سودارس : الحمدلله ..شيبوب (عبر) بي سلام

شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر الدعم السريع يضع يده على مناجم الذهب بالمثلث الحدودي ويطرد المعدّنين الأهليين وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان مناوي: المدن التي تبنى على الإيمان لا تموت بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي تقارير تتحدّث عن قصف مواقع عسكرية في السودان بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالفيديو.. عودة تجار ملابس "القوقو" لمباشرة البيع بمنطقة شرق النيل بالخرطوم وشعارهم (البيع أبو الرخاء والجرد) ((سانت لوبوبو الحلقة الأضعف)) مانشستر يونايتد يتعادل مع توتنهام شاهد بالفيديو.. مودل مصرية حسناء ترقص بأزياء "الجرتق" على طريقة العروس السودانية وتثير تفاعلا واسعا على مواقع التواصل بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بالصور.. أشهرهم سميرة دنيا ومطربة مثيرة للجدل.. 3 فنانات سودانيات يحملن نفس الإسم "فاطمة إبراهيم" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الحمدلله ..شيبوب (عبر) بي سلام

قوون نشر في قوون يوم 15 - 05 - 2016

زول بتحرك في اربعة مطارات من غير (اوراق ثبوتية) ...غالبو يتحرك بي (الرباط الصليبي)
"""""""""""""""""""
لمن انتقل شيبوب الى (شبيبة القيروان) قلنا ليهم في هذه المساحة (ولد متين بقى للسفر والاغتراب والدردرة)
"""""""""""""""""""""
مجلس جمال الوالي شاف قيمة (اورنيك اللاعب المحترف) كتيرة على لاعب في موهبة وقيمة شرف شيبوب
"""""""""""""""""""""""""""
نحن الوقت داك قلنا ليهم كورة شيبوب ما عبرت..لكن هسع وقت شفنا الكورة تاني في (اليوتيوب) لقيناها حقيقة كدا عبرت
""""""""""""""""""""""
• قصة (شرف شيبوب) قصة غريبة من يومها...قصة فيها (غُلاط) كتير.
• عبرت ما عبرت..عبرت ما عبرت ..عبرت ما عبرت.
• بصم ما بصم.
• هذا المنوال يحكي قصة شيبوب ويلخص حكايته.
• الولد دا من صغرو قالوا كدا (عبرت وما عبرت) – بحب الشقاوة والجري الكتير...زول متمرد وبيعلن العصيان في اي حتة يمشي ليها.
• عندو رأي في اي حاجة.
• يا تمشي معاه عديل ..يا ما بقعد ليكم.
• عبرت ما عبرت..عبرت ما عبرت ..عبرت ما عبرت.
• بصم ما بصم.
• تنقل شرف شيبوب بين المهدية والموردة والمريخ وشبيبة القيروان في فترة قصيرة.
• وناس مزمل بتفرجوا.
• في زول زي دا بخلوه (هاوي).
• الهاوي منو فيكم عليكم الله.
• كان في كل موسم له كان بيضع (بصمة) واضحة مع فريقه وبيمشي حتة تانية...عاوز يشوف مستقبلو ويشق طريقو براهو.
• لعب مع المريخ امام اتحاد العاصمة في الجزائر.
• الجزائر كلها بتتكلم عن هدفو (عبرت وما عبرت).
• خلوا احلام مستغانمي وبقوا يتكلموا عن هدف شيبوب.
• بلد المليون شهيد فكوا المليون شهيد ومسكوا ليك في (عبر وما عبرت).
• بصم ما بصم.
• الجرايد.
• الفضائيات.
• الوكالات.
• الواتسابات.
• الناس القاعدة في ركن الدكان.
• القاعدين تحت العمود.
• في اللستك.
• عبرت ما عبرت..عبرت ما عبرت ..عبرت ما عبرت.
• بصم ما بصم.
• نحن الوقت داك قلنا ليهم كورة شيبوب ما عبرت..لكن هسع وقت شفنا الكورة تاني في (اليوتيوب) لقيناها حقيقة كدا عبرت.
• ما بنكضب نحن.
• الحقيقة دي بنقولها!!.
• اذا شيبوب ذاتو (عبر)...كورتو معقول يعني ما تكون عبرت.
