شاهد بالفيديو.. في مشهد مؤثر.. كابتن طائرة "سودانير" المتجهة إلى العاصمة الخرطوم ينهار بالبكاء أثناء مخاطبته الركاب    الصحفية سهيرة عبد الرحيم: (شعرت للحظة أن وزير الخارجية المصري سيهتف داخل القاعة "جيش واحد، شعب واحد" من فرطٍ حماسه في الجلسة)    شاهد بالفيديو.. والدة الفنان الراحل محمود عبد العزيز: (اتخذلت في هذا المطرب!! وكل من كانوا حول الحوت منافقون عدا واحد)    وزارة المالية توقع إتفاق مع بنك التضامن الإسلامي لتقديم خدمة إيصالي    شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه    منع مشاركة أي وزير في أعمال أي لجان أو مجالس أو كيانات خارج نطاق الحكومة إلا بإذن من رئيس الوزراء    شاهد بالصورة.. اللاعب هاني مختار يتوشح بعلم السودان في جلسة التصوير الخاصة بناديه الأمريكي    شاهد بالفيديو.. بتواضع كبير "البرهان" يقف بسيارته في الشارع العام ليشرب عصير من الفواكه قدمه له أحد المواطنين بدنقلا    البرهان يقدم واجب العزاء في الشهيد اللواء معاوية حمد قائد الفرقة 22 مشاة بابنوسة    وزير الخارجية والتعاون الدولي يلتقي رئيس مفوضية الاتحاد الأفريقي    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    وزارة الشباب والرياضة تواصل انفتاحها على الولايات    ارتفاع في اسعار محصول الذرة واستقرار سعر السمسم بالقضارف أمس    عثمان ميرغني يكتب: إثيوبيا والسودان: تشابكات الحرب والأمن الإقليمي    وفاة ثالث رضيع تناول حليبًا ملوّثًا بفرنسا    مشروبات طبيعية تدعم مناعتك.. روشتة حمايتك من العدوى    دراسة تربط طنين الأذن بالإنتاجية في العمل    إلغاء رحلة قطار إلى الخرطوم..إليكم تفاصيل    جوجل تسهّل إزالة المعلومات الشخصية والتزييف العميق من نتائج البحث    "ميتا" تبني مركز بيانات بقيمة 10 مليارات دولار    إضافة علامة تبويب الإعدادات بواجهة "واتساب"    المريخ يواصل تدريباته بقوة بكيجالي والدامر    انطلاق دورة متخصصة لتطوير الأداء الرقمي برعاية وزير الشباب والرياضة    وزارة الشباب والرياضة تواصل انفتاحها على الولايات ووكيل الوزارة يشهد ختام دورة شهداء السريحة بولاية الجزيرة    رشيد الغفلاوي يلتقي قيادات الاتحاد السوداني لكرة القدم    تطور حاسم بقضية "الاعتداء الجنسي" في منزل لامين يامال    كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    هدى الإتربي تكشف كواليس مسلسل "مناعة": تجربة مختلفة بتفاصيل إنسانية    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    ضياء الدين بلال يكتب: قوش وآخرون... جرد حساب!    الدولار يواصل التراجع أمام الجنيه فى منتصف تعاملات اليوم    مسؤول سوداني يغادر إلى تركيا    السودان.. وزير الشباب والرياضة يصدر قرارًا    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الوالي لو سمع بي ال (8) دي ما برجع ليكم
قوون نشر في قوون يوم 05 - 03 - 2016

رفع الدعم عرفناهو – رفع الرايات شنو كمان؟..اي هجمة للهلال رافعين فيها رايتهم
احسن هجوم – جايب ليه في 90 دقيقة تمانية اهداف..يعني كل 11 دقيقة و15 ثانية الهلال بجيب ليه هدف
عمار الدمازين (الفاول) تقول بيجي شايلو من الدولة المهدية ..بخم ليك المهاجم بي (قصبو
شغل الهندسة كله كان في هذا الهدف – الجماعية والقومة من صباح الرحمان – والجمعيات التعاونية والادبية كلها كانت في هدف بشه الرابع

* حفلات 1957 في المسرح القومي بام درمان (وردي) كان بيبدأها ب (بعد ايه).
* بي قميص (كاروهات) ...اكمامه مكفكفة.
* والناس تخش في (ضيعوك ودروك – انت ما بتعرف صليحك من عدوك) لمن الحكم المساعد يرفع رأيتو.
* رفع الدعم عرفناهو – رفع الرايات شنو كمان؟.
