سودارس : اي قون تجيبوه الليلة عندنا فيه (ربع رطل سكر)

شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه شاهد بالفيديو.. في ظهور مثير.. رجل يمسك بيد الفنانة هدى عربي كأنه عريسها ويدخل بها لقاعة الفرح والشائعات تلاحق السلطانة هل هو زوجها؟ شاهد بالفيديو.. حمزة عوض الله يهاجم الشاعرة داليا الياس بسبب تبادل السلام بالأحضان مع المطرب شريف الفحيل ويصف المدافعين عنها بأصحاب الفكر الديوثي بالصورة والفيديو.. على طريقة عاشق "عبير".. فتاة سودانية تصعد مكان مرتفع بمنزلها وترفض النزول دون تنفيذ مطالبها..شاهد رد فعل والدتها!! قوى سياسية في السودان تعلن عن مقاطعة مؤتمر في برلين عثمان ميرغني يكتب: حلفا .. والشمالية.. الكاف.. (الجهاز) في القاهرة و(الريموت كنترول) في الرباط الهلال يشكو لاعب نهضة بركان... وتحدٍ إداري جديد يلوح في الأفق وصول الفوج الرابع من اللاجئين السودانيين بيوغندا نبيل فهمي .. اختيار أمين عام جديد للجامعة العربية بإجماع عربي كامل مصادر تكشف تفاهمات سرية لوقف استهداف مطاري الخرطوم ونيالا المملكة مركز ثقل في حركة التجارة الدولية نتفليكس تزيل الستار عن أول صورة لشخصية جو كينيدى الأب فى مسلسلها الجديد الأهلي يرفض قطع إعارة كامويش وعودته للدوري النرويجى.. اعرف التفاصيل حقيقة مفاوضات بيراميدز مع أحمد القندوسى لضمه فى الصيف مصر.. الدولار يقترب من 54 جنيها لأول مرة دراسة: تناول 3 أكواب قهوة يوميًا يقلل القلق والتوتر عائلة الممثل الكورى لى سانج بو ترفض الإفصاح عن سبب الوفاة.. اعرف التفاصيل سارة بركة: أحمد العوضى مجتهد بشكل كبير وبيحب شغله جدا دار الأوبرا تحتفى بذكرى رحيل عبد الحليم حافظ بحفلين اليوم وغداً لوك غريب ل فتحى عبد الوهاب والجمهور يرد: هتعمل دور الملك رمسيس ولا إيه؟ وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد 7 عناصر غذائية يحتاجها الطفل فى سن المدرسة لدعم نمو وتطور الدماغ اختيار غير متوقع لمستقبل "الملك المصري" والي الخرطوم يعلن تركيب كاميرات رقابة حديثة في المعابر الحدودية التي تربط الولاية بالولايات الاخرى عاجل..بيان مهم للجيش في السودان وزير الشباب ووالي الخرطوم يشرفان ختام الفعاليات الرياضية بالشقيلاب هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اي قون تجيبوه الليلة عندنا فيه (ربع رطل سكر)

قوون نشر في قوون يوم 07 - 05 - 2016

* الكاردينال مسكين يبني في (الجوهرة الزرقاء) من جيبو..بدفع مليار ..مليار ..الحكومة قرش ما قدمتو ليه
* حاول اعلام المريخ (خطف) النفرة – زي ما بنسمع تماما في (خطف الثورة) وخطف (المشروع الحضاري)
* هسع النفرة دي لو كانت للمنتخب الوطني – ما في زول منكم كان بدفع ليه قرش
* دي (سخانة) يعملوا فيها (نفرة)...نفسكم سمحت ليكم كيف ؟..تعملوا ليكم نفرة للمريخ والبلد (كهربة) ما فيها

* في المريخ بتحصل حاجات غريبة.
* نحن الله قاعد يشوفنا منها.
* اعلام المريخ حتى (النفرة) التى قام بها مجلس المريخ – اراد ان يجردهم من (فضلها)...دا طبعا لو فيها (فضل).
* نفرتكم دي لا فيها (فضل).
* لا فيها (عباس).
* حاول اعلام المريخ (خطف) النفرة – زي ما بنسمع تماما في (خطف الثورة) وخطف (المشروع الحضاري).
* اعلام المريخ حاول ان يخطف (النفرة) ويعمل فيها انهم اصحاب فكرتها والمحرضون عليها.
* انتوا قايلنها (تسجيلات).
