سودارس : بقت عليكم (نسور) وخراب (امير)

السيليكون.. مكمل غذائي يكشف عن مزاياه للبشرة الجيش في السودان يكشف عن عمليات إعادة تموضع علم النفس يحدد أكثر الأشخاص وحدة في معظم الأوساط الاجتماعية برشلونة والهلال.. (والعايش في الغيبوبة).!! عاجل.. اغتيال لاريجاني البرهان يعلن موقفه من الإخوان والشيوعيين ويعلّق على معارك دارفور وكردفان دراسة : الأطعمة فائقة المعالجة تهدد كثافة العظام ابتكار علاج لسرطان القناة الصفراوية من الحليب رسوم امتحانات الشهادتين الابتدائية والمتوسطة تشتعل ومطالب بتوضيح رسمي صمود يثير الجدل في السودان بإعلان غامض يُكشف اليوم في تمام الواحدة ظهراً وفد من نادي المريخ يزور اللاعبين المصابين في القاهرة قرارات لجنة الاستئنافات برئاسة مولانا الدكتور محمد عثمان ابشر نائب رئيس اللجنة ياسين أقطاي يكتب: كيف وقعت إيران في هذا الخطأ الإستراتيجي؟ تقارير: ترمب تعرض عليه بشكل منتظم خيارات لإنهاء الحرب مع إيران رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة اكتمال الترتيبات لتأمين عطلة عيد الفطر بالخرطوم عبر خطة أمنية محكمة شاهد بالصورة.. إبراهيم بقال يدافع عن "كبر": (الذين قاموا بتسريب ونشر المقطع لم يكونوا قحاتة او دعامة الخبث والمكائد هي اس البلاء) بكري المدني يكتب: اقالة محمد بشار-علامة استفهام!! شركة كهرباء السودان تحديث حول سير أعمال الصيانة الطارئة للشبكة القومية حكم إحدى الولايات لمدة 11 عام.. من هو القيادي بالحركة الإسلامية "كبر" الذي أثار الجدل بمقطع فيديو تم تسريبه له؟ وما هي أبرز المناصب التي شغلها؟ شاهد بالفيديو.. الناشط الشهير منذر محمد يقدم اعتذار رسمي للمودل آية أفرو: (اعتذر على إختياري ولكن النصيحة لسه في محلها) إبنة الشاعر والإعلامي الراحل السر قدور تنشر بيان بشأن أغنيات والدها وتهاجم قناة "البلد" بسبب الأسلوب الغير لائق بالفيديو.. شاهد رد الفنان مأمون سوار الدهب على الصحفي أحمد دندش عندما وصفه بأنه "ولد حسين الصادق" لافروف قلق إزاء مستقبل نظام عدم انتشار الأسلحة النووية أنشيلوتي: كروس وضع مبابي في مأزق.. وفينيسيوس رجل المباريات الكبرى بدء تفويج المركبات من الجزيرة ريال مدريد يستعيد مبابي وبيلنغهام قبل ملاقاة مانشستر سيتي توقّعات بارتفاع غير مسبوق في أسعار النفط 7 نجوم يتعاقدون على مسلسلات جديدة لرمضان 2027 الترجي يهزم الأهلي في ذهاب ربع نهائي دوري أبطال أفريقيا "نظرية مؤامرة مختلة".. هاري وميجان يهاجمان مؤلف كتاب عن العائلة المالكة جيسي باكلي والأوسكار.. إنجاز غير مسبوق للمرأة الأيرلندية انقطاع طويل للكهرباء يضرب مُدناً وقُرى سودانية واسعة في رمضان ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل ضربة جزاء.. تعادل قاتل لنهضة بركان المغربي أمام الهلال السوداني في ذهاب ربع نهائي دوري الأبطال ترامب يرفض جهود الوساطة.. وإيران "لن نفاوض تحت النار" بعد أن اتهمها بالتقرب إلى لجنة إزالة التمكين وشراء "توسان".. الصحفية عائشة الماجدي ترد على أحد النشطاء: (أنا أرجل منك) قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف بينها تعزيز جهاز المناعة.. فوائد صحية لن تتوقعها للابتسامة عطل مفاجئ.. وكهرباء السودان تعلن عن برمجة بولايتين بيان توضيحي مهم من وزارة الطاقة حول الإمدادات البترولية إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة السودان.. مباحث مكافحة سرقة السيارات تطلق تحذيرًا

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بقت عليكم (نسور) وخراب (امير)

كورة سودانية نشر في كورة سودانية يوم 05 - 03 - 2016

دق الدلجة
محمد عبد الماجد
بقت عليكم (نسور) وخراب (امير)
نحن قاعدين في (قوز الرملة)…متفنين في التراب ولا جايبين خبر.
