سودارس : نقاط) أندية المجموعة التانية زي درجات الطلاب في (امتحان الإنجليزي)

بدائل دول الخليج لإنقاذ اقتصادهم بعيدا عن مضيق هرمز قرار إعفاء المفوض العام للجهاز الاستثماري للضمان يحمل نُذُر معركة قادمة مع وزير المالية الدون علي اعتاب المجد القاري الثاني مع العالمي الأهلي يمتع ويعود بريمنتادا في موقعة شيكان المريخ يواصل المناورات للقاء بوغوسيرا ووصول الدفعة الثانية للفريق الرديف لماذا مدد ترامب هدنة إيران؟.. "CNN" تكشف كواليس اللحظة الأخيرة قبل القرار جوجل تطلق ميزة Gemini في متصفح Chrome فى 7 دول جديدة 4 هواتف أيفون لن يصل لها نظام التشغيل iOS 27 طائرة جديدة تعزز أسطول "تاركو" للطيران في بورتسودان تعديلات دستورية تفتح الطريق أمام البرهان ليكون رئيساً للجمهورية بالسودان والي الخرطوم يتوعد المخالفين ويؤكد الحسم لحماية الأمن هاري كين يتصدر صراع أفضل لاعب فى العالم 2026.. ومحمد صلاح ضمن السباق برشلونة يستهدف تأمين صدارة الدوري الإسباني ضد سيلتا فيجو النصر والأهلي القطري في مواجهة نارية بنصف نهائي دوري أبطال أسيا 2 شاهد بالصورة والفيديو.. فنان سوداني يغني في حفل زفاف بالقاهرة وقاعة الفرح خالية من المعازيم والجمهور يسخر: (الكشة رجعت تاني ولا شنو) ندوة لتكريم سلاف فواخرجى بمهرجان أسوان لسينما المرأة اليوم عادة بسيطة تقلل التوتر وتحسن الصحة النفسية شاهد بالفيديو.. وثقن لجمال مطار الخرطوم.. نساء سودانيات يتوشحن بعلم السودان ويعبرن عن سعادتهن الكبيرة بالعودة لأرض الوطن (وحياة الله حتى الموية طعمها غير) شاهد بالفيديو.. نقاش حاد و "شتائم" بين التيكتوكر "المفترس" والناشطة "إحسان" وزوجها الجنوب سوداني الذي قام بتهريبها من أهلها أطباء بلا حدود : علي ظهور الجمال والحمير … اللقاحات تصل جبل مرة مفوضة العون الانساني تدشن وصول 10 آلاف طن من الدقيق مقدمة من شركة الشمال لإنتاج الأسمنت قرارات لجنة الانضباط برئاسة شوكت محمد إمام يعود لتصوير فيلمه شمس الزناتى مطلع مايو المقبل وطرح البرومو قريبا ما لا تعرفه عن سيدة الشاشة الخليجية الراحلة حياة الفهد تكرار العدوى أو المرض.. أسباب شائعة لا تتجاهلها هل تحتاج لعملية زراعة قلب؟.. خبراء يكشفون العلامات التحذيرية الخطيرة البرهان ل"سلطان عٌمان" : موقف السودان ثابت محافظ مشروع الجزيره :المليشيا نهبت ودمرت أصول المشروع بطريقة ممنهجة والخسائر بلغت 6 مليار دولار الهلال «مدرسة» قبل أن يكون «نادياً رياضياً» إحباط محاولة تهريب في السودان ترامب: استخراج اليورانيوم المخصّب من المنشآت النووية الإيرانية ستكون عملية صعبة شاهد بالفيديو.. رداً على تصريحات أحمد موسى.. المستشار مرتضى منصور: (السودانيين فوق دماغنا) إدخال البصات السفرية لحظيرة الميناء البري بالخرطوم وسحب 950 سيارة مدمرة حول السوق المركزي رسميا: تحديد موعد كلاسيكو الليجا ارتفاع في وارد محصول الذرة وانخفاض في الأسعار بالقضارف الدعيتر.. كان اللغة الثانية في البلاد مصر.. قرار بشأن المنتقبات بعد تدخل شيخ الأزهر في عملية اختطاف هزت البلاد عثمان ميرغني يكتب: الصورة مقلوبة عاجل..إيران: فتح كامل لمضيق هرمز السودان.. انخفاض معدل التضخم موجة مرعبة.. حمى الضنك تتفشى في ولاية نهر النيل بالسودان مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة السودان.. تفاصيل صادمة لاغتيال مواطن بدمٍ باردٍ إيران تهدد: موانئ الخليج لن تكون في مأمن إذا حوصرت موانئنا شرطة ولاية نهر النيل تضبط (53) جوالًا من النحاس المخبأ تحت شحنة فحم بمدينة شندي وتوقيف متهمين الإمارات والبحرين توقعان اتفاقا لمقايضة الدرهم والدينار ضبط شبكة تزوير مُستندات مركبات في الخرطوم إيران تؤكد.. سنسيطر على مضيق هرمز بذكاء وسندعم "محور المقاومة" السودان.. القبض على 4 ضباط ترامب عن إيران: ستموت حضارة بأكملها الليلة ولن تعود أبداً قضية أثارت جدلاً.. براءة عصام صاصا من تهمة المشاجرة بملهى ليلي عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي الشيخ بن زومة.. إلى جنة الخلد في زمن الضجيج.. القرآن بوصلة المعنى والسكينة صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