* اي حاجة عاوزين تكوشوا عليها.
* مجلس المريخ اصدر بيانا وقال فيه ان هذه (النفرة) حقتو براهو.
* تقول حاجة سمحة.
* وفي الحقيقة اعلام المريخ فشل في مشروع تحويل الرصيد (2780).
* الف جنيه من المشروع دا ما طلعوا بيها.
* لو عندكم فلاحة يا اعلام المريخ كان تعملوها في مشروع (تحويل الرصيد).
* بالمناسبة انا بعتبر ان علي جعفر هو السبب الاول والرئيس في فشل مشروع تحويل الرصيد.
* ح تقولوا لي علي جعفر ذنبو شنو؟.
* وما عندو قضية بالموضوع.
* ح اقول ليكم المشجع المريخي قدر ما يقول يحول ليه (5) جنيه لصالح المريخ (علي جعفر) يقوم (يقلش) الكورة.
* يقوم يصرجها.
* ويوديها الكشافات.
* المشجع يقوم يغيّر رأيو.
* كشافاتكم دي لو بتتكلم ..كانت قالت ليكم انا علي جعفر دا فترت منو.
* كان قالت ليكم انا علي جعفر دا جاب لي المصران العصبي.
* وقوّم علي القالون.
* الزول البكون عاوز يحول ليه (جنيه) ..وقت يشوف (التصريجة) دي – بقول والله (قرش) ما احولو ليكم.
* ما بتستاهلو.
* الظريف ان لاعب المريخ علي جعفر مطلق السراح في فترة التسجيلات القادمة قال ان الهلال اتصل به.
* وقال علي جعفر ان الاولوية عندو للمريخ.
* شوفوا الزول بسخن في سوقو كيف؟.
* نحن اصلو ما بنسخن ليك سوقك.
* ولا بنهببك.
* زول زي دا ما بنخش فيه.
* ولا بنكضب.
* لو ناس الهلال اتصلوا بيك يا علي جعفر – بكونوا عاوزين يشيلوا منك تلفون (ابراهومة) بعد ما شالو (شيبوب).
* الهلال يعمل بيك شنو يا علي جعفر؟.
* لا عندو مزرعة.
* ولا مصنع طحنية.
* نعمل بيك شنو؟.
* الهلال بفكر في اعارة مالك واتير توماس ...لاعبين يوزنوا علي جعفر (120) مرة.
* معقولة يعيروا اتير توماس ومالك ويجيبوا علي جعفر.
* ليه؟.
* مالنا؟...جنينا نحن؟.
* والله الكاردينال يعمل كدا – ها دا طرفنا منو.
* غايتو إلّا الكاردينال دا يكون عاوز يخرب (جوهرتو) بي ايدو.
* اقصد بي علي جعفر.
* يا علي جعفر ..كدا راجع تلفونك.
* شوف الرقم الجاك بيبدأ بي 09198....
* ناس الهلال ذاتهم ما عندهم رقم بالشكل دا.
* ناس الهلال ارقامهم كلها بتبدأ بي 09123...
* اي رقم خلاف البداية دي ..ما بخصنا.
* ولا بنعرفو.
* يكونوا ناس النسور.
* النيل شندي.
* المريخ الفاشر.
* مريخ نيالا.
* هلال شنو البتصل بيك يا علي جعفر وفي الهلال ثورة شباب شاملة.
* غايتو ناس الهلال لو اتصلوا بيك إلّا يكونوا عاوزين يضموك للجهاز الفني بتاع الشباب مع هيثم مصطفى وخالد جوليت.
* بعدين يا علي جعفر (والكلام دا ما يطلع من العمود دا) – نحن بعد (كشافاتنا) دي ..ما بنجيب لينا مدافع ساكت.
* يعني مدافع يوديها (الكشافات)...في (الكنبة) ما بنقعدو.
* لو ما خايفين على قلوب مشجعيننا – بنخاف على (كشافاتنا).
* انت قايل كشافاتنا (هملة) كدا – زي كشافاتكم – قدر ما تشوت فيها وتطفش الكورة عليها ما في زول بيسألك.
* ما في زول بقول ليك حاجة.
* نحن والله (كشافاتنا) غالية علينا.
* ولا بتستحمل البتعمل فيه دا يا علي جعفر.
* ولا بنجامل فيها.
* قال شنو قال؟.
* قال الهلال اتصل بيه.
