الشرطة المجتمعية بولاية سنار تدشّن قافلة دعم تكايا رمضان بولاية الخرطوم    سهير عبد الرحيم تكتب: مشاهداتي في جلسة مجلس السلم والأمن الأفريقي    النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى    المريخ يبارك انتخاب رئيس إتحاد سيكافا وأعضاء اللجنة التنفيذية    مريخ الممتاز يؤدي مرانه الختامي للقاء ملوك الشمال    مساعد قائد الجيش يكشف عن فساد وزير كبير    إبراهيم جابر ينفي خبر حل اللجنة العليا لتهيئة بيئة العودة إلى الخرطوم    إبراهيم شقلاوي يكتب: مسرح ما بعد الحرب لدى يوسف عيدابي    شاهد بالفيديو.. في مشهد مؤثر.. كابتن طائرة "سودانير" المتجهة إلى العاصمة الخرطوم ينهار بالبكاء أثناء مخاطبته الركاب    الصحفية سهيرة عبد الرحيم: (شعرت للحظة أن وزير الخارجية المصري سيهتف داخل القاعة "جيش واحد، شعب واحد" من فرطٍ حماسه في الجلسة)    شاهد بالفيديو.. والدة الفنان الراحل محمود عبد العزيز: (اتخذلت في هذا المطرب!! وكل من كانوا حول الحوت منافقون عدا واحد)    وزارة المالية توقع إتفاق مع بنك التضامن الإسلامي لتقديم خدمة إيصالي    شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه    شاهد بالصورة.. اللاعب هاني مختار يتوشح بعلم السودان في جلسة التصوير الخاصة بناديه الأمريكي    شاهد بالفيديو.. بتواضع كبير "البرهان" يقف بسيارته في الشارع العام ليشرب عصير من الفواكه قدمه له أحد المواطنين بدنقلا    وزير الخارجية والتعاون الدولي يلتقي رئيس مفوضية الاتحاد الأفريقي    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    وزارة الشباب والرياضة تواصل انفتاحها على الولايات    ارتفاع في اسعار محصول الذرة واستقرار سعر السمسم بالقضارف أمس    وفاة ثالث رضيع تناول حليبًا ملوّثًا بفرنسا    مشروبات طبيعية تدعم مناعتك.. روشتة حمايتك من العدوى    دراسة تربط طنين الأذن بالإنتاجية في العمل    إلغاء رحلة قطار إلى الخرطوم..إليكم تفاصيل    جوجل تسهّل إزالة المعلومات الشخصية والتزييف العميق من نتائج البحث    "ميتا" تبني مركز بيانات بقيمة 10 مليارات دولار    إضافة علامة تبويب الإعدادات بواجهة "واتساب"    انطلاق دورة متخصصة لتطوير الأداء الرقمي برعاية وزير الشباب والرياضة    كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة    تطور حاسم بقضية "الاعتداء الجنسي" في منزل لامين يامال    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    الدولار يواصل التراجع أمام الجنيه فى منتصف تعاملات اليوم    مسؤول سوداني يغادر إلى تركيا    السودان.. وزير الشباب والرياضة يصدر قرارًا    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



اشتكوا (منذر رحال) عندو (خالو) ضرب ليه حكم سنة 86
قوون نشر في قوون يوم 28 - 08 - 2015

الناس ديل بقوا يجيبوا ليك (سيحة) يوم الجمعة عشان يحنك ليهم الهلالاب ويقول ليهم (ضربة جزاء) المريخ صحيحة

الحمدلله ..وبفضله امس الهلال انتصر في (المطر)..انتصار (مطري) جميل كدا وتلات نقاط (خريفية)

العذر دا مسّكوه ناس مزمل ابوالقاسم ..بدوروا ليكم فيه ..لمن المريخاب يصدقوا الوهمة

اسامة عطا المنان ذاتو ما قاعد يقصر معاكم ..لو اشتكيتو ليه من (ضرس) بيعيد ليكم المباراة
********************************************




· ناس المريخ طبعا كملو اي حاجة.

· ما خلو ليهم عذر.