نقاط) أندية المجموعة التانية زي درجات الطلاب في (امتحان الإنجليزي)

قوون نشر في قوون يوم 25 - 08 - 2015

امتحان الإنجليزي في ناس بقفلوه زي (الاتحاد) وفي طلاب بكونوا ما ناقشين فيه أي شيء ما بجيبوا فيه أي (نمرة) زي (العلمة)

في طلاب كدا بمروا في الامتحان بالشف والبص من الطلاب المجاورين ليهم ..زي (المريخ) مرواً بالبخرة

يا الرشيد علي عمر ..شوفوا لينا الموضوع دا ...الكاس دا عاوزين تجيبوه بي (طيارة)..ولّا عاوزنو في (المقبرة)

يا خالد عز الدين رأيكم شنو...قون الكاس يجيبو لاعب وطني ولّا نخليه على البرازيليين؟
****************************************

· جابوا لي (نقاط) أندية المجموعة التاني ..قعدت أعاين فيها لمن مسكنا (صداع).

· زي البصحح لي في (امتحان).

· ديل ناس السيول والأمطار.

· قعدت أفكر...(أنتوا التفكير عندكم فيه رأي؟).

· لاجئين جدد؟.

· ديل شنو ديل؟.

· جزارة فتحت جديد.

· أصلو ما كنت قايلها (كورة).

· 15 نقطة – 10 نقاط – 5 نقاط – صفر.

· بلعبوا معانا ديل..ولّا بلعبوا براهم.

· مجموعتهم زي (دورة الفقيد).

· المات منو؟.

· أندية لا سمعت بيها ولا بعرفها.

· أول مرة أسمع لي بي فريق اسمو (العلمة)...سألت منو قالوا لي دا فريق بلعب في الدرجة التانية.

· العلمة دي كافتريا؟.

· فرن في الحلة؟.

· بقالة جديدة؟.

· قلت ليهم الدرجة التانية الجابها في المجموعات شنو؟..لو دي ما (مسخرة) منكم ساكت.

· خربتوا لينا سمعة (المجموعات).

· العلمة ...فريق زي دا في (الدورات الرمضانية) مفروض ما يلعب.

· مع ناس أحمد الحاج..ما عاوزنو.

· نحن البطولة دي لو جبنا كاسها ..ما بنفرح بيها ..شيء علمة ..وشيء مريخ...(أندية كدا أول مرة نسمع بيها).

· يطرشنا.

· ويعمينا.

· جابوا لي روليت المجموعة التانية ..قدر ما عاينت فيها ما فهمت حاجة.

· تقول (صرفة).

· دا صندوق في الحلة.

· إملاء.

· كراس الإنشاء.

· كراس الجرورة بتاع الدكان.

· اتحاد العاصمة (15) نقطة ...الدرجة الكاملة.

· المريخ (10) نقاط ..وصافة أكيدة وفارق (5) نقاط من المتصدر.

· وفاق سطيف (4) نقاط.

· العلمة (صفر)..ولا نقطة.

· معقولة فريق يلعب خمس مباريات ..(نقطة) ما يطلع بيها.

· ناس العلمة ديل لو بتاعين (بطيخ) مفروض يطلعوا ليهم على الأقل بي خمس نقاط.

· فضيحة السواد .. ولا نقطة.

· عليكم الله كدي شوفوا الدرجات دي ..أقصد شوفوا (النقاط) دي ما بتذكركم درجات الطلاب في امتحان الانجليزي.

· امتحان الانجليزي في ناس بقفلوه زي ناس (الاتحاد) وفي طلاب بكونوا ما ناقشين فيه أي شيء ما بجيبوا فيه أي نمرة ..زي ناس (العلمة).