* اي هجمة للهلال رافعين فيها رأيتهم.
* رفع الدعم عن الغاز.
* رفع الدعم عن الموية.
* رفع الراية في هجمات الهلال.
* بنقعد ليكم – بس نفضى.
* وردي في مسرح سينما الخرطوم جنوب سنة 1957 بدأ حفلته ب (ذات الشامة)...(ابصص ليكم الاجابة دا هدف الشيخ موكورو).
* ثم جاء محجوب شريف فصار (وردي) يبدأ حفلات التمانينات ب (جميلة ومستحيلة)...(هدف بشه الرابع).
* يحرق الفشفاش.
* جميلة ومستحيلة.
* حفلة لندن بدأها محمد وردي ب (قلت ارحل) – ثم بكي وردي في (وزي وطنا وقت اشتاق ليه برحل ليه من غير زاد).
* الارسال بقطع هنا.
* حفلة اديس ابابا كانت اشهر اغنياتها (فرحا) اغنية محمد يوسف موسى (عذبني).
* وردي خلط بين العذاب والفرح في استاد اديس ابابا.
* الحبش ما فهموا اي حاجة.
* انتوا قايلين اخوانا (الحبش) الجابهم الخرطوم شنو؟.
* جابهم وردي ب (عذبني وزيد عذابي).
* حفلات التسعينات كان وردي بيبدأها ب (عصافير الخريف).
* ولمن نبقى على (احساس غلبني اتحملو) بنشيل (شنطتنا) ونرجع.
* في الالفية الثالثة صار فنان افريقيا الاول محمد وردي يبدأ حفلاته ب (اقابلك).
* ربما لأن وردي بعد 2005 كان يغني جالسا لذلك تكون الاماني ب (اللقيا) – لذا طرز وردي امانينا ب (اقابلك).
* عاوز اقول ليكم – من غير ما اطلع كراس الحساب وافتح التلاجة حفلة امس بدأها كاريكا بالقون الاول.
* التمانية دي كنت منتظر من نشوتها ان يأتينا منها الهدف الخامس اولا – عشان المريخاب ديل ما يفهموا اي حاجة.
* يعني الهدف الخامس يجي قبل الهدف الاول – (وقعت ليكم وإلّا اجيب ليكم روسي بتاع مساحات).
* الروس ديل ذاتهم – (شعرهم) كمل من البعمل فيه (بشه).
* بشه دا امس ما فاضل ليه إلّا يحشي ليه (سندوتش) بتاع جبنة لحارس الامير مرتضي.
* يا مرتضي في زول بيحرس ليه (حواشه).
* ويفك (بشه) قدامها.
* يا مرتضي انت مبرم شعرك على شنو؟.
* الصلعة وجبت بعد التمانية.
* هدف بشه الرابع واقف للمريخاب هنا.
* شغل الهندسة كله في الهدف دا – الجماعية والقومة من صباح الرحمان – والجمعيات التعاونية والجمعيات الادبية كلها كانت في هدف بشه الرابع.
* الهدف دا فيه شغل عالي.
* نحن حسب قرايتنا القريناها – حسب الحاجة البنعرفها.
* الزيادات في الموية فهمناها.
* الزيادات في الغاز وقعت لينا.
* لكن الزيادات في (الاهداف) – اول مرة نسمع بيها امس.
* الفيضان في مارس – ناس الارصاد قاعدين وين؟.
* نحن اي حاجة عندنا بي نظام.
* بما في ذلك ضربتا جزاء الهلال.
* انتوا فاكرين نحن عاملين كدا ليه؟.
* نحن قاصدنها.
* عاملنها مخصوص.
* ضربة جزاء لبشه.
* وضربة جزاء لمحمد عبدالرحمن – عشان تراوري يفهم ويعرف ضربة الجزاء بيسجلوها كيف؟.
* زولكم بضيع ليه ضربة جزاء وبغزغز ايديه في نصو.
* يضيع ضربة الجزاء ويكورك في (بخيت خميس).
* دي ما حقارة عليكم الله.
* نحن الامير اصلو ما عندنا معاهو مشكلة ..ولا عندنا معاهو قضية.
* كان على الامير براهو ...تلاتة كتيرة عليه.
* لكن نحن مشكلتنا الاولى والاخيرة مع لجنة الاستئنافات – عشان تاني ما تقعدوا تعدلوا لينا في النتيجة.
* وتعيدوا لينا في المباراة.
* جبناها ليكم (تمانية) عديل كدا.
* يعني نتيجة المباراة اكبر من دخل المباراة.
