سودارس : عامل خدمة .. برجع ليك

ألمانيا تدعو لتحرك عاجل: السودان يعيش أسوأ أزمة إنسانية ميليشيا الدعم السريع ترتكب جريمة جديدة بعثة الرابطة تودع ابوحمد في طريقها الى السليم ياسر محجوب الحسين يكتب: الإعلام الأميركي وحماية الدعم السريع الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق كامل ادريس يلتقي نائب الأمين العام للأمم المتحدة بنيويورك شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين السعودية..فتح مركز لامتحانات الشهادة السودانية للعام 2025م محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) وزير الداخلية التركي يكشف تفاصيل اختفاء طائرة رئيس أركان الجيش الليبي سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه تقارير: الميليشيا تحشد مقاتلين في تخوم بلدتين شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض تونس.. سعيد يصدر عفوا رئاسيا عن 2014 سجينا ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

عامل خدمة .. برجع ليك

قوون نشر في قوون يوم 22 - 08 - 2015

• يعني لمن تكون في )ازمة غاز( ..وتلقى ليك (انبوبة) مطرفة بتقعد تكورك ..وجدتها ..وجدتها ..وجدتها
""""""""""""""""""""""""""""
• ولمن كمان كيلو الطماطم يبقى بي (40) جنيه ..تقول معاهو (فيزا)... وتلقى ليك (طماطمة) في صينية بتكورك بدون ما تشعر وجدتها..وجدتها
""""""""""""""""""""""""""""
• مازيمبي فاكر (الطيارة الخاصة) بتمرقو مننا ...لا بتمرقو طيارتو خاصة ولا جيتو الكانت قبل اسبوع
""""""""""""""""""""""""""""""
• اتذكروا انتوا عاملين خدمة مخصوص لي مازيمبي ما تنسوا ..(المقبرة) دي اي زول بحاول يتفاصح فيها او يمد لسانو بدفنو فيها
"""""""""""""""""""""""""""""""""
• عبارة جميلة مكتوبة في خلفية ركشة (عامل خدمة ..برجع ليك)...قلت العبارة دي لاقتني وين؟.
• اتذكرتها.
• وقعت في خاطري.
• قابلتني في تلفونات الايامات دي.
• الواحد عشان يتونس معاك بي مزاج..بقوم اذا ضربت ليه بقول ليك اسمع اقفل ..انا عامل خدمة برجع ليك.
• الولد مقطعها يعني.
• فعلا يقوم يرجع ليك ..وتأخدوا راحتكم في الكلام بفضل هذه الخدمة.
• العبارة اعلاها ابتكار (ركشاوي) خالص.
• ناس الركشات ديل عندهم مرات حكم وفلسفة بكتبوها خلفية ركشاتهم ..في (الكتب) ما قاعدين نلقاها.
• ما تهملوا ناس الركشات ديل ...الناس ديل ما ساهلين ..وعارفين اي حاجة.
• حاجاتهم المكتوبة في خلفية ركشاتهم ما في عليها اي (رقابة) ..اي واحد يكتب الحاجة البتريحو.
• ما بسألوهم.
• ولا بعاكسوهم بعدين في (الترخيص).
• عبارة (عامل خدمة – برجع ليك) قلت يا ربي هسع العبارة (الحربية) دي نركبها وين في (السخانة) دي؟.
• في المروحة!!.
• اتخيلت لي (برد).
• رجعت لقيتها مولعة.
• وقعدت اعبر في العبارة ..عشان اشوفها بتنفع في ياتو حتة.
• بتركب وين؟.
• (عامل خدمة ..برجع ليك).
• لقيتها.
• او زي (ارخميدس) لمن طلع يكورك وجدتها ...وجدتها...وجدتها.
• طبعا نحن حكاية (وجدتها) دي عندنا قاعدين نستعملها حسب الظروف.
• يعني لمن تكون في (ازمة غاز) ..وتلقى ليك (انبوبة) مطرفة بتقعد تكورك ..وجدتها ..وجدتها ..وجدتها.
• تجي شايلها من الفرح في كتفك زي (المرتبة).
• ولا بتشعر بي تقلتها.
• ولمن كمان كيلو الطماطم يبقى بي (40) جنيه ..تقول معاهو (فيزا)...او كشف عيون ..وتلقى ليك (طماطمة) في صينية بتكورك بدون ما تشعر وجدتها..وجدتها...وجدتها.