· وفي طلاب كدا بمروا في الامتحان بالشف والبص من الطلاب المجاورين ليهم ..زي ناس (المريخ).

· بمروا بالبخرة.

· ضربات الجزاء دي (بخرات)..عشان تكونوا عارفين ما تنحوا لي كدا.

· زمان وقت الأستاذ يوزع لينا ورق امتحان الانجليزي ..الدرجات بتتفاوت ..في طلاب بيضربوا فوق.

· بقفلوا الامتحان ..واحد او اتنين بالكتير.

· وطلاب بيجيبوا (صفر) – ما بعرفوا يمشوا وين؟.

· إحراجات تقيلة خلاص.

· وقت في البيت يسألوك من الامتحان – تقول ليهم ما وزعوا لينا الورق.

· هسع موضوع امتحان الانجليزي دا بقى على مجموعة المريخ ذاتها.

· نفس الدرجات.

· فوارق كبيرة.

· الاتحاد 15 نقطة ...النمرة الكاملة.

· المريخ 10 نقاط ..وصافة أكيدة.

· وفاق سطيف 4 نقاط.

· العلمة ولا نقطة.

· امتحان إنجليزي بس.

· لكن دا كلو ما بمرقكم من (الوصافة).

· ديل لو بلعبوا براهم ..ما بطلعوا بي اكتر من (الوصافة).

· نحن الحمدلله ..بنبحث عن (الصدارة).

· بنضرب قدام.

· وحكمة الله بدون ضربات جزاء.

· عشان كدا نحن بنقدل في عزنا.

· نحن الأيامات دي برانا بنتكلم.

· وبرانا بنرتب.

· وبنحدد الأشياء على كيفنا.

· نتصدر ...عشان النهائي يكون في (المقبرة) إن شاء الله.

· نقعد نفكر كدا.

· يقفلوا شارع العرضة.

· يدخلوا (الأمجاد).

· يحولوا الحافلات لي شارع تاني.

· كلموا والي الخرطوم الفريق عبد الرحيم محمد حسين ...عشان (الولاية) تكون جاهزة للنهائي.

· كتروا التلج.

· وصلحوا شوارعكم.

· النهائي إن شاء الله في (المقبرة).

· عشان بعدين ما تتلخموا ساكت.

· دا حدث تاريخي.

· النهائي في المقبرة ...شجروا الشوارع ...واعملوا الإنارة...والي الخرطوم ح يكون في امتحان حقيقي.

· ح يدخل في تجربة صعبة.

· امتحان ..لكن ما امتحان إنجليزي.

· بنفكر كدا.

· ونرتب في الأشياء.

· نحن بنتكلم في حاجات كبيرة – ما بفهموها لينا المريخاب.

· هم شن خبرتهم كمان بالصدارة.

· هم الصدارة في الممتاز ما بلموا فيها – عاوزنها في المجموعات.

· قدركم كدا.

· وصافة هنا ..وصافة هناك.

· وصافة محلية ..وصافة أفريقية.

· وبنفكر...

· يا ربي نتصدر.

· ولّا ما نتصدر ..عشان نجيب الكأس من بره.

· نفكر ونقدر.

· ونقعد برانا.

· نقول نكوّن لينا (لجان)..ونسأل في الموضوع.

· مواضيع كبيرة عليكم ..(معليش اطلعوا منها يا مريخاب).

· خليكم مع (علمتكم) دي.

· يا الرشيد علي عمر ..شوفوا لينا الموضوع دا ...الكاس دا عاوزين تجيبوه بي (طيارة)..ولّا عاوزنو في (المقبرة).

· حددوا.

· سلك ما عندو خيار.

· شارعو واحد.

· سلك ح يحرس المطار ..يستقبل مازيمبي ..ويودع مازيمبي.

· نحن التعب دا ما عندنا.

· الكاس جوه (المقبرة).

· الكاس دا مع ناس العلمة والمريخ (ركشة) كتيرة فيه.

· جيبوه لينا.

· يا الرشيد ..شفت الفرق بينا وبين الجماعة..ناس المريخ - (العلمة) الما عندها (الحبة)..سافروا ليها بي طيارة خاصة.

· نحن (كاس البطولة) عاوزين نجيبوا هنا.

· بنمشي ليه بي كرعينا.

· في مقبرتنا دي.

· لا بنسافر ولا بنقطع لينا تذاكر.

· سفر ما عاوزين نسافر ليه.

· حافلات الكلاكلة.

· باصات الثورة.

· هايسات الحاج يوسف.

· يا جماعة رتبوا أوضاعكم للكاس.