* انت يا علي جعفر بعد العمر دا كلو ما قادر تفرز التلفون البيجيك من هلال الفاشر من التلفون البيجيك من الهلال.
* انت يا علي جعفر ما محظوظ.
* دا وقت تكون (مفكوك) فيه.
* ناس المريخ بلقطوا في القروش ب (النفرات).
* تفتكر بعد نفرة نائب الرئيس يا علي جعفر يعملوا ليك نفرة براك عشان يسجلوك بيها.
* نفرة نائب الرئيس قالوا المريخ طلع منها ب (10) مليار جنيه.
* دي (سخانة) يعملوا فيها (نفرة).
* 10 جنيه مع القطوعات دي كتيرة عليكم.
* نفسكم سمحت ليكم كيف ؟..تعملوا ليكم نفرة للمريخ والبلد (كهربة) ما فيها.
* الواحد بقى يخش البيت بالبطارية.
* تقول راكبين لينا قطر.
* الفريق القومي حقنا دا – قاعد يمثل جامعة الخرطوم؟.
* اشمعنا ما بتعملوا ليه (نفرة).
* بقت على المريخ يعني.
* ونحن (كهربة) ما عندنا.
* رئيس نادي المريخ المهندس اسامة ونسي اكد بأنهم في لجنة التسيير راضون عن أداء اللجنة ، وأكد بأن المريخ امام مباراة مهمة أمام الكوكب المراكشي تحتاج الوقوف خلف الفريق لأن المريخ يلعب باسم السودان.
* انتوا اسم السودان دا ما بتعرفوه إلّا في كورة المريخ.
* اسم السودان في (الكهربة) ما في.
* اسم السودان في المنتخب القومي ما قاعد.
* غايتو ديل بيستعملوا اسم السودان على كيفهم.
* وفي الوقت البريحهم.
* يا جماعة البلد دي فيها ازمة في اجهزة غسيل الكلي.
* وفي ادوية السرطانات.
* وفي الموية.
* والمواصلات.
* والكهربة.
* المشكلة ما في (الكورة).
* الكورة دي مفروض تجيب حقها براها.
* ما عاوزة ليها دعم منكم.
* اطلعوا منها انتوا بس.
* خلونا نلعب كورتنا بس.
* ما تستعملوا لينا (اسم السودان) في حاجات ساكت كدا.
* حاجات قاطعنها من رأسكم.
* لمن قرأت قائمة التبرعات – (تم فتح باب التبرعات حيث تبرع نائب الرئيس بمبلغ 2 مليار ومساعد الرئيس بمبلغ 100 مليون جنية ، وأعلن مساعد محافظ بنك السودان التبرع بمبلغ 2 مليار ، وأعلنت وزارة المالية بولاية الخرطوم التبرع بمبلغ مليار جنية وأعلن طارق حمزة مدير الشركة السودانية للاتصالات التبرع بمبلغ ملبار جنية ، وأعلن الأمين العام لاتحاد المصارف عن مبلغ 1.5 مليار عن عدد من البنوك ، والسيد جمال الوالي رئيس المريخ السابق بمبلغ 500 مليون جنية ورئاسة الشرطة بمبلغ 500 مليون جنية ، وأعلنت عدد من البنوك التي حضرت تبرعها بمبالغ متفاوتة العقاري والادخار والجزيرة والسعودي والثروة الحيوانية وكذلك جهاز المغتربين ، وتبرع عدد من اعضاء لجنة التسيير بمبالغ متفاوتة يتقدمهم رئيس المجلس بمبلغ 100 مليون جنية . وأعلنت صحيفة المريخ التبرع بمبلغ 50 مليون جنية . والصحفي مزمل ابوالقاسم عن مبلغ 100 مليون).
* قلت جمال الوالي يتبرع – علي كيفو.
* صحيفة المريخ تتبرع – واجب عليها.
* مزمل ابوالقاسم ..بي طريقتو.
* لكن المؤسسات التانية دي تتبرع – وفي الوقت دا ليه؟.
* عشان شنو؟.
* البنوك الدخلها في الموضوع دا شنو؟.
* بنك الثروة الحيوانية ..يا جماعة.
* جهاز المغتربين.
* اتحاد المصارف – معقولة بس.
* ما فضل ليكم إلّا تجيبوا ليكم تبرع من ديوان الزكاة.
* هسع النفرة دي لو كانت للمنتخب الوطني – ما في زول منكم كان بدفع ليه قرش.