ولا شغالين بالموضوع.
وعشان اثبت ليكم ذلك ..كنا بنتكلم عن فريق (الارسنال)…قدر ما يبقى على (البطولة) يقوم يعتذر.
الارسنال دا لو كان مشارك في بطولة براهو – بشيل فيها الميداليات البرونزية.
الذهبية ولا تحلموا بيها مع (الارسنال) دا.
قاعدين كدا – ولا هنا.
ولا شغالين لينا بي زول.
جانا شافع (مطيميس) – قال لينا (الريح ود سبط البلح) – وقعت فيه (صاقعة) ، قسمتو على اربعة.
موبايلو طلع برة الشبكة.
وهو ذاتو بقى يتكلم برة رأسو.
بيجيب ليه في كلام (دُراب) ساكت – زي (شريط الكاسيت) وقت يعضّي.
وقت يمسك في الترس.
صوت حمد الريح يبقى ليك زي صوت الريح ود حمد.
بقلب براهو.
يدخل ليك (الرحيل) في (الوصية).
(الساقية) يجيبها ليك في (يا مرية).
البلم الدوش مع صلاح احمد ابراهيم شنو؟.
لو ما ساي.
قاعدين كدا.
عاوزين نقوم نمشي على (الريح ود سبط البلح) بعد الصاقعة الوقعت فيه – (خليفة ود الشارع الطويل) ، قال لينا دي ما (صاقعة) دي (تمانية) الهلال.
الزول دا مستهبل ساكت.
رجعنا قعدنا.
قلنا ان بقت على (تمانية) الهلال ان شاءالله يموت فيها – عامل (اضنينو) المتل سرج العجلة الدبل.
التمانية بتنتهي منو؟.
بتكتلو.
الزول دا فد قون في (النسور) بقوم ليه نفسو – هسع مع (التمانية) دي لو اتماسك بكون فوت.
لو قريب في احمد شرفي.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
التمانية ذاتها كتيرة.
لو جينا للجد – كترتوها.
مسختوها.
تمانية ليه؟ – انتوا قالوا ليكم ناس (الامير) ديل شغالين في (الحصاد).
عندهم (نفير).
شغالين في (الهجرة).
وزارة الرعاية.
تمانية دي نحن زمان في (جداول الضرب) قاعدة تجهجهنا – حافظين الجداول كلها – إلّا جدول تمانية.
تجوا انتوا يا بشه تعملوها في (الكورة).
تمانية مع (السكرى) بتكتل.
مع الضغط – موت جاهز.
لو عندك (صلعة) وراثية ساكت مع (التمانية) دي ممكن تروح فيها.
الفرحة البتمرق في الحوش – بتكرفس (الملايات).
وتمد عيونك زي (اول الشهر).
الطعم بيبقى ليك – طعم صلصة حرقانة ..صلصة حرقانة.
عندنا جلاليب (زُرق) ما بنطلعها ونلبسها إلّا لمن الهلال يغلب (تمانية).
بندسها.
بنفرها من (الدولاب) – ونخوجل بيها في الحلة….نشق بيها الفريق.