· اي فهم كدا في الدنيا ..اتعذروا بيه.

· متل الزول القدر ما يلاقيك بقعد يشكي ليك – مرة يشكي من الصداع ومرة من الضهر ومرة من العيون البقت ما بتشوف ومرة من السمع البقى تقيل ومرة من الحكومة.

· يشكي بس.

· الموية قاطعة.

· الكهربة ما جات.

· اقل شكوى عندو (مواصلات مافي).

· رطل السكر بقى يتموه لينا (نوايا حسنة).

· تسألهم من باقى الرطل ..يقولوا ليهم خصمو نصو للعرس الجماعي.

· كيلو الباسطة ..نصو بقى (قراصة).

· ويقولوا ليك دي باسطة دي.

· الطحنية ذاتها بقى طعمها دقيق – دقيق.

· وناس المريخ بتعذروا ..الهزائم دي اصلو ما بتلفتوا فيها ..يدقوا ليهم صيوانين.

· صيوان للبكا.

· وصيوان للعذر.

· زي الزول الوقت تحصل ليك حاجة ..ما بيجيك ..اول ما يلاقيك صدفة في شارع ميت كدا..يقعد يتعذّر.

· مرة يقول ليك والله انا كنت برة البلد.

· ومرة يقول ليك والله ما سمعت إلّا امس.

· ومرة يقول ليك (خالتي) كانت تعبانة شوية...راجع اول امس من البلد.

· ومرة يقول ليك ..ما عرفت البيت.

· والتلفون راح مني ..فيه كل النمر.

· طبعا حكاية نمرتك راحت مني في التلفون الاتسرق ..شايفها ماشه شديد...اي زول ما بضرب ليك يلاقيك بعد فترة بقول ليك كدا.

· كل ما تحصل ليك حاجة هو بيخلق ليه (عذر) من مافي..

· الغريبة هو نفسو ما بكون مقتنع بالعذر.

· عشان كدا بيشعر ليك بي خجل غريب كدا.

· براهو بتلقوه متحسس.

· والحكمة ما بلقاك إلّا في شارع ضيق..ما يعرف يمشي وين؟.

· الزول وقت يتلّوم في (الواجب) موقفو بيبقى شين.

· حالتو بتبقى صعبة.

· ناس المريخ هسع كملو الفهم دا.

· ما خلو شيء.

· شفتوا نحن معاهم من زمن – (الارضية) كعبة ...والملعب (حظيرة) والكلام البنسمعو بعد اي مباراة في الولايات.

· سوء ارضية الملعب ..بكتبوا فيها شعر (هجائي) عديل.

· ينزلوا ليك (ردحي) في سوء ارضية الملعب ..لمن تحن عليهم.

· والمريخاب عندهم عذر ثابت بعلقو فيه خسائرهم ...(التحكيم)..وعندنا ضربة جزاء الحكم ما احتسبها لينا.

· واللاعب داك مفروض الحكم يطردو.

· الناس ديل بقوا يجيبوا ليك (سيحة) يوم الجمعة عشان يحنك ليهم الهلالاب ويقول ليهم ضربة جزاء المريخ صحيحة.

· موضوع الحكم بقى ما قاعد يجيب ليه حاجة في المريخ – عشان الحكم في اي مباراة بحسب ليه ضربة جزاء للمريخ.

· وبطرد ليهم لاعب.

· الحكم يعمل ليكم شنو بعد كدا؟.

· والله ما فاضل ليه إلّا يحشي ليكم (سندوتشات) الطعمية لطلاب المدارس.

· اصلي شايف النسوان بيشكن من قومة الصباح ومن (سندوتش) المدرسة.

· الحكم اصلو ما قاعد يقصر.

· الزول دا في (الكشف) قاعد يخت.

· تاني يعمل ليكم شنو؟.

· في زمن كدا ..المريخاب كان بتعذروا بالمطر ..من يشوف ليهم مطرة ان شاءالله في (التوقعات) ساكت ..بقول ليك المطرة.

· لو لقوا ليهم (ترعة) قديمة ..بمسكوها يتعذروا ليك بيها.