* الغريبة ان وزارة المالية في ولاية الخرطوم اتبرعت ...والخرطوم (واط) كهربة ما فيها.
* والله الشغل بقى علاقات ساكت.
* واصحاب – اصحاب.
* والما بريدك في الضلمة يحدر ليك.
* بالمناسبة التبرعات دي كلها ح تمشي (التسجيلات).
* ما تسمعوا لي حكاية (الكوكب المراكشي) دي.
* يعني نفس هذه المؤسسات مفروض كلها تتبرع لاندية الممتاز نادي – نادي.
* مفروض تتبرعوا للموردة – الاصالة والعراقة.
* المهندس طارق حمزة مدير الشركة السودانية للاتصالات تبرع بمبلغ ملبار جنية.
* هذه شركة حقت الناس كلها.
* حقت السودان.
* اسمها الشركة السودانية.
* ما الشركة المريخية.
* الهلال عاوز (حقو).
* خاصة ان هذه الشركات كلها مدورة بفضل جمهور الهلال.
* عليكم الله لو ما ساي ..البنك العقاري الدخلو في الموضوع بتاع الكورة دا شنو؟.
* يا اخي بنك الثروة الحيوانية اتبرع!!.
* رئاسة الشرطة ذاتها اتبرعت ب (500) الف جنيه.
* ونحن بندفع في رسوم الرقم الوطني.
* وبندفع في رسوم الجواز.
* وكرت السفر.
* والتأشيرة.
* ورسوم العريضة.
* ورسوم الدعوى.
* والقروش في النهاية بتمشي للمريخ.
* كهربة ما عندكم.
* خلاص (النفط) انتهى.
* قبلوا على الرسوم التى نوردها للدولة.
* بقوا يجيبوها من البنوك وشركات الاتصالات والشرطة.
* والغايظني للمنتخب الوطني (قرش) ما بدفعو.
* لا نفرة ولا دفرة.
* ما في زول بيشتغل بيه.
* غايتو بناء على هذه (التبرعات)...نحن في كورة الليلة اي هلالابي عندو (ربع رطل) في اي قون يسجلو المريخ.
* والله حقنا في (الكورنر) ما بنخليه.
* الليلة يا هلالاب ادخلوا المباراة بي عين قوية.
* اقعدوا قدام.
* ما في زول بيسألكم.
* ما في زول بقول ليكم حاجة.
* القروش دي حقتكم.
* بتطلع من عيونك.
* وبتمشي للمريخ.
* .........
* ملحوظة : فريق بيلعب في (الترضية) بيعملوا ليه (نفرة).
هوامش
* سياسة الهلال في الحصول على كل مواهب الدرجة الاولى والثانية ..سياسة راشدة.
* وما فيها قرش من الحكومة.
* الكاردينال مسكين بيني في (الجوهرة الزرقاء) من جيبو..بدفع مليار ..مليار ..الحكومة قرش ما قدمتو ليه.
* والله دي حقارة عديل كدا.
* الكاردينال بيبني ليه في مؤسسة ..بتستفيد منها الدولة كلها.
* وما شفنا منها قرش.
* كنا ح نقول للكاردينال اعمل ليك (نفرة) للجوهرة.
* لكن نحن الكلام دا ما بنفع معانا.
* ولا بخارج.
* الجوهرة متكفل بيها الكاردينال براهو.
* قروش البنوك دي ..ما بتدخل علينا.
* الريدة مهاجم كوبر ..اي زول اشاد بيه.
* الهلال بقى عندو كشافين في الدرجات خطيرين.
* دا الشغل الصاح.
* لكن ملف المحترفين ..ما مقنع.
* حكاية محترف يعملوا ليه اختبارات فنية ..دا كلام ما نافع.
* ولا بنقتنع بيه.
* بكرة ان شاءالله نعود لهذا الموضوع.
* عاوزين محترفين من مطار الخرطوم (قونهم) يظهر.
* محترف يعملوا ليه اختبار دا لا محترف ولا حاجة.
* ملف المحترفين في الهلال مازال متأخر.
* ومازال الهلال يبحث فيه عن درجة القبول.
* الكاردينال فرصتو الاخيرة في المحترفين في هذه التسجيلات.
* عاوزين محترف اسم.
* .........
* عاجل : النفرة دي اوعكم تمشي لي شيبوب.

انقر هنا لقراءة الخبر من مصدره.