بعثة المنتخب تصل بورتسودان وسط إهتمام كبير    منتخبنا يتدرب صباح الخميس بإستاد بورتسودان    قائمة صقور الجديان لوديتي السعودية    تعديل وزاري مرتقب في السودان يشمل ست حقائب وزارية    11 دقيقة إضافية من النوم ليلا تساعد فى الوقاية من النوبات القلبية    13 حزمة لغوية جديدة لترجمة محادثات "واتساب"    سناب شات" يحوّل الصور إلى فيديو بالذكاء الاصطناعي    كواليس صادمة... كيف تعطلت صفقة تسليح الجيش السوداني في اللحظات الأخيرة؟    بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ)    الباشا طبيق : السيطرة على الكرمك تعيد تشكيل الخريطة العسكرية في السودان    هل يكون محمد صلاح الصفقة الكبرى القادمة بالدوري الأمريكي بعد جريزمان؟    جلسة مع محمد صبحى في الزمالك.. اعرف السبب    استمرار محاولات الأهلي لإنهاء أزمة الشرط الجزائي مع توروب    يارا السكري تكشف لليوم السابع تفاصيل دورها فى فيلم صقر وكناريا    شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا)    باسم سمرة: الناس بقت تناديلى ب«زكى».. ونجاح عين سحرية توفيق من ربنا    ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون    نصائح لوقاية مرضى حساسية الصدر من التقلبات الجوية والرياح    مشروبات تساعد على حرق الدهون بعد كحك العيد    اكتشاف مرض وراثي جديد يسبب الشيخوخة المبكرة والقصور الإدراكى    شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار    بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة    شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة"    الهلال يواجه ضغط المباريات في رواندا    جبريل يلتقي المبعوث الشخصي للأمين العام للأمم المتحدة إلى السودان    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    كيف تفاعل النجوم مع خبر رحيل صلاح عن ليفربول؟    ضبط 2800 قندول بنقو بالجزيرة في عملية نوعية لمكافحة التهريب    تعطيل الدراسة في الخرطوم    "تمبور" يكشف عن توجيهات صادرة جديدة    ترامب يصدر أوامره ويكشف تطورات مثيرة مع إيران    طهران ترد على تهديدات ترمب    هل مخالفة ترامب خلل في الكون؟!    هل تستطيع أمريكا احتلال جزيرة خارك الإيرانية؟    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    شركة كهرباء السودان تحديث حول سير أعمال الصيانة الطارئة للشبكة القومية    توقّعات بارتفاع غير مسبوق في أسعار النفط    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    أغلى علبة كعك في مصر تشعل مواقع التواصل    قيم الهلال المتوارثة يجب أن تبقى أبد الدهر    بنك السودان المركزي يصدر توجيهًا للمصارف    إبراهيم شقلاوي يكتب: الزراعة ما بعد اقتصاد الحرب    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    ملتقي التحصين للعام 2025 ينعقد بحضور التحالف العالمي للقاحات والشركاء    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



تتأهلوا بي (7) نقاط ..تمّوا النزول أول حاجة بعدين إتكلموا عن الهلال
قوون نشر في قوون يوم 24 - 08 - 2015

• (مكسيم) دا حارس (بطولة)..البطولة ظاهرة في عيونه ..ولا في اتنين بتغالطوا في الكلام دا
""""""""""""""""""""""""""""""""""
• بنعرف الحمام بالرز ..بنعرف الحمام بالمحشي ..الحمام شوربة ..لكن حمام بي ضربات الجزاء ..دا ما سمعنا بيه إلّا عندكم
"""""""""""""""""""""""""""""""""
• عشان تبقوا عارفين ..في مباراة اتحاد العاصمة لو الحكم حسب ليكم (21) ضربة جزاء لن تصرف لكم غير (الوصافة)
"""""""""""""""""""""""""""""""""""
• ما تقعدوا تشبحوا لي عيونكم زي يوم السبت العصر...لو عارفين الراجيكم ..كان قلتوا يا ريت لو كان اكلنا الطير
"""""""""""""""""""""""""""""""""""""
• البطيخ من الفواكه ..لكن بعد مباراة امس ممكن نعملو ليكم من (اللحوم).
• على كيفنا.
• وندخل ونطلع ..ما في زول بقدر يقول لينا حاجة.