• ولمن تكون في ازمة مواصلات وفجأة كدا تلقى ليك حافلة فيها مقعد فاضي ..بتقول قبل ما تقعد في الكرسي ..وجدتها ...وجدتها.
• عبارة (عامل خدمة ..برجع ليك) وجدت ليها حتة.
• ركبت في حتتها ذاتها.
• بالمقاس.
• اصلو ما في نشاز.
• الهلال بكرة ان شاءالله سوف يواجه (مازيمبي) في مقبرة المنافسين ...والمباراة سوف ندخلها تحت شعار (عامل خدمة ..اقفل ..برجع ليك).
• الحكاية كدا اظنها واضحة ...ومعناتها نحن (عاملين خدمة) مخصوص لفريق مازيمبي.
• (90) دقيقة ..خالصة ...وح نكون متفرغين فيها لي (مازيمبي).
• لو ضربوا ليكم ..قولوا ليهم (اقفلوا)...اقفلوا ..يا مكسيم ومساوي والشغيل ومالك ...(بنرجع ليهم).
• طالعين عديل كدا للمباراة.
• عاوزين نغلب بي ضراعنا.
• ما عاوزين لينا اي ضربة جزاء.....الحاجات دي نحن ما بتنفع معانا.
• لو كاريكا ضربوه في خط 18 ..ما عاوزين ضربة جزاء.
• نحن وقت نلقى ضربة الجزاء بنضيعها.
• ما عاوزنها كدا.
• القون لو جاء من النص..على طريقة (الترحيل) من منتصف الملعب ما بنفع معانا.
• ولا بخارج ..زي قون نزار حامد.
• القون لو ما بقى من برة الخط زي قون اندرزينهو ...ما عاوزنو.
• قون فيه تعب.
• فيه حرفنة.
• وفيه جهد ..وذكاء.
• ومن نص الملعب.
• فريق مازيمبي دا عاوزين نغلبوا عديل كدا ..ولا بنحس لينا زول ..ولا راجين لينا حكم.
• بناخد حقنا بي ضراعنا.
• مازيمبي دا عندنا معاهو تار.
• نحن غلبنا مازيمبي في ارضه ووسط جمهوره زي ما غلبنا في ارضنا ووسط جمهورنا...لكن برضو ما خلصنا حقنا.
• عاوزين نخلص حقنا في (المقبرة)..عاوزين نرد للمقبرة كرامتها ..ونرجع ليها صباحاتها.
• عاوزين نهرس (مازيمبي).
• كديابا ..قاعد يقل ادبو ..وبرقص في ملعبنا ..لازم بكرة يفهم حاجة.
• بكرة بنجلدو بالاقوان.
• بنسجنو بالمهارات.
• ما تخافوا من مازيمبي ..ولا تعطوه اعتبار اكبر منو..الهلال في ملعبه اكبر من اي فريق.
• لا مازيمبي ولا برشلونة ذاتها.
• ما سائلين في زول.
• في استادكم اوعكم تخافوا.
• في استادكم اوعكم تسمعوا ليكم كلام زول.
• ثقتكم خلوها كبيرة في بشه وكاريكا والجزولي ونزار حامد – الجماعة ديل لمن تضعوا فيهم (الثقة) ما قاعدين يخذلوكم.
• ادوهم صوتكم ..وابقوا معاهم بي قلوبكم ...ما بتجيكم اي عوجة.
• مباراة بكرة ..مباراة بطولة ..وناس الهلال بعرفوا يلعبوا كويس في المباريات المصيرية.
• المباراة لمن تكون مباراة (مصيرية) ناس الهلال ما قاعدين يقصروا ..واصلا ما بخذلونا.
• اي فريق عامل لينا فيها رأسو كبير..نحن دفناه في المقبرة.
• ومازيمبي لازم يعود لي حجمو الطبيعي.
• مازيمبي فاكر (الطيارة الخاصة) بتمرقو مننا ...لا بتمرقو طيارتو خاصة ولا جيتو الكانت قبل اسبوع.
• لو جيتو قبل سنة ..نحن ح ندفكم بكرة في استاد الهلال.
• ثقتنا كبيرة بكرة في اولاد الهلال – ثقتنا كبيرة في الجماهير ..وعارفين وواثقين ان الهلال قادر على الانتصار بكرة.
• الهلال قادر ان ينزل اكبر خسارة ان شاءالله في فريق مازيمبي.
• تعالوا شجعوا ..ما تخافوا ..المباراة باذن الله مضمونة.
• الهلال بكرة محتاج ينتصر...هل نفشل في ذلك؟.
• سوف نلعب امام مازيمبي بدون حسابات تحقيق نتيجية معينة.
• لو كنا سوف نلعب مع مازيمبي بنظام الذهاب والاياب ..كانت حساباتنا سوف تكون مختلفة.