· جهزوا (المقبرة).

· اعملوا اللجان.

· أي عربية يكون فيها علم الهلال.

· أي ركشة.

· أي أمجاد ..حافلة ..هايس ...النهائي إن شاء الله في (المقبرة).

· بنتكلم نحن عن صدارة.

· حكاية تذاكر ..وتأشيرات دخول ..وطيارة خاصة ..نحن ما عندنا.

· التعب لي شنو؟...النهائي في (المقبرة).

· عشان كدا الانتصار على سموحة أمر لا بد منه.

· يا ننتصر ..يا نطلع.

· حياة أو موت.

· ونحن بنقول حياة يا حياة.

· موت لا.

· خيارنا واحد.

· طريقنا واحد.

· الانتصار بس.

· النهائي هنا.

· من هسع إعلاناتنا نزلت.

· في قوة عين اكتر من كدا.

· يا خالد عز الدين ...رأيكم شنو في الموضوع دا ...قون الكاس يجيبو لاعب وطني ولّا نخليه على البرازيليين؟.

· يا خالد شوف لينا موضوع (النقاط) دي.

· أنت زول بتحسب النقاط.

· يا خالد عز الدين الكورة في ملعبكم ...بتحددوا حاجاتكم براكم.

· ما في زول بحدد ليكم.

· ما في زول بشترط علينا.

· على كيفكم.

· حددوا الضيوف.

· قدموا دعوات للقيادات.

· للفنانين ..للشعراء.

· ضيوف الشرف.

· الدفن في النهائي ..عاوزنو يكون مشهود.

· يا الكاردينال ..ألحق السوق.

· صلح جوهرتك ..أنت بقيت على بعد خطوة من النهائي.

· أقيف على الموضوع بي نفسك.

· الحكاية دي قربت.

· شوفوا الموضوع.

· عاوزين شنو أنتوا؟.

· الخيوط كلها في إيديكم.

· أنتوا البتحددوا مصيركم.

· ما في زول بحدد ليكم.

· المجموعة كلها مصيرها في إيديكم.

· الهلال أصلو كدا.

· بكره نكتب ليكم في الحتة دي تاني.

· ونشوف الناس البصعدوا (صحبة راكب) زي ما بقول خالد الوزير.

· يا خالد اكتبوا أغنياتكم.

· جهزوا أشعاركم ..ألحانكم.

· عاوزين أعظم إخراج للنهائي.

· وبنقول ..إن شاء الله ..ويا رب ..أسعد شعب الهلال.

· أمة الهلال تستحق ذلك.

· جمهور الهلال في الموعد.

· ونحن في الانتظار.

· ...........

· ملحوظة : الصعود وقت يكون (ملح)..بكون ما عندو أي طعم.

· هوامش

· الزميل خالد الوزير ...صاحب لقب (الحناطير)..باعتبار ...أن المريخ (مجرور) ساكت.

· بي ضربات الجزاء حقاتهم الكتيرة دي كانوا (ترلة) ساكت.

· بكره نكتب في الحتة دي.

· المريخاب بتكلموا عن مباراة المريخ والاتحاد باعتباره (ودية).

· ودية بفضل (طياشة) العلمة.

· بي سبب حمام وفاق سطيف.

· فريق (نقطة) ما قادر يجيبها.

· العلمة شغال ..(تحويل رصيد).

· أطهر الطاهر نفّس ليك طيارة مازيمبي الخاصة.

· جمال سالم بقى يعاني من ترهل في الأهداف.

· التسجيل فيه أصبح بي أي طريقة.

· شبكة جمال سالم ..الشبكة الأوسع.

· الأكثر استقبالاً.

· عاوزين نعمل نفرة النهائي.

· عاوزين نعمل حملة نضافة في أم درمان.

· يا جماعة لازم تبقوا جاهزين.

· الهلال لو واجه المريخ في نصف النهائي ..يبقى النهائي مضمون في المقبرة.

· أكبر حافز ...وأكبر كبري للنهائي ...هو أن نواجه المريخ في نصف النهائي.

· ضحية جاهزة.

· لا سفر ولا تعب.

· بس نعدي الزلط.

· عشان كدا لا بد من صدارة المجموعة.

· لا بد من الانتصار على سموحة.

· يلا نطلق حملة الانتصار على سموحة.

· والحناطير ..ما يرجونا.

· ................

· عاجل : لمن أطهر ولدوه (كديابا) كان بلعب في فريق درجة تانية في الكنغو بي شعرتو دي.

انقر هنا لقراءة الخبر من مصدره.