• الحمام من الطيور ..لكن بعد قون اطهر الطاهر ...ممكن نعملو ليكم من (الجمادات).
• كديابا ...تاني إلّا ترقص في زواج اخوك.
• خلاص ..الحركات الكنت بتعملها زمان في استاد الهلال ..إلّا تعملها في استاد المريخ.
• او عرس اخوك.
• لو عارفين المنتظركم..ما بتفرحوا.
• ولا بتكتبوا ليكم سطر.
• العطش كان كتلكم.
• الهم ساكت كان نشف ريقكم ..ومسخ عليكم (الاكل).
• الواحد فيكم كان ينط من (نومو)..بدون ما يشعر يكورك (اطهر).
• اطهر ...زول عمرو (18) سنة بس ..ما زي بكري المدينة ..محلل بي ان سبورت مفتكرو (مساعد المدرب).
• المعلق المباراة كلها بقول في (مساعد المدرب دا الدخلو الملعب شنو؟).
• ابقوا فاهمين ..وابقوا عارفين ..خلوه (البطيخ) هسع ..دا ما وقتوا.
• ما دخلوا لي حاجات من رأسكم في العمود دا.
• انا لغاية الآن ما جبت سيرة البطيخ في العمود.
• البطيخة التى ظهرت في بداية العمود ..دي فلتت من (التلاجة) بدون ما اشعر.
• قون اطهر بخلي ليك (البطيخة) تنور وتطفي براها.
• الهلال يبحث عن الصدارة.
• والصدارة مع الوصافة حقتكم دي ..خمسة ما بتحلكم مننا.
• محمد عبدالرحمن راجع.
• جوليام راجع.
• بويا رجع.
• اندرزينهو فتح.
• نيلسون ...بقى مية المية.
• القادم في الهلال احلى ..واروع ..واجمل..عشان كدا لو لقيتوا ليكم (ثغرة) في تأهلكم ..اطعنوا فيه.
• اشتكوا نفسكم.
• احسن ليكم تتخارجوا من (المجموعات).
• اطعنوا في تأهلكم ..قولوا (ضربات الجزاء) التى منحوها لنا كتيرة.
• (6) ضربات جزاء في البطولة الافريقية ..انتوا بتقرأوا (طب).
• ضربات الجزاء دي لو بتزرعوها زراعة ..مفروض ما يدوكم ليها بالكم دا.
• فتحوا عينيكم ...نصف النهائي ما فيه اي منحة ضربات جزاء.
• لا ضربة جزاء ..ولا عجور.
• لامبيتي دا تاني في كأس البلدية ..ما بتشوفوه.
• خلاص اصحوا.
• الهلال بطل.
• شخصية البطل ظاهرة.
• مازيمبي بلعب من الدقيقة السابعة ..عاوز يعادل النتيجة ما عرف شيء.
• (مكسيم) دا حارس (بطولة)..البطولة ظاهرة في عيونه ..ولا في اتنين بتغالطوا في الكلام دا.
• الزول دا طلع ليه كورة بي (سلم) ما بتطلع.
• سلم شنو؟.
• بي (مصعد كهربائي) ما بتطلع ...ما شاءالله عليه ..حارس زي (كونسلتو) حراس كدا.
• فريق بي حالو.
• الكورة يطلع ليها واحد يصلها (21) نفر.
• انا ذاتي اتحيرت ..وحسيت بي دوشة.
• ما شاءالله ...كان ما عندنا حارس ..ولقينا لينا حارس ناس برشلونة ديل لو لعبوا قدام بيتهم (25) سنة ما بجيبوا ليهم قون.
• ولا يحلموا.
• عشان كدا ..احسن افتحوا.
• انسحبوا.
• اعملوا مؤتمر صحفي ..قولوا الشغل دا نحن ما بنقدر عليه..ولا عندنا ليه (رقبة).
• هو وينو الشعر؟.
• اعتذروا ..ما في زول بيسألكم.
• ناس (العلمة) ديل ..تاني ما بتلقوهم.
• خلاص مرحلة (العلمة) انتهت.
• لو عارفين (الهلال)..لابد ليكم في دور الاربعة ...كان قلتوا يا ريت لو التسماح اكلنا.
• كان فتشتوا لي (التسماح) فتيش.
• معقولة عاوزين تلعبوا لينا في نصف النهائي بي عزام والعلمة ...هسع دي (اندية) وإلّا اسماء (مفكات).