• انتوا بتتكلموا ساكت.
• كان عندو طموح كبير – عشان كدا ما بقعد في حتة واحدة ولا بصبر.
• ولا عندو وقت للكلام دا.
• الولد قال يسافر يلعب (محترف) ..عاوز يخلي الكورة ليه (اكل عيش)...حكاية (هاوي) دي بقت ما لائقة معاهو.
• لمن انتقل شيبوب الى شبيبة القيروان قلنا ليهم في هذه المساحة (ولد متين بقى للسفر والاغتراب والدردرة).
• لكن ما بسمعو الكلام.
• أهو شيبوب سافر وجاء.
• رجع للهلال بالقانون.
• بالباب عديل.
• لا تلب ليه من طابق ...لا نزل بالشباك.
• شيبوب من يومو ارتبط بهذا (الغلاط)...لم يفارقه هذا (الجدل) الذي كان يضعه اينما حل.
• عبرت ما عبرت..عبرت ما عبرت ..عبرت ما عبرت.
• حوله دائما هذا الصراع.
• دائما الناس مختلفين معاه.
• تعالوا شوفوا قصة الزول دا وركزوا معاي – عشان الكلام دا تاني ما بعيدو ليكم.
• ما بقولوا مرتين.
• ما عندي ليكم وقت.
• شيبوب عندما كان في المريخ كان يلعب (هاويا)...الاختلافات والصراعات حوله كانت في تحويله من لاعب (هاوي) الى لاعب (محترف).
• هاوي ما هاوي..محترف ما محترف.
• عبرت ما عبرت..عبرت ما عبرت ..عبرت ما عبرت.
• بصم ما بصم.
• مجموعة في مجلس المريخ وقتها برئاسة جمال الوالي كانت بتنظر الى ان يترك شيبوب على ما هو عليه.
• كانوا بقولوا خلوه (هاوي) – الولد مسكين ..ما في زول جايب خبرو ..والاعلام ما شغال بيه كتير.
• ومجموعة تانية في المريخ كانت بترى ان عقد اللاعب لا بد ان يغير ليصبح لاعب (محترف) ، لأن اللاعب موهبة حقيقة وصغير في السن.
• عندما انتصر هذا الرأي وقرروا ان يحولوه الى لاعب (محترف) جلس معاه الفريق طارق عثمان وقت كان جمال الوالي رئيسا.
• الفريق طارق عثمان ما اتفق مع شيبوب ..مجلس جمال الوالي شاف قيمة (اورنيك اللاعب المحترف) كتيرة على لاعب في موهبة وقيمة شرف شيبوب.
• هسع بقت ليهم حارة.
• عبرت ما عبرت..عبرت ما عبرت ..عبرت ما عبرت.
• بصم ما بصم.
• جاء مجلس اسامة ونسى وجلس مع شرف شيبوب عبدالتام وابوجريشة وبدلا من ان يتفقوا مع شيبوب ...استفزوه وسخروا منه.
• شيبوب كان قد طالب ب (800) مليون جنيه في الموسم وقت شاف الجماعة رافعين عليه القزاز.
• محي الدين عبدالتام قال ليه 800 مليون يدوك ليها انت!!؟.
• الوقت داك الكاردينال كان متابع للملف.
• وعارف اي حاجة.
• وما في اي زول في الاعلام جايب سيرة.
• الناس كلها عاملة نائمة.
• الكاردينال عرف الموضوع دا من وين ما عارف؟.
• عبرت ما عبرت..عبرت ما عبرت ..عبرت ما عبرت.
• بصم ما بصم.
• شرف شيبوب اكمل المهمة بنجاح تام بعد ان لم ينجح مجلس المريخ في فترة جمال الوالي وفي فترة اسامة ونسى من تحويل عقد اللاعب من (هاوي) الى (محترف).
• الكاردينال كان عارف اي حاجة.
• وعامل فيها ما عارف شيء.
• الكاردينال ما بخلي حقو.
• الكاردينال قال ليهم بكري المدينة شلتوه (مفكوك)...نحن شيبوب بنشيلو بي (قيدو).
• بكري المدينة شلتوه من برة ...شيبوب بنشيلو من الكشف.
• من جوة.
• انتهى فصل اخر في خيارات شيبوب ..من تحويل العقد من لاعب (هاوي) الى لاعب (محترف).
