشيخ عشان يفرز المسابقة.

· وعشان سيحة يقول ليك ضربة الجزاء صحيحة.

· عليك الله يا رضا عشان الشغل ما يكتر على ناس المريخ اعملوا ليكم (عالم رياضة) بكرة.

· ما تنتظروا الجمعة.

· الجمعة دي يوم مبارك ..(الكضب) والمجاملات ما بنفع فيها.

· ...........

· عاجل : لو عمر عثمان ضرب ليه حكم بونية قبل سنة...عاوزين تعملوا ليه شنو ياا سامة عطا المنان وبكري قبل شهرين ضارب ليه حكم بونية وبلعب زي الما حصل حاجة.

انقر هنا لقراءة الخبر من مصدره.