• الفريق زي (المفك).
• فريق يصعد ب (7) نقاط ...وعاوز يلعب قدام الهلال ..انتوا جنيتوا ..انتوا ما عندكم رأس.
• 7 نقاط.
• يا ناس المريخ ..ارفعوا ورقكم دا.
• 7 نقاط.
• تموا النزول اول حاجة.
• نحن بي تمانية ..وحالتنا صعبة.
• لسه ظروفنا ما معروفة.
• لكن ح ننتصر على سموحة ونتصدر عديل كدا ..ونجيكم دافرين.
• نجيكم بي نيلسون وبشه وكاريكا ..ومحمد عبدالرحمن.
• يا صلاة النبي.
• الناس ديل صعبين.
• ناس الشغيل ديل ...النار بولعوها براهم ..وبدخلوا ليك فيها.
• انكشحوا.
• اتخارجوا من بدري ...قبل ما تبقى مواجهة الهلال والمريخ في نصف النهائي واقع.
• لو انسحبتوا الآن ..ممكن نقبلها منكم.
• ممكن تبقى ظريفة شوية.
• ما في زول بيسألكم.
• وممكن ما في زول يشعر بيكم من الاساس.
• انسحبوا الآن ..احسن ما تنسحبوا لينا من امام الهلال.
• وانتوا اصلو عندكم عادة.
• زيكو بشيل (الكورة) من الدقيقة 15 ..وما برجع بيها الى وقتنا الحالي.
• ومامون ابوشيبة بقول عندنا ضربة جزاء سنة 1996 الحكم ما احتسبها لينا.
• اها يا ابوشيبة ..نحن عندنا (كورة) عديل كدا مفقودة.
• احسن ليكم..
• الواضح ما فاضح.
• لو عارفين الهلال راقد ليكم فوق (رأي)..كان مرقتو من البلد ..واحتمال جمال الوالي يقلب النادي ...(مسرح).
• عندكم (بكري المدينة) اخطر ممثل.
• لو قلبتوه مسرح ..ما مشكلة.
• الهلال متعود على النهائيات...انتوا الموضوع جديد عليكم.
• الموضوع دا ما بتقدروا عليه.
• الهلال في دور الاربعة ..(الريال) ما بقيف قدامو.
• محمد عبدالرحمن راجع.
• كيبي راجع.
• جوليام راجع.
• نيلسون ..فداسي ..بويا ...تاني ما عندنا اي مشكلة.
• يقولوا ليكم الكلام الف مرة.
• ابقوا عارفين من هسع ...الهلال ببحث عن (الصدارة) – وانتوا لو طقيتوا السماء ما عندكم غير (الوصافة).
• عشان تبقوا عارفين ..في مباراة اتحاد العاصمة لو الحكم حسب ليكم (21) ضربة جزاء لن تصرف لكم غير (الوصافة).
• ما تحلموا ..ولا تفكروا في حاجات زي دي..الوصافة في البطولة الافريقية ما قاعدة تفوتكم.
• ديل في المجموعات ..مع ناس العلمة ...ما عندهم شيء غير (الوصافة).
• عشان كدا ..احسن ليكم اتخارجوا.
• ما تقعدوا تشبحوا لي عيونكم زي يوم السبت العصر.
• لو عارفين الراجيكم ..كان قلتوا يا ريت لو كان اكلنا الطير.
• كان اشتهيتوا الهزيمة.
• كان فتشتوا لي الخسارة امام وفاق سطيف ...والخسارة امام العلمة.
• كان قلتوا يا ريت لو الحكم ما احتسب لينا (ضربة جزاء).
• ويا ريت ما جاملنا.
• ويا ريت لو كان ما بعرفنا.
• ويا ريت لو التسماح اكلنا.
• ح تلعنوا (لامبيتي).
• ح تقولوا كلو من (لامبيتي).
• لامبيتي ..عمل فيكم عملية ما كويسة.
• وضعكم امام الهلال وش.
• نحن بنتكلم عن صدارة الهلال لمجموعاته طبعا ...من هسع بقينا ناس (صدارة) ساكت.
• في زول عاقل بواجه الهلال في دور الاربعة.
• انتوا قنعانين من نفسكم.
• قنعانين ..من جمال الوالي.
• قنعانين من سلك.