ونقيف في حيطة (سليمان ود الكُتر).
نضمينا بيبقى براهو لمن الهلال يغلب (تمانية).
لا بتعرفو انجليزي – لا بتعرفو فرنسي.
شيء ملخبط كدا.
بين بين.
الدوش مع شوية عاطف خيري.
وقت الهلال يغلب تمانية..الما عندو (منديل) بيعمل ليه (منديل) لزوم (القشرة)…والفكة في النفس.
لو ما عاوز تعطس ..بتعطس.
قشرة ساكت.
بنفكها في نفسنا.
نعمل شاي اللبن – بدون (لبن) – مع (التمانية) دي (اللبن) نعمل بيها شنو؟.
نقننو بدون (قُنانة) – بقول ليكم من الصباح هو شاي لبن بدون (لبن) ، يعني صعبة عليه يبقى (مقنن) من غير (قُنانة).
يعني بقت على (القُنانة).
القُنانة مع اقوان بشه الاربعة نعمل بيها ايه؟.
تخلوا الموضوع الرئيسي وتمسكوا ليك في حاجات هامشية.
يزيدوا ليهم (الموية)..يكلمونا عن برمجة النيل الازرق في رمضان.
مالكم انتوا؟.
شوفوا (نسوركم) وين؟.
اطلعوا منها.
مفروض بعد (التمانية) دي – تقيفوا من الباسطة.
والطحنية.
والفول المصلح.
والكرسي العلي الشباك.
هوا نضيف ..ما في ليكم.
بشه دا.
بشه الشفوتو امس بي اقوانو الاربعة دي لو مسّكوه مشروع الجزيرة – (القمح) في (الصيف) بينجح ليكم.
خلوه الشتاء.
كمان نحن بنلعب.
لو ناس المريخ عاوزين يشتكوا بعد المباراة مفروض يشتكوا.
ما تصبحوها.
التمانية كتيرة.
وللامانة كدا – بشه دا لو امس دخل المباراة ما شايل ليه (سماعة) طبيب بكون بالغ.
الشغل البعمل فيه بشه دا شغل زول شايل (سماعتو).
بشه بتحسس (الهدف) قبل ما يسجلو.
مرتضي حارس الامير من الاهداف التمانية بقى زي استاذ الجغرافيا البدرس ليه في حصة انجليزي.
ما فاهم فيه اي شيء.
مرتضي حارس الامير – من الاهداف التمانية بقى زي (جدودنا زمان وصونا على الوطن).
ما عارف (الشبه) دا جاني من وين؟.
المهم جاني وكتبتو ليكم.
حاجة لقيتها قدامي كدا – وركبتها ليكم في النص.
ما عارف.
لكن شاعر انو (التمانية) دي كتيرة.
في طعم (حرجل).
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
لمن الهلال يغلب (تمانية) – بنشغل (وردي) بدون (وردي).
وندور ليك في (بشوف في شخصك احلامي)..من غير (نص)…النص نعمل بيه شنو مع البعمل فيه (كاريكا) دا؟.
نحن وقت يجيبوا لينا الواقع قدامنا – الاحلام نعمل بيها شنو؟.
امس من الفرحة – فتحت الموبايل – لقيت ليك الموبايل بي رصيدو وهو (جنيه) ما كان فيه.
وقفت في (العداد) – لقيت ليك عداد الكهربة – مستف كهربة.
جات من وين؟…ما عارف.
الكهربة دي جنت؟؟.
فتحت (الدولاب) لقيت ال (21) جلابية ..مغسلة ومكوية.
اتكوت متين ما عارف؟.
الله يسألني ما كانت (مكوية).
لمن الهلال يغلب (تمانية) – عصير الليمون بنعملو بدون (ليمون).
كمان (الليمون) مع (المرارة) البفقع فيها (الشيخ موكورو) نعمل بيه شنو؟.
غايتو شيخ موكورو دا – امس بكون دخل بي (سبحتو).