* دي قابلتكم قبل كدا.
* قالوا ليك مريخابي قافل على (تمانية).
* اي تمانية.
* بعد المباراة فكوا ليه تمانية تمانيات ما مشى عليها.
* يمشي عليها وين مع تعادل النسور دا.
* انتوا عارفين تعادل النسور زي شنو؟.
* زي الزول البيجي نص الليل ..ويدخل البيت يلقى الناس كلها نايمة – يمشي على المطبخ يفتح التلاجة ما يلقى فيها اي شيء.
* غير جركانة موية باردة.
* ينوم جيعان.
* ينوم القوا.
* هسع ناس الامير ديل تلقاهم (شبطتهم) للسماء.
* تلقاهم هسع قاعدين يقولوا نحن الطلعنا الممتاز شنو؟.
* نحن كان مالنا؟.
* نحن الجابنا هنا شنو؟.
* كان احسن لينا (تانيتنا) دي لا بشه ولا تمانية...مالنا ومال الممتاز؟.
* الجابركم على التلتلة دي شنو؟.
* غايتو لو كان عندكم كرامة – كان من اسبوعكم دا تنزلوا دورى الدرجة الاولى في ولاية الخرطوم.
* تلحقوا ناس الحلفاية والكدرو والتحرير.
* الموضوع دا ما بتقدروا عليه.
* لا انتوا – لا ناس المريخ.
* احسن نكون واضحين معاكم.
* ونقولها ليكم عديل.
* ناس الهلال ذاتهم بيبالغوا.
* في مباراة واحدة – عملوا اي شيء.
* احسن دفاع ..اصلو دي مفروغ منها مع مكسيم وابيكو وعمار الدمازين.
* عمار الدمازين (الفاول) تقول بيجي شايلو من الدولة المهدية ..بخم ليك المهاجم بي قصبو.
* انا قلت قصبو؟؟؟.
* مالي عاوز ألخبط.
* امسحوها دي.
* احسن هجوم – جايب ليه في 90 دقيقة تمانية اهداف.
* يعني كل 11 دقيقة و15 ثانية الهلال بجيب ليه هدف.
* الكلام دا ناس ضفر بقدروا عليه.
* والله لو ضفر قرأ ليه (طب) ما بقدر على الشيء البعملوا فيه ناس مدثر كاريكا ديل.
* صدارة في النقاط.
* صدارة في الاهداف.
* صدارة في قلة الاهداف المستقبلة.
* تاني شنو؟.
* السنة دي – حالفين ما نخلي ليكم اي حاجة.
* من نظافة الشباك الى لقب الهداف.
* بشه ذاتو شال لقب الهداف.
* تاني شنو؟.
* يلا لموا المحترفين بتاعنكم ديل – كلموهم قولوا ليهم لقب الهداف ح يشيلوا لاعب سوداني.
* بلا تراوري.
* بلا ازيكال.
* بلا كلتشي معاكم.
* سوداني بس.
* وفي السوداني لاعب وسط.
* تاني ما عاوزين نسمع لينا اي صوت.
* ولا كلمة.
* الموضوع انتهى.
* والله السنة دي الهلال ناوي يكتسح اي حاجة.
* بما في ذلك طابقكم التاني.
* يعني انتوا فرحانين بالطابق التاني ..نحن عملناهم تلاتة.
* غايتو لو الكاردينال امس شاف اهداف بشه دي بيعمل الجوهرة الزرقاء (8) طوابق.
* يا زول!!.
* تاني ما بنقيف نحن.
* ولا بنتلفت.
* وعشان ما ادخلكم في احراج.
* وعشان الموضوع ما يبقى ليكم صعب.
* وتقعدوا تتعقدوا لينا في الجرايد.
* جمال الوالي ما تكلموه.
* اسكتوا ساي.
* ما جيبوا ليه سيرة للتمانية دي.
* موتوا بيها.
* جمال الوالي البنعرفو داك ..لو سمع بي التمانية دي ما بيرجع ليكم.
* يا عالم الزول دا (تلاتة) اهداف ..بتخليه يقدم استقالته ويقعد ليه (6) شهور في البيت.
* عاوزنو يرجع ليكم بعد التمانية دي.
* انتوا جنيتو؟.
* غايتو لو عاوزنو يرجع ما تكلموه.
* اعملوا ليه التمانية ، اتنين.
* نحن ما بنتكلم.
* اصلو الهلال من قالوا ليه جمال الوالي راجع فتح.
* والمريخ اتراجع.