· لو المطرة في كسلا وبيلعبوا في بورتسودان يقولوا ليك المطرة!!.

· الحمدلله ..وبفضله امس الهلال انتصر في (المطر)..انتصار (مطري) جميل كدا وتلات نقاط (خريفية).

· موضوع (المطر) بقى ما قاعد يقسم مع الجماهير.

· يعني ما في فريق محترم كدا..بيخسر ويرجع بعد الخسارة يعلق الهزيمة في (المطر).

· المطر نحن في تالتة ابتدائي.

· مطرة شنو؟.

· مانقو ذاتو خلى المطرة.

· المطر في كتب المطالعة بقوا ما قاعدين يجيبوها.

· عليكم الله هسع ناس بكري وضفر ديل المطرة لو ضربتهم سنة كاملة بتعمل ليهم حاجة.

· خسرانة المطرة – ما خسران المريخ.

· ما تقعدوا تغشغوا في الناس ساكت.

· الناس ما ناقصة (غشغشة).

· فتروا من (الغشغشة).

· انتهينا من المطر ..ظهر لينا عذر جديد.

· عذر (ضغط اللعب المتواصل)..وضغط المباريات – الكلام البقوله في الاستديوهات التحليلية داك.

· السنة دي طبعا ما عندهم طريقة يقولوا ليك ضغط المباريات ..عشان الهلال بضرب ليك مازيمبي الليلة.

· وبمشي يضرب ليك الاهلي مدني تاني يوم.

· صحيح الهلال عندو فريقين ...الاساسي والرديف ..والرديف ما بختلف في حاجة عن الاساسي ..لكن برضو دا ما عذر ليكم.

· اعملوا ليكم (رديف) مع الناس.

· ح نسمع انو المريخ مركز في البطولة الافريقية والبطولة المحلية ما مشكلة.

· طيب الهلال دا في البطولة الافريقية مشارك بالنسور الخرطوم.

· الحمدلله ..صدارة افريقية وصدارة محلية ..كملنا الفهم كلو.

· الله يحفظ صدارتنا في اي بطولة او منافسة بنلعب فيها.

· احفظها للكاس.

· المريخ بعد الخسارة في عطبرة 0 / 2 من الامل العطبراوي (صادر) رزاق ..رجعوا لينا من عطبرة وقالوا (عمر عثمان) ضرب ليه حكم في القضارف قبل سنة.

· رجعوا لينا بي شكوى.

· ودا شكل من اشكال الاعذار الوهمية.

· عشان كدا الليلة لقيت ليكم (عذر) – اصلو ما بخطر ليه بي بال زول.

· عذر زي بتاع عطبرة.

· العذر دا مسّكوه ناس مزمل ابوالقاسم ..بدوروا ليكم فيه ..لمن المريخاب يصدقوا.

· اعملوا ليكم اي شكوى (وهمية) كدا ..مزمل ابوالقاسم بتمها ليكم (نضمي) ساكت.

· لمن الموضوع يموت.

· بعدين اسامة عطا المنان ذاتو ما قاعد يقصر معاكم ..لو اشتكيتو ليه من (ضرس) بعيد ليكم المباراة.

· انتوا قايلين شنو؟.

· هسع الفكرة الجديدة العندي ليكم يا مريخاب ..تشتكوا في (منذر رحال).

· منذر رحال دا اصلو ما تخلوه.

· وصلوها الفيفا.

· منذر رحال مالو؟.

· منذر رحال عندو خالو في (الدمازين) سنة 86 ..ضرب ليه (حكم) بونية في الدافوري بتاع الحلة.

· منذر رحال ذنبو؟.

· اول عمر عثمان كان عندو ذنب.

· ح تقولوا لي الكلام دا ما حصل ..وما في اصلا كلام زي دا.

· ح اقول ليكم اول (عمر عثمان) بتاع الامل عطبرة كان ضرب ليه حكم بونية في القضارف عشان تقعدوا تتعارضوا لي في خال منذر رحال.

· أهو كلام جرايد ساكت.

· وناس سلك ما بقصروا ليكم في الموضوع دا...بعملوا ليكم سيناريوهات ظريفة كدا.