• بعد اجتماعات مجلس المريخ مع شيبوب وفشلهم في الاتفاق معه ...شيبوب الحريف ظهر ليك مع الكاردينال.
• ويا ريت لو ظهر ساكت.
• ظهر لابس (الكسكتة).
• يعني الموضوع انتهى.
• شيبوب اتشفر خلاص.
• وسافر شيبوب الى جنوب السودان ليلعب في الملكية جوبا.
• ناس المريخ جن جنونهم.
• القعدة غلبتهم.
• النوم طار من عينهم.
• خشمهم بقى ملح ..ملح.
• ناس المريخ بدل ما يلبدوا ويعملوا رايحين طالما شيبوب ذاهب ليلعب في دولة لا تطبق نظام الاحتراف ...مشوا لحقوا شيبوب في جوبا.
• الخفة كعبة.
• الخفة في الكورة ما سمحة.
• يعني هسع لو شيبوب كان بيلعب في جوبا – كان يمكن ان يرجع ويلعب في المريخ.
• وكان على الاقل لن يستطيع ان يلعب في الهلال.
• لكن عشان (النية ما سليمة)..جماعتنا ديل مشوا خطفوه من جوبا.
• عملوا ليهم خطة اسمها (الذراع الطويل).
• دخلوا ليك فيها مزمل ابوالقاسم وسفارة الجنوب في الخرطوم وسفير السودان في القاهرة.
• عملوا ليهم (نفرة) لاعادة شيبوب.
• خلوا ليك شيبوب يتلب من الطابق الرابع – الساعة اتنين صباحا.
• سفروا ليه محي الدين عبدالتام عشان يرجع بيه للخرطوم.
• حاموا بيه عبر اربع مطارات من غير اوراق ثبوتية.
• جابوه الخرطوم الساعة اربعة صباحا.
• اتصور معاه عبدالتام في مطار الخرطوم.
• وساقوه صوروه مع اسامة ونسى.
• اتصوروا معاهو وفكوه.
• ناس الهلال المرة الاولى كان شالوه من استاد المريخ.
• من النادي.
• المرة دي حسن علي صالح مشى ليه في البيت.
• ساقو من اهلو وفي حضرة بودي قارد فريق المريخ.
• فطورهم ما كملوه.
• شالوه من (البيت).
• بالباب عديل كدا.
• بالقانون.
• عبرت ما عبرت..عبرت ما عبرت ..عبرت ما عبرت.
• بصم ما بصم.
• وفي الوقت الذي كان بتبجح فيه اعلام المريخ ويظهر في العنتريات الكضابة ..كان مجلس المريخ بعلن عن مهرجان للمريخ في وجود شيبوب.وقتها شيبوب كان مع الكاردينال في قاردن سيتي.
• ناس المريخ بيعلنوا عن مهرجان بي شيبوب ..زي الحفلة بي وردي ..وشيبوب مع ناس الهلال.
• المهرجان طرشق.
• حفلة لا فيها فنان.
• ولا فيها عريس.
• بتنجح كيف يعني.
• ناس المريخ تاني جن جنونهم ..وتاني دوروا لينا (غلاط).
• قالوا شيبوب ما بيلعب في الهلال.
• الكاردينال قال ليهم اول القال ليكم عاوزو يلعب في الهلال منو؟.
• فصل جديد من (الغلاط) انتهى.
• ناس المريخ فكوا شيبوب مرتين.
• مرة عندما سجلوه في كشف المريخ (هاوي).
• ومرة تانية عندما خطفوه من جوبا وما اتفقوا معاه ولا حافظوا عليه.
• عليكم الله انتوا الزول دا خطفتوه من جوبا وخلتوه يتلب من الطابق الرابع وحمتوا بيه في اربع مطارات عشان تصوروا معاه في مطار الخرطوم ومنزل اسامة ونسى.
• اللفة الطويلة دي عشان مزمل ابوالقاسم يقعد يتفاصح ..وسلك يمد لسانو قدر كدا.
• المريخاب بعد ان فقدوا شيبوب للمرة الثانية ..قالوا احسن نقول مصاب وعندو صليب رباطي.
• فكروا يخففوا الصدمة على المريخاب ب (الرباط الصليبي).