* من جابوا سيرة رجعة جمال الوالي – المريخ اتعادل مع النسور – والهلال غلب تمانية.
* قلنا ليكم جمال الوالي (بركة) معانا.
* اقول ليكم – التيم الماسكو اسامة ونسى دا – لو مسكو جمال الوالي بنزلو التانية.
* اسامة ونسى بي (فلستو) دي ..فقد 4 نقاط فقط.
* بي تيم ..راجي عبدالعاطي ما راضي يلعب فيه.
* مسّكوا التيم دا جمال الوالي – شوفوا البحصل شنو؟.
* واسألوني لو ما نزلتو.
* بعدين عشان الحاجات تبقى ليكم واضحة...نحن تاني ما قدركم.
* ولا بنلعب معاكم.
* شوفوا ليكم (ند) تاني بعد تعادل النسور.
* نحن كبرنا على الحاجات دي.
* تنافسوا هلال الابيض في المركز الخامس.
* تنافسوا هلال كادوقلي في المركز الرابع.
* اهلي شندي في الثالث.
* الخرطوم الوطني.
* بي طريقتكم – نحن تاني ما بنعاين ليكم.
* شن جاب لي جاب؟.
* ناس تغلب تمانية.
* وناس بعد لجنة الاستئنافات واسامة عطا المنان...وضربة جزاء وحالة طرد بتعادلوا مع (النسور).
* تاني اوعكم تجيبوا سيرتنا.
* ألعبوا مع القدركم.
* ..........
* ملحوظة : تتعادلوا مع النسور وتتكلموا في السياسة.
* هوامش
*
* جمال الوالي نوى يرجع ساكت – اتعادلوا مع النسور.
* طيب لو رجع عديل ..كان حصل شنو؟.
* قول انت بقأ.
* نحن تمانيتنا دي تاني ما بنفكها.
* بنجيبها من عصر بدري.
* ولا بنجامل فيها.
* يرجع او ما يرجع.
* دي حاجة ما بتخصنا.
* الحكم المساعد ..اصلو نزل رافع رأيتو وإلّا الحاصل شنو؟.
* الزول دا في ضربة الجزاء عاوز يرفع رأيتو.
* ايدو مجبصة فوق.
* طبيعي كدا.
* شكلو.
* ضربة جزاء المريخ امام النسور الصورة اثبتت انها غير صحيحة.
* وفوق دا ..المخالفة لو اعتبرنا صحتها برة ال 18.
* وامير كمال اثبت سيحة انه مفروض يتم طرده.
* وفي مباراة المريخ ومريخ الفاشر سيحة قال بكري المدينة وتراوري الاتنين مفروض يطردهم الحكم.
* وقون المريخ في النيل غير صحيح.
* يعني لو في تحكيم صاح ...المريخ كان هسع عندو 3 نقاط فقط.
* الغريبة وبعد ان ثبت عدم صحة ضربة جزاء المريخ امام النسور واستحقاق امير كمال للكرت الاحمر ..رضا مصطفى الشيخ قال الاسبوع دا التحكيم كان جيد.
* جيد في شنو؟.
* الامير لو قدم شكوى في الهلال بيكسبها.
* تمانية يوم اربعة.
* ما بتجي.
* نحن الحقيقة بنقولها.
* اي فريق يقابل الهلال في الممتاز بعد التمانية دي مفروض حارس مرماه على الاقل يكون عندو دبلوم محاسبة.
* ومفروض الحكم يسمح ليه بالدخول ب (آلة حاسبة).
* عشان الحسبة تسهل ليه.
* مرتضي حارس الامير ..قالوا طلع بعد المباراة يسأل من نتيجتها.
* يا ريت ..لو البرلمان حقنا دي كان عندو فريق كورة قدم.
* عشان التمانية دي نجيبها فيه.
* ناس البرلمان يستاهلوا التمانية.
* عاوزنها ليكم والله.
* ابوعاقلة امس قدم مباراة كبيرة...وكان نجم.
* وكان وليد الشعلة اكثر من رائع خاصة في الشوط التاني.
* ولاءالدين يحتاج يقعد برة شوية!!.
* رجعت محمد عبدالرحمن بالدنيا.
* واحلى باص لعبو اطهر الطاهر لكاريكا الذي لعبه لبشه.
* نظام.
* كلمات لا بد ان تقال.
* ........
* عاجل : جمال الوالي امس مسكوه ..كان عاوز يقدم استقالته ..قالوا ليه انت اصلا برة المجلس – ما تنفعل ساكت.

انقر هنا لقراءة الخبر من مصدره.