• مزمل ابوالقاسم دا تاني ما بتلقوه في دور الاربعة.
• مزمل حدو المجموعات.
• خلاص ..تاني ما عندو ليكم شيء.
• ولامبيتي لو صرفوه ليكم في (روشتة) تاني ما بجيبوه ليكم.
• انتوا مساكين ..براكم بتفتشوا للوحدات – براكم بتفتشوا للسبعات.
• الشغل دا ما بتقدروا عليه.
• نحن متعودين نصعد لدور الاربعة.
• انتوا الموضوع جديد عليكم.
• ح يقابلكم الهلال ان شاءالله في حالة صدراته لمجموعته باذن الله وتوفيقه.
• طبعا نحن ممكن نجيب لينا (شاي).
• ونشتري الجرايد.
• ونقعد نقص زي ما عاوزين.
• نتكلم عن (الصدارة) ما في زول بقدر يقول لينا حاجة.
• ما في زول بقدر يقول لينا حاجة.
• لسه آمالنا مشرعة للصدارة.
• لسه آمالنا كبيرة في ان نتصدر مجموعتنا.
• مازيمبي المرشح الاول للفوز بالبطولة ..شلنا منه (4) نقاط ..خسرناه ليكم (5) نقاط.
• اتعادلنا معاهو في الكنغو ..وغلبناه من الدقيقة السابعة في ام درمان.
• لا ضربة جزاء.
• ولا حالة طرد.
• ولا ايقاف هجمة خطيرة.
• بنغلب عديل كدا.
• ومن الدقيقة السابعة ..ناس (مازيمبي)..يضربوا ..ويشاكلوا ..وبعملوا في اي حاجة من الدقيقة السابعة ..مع ذلك فشلوا في تعديل النتيجة.
• قون في مكسيم ما في.
• مكسيم دا إلّا ضربة جزاء ..غير كدا ما تحلموا .. ولا تعشموا في انكم تجيبوا فيه قون.
• جمال سالم يجيبوا في الاقوان فيه زي مسلسلات الاطفال.
• زي كابتن ماجد.
• شيء هبشة.
• وشيء غرفة.
• وشيء لمسة.
• اقوان اشكال والوان في جمال سالم.
• نوع دا ح تقابلونا بيه في دور الاربعة.
• انتوا لو عارفين الهلال ح يقابلكم في دور الاربعة ما كان ح تفرحوا.
• كان ح تقفلوا النادي.
• وتبدأوا في الطابق التاني.
• اقول ليكم شيء ..من هسع احسن ليكم كوّنوا لجان سيكافا.
• قدموا الدعوات.
• الشغل دا لا بتقدروا عليه ولا حاجة.
• ناس العلمة ديل ..فريق درجة تانية في دور الاربعة مافي.
• الحمام بتاع (المجموعات) دي في نصف النهائي ما في.
• ما تغشوا نفسكم ساكت.
• بعدين يا جماعة انا بعرف الحمام بالرز ..بعرف الحمام بالمحشي ..الحمام شوربة ..لكن حمام بي ضربات الجزاء ..دا ما سمعنا بيه إلّا عندكم.
• ..........
• ملحوظة : سبع نقاط ..انتوا فاكرين نفسكم في سيكافا.
هوامش
• مازيمبي فريق ما ساهل.
• مازيمبي ..مازال المرشح الاول للفوز بالبطولة.
• لكن فريق يغلب مازيمبي ويتعادل معه في ارضو ..ح يكون شنو؟.
• الهلال قدم مباراة كبيرة ..رغم الضغوط الكبيرة التى لعب بها الهلال.
• الهلال اصبح قريبا ان شاءالله من تصدر مجموعته.
• طبعا الاوراق في المجموعة كلها رفعت للجولة الاخيرة.
• ما زي مجموعة جماعتنا ديل ..تقول مجموعة قروب في الواتساب.
• مكسيم كان نجم المباراة الاول.
• مساوي قدم مباراة كبيرة.
• ومالك كان في الموعد.
• حكم المباراة ضبط المباراة ..ما زي حكم مباراة التطواني (طمس) لينا المباراة وماصها لينا ساكت.
• ما فهمنا فيها اي حاجة.
• ...........
• عاجل : هسع العلمة دي عليكم الله عاوزة ليها (طيارة خاصة).

انقر هنا لقراءة الخبر من مصدره.