· بقطعوها ليكم.

· اشتكوا ..على الاقل تطلعوا جماهير المريخ من الحالة التعادلية دي.

· شوفوا ليكم اوراق (وهمية) كدا ..وقدموها للاتحاد العام.

· اصلو البلد دي اي حاجة بقى فيها وهمي.

· مدرسة تطلع (وهمية).

· على كبك (وهمي).

· كلو وهم في وهم.

· يعني بقت على شكوتكم دي.

· اصلو ما تخلوه منذر رحال دا.

· اشتكوا في حارس هلال كادوقلي فيصل حسين ...الزول دا ما بعرف يسوق عجلة.

· انتوا قولوا كدا في الشكوى ..اسامة عطا المنان بتصرف.

· او اشتكوا مهاجم هلال كادقولي مؤمن موسي ...الزول دا زمان لمن كان في الاساس ما كان بحضر حصة (الجغرافيا)..بدكها عديل كدا.

· اها شفتوا دك حصة الجغرافيا دي بعيد ليكم المباراة.

· اشتكوا في فودي ديباتي ...قولوا في الشكوى ...الزول دا وقت يطلع من الصالون بخلي (المروحة) فاتحه.

· يخليها ليه؟.

· ما صاح منو؟.

· المهم انتوا ما بتتحيروا ..بتلقوا ليكم (شكوى).

· .........

· ملحوظة : انتصارنا نحن بي مطرتو.

هوامش

· مطر في الخرطوم.

· ومطر في الكاملين.

· فرح هنا.

· وفرح في كادوقلي.

· الفرحة وقت تكون مزدوجة بكون عندها طعم مختلف.

· من هسع ابقوا عارفين ..وفتحوا عيونكم.

· الهلال عندو مباراة صعبة في كوستي امام مريخ كوستي.

· وعندو مباراة صعبة مع هلال الفاشر في (النقعة).

· ونحن ما بنقبل اي (تعادل).

· الممتاز يبقى بطولة محببة للهلالاب.

· وهي بطولة نسعد بها كثيرا.

· الهلال في الممتاز بحقق في ارقام قياسية.

· عاوزين نواصل هذه الارقام.

· ما في اي تفريط.

· التألق والتقدم في البطولة الافريقية لا يعني التفريط في الممتاز.

· الفريق البطل ..بطل في اي منافسة يلعب فيها.

· اذا لم يكن الهلال بطلا للممتاز كيف يكون بطلا لافريقيا.

· الحاجات عندها علاقة بي بعض.

· عشان كدا ..الاجادة والاتقان والانتصارات عاوزنها افريقيا ومحليا.

· فاقد الشيء لا يعطيه.

· اذا فقدنا الممتاز سوف نفقد بطولة الاندية الافريقية.

· الحمدلله ان الهلال عندو اكتر من تيم.

· لذلك التقدم في كل البطولات والفوز بها ممكنا ومتاحا للهلال دون غيره من الاندية.

· ما في احلي من (الصدارة).

· ما في حاجة بتمتعنا في الدنيا دي قدر (الصدارة).

· حسمنا صدارة الممتاز ..وعاوزين نحسم صدارة المجموعة.

· خطوة – خطوة.

· ومهمة ..مهمة.

· وجمهور الهلال هو الزاد وهو السند وهو الداعم.

· ولو لقينا لينا مطر مع الحاجات دي بتكون مية المية.

· انتصار بي مطرتو.

· اجواء مثالية.

· وفرح هلالي خاص.

· عندما تعادل الهلال في كادوقلي ..لم نقل كلمة في سوء ارضية الملعب.

· اعتبرنا التعادل خسارة كبيرة على الهلال.

· عشان كدا يا ناس المريخ ما تعملوا لينا ارضية الملعب (سبب).

· ضفر دا عاوز ليه ارضية ملعب؟.

· يعني يفرشوها ليكم ماكيت.

· يا بشه الله يديك العافية.

· ............

· عاجل : ناس المريخ المطرة بقت ليهم (مسيخة) جنس مساخة!!..ما ضاقوا ليها طعم.

انقر هنا لقراءة الخبر من مصدره.