• وهو القفز ليهم من الطابق الرابع.
• وهو الحام ليهم في مطارات اربع دول من غير اوراق ثبوتية.
• لو الزول دا بعمل الحاجات دي كلها بي (رباطه الصليبي) يبقى في الملعب نحن ما عاوزين منو اكتر من كدا.
• زول بتحرك في اربعة مطارات من غير اوراق ثبوتية ...غالبو يتحرك بي (الرباط الصليبي).
• عبرت ما عبرت..عبرت ما عبرت ..عبرت ما عبرت.
• المريخاب قاعدين كدا.
• شيبوب ظهر ليهم في تونس.
• قالوا دا شنو دا؟ ..الزول دا مرة يظهر في قاردن سيتي ومرة يظهر في جوبا ومرة يظهر في تونس.
• جماعتكم قالوا في تونس ما بيلعب.
• نحن بنمشي (الفيفا).
• عليكم الله لو مشيتوا الفيفا شيلوا ليكم معاكم (صينية لقيمات).
• اللقيمات البتعملوها لينا هنا في الفيفا ما بتنفع.
• شيبوب لعب في شبيبة القيروان.
• ما في زول قدر يقول ليه حاجة.
• عبرت ما عبرت..عبرت ما عبرت ..عبرت ما عبرت.
• بصم ما بصم.
• وقت شافوه بيلعب في تونس كاول محترف سوداني يلعب في الدوري التونسي ...قالوا ما بيلعب في السودان.
• شبيبة القيروان نحن ما عندنا معاها مشكلة.
• جماعتكم قاعدين كدا.
• شيبوب ظهر ليهم في الاكاديمية بتاعة الاتحاد.
• ناس هيثم كابو اتهجموا ..ما صدقوا.
• قالوا دا شنو كمان؟.
• دا طلع لينا من وين؟.
• عبرت ما عبرت..عبرت ما عبرت ..عبرت ما عبرت.
• بصم ما بصم.
• وقع في كشوفات الهلال ...وناسكم دوروا ليك.
• البقول ليك ما بلعب في الهلال.
• والبقول ليك بنمشي الفيفا.
• والبقنع خلاص من موقفو القانوني بقول ليك عندو رباط صليبي.
• شيبوب الآن في الهلال بحمدالله.
• عبر بنجاح تام من المريخ الى جوبا الى تونس الى الهلال.
• نحمد الله على ذلك.
• ونشكر الكاردينال في الشغل الكبير دا.
• ونقول ليه رديت الصاع صاعين.
• وقلعت حقك من كشف المريخ.
• وعلى عينك يا تاجر.
• وبي القانون.
• شيبوب ان شاءالله سوف يظهر مع الهلال يوم 20 يونيو.
• يوم 20 يونيو بتشوفوه في وسط الهلال.
• لو عندو رباط صليبي.
• لو عندو مشكلة قانونية.
• كل الحاجات دي بتعرفوها يوم 20 يونيو.
• بعد 35 يوم تعالوا استاد الهلال لو مكضبين.
• ان شاءالله وباذن الله تشوفوا (شيبوب) مع الهلال.
• عبرت ما عبرت..عبرت ما عبرت ..عبرت ما عبرت.
• بصم ما بصم.
• .......
• ملحوظة : تاني في حاجة.
هوامش
• عملية شيبوب هي الخبطة الاكبر في التسجيلات.
• ليست في هذه التسجيلات وحدها – بل في كل فترات التسجيلات السابقة.
• لذلك لا بد من الاشادة بالكاردينال في هذا الموقف.
• دا شغل كبير اوي.
• وكدا الكاردينال شغال صاح.
• نحن حقنا ما بنخليه.
• هلالاب والحمدلله.
• ما في اعظم من كدا.
• تسجيلات ما فيها اي كلام.
• بس الله يجيب لينا يوم 20 يونيو.
• اضافة رمضان كابو لكشف الهلال (الرديف)..خبطة اخرى في التسجيلات.
• ادارة مريخ كوستي تستحق التقدير على هذا التعامل وهى تحقق للاعب رغبته.
• ..........
• عاجل : المريخابي الايامات دي لو قال ليك عندو (صداع) شديد ..اعرف صداعو من شنو؟.

انقر هنا لقراءة الخبر من مصدره.