وابريقو.
بشه بي السماعة.
والشيخ موكورو بي السبحة.
الزول دا كان بعمل في عمائل – والله العظيم لمن شلت هم لي الجهاز الفني واحتياطي فريق الامير.
الناس ديل وقت كانوا بجيبوهم في (الكنبة) – كان بجيبوهم ليك زي بتاعين (تهريب البشر).
قراصنة بس.
قاطعين.
بجيبوهم ليك مخلوعين جنس خلعة.
غايتو الزول الكان واقف في الخط من ناس الامير – (التمانية) دي بتكون جابت ليه (تحرجل) في القصبة الهوائية.
ما تسألوني من (التحرجل) – عشان انا ذاتي ما عارفها ؟…لكن (القصبة الهوائية) ممكن اباصيها ليكم.
بمنطقها ليكم زي (الدُراش).
ما تسألوني اكتر من كدا.
جنكم اسئلة.
ما تبقوا لي زي امتحان الجغرافيا.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
وقت الهلال يغلب (تمانية) بنقيف في (الركن) – المريخاب بخلوا لينا (الشارع).
من يشوفنا – يتغابوا فينا العرفة.
عاد يقولوا شنو؟.
بقت عليهم (نسور) وخراب (امير).
يقولوا ليكم شنو؟.
يوصولها ليكم كيف؟.
يحلوها بي ياتو طريقة؟.
اقعد ليكم في الواطة دي – واشرحها ليكم قون – قون.
تمانية اقوان.
اسبوع المرور العربي في مارس؟.
البلد دي ما فيها (سمسم).
ما فيها (عدس).
تمانية كتيرة.
اي (غفير) مدرسة مفروض يفتحوا معاه (تحقيق).
بتاع (الفرن) ما يخلوه.
التمانية دي في (الرغيف) – الواحد وقت يقولوا ليه جيب ليك تمانية رغيفات بشوفها كتيرة.
قابلكم زول بيشتري ليه تماينة كيلو باسطة!!.
قابلتكم دي؟.
من الله خلقكم – لاقيتو ليكم زول شايل ليه تمانية كيلو موز!!.
يا جماعة الحقيقة – مفروض الزول يقولها.
كان على الامير.
وكان على النسور.
تمانية!!.
السماية ذاتها بيعملوها في سبعة!!.
غايتو اظن كدا – والله اعلم (طبق النيلين) دا امس حولتوه (شلق) ما (شرق).
بعدين يا ناس الامير ما كان تلبسو (ابيض).
امس كان تلبسو (احمر).
عشان التمانية تبقى منطقية.
الغريبة امس لا في مطرة.
ولا في كتاحة.
ولا في حُفر.
معقولة (ازمة الغاز) تعمل كدا؟!!.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
……….
و
هسع (الرصة) دي – الحفلة دي لو كان فيها (شيبوب) كان بتقيف في التمانية.
شيبوب لو نزل مع ناس بشه ديل (الطماطم) بتدق الدلجة.
بتنزل الواطة.
العنب ذاتو بيرخص.
العنب – العنب – العنب.
حالتها دي بدون (شيبوب).
العنب – العنب – العنب.
المباراة القادمة مع منو؟.
العنب – العنب – العنب.
التمانية القادمة ..تمانية ياتو فريق؟.
العنب – العنب – العنب.
وضحوا لينا الصورة.
عشان نبقى عارفين بس.
العنب – العنب – العنب.
عاوزين نفهم!!.
احكوا لينا.
قولوا لينا شوربة العدس ممكن تبقى بدون عدس.
غايتو امس جربنا اي حاجة.
العنب – العنب – العنب.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
………..
السيدة (ل) – افتحي ليك قوس واكتبي فيه (اسطوانة غاز) ، وما تجيبي سيرتي!!.
وقرّط على كدا.

حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore

انقر هنا لقراءة الخبر من مصدره.