• كنا بنقول ما يدخل فينا قون ..وكنا بنقول ننتصر بي هدفين دون رد على الاقل.
• نحن بكرة ما عاوزين كدا.
• عاوزين ننتصر ..1 / صفر ...2 / 1 ...3 / 2 ......5 / 4 ..اي نتيجة ..المهم الهلال ينتصر.
• لو اتقدم مازيمبي على الهلال لا قدر الله ..ما تخافوا ..ما ترموا (القارورات)..ما تصفروا ..ما تستهجنوا...الهلال قادر على العودة.
• خلوا ثقتكم كبيرة في الهلال ..قادرين باذن الله وتوفيقه على الانتصار.
• اتذكروا انتوا عاملين خدمة مخصوص لي مازيمبي.
• ما تنسوا ..(المقبرة) دي اي زول بحاول يتفاصح فيها او يمد لسانو بنقطعه ليه.
• المباراة بكرة ان شاءالله في متناول يد الهلال...نؤكد ان الهلال قادر على الانتصار.
• الهلال قادر على العودة.
• الهلال قادر على ان يكون المرشح الاول للتأهل لمرحلة نصف النهائي.
• فقط اتخلصوا من مخاوفكم.
• ما تدخلوا الاستاد واعصابكم مشدودة ..انتوا داخلين للاستمتاع ..وبكرة ان شاءالله سوف تستمتعوا.
• بكرة ح ندرس مازيمبي ..وح نضعه في حجمه الطبيعي.
• قلت ليكم ...عاملين خدمة...ما في اي مشكلة.
• وتاني بنقول ونؤكدها..ما عاوزين ضربة جزاء للهلال.
• وما عاوزين يطردوا لينا لاعب من مازيمبي.
• وحتى لو الحكم اتحامل علينا ..وصرف لينا مخالفات وضربات جزاء ..واهداف عديل كدا ..ما عندنا مشكلة.
• اصلو ما تشيلوا هم.
• بنقدر نغلب.
• وبنقدر نعود.
• وبندفن (مازيمبي) في المقبرة.
• الهلال ما هو الفريق البخوفوه بي (مازيمبي).
• في الكنغو قدم الهلال اجمل العروض امام مازيمبي ..لم ينتصر الهلال ..هذه حقيقة لكن قدم العرض الاروع في البطولة.
• بكرة بنقدم العرض ..وبنطلع بالنتيجة التى نبحث عنها.
• النتيجة التى نريدها ..سوف نحققها في الغد باذن الله.
• حظوظ الهلال سوف تكون الاكبر والاعظم في التأهل ..ليس هناك شك في ذلك.
• ثقوا في هذا ..وتعالوا كلكم الاستاد.
• تعالوا ..الهلال عامل خدمة.
• وطالعين مخصوص كدا لي (مازيمبي).
• .........................
• ملحوظة : اول مرة اشوف لي فريق بجي مقبرته بي طيارة.
هوامش
• الدفن بكرة الساعة تمانية وخمسة.
• كلموا اي زول.
• نحن تاني ما بنتأخر.
• ولا بننتظر لينا زول.
• العامل النفسي امام مازيمبي يمكن يجعلكم تخسروا.
• اتخلصوا اولا من العامل النفسي.
• لا بنعرف مازيمبي ..ولا بنعرف طيارة خاصة.
• كل الفرق في (المقبرة) عندنا (النسور).
• والنسور اخد اربعة.
• الاهلي المصري.
• الترجي.
• مازيمبي.
• كلهم عندنا (نسور).
• ان شاءالله الاجواء تكون جميلة ..وما تظهر لينا مطرة او كتاحة.
• لكن في كل الاحوال.
• بي مطرة.
• او بي كتاحة ..الهلال غالب ..غالب.
• اسمعوها مني.
• نحن غالبين ..غالبين ..ان شاءالله.
• ما عاوزين نشوف قارورة.
• ما عاوزين نكورك في اي لاعب.
• الحكم ذاتو ما تشتغلوا بيه.
• شجعوا الهلال بس.
• ألعبوا كورتكم.
• نحن مباراة بكرة ..لا عاوزين فيها ضربة جزاء ..ولا عاوزين يطردوا لينا لاعب من مازيمبي.
• الحاجات دي ولا بتنفع معانا.
• عاوزين نغلب عديل كدا.
• عاوزين نستمتع بي كورتنا.
• نستمتع بي اقوانا.
• ونحقق احلي انتصار.
• الدرس ح يكون قاسي على مازيمبي.
• ح يكون قاسي على اي زول عشمان في مازيمبي.
• بكرة يعود الهلال كما نحب ان شاءالله.
• ........
• عاجل : يا جماعة مازيمبي دا موضوعو انتهي ..صفحة و(غلبناها) باذن الله وتوفيقه.

انقر هنا لقراءة الخبر من مصدره.